Just In
- 51 min ago பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- 1 hr ago 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- 2 hrs ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 3 hrs ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
Don't Miss!
- News அப்பாடா..ஒரு வழியா முடிஞ்சது! ரிலாக்ஸ் ஆகும் தலைவர்கள்! அடுத்து ’இந்த’ ப்ளான் தான்! இனி ரொம்ப பிசி.!
- Movies பண்றது எல்லாமே திருட்டுத்தனம்.. கணவருடன் சேர்ந்து கொண்டு பிரபல நடிகை பார்த்த வேலை.. ஒரே அசிங்கம்?
- Lifestyle தக்காளி சட்னி செய்யும் போது இந்த ஒரு பொருளை மட்டும் அதிகமா சேர்த்துக்கோங்க.. டேஸ்ட் சூப்பரா இருக்கும்..
- Technology ஆர்டருக்கு மேல ஆர்டர்.. ரூ.9000 பட்ஜெட்ல 12GB ரேம்.. 50MP கேமரா.. 33W சார்ஜிங்.. 5000mAh பேட்டரி.. எந்த மாடல்?
- Sports மொத்த பேட்டிங் ஆர்டரும் மாறிப்போச்சு.. ருதுராஜ் செய்த சொதப்பல்.. சிஎஸ்கே தோல்விக்கு காரணம் என்ன?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அடுத்த லெவலுக்கு போன பிரம்மாண்டம்... சொக்க வைக்கும் புதிய கியா கார்னிவல்!
புதிய தலைமுறை கியா கார்னிவல் காரின் படங்கள் அதிகாரப்பூர்வமாக வெளியிடப்பட்டுள்ளன. கார்னிவல் காரின் நேர்த்தியும், பிரம்மாண்ட்டத்தையும் கியா மோட்டார் அடுத்த லெவலுக்கு கொண்டு சென்றுள்ளது இந்த படங்கள் மூலமாக தெரிகிறது. கூடுதல் விபரங்கள், புதிய தலைமுறை கார்னிவல் காரின் படங்களை தொடர்ந்து பார்க்கலாம்.
கியா மோட்டார் நிறுவனத்தின் மிகவும் வெற்றிகரமான சொகுசு ரக எம்பிவி கார் மாடலான கார்னிவல் உலகின் பல்வேறு நாடுகளில் விற்பனை செய்யப்படுகிறது. கடந்த பிப்ரவரி மதம் இந்தியாவிலும் விற்பனைக்கு கொண்டு வரப்பட்ட கார்னிவல் கார் வாடிக்கையாளர்கள் மத்தியில் பெரும் வரவேற்பை பெற்றிருக்கிறது.
இந்தியாவில் கார்னிவல் என்ற பெயரில் விற்பனையாகும் இந்த கார் மாடல் வெளிநாடுகளில் கியா செடோனா என்ற பெயரில் விற்பனையில் உள்ளது. தற்போது இந்தியா உள்ளிட்ட அனைத்து நாடுகளிலும் மூன்றாம் தலைமுறை மாடலாக விற்பனை செய்யப்படுகிறது.
இந்த நிலையில், சந்தைப் போட்டியையும், வாடிக்கையாளர்களின் எதிர்பார்ப்பையும் மனதில் வைத்து கியா கார்னிவல் கார் முற்றிலும் புதிய தலைமுறை மாடலாக மாற்றம் செய்யப்பட்டு உள்ளது. அண்மையில் டீசர் வெளியிடப்பட்டது.
உலக அளவில் வாடிக்கையாளர்களின் மத்தியில் அதிக எதிர்பார்ப்பை இந்த நான்காம் தலைமுறை கியா கார்னிவல் கார் ஏற்படுத்தி உள்ளது. இந்த சூழலில், தற்போது முதல்முறையாக நான்காம் தலைமுறை கார்னிவல் காரின் படங்கள் அதிகாரப்பூர்வமாக வெளியிடப்பட்டுள்ளன.
