Just In
- 14 min ago 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- 1 hr ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 2 hrs ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- 8 hrs ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
Don't Miss!
- News 7 மணிக்கு வாக்குப்பதிவு 72%.. நள்ளிரவில் அப்டேட் 69%.. தேர்தல் ஆணையம் வெளியிட்ட தகவலால் குழப்பம்!
- Sports அமுக்கு டுமுக்கு அமால் டுமால்.. தல கொஞ்சம் தள்ளி நில்லுங்க.. சிஎஸ்கேவை வெளுக்கும் தரமான மீம்ஸ்!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
டாப்-10 பட்டியலில் ஆதிக்கம் செலுத்தும் மாருதி சுஸுகி... இந்தியாவில் அதிகம் விற்பனையாகும் கார் எதுன்னு தெரியுமா?
இந்தியாவில் கடந்த நவம்பர் மாதம் அதிகம் விற்பனை செய்யப்பட்ட டாப்-10 கார்களின் பட்டியலை இந்த செய்தியில் பார்க்கலாம்.
கொரோனா வைரஸ் பிரச்னையால் இந்தியாவில் கார் விற்பனை மிக கடுமையாக சரிந்தது. ஆனால் கடந்த செப்டம்பர், அக்டோபர் மற்றும் நவம்பர் ஆகிய மாதங்களில், புதிய கார்களின் விற்பனை மிகவும் சிறப்பாக இருந்தது. புதிய கார்கள் அதிகளவில் விற்பனை செய்யப்பட்டதற்கு, பண்டிகை காலமே முக்கியமான காரணமாக பார்க்கப்படுகிறது.
இதுதவிர கொரோனா அச்சத்தால், பொது போக்குவரத்திற்கு பதிலாக, சொந்த கார்களில் பயணம் செய்வதை மக்கள் பாதுகாப்பாக கருத தொடங்கியிருப்பதையும், இதற்கு ஒரு முக்கிய காரணமாக ஆட்டோமொபைல் வல்லுனர்கள் தெரிவிக்கின்றனர். இந்த சூழலில், கடந்த நவம்பர் மாதம் இந்தியாவில் அதிகம் விற்பனை செய்யப்பட்ட டாப்-10 கார்களின் பட்டியல் வெளியாகியுள்ளது.
இதில், வழக்கம் போல இந்தியாவின் நம்பர்-1 கார் உற்பத்தி நிறுவனமான மாருதி சுஸுகி முழுமையாக ஆதிக்கம் செலுத்துகிறது. 10ல் 7 இடங்களை மாருதி சுஸுகி நிறுவனத்தின் கார்கள் பிடித்துள்ளன. இதுதவிர ஹூண்டாய் நிறுவனம் இரண்டு இடங்களை பிடித்துள்ளது. எஞ்சிய 1 இடம் கியா நிறுவனத்திற்கு கிடைத்துள்ளது.
கடந்த நவம்பர் மாதம் இந்தியாவில் அதிகம் விற்பனை செய்யப்பட்ட டாப்-10 கார்களின் பட்டியலில், மாருதி சுஸுகி ஸ்விஃப்ட் முதல் இடத்தை பிடித்துள்ளது. கடந்த நவம்பர் மாதம் மாருதி சுஸுகி நிறுவனம் 18,498 ஸ்விஃப்ட் கார்களை விற்பனை செய்துள்ளது. ஆனால் கடந்த 2019ம் ஆண்டு நவம்பர் மாதம் 19,314 ஸ்விஃப்ட் கார்கள் விற்பனை செய்யப்பட்டிருந்தன.
எனவே முதல் இடத்தை பிடித்திருந்தாலும், விற்பனையில் 4 சதவீத வீழ்ச்சியை மாருதி சுஸுகி ஸ்விஃப்ட் பதிவு செய்துள்ளது. இந்த பட்டியலில், மாருதி சுஸுகி பலேனோ இரண்டாவது இடத்தை பிடித்துள்ளது. கடந்த நவம்பர் மாதம் 17,872 பலேனோ கார்களை மாருதி சுஸுகி விற்பனை செய்துள்ளது. ஆனால் கடந்த 2019ம் ஆண்டு நவம்பர் மாதம் இந்த எண்ணிக்கை 18,047 ஆக இருந்தது.
எனவே மாருதி சுஸுகி ஸ்விஃப்ட் காரை போலவே, பலேனோவும் விற்பனையில் வீழ்ச்சியைதான் கண்டுள்ளது. ஆனால் பலேனோவின் வீழ்ச்சி 1 சதவீதம் என்ற அளவில் மிகவும் குறைவாகதான் உள்ளது. மாருதி சுஸுகி பலேனோ பிரீமியம் ஹேட்ச்பேக் காருக்கு தற்போது போட்டி அதிகரித்து வருகிறது. இந்த செக்மெண்ட்டில் புதிய தலைமுறை ஐ20 காரை ஹூண்டாய் நிறுவனம் கடந்த மாதம் அறிமுகம் செய்தது.
அட்டகாசமான வசதிகள், பல்வேறு இன்ஜின் மற்றும் டிரான்ஸ்மிஷன் தேர்வுகளுடன் வந்துள்ள புதிய ஹூண்டாய் ஐ20 காருக்கு தற்போதைய நிலையிலேயே 25 ஆயிரத்திற்கும் மேற்பட்ட முன்பதிவுகள் குவிந்திருப்பது குறிப்பிடத்தக்கது. இதற்கிடையே நவம்பர் மாதம் அதிகம் விற்பனை செய்யப்பட்ட டாப்-10 கார்களின் பட்டியலில், மாருதி சுஸுகி வேகன் ஆர் மூன்றாவது இடத்தை பிடித்துள்ளது.
