Just In
- 2 hrs ago உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- 4 hrs ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- 6 hrs ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 9 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
Don't Miss!
- Movies வேணாம் வேற மாதிரி ஆயிடும்… பயில்வானின் கேள்வியால் கடுப்பான விஷால்!
- Lifestyle இந்த 4 ராசிக்காரங்க சிறந்த பாலியல் துணையாக இருப்பார்களாம்... இவங்க வாழ்க்கைத்துணையா கிடைக்க அதிர்ஷ்டம் வேணும்!
- News சென்னையை சுற்றி 128 ரயில் நிலையங்களில் வருகிறது சூப்பர் வசதி.. இன்னும் 3 மாதத்தில் எல்லாமே மாறுது
- Technology அள்ளி கொடுக்கும் Jio.. ப்ரீபெய்ட் திட்டங்களில் எக்ஸ்ட்ரா டேட்டா.. OTT.. வாய்ஸ் கால்கள்.. விட்றாதீங்க..
- Sports ரூ.14 கோடி வீரருக்கு ஆப்பு.. லக்னோ பிட்சால் சிஎஸ்கே அணியில் நடக்கப்போகும் மாற்றம்.. ருதுராஜ் முடிவு!
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஒரே நேரத்தில் டாடா கிராவிட்டாஸ் மற்றும் ஹெரியர் பெட்ரோல் மாடல்கள் சோதனை ஓட்டம்...
டாடா மோட்டார்ஸ் நிறுவனம் ஹெரியர் எஸ்யூவி மாடலின் பெட்ரோல் மற்றும் பலத்த எதிர்பார்ப்புக்கு மத்தியில் ஹெரியரின் ஏழு இருக்கை வெர்சனான கிராவிட்டாஸ் மாடல்களை அடுத்தடுத்ததாக அறிமுகம் செய்யவுள்ளது. இதற்கிடையில் இந்த இரு எஸ்யூவி மாடல்களும் சோதனையின்போது தற்போது ரஷ்லேன் செய்தி தளத்தால் அடையாளப்படுத்தப்பட்டுள்ளன.
பயணிகள் வாகன பிரிவில் டாடா நிறுவனம் குறிப்பிடத்தகுந்த விற்பனை எண்ணிக்கைகளை பெற துவங்கியுள்ளது. இந்த துரிதமான முன்னேற்றத்திற்கு இந்நிறுவனத்தின் சமீபத்திய அல்ட்ராஸ், ஹெரியர் மாடலின் அப்டேட் செய்யப்பட்ட டீசல் வேரியண்ட் மற்றும் நெக்ஸான் ஃபேஸ்லிஃப்ட்/இவி உள்ளிட்டவை முக்கிய பங்களிப்பை தந்துள்ளன.
மேலும் தற்போதைய நிலையை மேலும் மேம்படுத்தும் வகையில் புதிய அறிமுகங்களும் வெளிவரவுள்ளன. அத்தகைய புதிய அறிமுக மாடல்கள் தான் மேம்படுத்தப்பட்ட ஹெரியர் பெட்ரோல் மற்றும் அதன் ஏழு இருக்கை கிராவிட்டாஸ் வெர்சன் ஆகும்.
ஹெரியரை காட்டிலும் அளவில் பெரியதாக வெளிவரவுள்ள கிராவிட்டாஸ் முதன்முதலாக 2019 ஜெனிவா மோட்டார் கண்காட்சியில் காட்சிப்படுத்தப்பட்டிருந்தது. அதனை தொடர்ந்து 2020 ஆட்டோ எக்ஸ்போவில் காட்சிப்படுத்தப்பட்டிருந்த இந்த 7-இருக்கை மாடல் டாடா ஹெரியரின் அதே ஒமேகா ப்ளாட்ஃபாரத்தில் தான் தயாரிக்கப்பட்டுள்ளது.
இதனால் தோற்ற அளவில் பெரிய உருவத்தை தவிர்த்து பெரிய அளவில் எந்த மாற்றமும் இல்லை. ஆனால் உட்புறத்தில் கூடுதலாக மூன்றாவது இருக்கை வரிசையினை கிராவிட்டாஸ் மாடல் பெற்று வருகிறது. இதே 5 இருக்கை, 7 இருக்கை முறையில் தான் எம்ஜி நிறுவனமும் ஹெக்டர் மற்றும் ஹெக்டர் ப்ளஸ் மாடல்களை கொண்டுவந்துள்ளது.
கிராவிட்டாஸ் மாடலை 6 இருக்கை மற்றும் 7 இருக்கை என்ற தேர்வுகளில் வாடிக்கையாளர்கள் பெறலாம். ஹெரியர் எஸ்யூவி மாடலை காட்டிலும் 80மிமீ உயரம் அதிகமாகவும், 72 மிமீ அகலமானதாகவும், 63 மிமீ நீளமானதாகவும் வடிவமைக்கப்பட்டுள்ள கிராவிட்டாஸில் வீல்பேஸ் மற்றும் என்ஜின் தேர்வுகளில் எந்த மாற்றமும் இல்லை.
இதனால் ஹெரியரின் 1.5 லிட்டர் டர்போசார்ஜ்டு பெட்ரோல் மற்றும் 2 லிட்டர் டர்போசார்ஜ்டு டீசல் என்ஜின் தேர்வுகளில் தான் இந்த 7 இருக்கை வெர்சனும் விற்பனையை துவங்கும் என தெரிகிறது. இதில் 1.5 லிட்டர் டர்போசார்ஜ்டு பெட்ரோல் என்ஜினில் ஹெரியர் தற்சமயம் விற்பனையில் இல்லை.
இந்த பெட்ரோல் வேரியண்ட்டும் தான் தற்போது சோதனையின்போது கண்டறியப்பட்டுள்ளது. ஹெரியரில் அறிமுகமானதை தொடர்ந்து கிராவிட்டாஸ் மாடலுக்கும் வழங்கப்படவுள்ள இந்த பெட்ரோல் என்ஜின் வெளிப்படுத்தக்கூடிய ஆற்றல் அளவுகள் எதுவும் தற்போதைக்கு வெளியிடப்படவில்லை.
ஆனால் நமக்கு தெரிந்தவரையில், 4 சிலிண்டர் அமைப்பில் அதிகப்பட்சமாக 168 பிஎச்பி பவரை வெளிப்படுத்தும் வகையில் இந்த பெட்ரோல் என்ஜினை டாடா நிறுவனம் வடிவமைத்திருக்கும். அதேபோல் இதன் டார்க் திறன் 250- 270 என்எம் அளவில் இருக்கலாம். ட்ரான்ஸ்மிஷனிற்கு 6-ஸ்பீடு மேனுவல் மற்றும் 6-ஸ்பீடு ஆட்டோமேட்டிக் கியர்பாக்ஸ் தேர்வுகளாக வழங்கப்படவுள்ளன.
இந்த புதிய பெட்ரோல் என்ஜினினால் டாடா ஹெரியரின் ஆரம்ப விலை குறைய வாய்ப்புள்ளது. மேலும் ஹெரியர் எஸ்யூவியின் விற்பனையையும் பெரிய அளவில் மேம்படுத்தும் என்பதில் எந்த சந்தேகமும் இல்லை. இந்த பெட்ரோல் என்ஜினின் வருகை இந்த ஆண்டு இறுதியிலும், 7-இருக்கை கிராவிட்டாஸின் அறிமுகம் அடுத்த ஆண்டு துவக்கத்திலும் இருக்கலாம்.