வெளிப்புறம் மற்றும் உட்புற வடிவமைப்பு முற்றிலும் மாறுபட்ட நிலையில், பாரம்பரிய டிசைன் மற்றும் தோற்றத்தை தக்க வைக்கும் வகையில் வெகு நேர்த்தியாக கியா மோட்டார் நிறுவனம் இந்த காரை மேம்படுத்தி உள்ளது. பழைய காரில் இருந்த நளினமான வடிவமைப்பு அம்சங்கள் தற்போது சதுர வடிவிலான தோற்றத்தை தரும் வகையில் இருப்பதுடன், மிக மிக நேர்த்தியாக தெரிகிறது.
கியா மோட்டார் நிறுவனத்தின் பாரம்பரியமான புலி மூக்கு வடிவ க்ரில் அமைப்பும் மிகச் சிறப்பாக மாற்றப்பட்டு இருக்கிறது. தற்போது அதில் இருக்கும் வலை பின்னல் அமைப்பும், வடிவில் சிறியதாகவும் வசீகரமாகவும் மாறி இருக்கும் எல்இடி விளக்குகளுடன் ஹெட்லைட் க்ளஸ்ட்டர் மற்றும் பகல்நேர விளக்குகளின் டிசைன் ஆகியவை ஒரே இணைப்பில் உள்ளது போன்று மிக அட்டகாசமாக டிசைன் செய்யப்பட்டு இருக்கிறது.
காரின் முகப்புக்கு மேலும் வலு சேர்க்கும் விதத்தில் வலிமையான பம்பர், பானட், புதிய அலாய் வீல்கள், கான்ட்ராஸ்ட் பூச்சுடன் சி பில்லர் ஆகியவற்றுடன் வசீகரிக்கிறது. பின்புறத்தில் டெயில் லைட் க்ளஸ்ட்டர்கள் ஒரே சட்டத்தில் இணைக்கப்பட்டு சொகுசு கார் போல தோற்றமளிக்கிறது. பம்பர் பிரம்மாண்டத்தை அதிகரிக்கிறது. உட்புறத்திலும் பல்வேறு மாறுதல்களுடன் அடுத்த நிலைக்கு இந்த கார் கொண்டு செல்லப்பட்டு இருக்கும் என்று எதிர்பார்க்கப்படுகிறது.
புதிய கியா கார்னிவல் காரில் இடம்பெற இருக்கும் எஞ்சின் தேர்வுகள் குறித்த தகவல் இல்லை. ஆனால், தற்போதைய மாடலில் இருக்கும் 2.2 லிட்டர் டீசல் எஞ்சின் தேர்வு தக்க வைக்கப்படும் என்று தெரிவிக்கப்படுகிறது. சில நாடுகளில் இந்த காரில் 2.5 லிட்டர் பெட்ரோல் எஞ்சின் மற்றும் 1.6 லிட்டர் பெட்ரோல் எஞ்சின் மற்றும் மின் மோட்டார் இணைக்கப்பட்ட ஹைப்ரிட் மாடல்களிலும் விற்பனை செய்யப்படுகிறது.
அடுத்த ஆண்டு புதிய தலைமுறை கார்னிவல் காரை தனது தாயகமான தென்கொரியாவில் அறிமுகம் செய்ய கியா மோட்டார் திட்டமிட்டுள்ளது. அடுத்த ஆண்டு இறுதியில் அல்லது 2022ம் ஆண்டு இந்தியாவில் இந்த புதிய தலைமுறை கார்னிவல் கார் வரும் என்று எதிர்பார்க்கலாம். இந்த கார் சொகுசு கார்களுக்கு இணையான அம்சங்களையும், மிகச் சரியான விலையிலும் இருக்கும் என்பதால், வாடிக்கையாளர் வட்டத்தை அதிகரிக்கும் என நம்பலாம்.