Just In
- 36 min ago வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
- 3 hrs ago ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- 4 hrs ago ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- 6 hrs ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
Don't Miss!
- News அள்ள அள்ள தங்கம்.. பளபளன்னு ஜொலித்த நகைகள்.. திருவண்ணாமலை பேங்க்கில் நுழைந்த ஆபீசர்ஸ்.. அடக்கடவுளே
- Movies ரஜினிகாந்த்தின் கூலி.. லோகேஷ் கனகராஜுக்கு இவ்வளவு சம்பளமா?.. அய்யோ எங்கேயோ போய்ட்டாரே
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்.. சான்ஸைமிஸ் பண்ணிடாதீங்க..!
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
திரும்பி பார்ப்போம்... கியா சொனெட் முதல் புதிய ஹூண்டாய் ஐ20 வரை... 2020ம் ஆண்டை தெறிக்க விட்ட கார்கள்...
ஒரு வழியாக 2020ம் ஆண்டின் இறுதி கட்டத்தை நாம் எட்டியுள்ளோம். புத்தாண்டு பிறக்க இன்னும் சில நாட்கள் மட்டுமே உள்ள நிலையில், நடப்பாண்டில் அறிமுகம் செய்யப்பட்ட புதிய கார்கள் குறித்த தகவல்களை டிரைவ்ஸ்பார்க் தமிழ், வாசகர்களுக்கு வழங்கி வருகிறது. இதன் முதல் பகுதியை கடந்த சில நாட்களுக்கு முன் பிரசுரித்தோம். இது இரண்டாவது மற்றும் கடைசி பகுதி. நடப்பாண்டில் விற்பனைக்கு அறிமுகம் செய்யப்பட்ட அனைத்து கார்களையும் வழங்க முடியாது என்பதால், மிகவும் முக்கியமான கார்களை மட்டும் தொகுத்துள்ளோம்.
கியா சொனெட்
செல்டோஸ் மற்றும் கார்னிவல் ஆகிய கார்களுக்கு பிறகு, இந்திய சந்தையில் கியா நிறுவனம் விற்பனைக்கு அறிமுகம் செய்த மூன்றாவது தயாரிப்பு சொனெட். சப்-4 மீட்டர் காம்பேக்ட் எஸ்யூவி செக்மெண்ட்டில் நிலை நிறுத்தப்பட்டுள்ள கியா சொனெட் 6.71 லட்ச ரூபாய் (எக்ஸ் ஷோரூம்) என்ற ஆரம்ப விலையில் கிடைக்கிறது. செல்டோஸ் எஸ்யூவியை போல் கியா சொனெட்டிற்கும் இந்தியாவில் உச்சகட்ட வரவேற்பு கிடைத்துள்ளது.
1.0 லிட்டர் டி-ஜிடிஐ பெட்ரோல் இன்ஜின் உள்பட 2 பெட்ரோல் மற்றும் ஒரு டீசல் என மொத்தம் மூன்று இன்ஜின் தேர்வுகளில் கியா சொனெட் கிடைக்கிறது. அத்துடன் ஏராளமான வசதிகளும் வழங்கப்பட்டுள்ளன. சவாலான விலை நிர்ணயம், பல்வேறு இன்ஜின் மற்றும் டிரான்ஸ்மிஷன் தேர்வுகள், அதிநவீன வசதிகள் ஆகியவை கியா சொனெட்டின் பிரம்மாண்ட வெற்றிக்கு முக்கியமான காரணங்களாக அமைந்துள்ளன.
டொயோட்டா அர்பன் க்ரூஸர்
டொயோட்டா நிறுவனமும், சுஸுகி நிறுவனமும் கூட்டணி அமைத்துள்ளன என்பது நம் அனைவருக்குமே தெரிந்த ஒரு விஷயம்தான். இதன் அடிப்படையில் இந்தியாவில் மாருதி சுஸுகி கார்களை, டொயோட்டா நிறுவனம் ரீபேட்ஜ் செய்து விற்பனை செய்து வருகிறது. இதன்படி மாருதி சுஸுகி பலேனோ பிரீமியம் ஹேட்ச்பேக் டொயோட்டா பிராண்டில், க்ளான்சா என்ற பெயரில் விற்பனைக்கு கொண்டு வரப்பட்டது.
