Just In
- 53 min ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- 1 hr ago சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- 1 hr ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 2 hrs ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
Don't Miss!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- News சிரித்த முகத்துடன்.. "நெருப்பு குழிக்குள்" அந்த கடைசி நொடி.. சூரிய உதயத்தில் "அஸ்தமனமான" பெண்.. ஐயோ
- Movies Baakiyalakshmi serial: பழனிச்சாமி -பாக்கியா திருமணம்.. செல்வி சொன்ன விஷயம்.. உறைநத பழனிச்சாமி!
- Technology போச்சு! Paytm-ஐ தொடர்ந்து Kotak Mahindra-க்கு ஆப்பு வைத்த RBI.. இனி உங்க Account, Credit Card-லாம் என்ன ஆகும்?
- Lifestyle இந்த உணவுகளை கண்டிப்பாக பிரஷர் குக்கரில் சமைக்கக்கூடாது.. ஏன் தெரியுமா?
- Finance டீ கடையில் கூட இப்ப கிரெடிட் கார்டு பேமெண்ட் தான்.. ரூ.1 லட்சம் கோடியை தாண்டி புதிய சாதனை..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மிகவும் பாதுகாப்பான 'மேட் இன் இந்தியா' கார்களின் பட்டியல்... டாடா, மஹிந்திராவிற்கு சல்யூட்...
மிகவும் பாதுகாப்பான டாப்-8 'மேட் இன் இந்தியா' கார்களின் பட்டியலை இந்த செய்தியில் பார்க்கலாம். இதில், டாடா, மஹிந்திரா நிறுவனங்கள் ஆதிக்கம் செலுத்துகின்றன.
இந்தியாவில் கடந்த ஒரு சில ஆண்டுகளுக்கு முன்பு வரை, வாடிக்கையாளர்கள், கார் உற்பத்தி நிறுவனங்கள் என யாருமே கார்களின் பாதுகாப்பு வசதிகளுக்கு பெரிதாக முக்கியத்துவம் கொடுக்கவில்லை. கார் வாங்க செல்லும் ஒருவர் மைலேஜ், டிசைன் மற்றும் விலை போன்ற அம்சங்களுக்கு மட்டும்தான் முக்கியத்துவம் கொடுப்பாரே தவிர, பாதுகாப்பிற்கு முக்கியத்துவம் வழங்க மாட்டார்.
ஆனால் இப்படிப்பட்ட மோசமான சூழல் தற்போது மெல்ல மெல்ல மாறி வருகிறது. பாதுகாப்பு வசதிகளும் தற்போது கார் வாங்குவதை தீர்மானிக்கும் முக்கியமான காரணியாக மாறியுள்ளன. எனவே வாகன நிறுவனங்களும், கார்களின் பாதுகாப்பை மேம்படுத்தி வருகின்றன. இந்த விஷயத்தில் டாடா மற்றும் மஹிந்திரா ஆகிய இரண்டு நிறுவனங்களையும் நிச்சயம் பாராட்டியே ஆக வேண்டும்.
ராயல் என்பீல்டு ஹிமாலயன் பிஎஸ்6 - இப்படி ஒரு ரிவியூ வீடியோ இதுக்கு முன்னாடி பாத்திருக்க மாட்டீங்க!!!
இந்த இரண்டு நிறுவனங்களின் கார்களும், குளோபல் என்சிஏபி மோதல் சோதனைகளில் அமர்க்களப்படுத்தி வருகின்றன. இது இந்தியாவிற்கும் பெருமை சேர்க்கும் ஒரு விஷயம். குளோபல் என்சிஏபி மோதல் சோதனை அடிப்படையில், மிகவும் பாதுகாப்பான டாப்-8 'மேட் இன் இந்தியா' கார்கள் குறித்த விபரங்களை இந்த செய்தியில் தொகுத்து வழங்கியுள்ளோம்.