கடந்த நவம்பர் மாதம் மாருதி சுஸுகி நிறுவனம் 16,256 வேகன் ஆர் கார்களை விற்பனை செய்துள்ளது. ஆனால் கடந்த 2019ம் ஆண்டு நவம்பர் மாதம் இந்த எண்ணிக்கை வெறும் 14,650 ஆக மட்டுமே இருந்தது. இதன் மூலம் விற்பனையில் 11 சதவீத வளர்ச்சியை பதிவு செய்து மாருதி சுஸுகி வேகன் ஆர் அசத்தியுள்ளது. வேகன் ஆர் காரின் எலெக்ட்ரிக் வெர்ஷனை மாருதி சுஸுகி நிறுவனம் அடுத்த ஆண்டு விற்பனைக்கு அறிமுகம் செய்யும் என எதிர்பார்க்கப்படுகிறது.
இந்த பட்டியலில் நான்காவது இடத்தை மாருதி சுஸுகி ஆல்டோ பிடித்துள்ளது. கடந்த நவம்பர் மாதம் மாருதி சுஸுகி நிறுவனம் 15,321 ஆல்டோ கார்களை விற்பனை செய்துள்ளது. ஆனால் கடந்த ஆண்டு நவம்பர் மாதம் 15,086 ஆல்டோ கார்கள் மட்டுமே விற்பனை செய்யப்பட்டிருந்தன. இது 2 சதவீத வளர்ச்சியாகும். ஐந்தாவது இடத்தை மாருதி சுஸுகி டிசையர் பிடித்துள்ளது.
நடப்பாண்டு நவம்பர் மாதம் 13,536 டிசையர் கார்கள் விற்பனை செய்யப்பட்டுள்ளன. ஆனால் கடந்தாண்டு நவம்பரில் இந்த எண்ணிக்கை 17,659 ஆக இருந்தது. இது 23 சதவீத வீழ்ச்சியாகும். ஒட்டுமொத்தத்தில் இந்த பட்டியலில் முதல் 5 இடங்களை மாருதி சுஸுகி நிறுவனம் தன்வசப்படுத்தியுள்ளது. 6வது இடத்தை ஹூண்டாய் கிரெட்டா பிடித்துள்ளது.
ஹூண்டாய் நிறுவனம் கடந்த நவம்பர் மாதம் 12,017 கிரெட்டா கார்களை விற்பனை செய்துள்ளது. ஆனால் கடந்த 2019ம் ஆண்டு நவம்பரில் இந்த எண்ணிக்கை வெறும் 6,684 ஆக மட்டுமே இருந்தது. இதன் மூலம் விற்பனையில் 80 சதவீத வளர்ச்சியை ஹூண்டாய் கிரெட்டா பதிவு செய்துள்ளது. ஏழாவது இடத்தை புதுவரவான கியா சொனெட் பிடித்துள்ளது.
கடந்த நவம்பர் மாதம் 11,417 சொனெட் கார்களை கியா நிறுவனம் விற்பனை செய்துள்ளது. கியா சொனெட் காம்பேக்ட் எஸ்யூவி, நடப்பாண்டு செப்டம்பர் மாதம்தான் இந்தியாவில் விற்பனைக்கு அறிமுகம் செய்யப்பட்டது. தற்போது மாருதி சுஸுகி விட்டாரா பிரெஸ்ஸா, ஹூண்டாய் வெனியூ உள்ளிட்ட கார்களுக்கு கியா சொனெட் மிக கடுமையான போட்டியை வழங்கி வருகிறது.
இந்த பட்டியலில் மாருதி சுஸுகி ஈக்கோ எட்டாவது இடத்தை பிடித்துள்ளது. மாருதி சுஸுகி நிறுவனம் கடந்த நவம்பர் மாதம் 11,183 ஈக்கோ கார்களை விற்பனை செய்துள்ளது. ஆனால் கடந்தாண்டு நவம்பரில் இந்த எண்ணிக்கை 10,162 ஆக மட்டுமே இருந்தது. இதன் மூலம் விற்பனையில் 10 சதவீத வளர்ச்சியை ஈக்கோ பதிவு செய்துள்ளது.
இந்த பட்டியலில் ஒன்பதாவது இடத்தை ஹூண்டாய் கிராண்ட் ஐ10 நியோஸ் பிடித்துள்ளது. நடப்பாண்டு நவம்பர் மாதம் 10,936 கிராண்ட் ஐ10 நியோஸ் கார்களை ஹூண்டாய் விற்பனை செய்துள்ளது. ஆனால் கடந்தாண்டு நவம்பரில் இந்த எண்ணிக்கை 10,186 ஆக மட்டுமே இருந்தது. இது 7 சதவீத வளர்ச்சியாகும். இந்த பட்டியலில் பத்தாவது மற்றும் கடைசி இடத்தை மாருதி சுஸுகி எர்டிகா பிடித்துள்ளது.
மாருதி சுஸுகி நிறுவனம் கடந்த நவம்பர் மாதம் 9,557 எர்டிகா கார்களை விற்பனை செய்துள்ளது. ஆனால் கடந்த 2019ம் ஆண்டு நவம்பர் மாதம் இந்த எண்ணிக்கை வெறும் 7,537 ஆக மட்டும்தான் இருந்தது. இதன் மூலம் விற்பனையில் 27 சதவீத வளர்ச்சியை எர்டிகா பதிவு செய்துள்ளது. இந்தியாவில் அதிகம் விற்பனையாகும் எம்பிவி கார்களில் மாருதி சுஸுகி எர்டிகாவும் ஒன்றாகும்.