இந்த வரிசையில் மாருதி சுஸுகி நிறுவனத்தின் புகழ்பெற்ற சப்-4 மீட்டர் காம்பேக்ட் எஸ்யூவி காரான விட்டாரா பிரெஸ்ஸா, டொயோட்டா பிராண்டில் அர்பன் க்ரூஸர் என்ற பெயரில் விற்பனைக்கு அறிமுகம் செய்யப்பட்டுள்ளது. காம்பேக்ட் எஸ்யூவி கார்களுக்கு இந்திய சந்தையில் வரவேற்பு அதிகரித்து வரும் நிலையில், சுஸுகி உடனான கூட்டணியை பயன்படுத்தி கொண்டு அர்பன் க்ரூஸரை டொயோட்டா அறிமுகம் செய்துள்ளது.
நிஸான் மேக்னைட்
இந்திய சந்தைக்கு வந்த மற்றொரு காம்பேக்ட் எஸ்யூவி நிஸான் மேக்னைட். நடப்பு டிசம்பர் மாதத்தின் தொடக்கத்தில்தான் நிஸான் மேக்னைட் இந்தியாவில் விற்பனைக்கு வந்தது. வெறும் 4.99 லட்ச ரூபாய் (எக்ஸ் ஷோரூம்) என்ற மிக சவாலான ஆரம்ப விலையில் நிஸான் மேக்னைட் அறிமுகம் செய்யப்பட்டுள்ளது. இந்த சவாலான விலை நிர்ணயம், போட்டியாளர்களை வலுவாக எதிர்கொள்ள உதவியுள்ளது.
விலை குறைவு என்றாலும் ஏராளமான வசதிகளை நிஸான் நிறுவனம் வழங்கியிருப்பதுடன், மேக்னைட் காரின் டிசைனும் கவர்ச்சிகரமாக உள்ளது. 1.0 லிட்டர் டர்போ பெட்ரோல் யூனிட் உள்பட நிஸான் மேக்னைட் காரில் மொத்தம் இரண்டு பெட்ரோல் இன்ஜின் தேர்வுகள் வழங்கப்படுகின்றன. இந்த காருக்கு தற்போது முன்பதிவுகள் குவிந்து வருகின்றன.
புதிய தலைமுறை ஹோண்டா சிட்டி
5வது தலைமுறை சிட்டி செடான் காரை ஹோண்டா நிறுவனம் நடப்பாண்டு இந்திய சந்தையில் விற்பனைக்கு அறிமுகம் செய்தது. டிசைன் மாற்றங்கள் மற்றும் ஏராளமான வசதிகள் நிரம்பிய கேபினுடன் புதிய ஹோண்டா சிட்டி விற்பனைக்கு வந்துள்ளது. எனவே பழைய தலைமுறை மாடலுடன் ஒப்பிடுகையில், புதிய ஹோண்டா சிட்டியின் விலை உயர்ந்துள்ளது.
புதிய ஹோண்டா சிட்டி கார் 10.90 லட்ச ரூபாய் என்ற ஆரம்ப விலையில் கிடைக்கிறது. இது எக்ஸ் ஷோரூம் விலையாகும். அத்துடன் பெட்ரோல் மற்றும் டீசல் என இரண்டு இன்ஜின் தேர்வுகளுமே புதிய ஹோண்டா சிட்டி காரில் வழங்கப்படுகின்றன. ஹோண்டா நிறுவனத்திற்கு ஒவ்வொரு மாதமும் அதிக விற்பனை எண்ணிக்கையை ஈட்டி தரும் மாடல்களில் ஒன்றாக சிட்டி உள்ளது.
புதிய தலைமுறை மஹிந்திரா தார்
புதிய தலைமுறை தார் எஸ்யூவியை கடந்த அக்டோபர் மாத தொடக்கத்தில் மஹிந்திரா நிறுவனம் இந்தியாவில் விற்பனைக்கு அறிமுகம் செய்தது. பழைய தலைமுறை மாடலுடன் ஒப்பிடுகையில், முற்றிலும் புத்தம் புதிய மாடலாக தார் எஸ்யூவி வந்துள்ளது. பெட்ரோல் மற்றும் டீசல் என இரண்டு வகையான இன்ஜின் தேர்வுகளும் புதிய தார் எஸ்யூவியில் கிடைக்கின்றன.
