Just In
- 1 hr ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 1 hr ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 2 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 3 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News 3 உயிரை பறித்த சென்னை மதுபான விடுதி.. விபத்து நடந்தது எப்படி? ஆணையர் ராதாகிருஷ்ணன் கூறிய ஷாக் தகவல்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
க்ராஷ் டெஸ்ட்டில் 5 ஸ்டார் ரேட்டிங்கை பெற்று அசத்திய டாடா அல்ட்ராஸ் கார்!
புத்தாண்டு பிறந்ததுமே டாடா அல்ட்ராஸ் கார் குறித்த ஒரு பெருமைபட வைக்கும் வைக்கும் செய்தி வந்திருக்கிறது. விரைவில் விற்பனைக்கு வர இருக்கும் டாடா அல்ட்ராஸ் கார் க்ராஷ் டெஸ்ட்டில் அதிகபட்ச தர மதிப்பீட்டை பெற்று அசத்தி இருக்கிறது.
டாடா மோட்டார்ஸ் நிறுவனத்தின் புதிய மாடல்கள் வரிசையில் பிரிமீயம் ஹேட்ச்பேக் கார் மாடலாக அல்ட்ராஸ் உருவாக்கப்பட்டு இருக்கிறது. கடந்த மாதம் பொது பார்வைக்கு கொண்டு வரப்பட்ட இந்த கார் வரும் 22ந் தேதிதான் முறைப்படி விற்பனைக்கு கொண்டு வரப்பட இருக்கிறது.
அன்றைய தினத்தில்தான் விலை அறிவிப்பு உள்ளிட்ட முக்கியத் தகவல்கள் வெளியிடப்படும். தற்போது டாடா அல்ட்ராஸ் காருக்கு முன்பதிவும் நடந்து வருகிறது.
இந்த நிலையில்தான், டாடா அல்ட்ராஸ் காரின் மதிப்பை பன்மடங்கு கூட்டும் விதத்திலான இந்த அறிவிப்பு வெளியாகி இருக்கிறது. அதாவது, குளோபல் என்சிஏபி அமைப்பு புத்தம் புதிய டாடா அல்ட்ராஸ் காரை மோதல் சோதனைக்கு உட்படுத்தி பாதுகாப்பு தரத்தை ஆய்வு செய்துள்ளது.
முன்புறம் மற்றும் பக்கவாட்டு சோதனைகளுக்கு உட்படுத்தப்பட்டதாகவும் தெரிவிக்கப்பட்டுள்ளது. இதில், பெரியவர்களுக்கான பாதுகாப்பு தரத்தில், 5க்கு 5 என்ற அதிகபட்ச தர மதிப்பீட்டை பெற்று அசத்தி இருக்கிறது. அதாவது, அதிகபட்சமான 17 புள்ளிகளுக்கு 16.17 புள்ளிகளை பெற்று அசத்தி இருக்கிறது.
இந்த சோதனை முடிவில், டாடா அல்ட்ராஸ் காரின் முன்புறத்தில் ஓட்டுனர் மற்றும் பயணிக்கான தலை, கழுத்து, மார்பு பகுதி மற்றும் முழங்கால் பகுதிகளுக்கு போதிய பாதுகாப்பு கிடைப்பது உறுதியாகி இருக்கிறது.
அத்துடன், டாடா அல்ட்ராஸ் காரின் பாடி ஷெல் எனப்படும் உடல்கூடு அமைப்பு மிகவும் வலிமையானதாக இருப்பதுடன், இதைவிட அதிக மோதல் தாக்கம் இருந்தாலும் தாங்கும் வலிமையை பெற்றிருப்பதாகவும் தெரிவிக்கப்பட்டுள்ளது.
சிறியவர்களுக்கான பாதுகாப்பு தர மதிப்பீட்டில் டாடா அல்ட்ராஸ் கார் மூன்று நட்சத்திரத்தை மட்டுமே பெற்று சற்று ஏமாற்றத்தை ஏற்படுத்தி உள்ளது. அதிகபட்சமான 49 புள்ளிகளுக்கு 29 புள்ளிகளை மட்டுமே பெற்றிருக்கிறது டாடா அல்ட்ராஸ் கார்.
டாடா அல்ட்ராஸ் காரின் அனைத்து வேரியண்ட்டுகளிலுமே டியூவல் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், கார்னர் ஸ்டெபிளிட்டி கன்ட்ரோல், சீட்பெல்ட் ரிமைன்டர், ஸ்பீடு அலர்ட் சிஸ்டம், ஐசோஃபிக்ஸ் சைல்டு சீட் மவுண்ட்டுகள் ஆகியவை நிரந்தர பாதுகாப்பு அம்சங்களாக வழங்கப்பட உள்ளது.
டாடா அல்ட்ராஸ் கார் ஆல்ஃபா கட்டமைப்புக் கொள்கையில் உருவாக்கப்பட்டு இருக்கிறது. இந்த கார் டாடா மோட்டார்ஸ் இம்பேக்ட் 2.0 டிசைன் தாத்பரியத்தில் வடிவமைக்கப்பட்டு இருக்கிறது. அதாவது, நவீன யுக கார் மாடலுக்கு உரிய பல்வேறு சிறப்பம்சங்களை பெற்றுள்ளது.
டாடா அல்ட்ராஸ் காரில் 1.2 லிட்டர் பிஎஸ்6 பெட்ரோல் எஞ்சின் பயன்படுத்தப்பட்டு இருக்கும். இந்த எஞ்சின் அதிகபட்சமாக 85 பிஎச்பி பவரையும், 113 என்எம் டார்க் திறனையும் வழங்கும். இந்த காரில் 1.5 லிட்டர் டீசல் எஞ்சின் தேர்வும் எதிர்பார்க்கப்படுகிறது.
புதிய டாடா அல்ட்ராஸ் கார் ரூ.5.5 லட்சம் முதல் ரூ.9.5 லட்சம் வரையிலான விலையில் விற்பனைக்கு கொண்டு வரப்பட இருப்பதாக தகவல்கள் தெரிவிக்கின்றன. மாருதி பலேனோ மற்றும் ஹூண்டாய் எலைட் ஐ20 உள்ளிட்ட பிரிமீயம் ஹேட்ச்பேக் கார்களுடன் போட்டி போடும்.
விற்பனைக்கு வருவதற்கு முன்னதாகவே, டாடா அல்ட்ராஸ் கார் க்ராஷ் டெஸ்ட்டில் 5 நட்சத்திர மதிப்பீட்டை பெற்றிருப்பது வாடிக்கையாளர்களின் கவர்வதற்கு உதவும் என்பதுடன், பாதுகாப்பான கார் மாடலை தேர்வு செய்கிறோம் என்ற உணர்வையும் ஏற்படுத்தும்.
கடந்த ஆண்டு டாடா மோட்டார்ஸ் நிறுவனத்தின் மற்றொரு கார் மாடலான நெக்ஸான் எஸ்யூவி க்ராஷ் டெஸ்ட்டில் 5க்கு 5 என்ற அதிகபட்ச தர மதிப்பீட்டை பெற்ற இந்தியாவில் முதல் கார் என்ற பெருமையை பெற்றது. இதைத்தொடர்ந்து, டாடா மோட்டார்ஸ் நிறுவனத்தின் புதிய அல்ட்ராஸ் காரும் 5 ஸ்டார் ரேட்டிங் பெற்று குளோபல் என்சிஏபி அமைப்பின் 5 ஸ்டார் ரேட்டிங்கை பெறும் இரண்டாவது கார் மாடல் என்ற பெருமையை பெற்றிருக்கிறது.