1. மஹிந்திரா எக்ஸ்யூவி300 - 5 நட்சத்திரங்கள்
குளோபல் என்சிஏபி மோதல் சோதனைகளின் அடிப்படையில், மஹிந்திரா எக்ஸ்யூவி300 கார்தான், இந்தியாவில் உற்பத்தி செய்யப்பட்ட மிகவும் பாதுகாப்பான கார். பெரியவர்களுக்கான பாதுகாப்பில் 5 நட்சத்திர பாதுகாப்பு ரேட்டிங்கையும் (பாதுகாப்பு ஸ்கோர் 16.42/17), குழந்தைகளுக்கான பாதுகாப்பில் 4 நட்சத்திர பாதுகாப்பு ரேட்டிங்கையும் (பாதுகாப்பு ஸ்கோர் 37.44/49) இந்த கார் பெற்றுள்ளது.
இது இந்திய சந்தையில் மிகவும் பிரபலமாக இருந்து வரும் சப்-4 மீட்டர் காம்பேக்ட் எஸ்யூவி கார் ஆகும். மஹிந்திரா எக்ஸ்யூவி300 காரின் டாப் வேரியண்ட்டில் 7 ஏர்பேக்குகள் வழங்கப்படுகின்றன. இது பயணிகளின் பாதுகாப்பை இன்னும் அதிகரிக்கிறது. அத்துடன் நான்கு சக்கரங்களிலும் டிஸ்க் பிரேக்குகள் ஸ்டாண்டர்டாக வழங்கப்படுகின்றன.
2. டாடா அல்ட்ராஸ் - 5 நட்சத்திரங்கள்
குளோபல் என்சிஏபி மோதல் சோதனைகளில், பெரியவர்களுக்கான பாதுகாப்பில் டாடா அல்ட்ராஸ் 5 நட்சத்திரங்களை (பாதுகாப்பு ஸ்கோர் 16.13/17) முழுமையாக பெற்றுள்ளது. அதே சமயம் குழந்தைகளுக்கான பாதுகாப்பில் 3 நட்சத்திரங்களை (பாதுகாப்பு ஸ்கோர் 29/49) பெற்றுள்ளது. இது இந்தியாவில் மிகவும் பிரபலமாக இருந்து வரும் பிரீமியம் ஹேட்ச்பேக் ரக கார் ஆகும்.
3. டாடா நெக்ஸான் - 5 நட்சத்திரங்கள்
குளோபல் என்சிஏபி மோதல் சோதனைகளில் 5 நட்சத்திர பாதுகாப்பு ரேட்டிங்கை முழுமையாக பெற்ற முதல் 'மேட் இன் இந்தியா' கார் டாடா நெக்ஸான்தான். அதன்பின் டாடா அல்ட்ராஸ் மற்றும் மஹிந்திரா எக்ஸ்யூவி300 ஆகிய கார்கள், பாதுகாப்பு சோதனையில் டாடா நெக்ஸானை விட சிறப்பாக செயல்பட்டு, அதிக பாதுகாப்பு புள்ளிகளை ஸ்கோர் செய்தன.
பெரியவர்களுக்கான பாதுகாப்பில் 5 நட்சத்திரங்களையும் (பாதுகாப்பு ஸ்கோர் 16.06/17), குழந்தைகளுக்கான பாதுகாப்பில் 3 நட்சத்திரங்களையும் (பாதுகாப்பு ஸ்கோர் 25/49) டாடா நெக்ஸான் பெற்றுள்ளது. மஹிந்திரா எக்ஸ்யூவி300 காரை போல், டாடா நெக்ஸானும் சப்-4 மீட்டர் காம்பேக்ட் எஸ்யூவி ரகத்தை சேர்ந்த கார்தான் என்பது குறிப்பிடத்தக்கது.
