Just In
- 1 hr ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- 1 hr ago எவ்வளவு பெரிய கிரிக்கெட்டர், குழந்தை போல் ராயல் என்ஃபீல்டு பைக்கில் ரைடு!! ஓட்டி பார்த்த பின் அவர் சொன்னது...
- 3 hrs ago உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
- 3 hrs ago தேர்தல் வர நேரத்துல பிரம்மாஸ்திரத்தை கையில எடுத்துட்டாங்க! சுங்கசாவடிகளை தூக்க முடிவு பண்ணிட்டாங்க!
Don't Miss!
- News திருச்சி நபர் உள்பட 3 பேர் பலி! சென்னையை அதிரவைத்த கேளிக்கை விடுதி விபத்து! நடந்தது என்ன? பரபர தகவல்
- Lifestyle உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
வாழ நினைத்தால் வாழலாம்... கொரோனா நெருக்கடியை வென்ற கார் ஓட்டுநரின் சமயோஜித சிந்தனை!
பல லட்சம் மதிப்புள்ள கார் ஒன்று கரும்பு ஜூஸ் கடையாக மாற்றப்பட்டுள்ளது. இதுகுறித்த கூடுதல் தகவலை தொடர்ச்சியாக காணலாம்.
ஒற்றை உயிர் கொல்லி வைரஸ் கொரோனாவால் இந்த ஒட்டுமொத்த உலகமே ஸ்தம்பித்து நிற்கின்றது. குறிப்பிட்டு கூற வேண்டுமானால் வழக்கமான இயல்பு நிலைக்கு திரும்ப முடியாமல் உலக நாடுகள் பல திணறி வருகின்றன. முக்கியமாக மக்கள் இதனால் கடுமையான பாதிப்பிற்குள்ளாகியுள்ளனர். வைரஸ் பரவல் அச்சுறுத்தல் காரணமாக ஒவ்வொருவரும் வீட்டுக்குள்ளேயே முடங்கிக் கிடக்கும் சூழல் ஏற்பட்டுள்ளது.
இதனால், வருமானமின்றி வறுமையின் விளிம்பிற்கு பலர் தள்ளப்பட்டுள்ளனர். குறிப்பாக, கூலித் தொழிலாளர்கள் மற்றும் வாகன ஓட்டுநர்களின் நிலை மிகவும் கவலைக்கிடமானதாக மாறியுள்ளது. கொரோனா வைரஸ் பரவ ஆரம்பித்த முதல் நாளில் இருந்தே பொதுபோக்குவரத்து வாகனங்கள் முடக்கப்பட்டுவிட்டன.
இதில் விமானம், ரயில் மற்றும் அரசின் பொதுபோக்குவரத்து வாகனங்கள் மட்டுமின்றி தனியார் வாடகை வாகனங்களான ஆட்டோ மற்றும் கால் டாக்சி சேவையும் அடங்கும். இதனால், தனியார் நிறுவனங்களில் ஓட்டுநர்களாக பணி புரிந்தவர்கள் மற்றும் வங்கியில் லோன் எடுத்து கால் டாக்சி சேவையில் கார்களை இயங்குவந்தவர்கள் என அனைவரும் பெருத்த அடியை வாங்கினர்.
அனைத்து போக்குவரத்தும் நிறுத்தப்பட்டதால் மக்கள் வரத்து குறைந்து வருமானம் அதளபாதாளத்திற்கு தள்ளப்பட்டது. இதனால், ஓட்டுநர்களின் நிலை கேள்விக் குறியாகவே மாறியது. இவர்களில் பலர் அன்றாட வருமானத்தை நம்பியே பிழைப்பை நடத்தி வந்தவர்கள் என்பது நாம் மறுக்க முடியாத ஓர் உண்மை ஆகும்.
எனவே, காருக்கான லோனைக் கட்டுவது முதல் வீட்டு வாடகை செலுத்துவது வரை அனைத்து தரப்பிலும் அவர்களுக்கு அழுத்தமே நிலவ ஆரம்பித்துள்ளது. இம்மாதிரியான சூழ்நிலையில்தான் தெலங்கானா மாநிலம், ஹைதராபாத்தைச் சேர்ந்த ஓர் காப் டிரைவர் சம்பாதிப்பதற்காக புதிய வழி ஒன்றை தேர்வு செய்துள்ளார். இதுகுறித்து ஈடி ஆட்டோ தளம் வெளியிட்டுள்ள தகவலைதான் இந்த பதிவில் நாம் பார்க்கவிருக்கின்றோம்.
