Just In
- 1 hr ago ஓலா ஷோரூம் இல்லாத ஊரே இல்ல போல!! இன்னும் சில வருஷத்தில் தெருவுக்கு ஒண்ணும் வந்துவிடும்!
- 1 hr ago அவங்களுக்கு உண்மையாவே கல்யாணமா! பைக் ஓட்டீட்டு போன வீடியோ வைரல்! அதிர்ச்சியில் உறைந்த நெட்டிசன்கள்!
- 2 hrs ago ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
- 5 hrs ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
Don't Miss!
- Finance RCB கப் அடிக்காவிட்டாலும், இந்த விஷயத்தில் கில்லி.. பெங்களூர் ராயல் சேலஞ்சர்ஸ் செய்த ராயல் சம்பவம்!
- Sports என்ன வீடியோ கேம் விளையாடுறாங்க.. 11 சிக்ஸ், 13 ஃபோர்ஸ்.. 5 ஓவர்களில் சதம்.. வரலாறு படைத்த ஐதராபாத்!
- Movies Thalaivar171: டைட்டில் ரிலீசுக்கு இன்னும் இரு தினம்.. மீண்டும் கடிகாரத்தை கையிலெடுத்த சன் பிக்சர்ஸ்!
- News 24 மணி நேரம் கழித்து.. வெளியான தமிழக வாக்குப்பதிவு சதவிகிதம்.. இந்தளவுக்கு தாமதம் ஆக என்ன காரணம்
- Lifestyle நீங்க போடுற டீ அமிர்தம் மாதிரி இருக்கணுமா? அப்ப டீ போடுறப்ப இந்த தவறுகளை தெரியாம கூட பண்ணிராதீங்க...!
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
புதிய ஸ்கோடா ரேபிட் காரின் வேரியண்ட் வசதிகளே அசத்துதே... மனம் அதை சுத்துதே!
மிட்சைஸ் செடான் கார் மார்க்கெட்டில் மிக சவாலான விலையில் ஸ்கோடா ரேபிட் காரின் பிஎஸ்6 மாடல் விற்பனைக்கு வந்துள்ளது. இந்த காரின் கொடுக்கப்பட்டு இருக்கும் வசதிகள் விபரங்களை வேரியண்ட் வாரியாக பார்க்கலாம்.
புதிய ஸ்கோடா ரேபிட் கார் மதிப்புவாய்ந்த மாடலாக மிட்சைஸ் செடான் கார் மார்க்கெட்டில் வந்துள்ளது. இந்த கார் ரைடர், ஆம்பிஷன், ஓனிக்ஸ், ரேபிட் ஸ்டைல் மற்றும் மான்ட்டே கார்லோ ஆகிய 5 விதமான வேரியண்ட்டுகளில் வந்துள்ளது. இந்த கார் விலை மிக சரியாக நிர்ணயிக்கப்பட்டு இருப்பதுடன், பேஸ் வேரியண்ட்டிலேயே போதுமான வசதிகள் வழங்கப்பட்டு இருக்கிறது. வேரியணட் வாரியாக வசதிகள் விபரங்களை தொடர்ந்து பார்க்கலாம்.
ஸ்டைல் வேரியண்ட்
எக்ஸ்ஷோரூம் விலை: ரூ.7.49 லட்சம்
புதிய ஸ்கோடா ரேபிட் காரின் விலை குறைவான பேஸ் வேரியண்ட்டாக ஸ்டைல் நிலைநிறுத்தப்பட்டு இருக்கிறது. இந்த வேரியண்ட்டில் ஹாலஜன் பல்புகளுடன் ஹெட்லைட்டுகள், சைடு ஃபாயில் ஸ்டிக்கர்கள், ஸ்கஃப் பிேட், 15 அங்குல ஸ்டீல் வீல்கள், முன்புற, பின்புற இருக்கைகளில் ஆர்ம் ரெஸ்ட் வசதிகள் உள்ளன.
MOST READ : பருவமழை காலம் வருதுங்க... உங்க வண்டி பத்திரம்!