4. மஹிந்திரா மராஸ்ஸோ - 4 நட்சத்திரங்கள்
பெரியவர்களுக்கான பாதுகாப்பு 4 நட்சத்திரங்களையும் (பாதுகாப்பு ஸ்கோர் 12.85/17), குழந்தைகளுக்கான பாதுகாப்பில் 3 நட்சத்திரங்களையும் (பாதுகாப்பு ஸ்கோர் 22.22/49) மஹிந்திரா மராஸ்ஸோ பெற்றுள்ளது. மஹிந்திரா மராஸ்ஸோ இந்திய சந்தையில் தற்போது மிகவும் பிரபலமாக இருந்து வரும் எம்பிவி ரக கார்களில் ஒன்றாகும்.
5. ஃபோக்ஸ்வேகன் போலோ - 4 நட்சத்திரங்கள்
பெரியவர்களுக்கான பாதுகாப்பில் 4 நட்சத்திரங்களையும் (பாதுகாப்பு ஸ்கோர் 12.54/17), குழந்தைகளுக்கான பாதுகாப்பில் 3 நட்சத்திரங்களையும் (பாதுகாப்பு ஸ்கோர் 29.91/49) ஃபோக்ஸ்வேகன் போலோ பெற்றுள்ளது. பெர்ஃபார்மென்ஸ் மற்றும் ஹேண்ட்லிங் ஆகிய அம்சங்களுடன் பாதுகாப்பிலும் ஃபோக்ஸ்வேகன் போலோ சிறந்து விளங்குகிறது.
6. டாடா டியாகோ/டிகோர் - 4 நட்சத்திரங்கள்
டாடா நிறுவனத்தின் டியாகோ மற்றும் டிகோர் ஆகிய இரண்டு கார்களும் பட்ஜெட் விலையில் கிடைத்தாலும், சிறப்பான பாதுகாப்பை வழங்குகின்றன. இந்த இரண்டு கார்களும் பெரியவர்களுக்கான பாதுகாப்பில் 4 நட்சத்திரங்களையும் (பாதுகாப்பு ஸ்கோர் 12.52/17), குழந்தைகளுக்கான பாதுகாப்பில் 3 நட்சத்திரங்களையும் (பாதுகாப்பு ஸ்கோர் 34.15/49) பெற்றுள்ளன.
7. மாருதி சுஸுகி விட்டாரா பிரெஸ்ஸா - 4 நட்சத்திரங்கள்
மாருதி சுஸுகி நிறுவனத்தின் கார்களில் பெரியவர்களுக்கான பாதுகாப்பில் 4 நட்சத்திரங்களை (பாதுகாப்பு ஸ்கோர் 12.51/17) பெற்ற ஒரே ஒரு கார் விட்டாரா பிரெஸ்ஸா மட்டுமே. ஆனால் இந்த கார் குழந்தைகளுக்கான பாதுகாப்பில் வெறும் 2 நட்சத்திரங்களை (பாதுகாப்பு ஸ்கோர் 17.93/49) மட்டுமே பெற்றுள்ளது. இது இந்திய சந்தையில் மிகவும் பிரபலமான கார்களில் ஒன்றாக திகழ்கிறது.
8. ஃபோர்டு அஸ்பயர் - 3 நட்சத்திரங்கள்
இந்தியாவின் பாதுகாப்பான கார்களின் பட்டியலில் ஃபோர்டு அஸ்பயரும் இருந்தாலும் கூட, அதன் பாதுகாப்பு ஸ்கோர் அவ்வளவு பிரமாதமாக இல்லை. பெரியவர்களுக்கான பாதுகாப்பில் 3 நட்சத்திரங்களையும் (பாதுகாப்பு ஸ்கோர் 10.49/17), குழந்தைகளுக்கான பாதுகாப்பில் 2 நட்சத்திரங்களையும் (பாதுகாப்பு ஸ்கோர் 14.22/49) இந்த கார் பெற்றுள்ளது.
-
ரொம்ப பணம் எல்லாம் வேணாம், உங்க கையில் இருக்குற பணத்தை வச்சே இந்த காரை வாங்கலாம் போல!
-
கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
-
இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!