ஹைதராபாத்தின் நரபள்ளி பகுதியைச் சேர்ந்தவர் மஹேஸ்வரம் பிரபாகர். சுமார் 40 வயது மதிக்கத்தக்க இவர், கடந்த 13 வருடங்களுக்கும் மேலாக ஐடி கம்பெனி ஒன்றில் டிரைவராக பணி புரிந்து வந்துள்ளார். கொரோனா வைரஸ் காரணமாக அனைத்து ஊழியர்கள் ஒர்க் ஃப்ரம் ஹோம் திட்டத்தின் அடிப்படையில் அவரவர்களின் சொந்த ஊருக்கு அனுப்பி வைக்கப்பட்டுவிட்டனர்.
இதனால், தற்போது அலுவலகம் இயங்காத நிலையேக் காணப்படுகின்றது. இதனால், அந்த நிறுவனத்திடம் காரை ஓட்டி வந்த அனைத்து டிரைவர்களின் வருமானமும் கேள்விக் குறியாக மாறியது. அதில் ஒருவரே இந்த மஹேஸ்வரம் பிரபாகர்.
தன்னுடைய வருமானம் கேள்விக் குறியானதை அடுத்து, அவர் பல நாட்கள் வீட்டிலேயே இருக்கும் நிலை ஏற்பட்டுள்ளது. மேலும், அவர் வைத்திருக்கும் இன்னோவா க்ரிஸ்டா எம்பிவி காருக்கு மாதம் ரூ. 16,500 வரை இஎம்ஐ செலுத்தியாக வேண்டும். இத்துடன் குடும்ப செலவும் சேரும்.
இவ்வாறு அனைத்து தரப்பிலும் சிக்கிக் கொண்ட மஹேஸ்வரம் பிரபாகர்தன், மாற்று சிந்தனையாக தனது காரையே கரும்பு ஜூஸ் கடையாக மாற்றி இரண்டாவது வருமானத்தை நோக்கி நகர்ந்துள்ளார். இவரின் இந்த முயற்சி தற்போது வேலையில்லாமல் வறுமையில் தவித்து வரும் இளைஞர்களுக்கு முன்னுதாரணமாக அமைந்துள்ளது.
இவர், தற்போது நரபள்ளி அருகே உள்ளஅவுட்டர் ரிங் ரோடு சாலைக்கு வெளியே இந்த கடையை நடத்தி வருகின்றார். தேவைப்படும்போது, அதாவது சவாரி வரும்போது காரின் பின் பக்க கதவை மூடிவிட்டு பயணிக்க தொடங்கிவிடுகின்றார் மஹேஸ்வரம்.
இதுகுறித்து மஹேஸ்வரம் பிராபகர் கூறியதாவது, "கடந்த மூன்று மாதங்களாக, எனது நிதி நிலை மிக மோசமானதாக மாறிவிட்டது. மாற்று வாழ்வாதாரதத்தைத் தேடுவதைத் தவிர வேறு வழியில்லை. எனக்கு மனைவி மற்றும் இரண்டு குழந்தைகள் இருக்கின்றனர். அவர்களுக்காகவாது நான் சம்பாதித்தே ஆக வேண்டும்" என சோகத்துடன் தெரிவித்தார்.
தொடர்ந்து, "எனது வண்டியின் கடன் தவணைகள், சாலை வரி, எரிபொருள் மற்றும் பராமரிப்பு உள்ளிட்ட பல்வேறு செலவுகள் இருக்கின்றன. எனவேதான் உயிர் வாழ இந்த ஜூஸ் கடையைத் தொடங்கியுள்ளேன். இதைத் தவிர எனக்கு வேறு வழியில்லை" என உருக்கமான கதையை பகிர்ந்துகொண்டார்.
தற்போது மஹேஸ்வரம் பிராபகரைப் போலவே ஒரு சிலர் தங்களது வாகனங்களை மாற்றம் செய்து இரண்டாம் தொழிலுக்கான வழியை மேற்கொண்டு வருகின்றனர். அந்தவகையில், பழக்கடை ஆரம்பிப்பது முதல் மாஸ்க் விற்பனை வரை வித்தியாசமான தொழில்கள் பலவற்றை காரைக் கொண்டு கார் டிரைவர்கள் மேற்கொண்டு வருகின்றனர்.
-
யமஹா ஆர்.எக்ஸ் பைக்கை வைத்திருப்பவங்க கவனத்துக்கு!! என்ஜின் பவரை அதிகமாக்க சூப்பரான ஐடியா!
-
சீன நிறுவனம் காரையே புளிப்பு மிட்டாய் கணக்கா உற்பத்தி பண்ணிட்டு இருக்கா.. நம்பவே முடியல 7 மில்லியனை தொட்ருச்சு
-
பேடிஎம் ஆப் மூலம் இனி ஃபாஸ்ட் டேக் கார்டுகளை ரீசார்ஜ் செய்யலாம்! வந்துவிட்டது புதிய வழி