மேலும், அட்ஜெஸ்ட் வசதியுடன் ஸ்டீயரிங் வீல், புளூடூத், யுஎஸ்பி மற்றும் ஆக்ஸ் போர்ட் வசதியுடன் 2 டின் ஆடியோ சிஸ்டம், 4 ஸ்பீக்கர்கள், ஆட்டோமேட்டிக் க்ளைமேட் கன்ட்ரோல், ரியர் ஏசி வென்ட்டுகள், பவர் அட்ஜெஸ்ட் வசதியுடன் ரியர் வியூ மிரர்கள், ஒன் டச் அப்-டவுன் வசதியுடன் பவர் விண்டோஸ் வசதி, முன்புற, பின்புற இருக்கை பயணிகளுக்காக 12V சார்ஜர்கள்,அட்ஜெஸ்ட்டபிள் ஹெட்ரெஸ்ட் வசதிகள் உள்ளன.
இந்த காரில் ரிமோட் சென்ட்ரல் லாக்கிங், ரியர் டீஃபாகர், டியூவல் ஏர்பேக்குகள் ஏபிஎஸ் பிரேக்கிங் சிஸ்டம் ஆகியவை இடம்பெற்றுள்ளன. இந்த வேரியண்ட்டில் கேண்டி ஒயிட் மற்றும் கார்பன் ஸ்டீல் ஆகிய இரண்டு வண்ணத் தேர்வுகள் வழங்கப்படுகின்றன.
ஆம்பிஷன் வேரியண்ட்
எக்ஸ்ஷோரூம் விலை: ரூ.9.99 லட்சம்
பேஸ் வேரியண்ட்டில் இடம்பெற்றிருக்கும் வசதிகளுடன் கூடுதலாக புரொஜெக்டர் ஹெட்லைட்டுகள், எல்இடி பகல்நேர விளக்குகள், முன்புற, பின்புற பனி விளக்குகள், ரிமோட் கன்ட்ரோல் பவர் விண்டோஸ் வசதி,15 அங்குல அலாய் வீல்கள், க்ரோம் பூச்சுடன் க்ரில் அமைப்பு ஆகியவை முக்கிய அம்சங்களாக உள்ளன. இந்த வேரியண்ட்டில் கேண்டி ஒயிட், கார்பன் ஸ்டீல் மற்றும் டாஃபீ பிரவுன் ஆகிய வண்ணத் தேர்வுகள் வழங்கப்படுகின்றன.
ஓட்டுனர் இருக்கையை அட்ஜெஸ்ட் செய்யும் வசதி, பவர் ஃபோல்டிங் வசதியுடன் ரியர் வியூ மிர்கள், 6.5 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும் வசதி, ஸ்டீயரிங் வீலில் ஆடியோ கன்ட்ரோல் சுவிட்சுகள், லெதர் உறையுடன் கியர் லிவர், ஹேண்ட் பிரேக் லிவர் மற்றும் ஸ்டீயரிங் வீல், மல்டி இன்ஃபர்மேஷன் திரையுடன் கூடிய இன்ஸ்ட்ரூமென்ட் க்லஸ்ட்டர் ஆகியவை இடம்பெற்றுள்ளன.
ஓனிக்ஸ் வேரியண்ட்
எக்ஸ்ஷோரூம் விலை: ரூ.10.19 லட்சம்
இந்த வேரியண்ட்டில் கூடுதலாக 16 அங்குல அலாய் வீல்கள், கருப்பு வண்ணப் பூச்சுடன் ரியர் வியூ மிரர், தட்டையான அடிப்பாகம் கொண்ட ஸ்டீயரிங் வீல் அமைப்பு, க்ரே மற்றும் கருப்பு வண்ண தீம் கொண்ட லெதரேட் இன்டீரியர் ஆகியவை முக்கிய அம்சங்களாக உள்ளன.