புதிய தலைமுறை தார் எஸ்யூவிக்கு மஹிந்திரா நிறுவனம் எதிர்பார்த்ததை விட அதிக வரவேற்பு கிடைத்துள்ளது. இதன் காரணமாக காத்திருப்பு காலம் அதிகமாக உள்ளது. இந்த நீண்ட காத்திருப்பு காலம் மட்டுமே முன்பதிவு செய்துள்ள வாடிக்கையாளர்களை அதிருப்திடைய செய்துள்ளது. எஞ்சிய அனைத்து அம்சங்களிலும் புதிய தார் எஸ்யூவி வாடிக்கையாளர்களை கவர்ந்துள்ளது.
புதிய தலைமுறை ஹூண்டாய் ஐ20
கடந்த நவம்பர் மாத தொடக்கத்தில், புதிய தலைமுறை ஹூண்டாய் ஐ20 இந்திய சந்தையில் விற்பனைக்கு அறிமுகம் செய்யப்பட்டது. இந்த பிரீமியம் ஹேட்ச்பேக் தற்போது மூன்றாவது தலைமுறை மாடலாக வந்துள்ளது. இதன் டிசைன் முற்றிலுமாக மாற்றியமைக்கப்பட்டு, பார்ப்பதற்கே கவர்ச்சிகரமாக உள்ளது. இதுதவிர சக்தி வாய்ந்த இன்ஜின் தேர்வுகளையும் புதிய ஹூண்டாய் ஐ20 பெற்றுள்ளது.
எனவே இந்திய சந்தையில் மிகப்பெரிய வரவேற்பை புதிய ஹூண்டாய் ஐ20 பெற்றுள்ளது. இந்த பிரீமியம் ஹேட்ச்பேக்கின் விலை 6.80 லட்ச ரூபாயில் (எக்ஸ் ஷோரூம்) இருந்து தொடங்குகிறது. 1.0 லிட்டர் டர்போ-பெட்ரோல் இன்ஜின் உள்பட புதிய ஹூண்டாய் ஐ20 காரில் மொத்தம் மூன்று இன்ஜின் தேர்வுகள் வழங்கப்படுகின்றன.
எம்ஜி க்ளோஸ்ட்டர்
இந்திய சந்தையில் எம்ஜி நிறுவனத்தின் சமீபத்திய தயாரிப்பு க்ளோஸ்ட்டர். எம்ஜி நிறுவனத்தின் முதன்மையான மாடலாக உள்ள க்ளோஸ்ட்டர், ஃபுல்-சைஸ் எஸ்யூவி செக்மெண்ட்டில் நிலைநிறுத்தப்பட்டுள்ளது. டொயோட்டா பார்ச்சூனர் மற்றும் ஃபோர்டு எண்டேவர் ஆகிய கார்களுக்கு தற்போது கடுமையான போட்டியை எம்ஜி க்ளோஸ்ட்டர் வழங்கி வருகிறது.
இந்தியாவின் முதல் அட்டானமஸ் (லெவல்-1) பிரீமியம் எஸ்யூவி என்ற பெருமையுடன் எம்ஜி க்ளோஸ்ட்டர் விற்பனைக்கு வந்துள்ளது. எம்ஜி க்ளோஸ்ட்டர் எஸ்யூவி காரின் ஆரம்ப விலை 29 லட்ச ரூபாயாக நிர்ணயம் செய்யப்பட்டுள்ளது. இது எக்ஸ் ஷோரூம் விலையாகும். இந்தியாவில் தற்போது க்ளோஸ்ட்டர் எஸ்யூவியின் விற்பனை சிறப்பாக உள்ளது.
-
சென்னை- கொல்லம் வந்தே பாரத் ரயில் திட்டம் தாமதம்! கேரள அரசு செஞ்ச தப்பு தான் காரணம்!தமிழ்நாடு இதுல சூப்பர்!
-
பணங்காரங்க கண்ணு முழுக்க இந்த கார் மேல தான்! பிஒய்டி சீல் கார் எப்படி இருக்குது?
-
ஜிஎஸ்டி கட்டவேணாம்! ரூ1.26 லட்சம் மிச்சம் பண்ண இந்த காரை இப்படியும் வாங்கலாமா? யாருக்குமே இது தெரியாது!