ஸ்டைல் வேரியண்ட்
எக்ஸ்ஷோரூம் விலை: ரூ.11.49 லட்சம்
விலை உயர்ந்த வேரியண்ட்டாக நிலைநிறுத்தப்பட்டு இருக்கும் இந்த வேரியண்ட்டில் ஆட்டோமேட்டிக் ஹெட்லைட்டுகள், ஆட்டோமேட்டிக் வைப்பர்கள், ரியர் பார்க்கிங் கேமரா, ஆட்டோ டிம் வசதியுடன் உட்புற ரியர் வியூ மிரர், 16 அங்குல சில்வர் வண்ண அலாய் வீல்கள், க்ரோம் பூச்சுடன் க்ரில் அமைப்பு மற்றும் கதவு கைப்பிடிகள், பாடி கலர் ரியர் லிப் ஸ்பாய்லர் அமைப்பு, ரியர் டிஃபியூசர் ஆகியவை உள்ளன.
இந்த வேரியண்டில் 8.0 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் வழங்கப்படுகிறது. ஆன்ட்ராய்டு ஆட்டோ மற்றும் ஆப்பிள் கார் ப்ளே செயலிகளை சப்போர்ட் செய்யும். ஆம்பியன்ட் லைட் சிஸ்டம், லெதரேட் அப்ஹோல்ஸ்ட்ரி, க்ரூஸ் கன்ட்ரோல் வசதி, கூல்டு க்ளவ் பாக்ஸ் ஆகியவை இடம்பெற்றுள்ளன. 4 ஏர்பேக்குகளும் வழங்கப்படுகின்றன. இந்த வேரியண்ட்டில் பிரில்லியண்ட் சில்வர், கேண்டி ஒயிட், கார்பன் ஸ்டீல் மற்றும் டாஃபீ பிரவுன் ஆகிய வண்ணத் தேர்வுகள் உள்ளன.
மான்ட்டே கார்லோ எடிசன்
எக்ஸ்ஷோரூம் விலை: ரூ.11.79 லட்சம்
இந்த வேரியண்ட்டில் 16 அங்குல டியூவல் டோன் அலாய் வீல்கள், மான்ட்டே கார்லோ எடிசன் பேட்ஜ், கருப்பு வண்ண க்ரில், ரூஃப் ரெயில்கள் மற்றும் பூட் லிப் ஸ்பாய்லர், கேபினில் சிவப்பு வண்ண அலங்கார வேலைப்பாடுகள், லெதரேட் சீட் கவர்கள், மான்ட்டே கார்லோ எடிசன் ஸ்கஃப் பிளேட்டுகள், இரண்டு ஏர்பேக்குகள் ஆகியவை இடம்பெற்றுள்ளன.
எஞ்சின்
புதிய ஸ்கோடா ரேபிட் காரில் 110 பிஎஸ் பவரையும், 175 என்எம் டார்க் திறனையும் வழங்கும் 1.0 லிட்டர் டர்போ பெட்ரோல் எஞ்சின் தேர்வில் கிடைக்கிறது. இந்த காரில் 6 ஸ்பீடு மேனுவல் கியர்பாக்ஸ் தேர்வு வழங்கப்படுகிறது. இந்த கார் லிட்டருக்கு 18.97 கிமீ மைலேஜை வழங்கும்.
மதிப்பு வாய்ந்த தேர்வு
மிட்சைஸ் செடான் கார் மார்க்கெட்டில் கொடுக்கும் பணத்திற்கு மதிப்புவாய்ந்த அமசங்களுடன் புதிய ஸ்கோடா ரேபிட் காரின் பிஎஸ்6 மாடல் வந்துள்ளது. போட்டியாளர்களைவிட விலை குறைவான தேர்வாகவும் நிலைநிறுத்தப்பட்டு இருக்கிறது.
-
காரை விட அவங்கதான் அழகா இருக்காங்க! விலை உயர்ந்த எலெக்ட்ரிக் வண்டியை வாங்கனது அவங்களா! சொக்கி போன ரசிகர்கள்!
-
ஒன்றல்ல, ரெண்டல்ல மொத்தம் 13 ஸ்கூட்டர்களை மாற்று திறனாளி இளைஞர்களுக்கு பரிசளித்த நடிகர் ராகவா லாரன்ஸ்..
-
பெட்டிகடை வச்சிருக்கிறவன் கூட கணக்கு வச்சிருப்பான்! ஆனா இந்திய ரயில்வே நிர்வாகத்திடம் இந்த கணக்கு இல்லையாம்!