Just In
- 3 min ago உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- 2 hrs ago சீன நிறுவனம் கேட்ட முக்கிய சான்றை வழங்கிய இந்தியா! மத்த நாடுகள வளச்சு போட்டதபோல இந்தியாவையும் வளச்சுபோட போகுது
- 4 hrs ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 7 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
Don't Miss!
- Technology யாரு சாமி நீ.. UPI.. யூடியூப்.. சிங்கிள் சார்ஜில் 6 நாட்கள் பேட்டரி.. புதிய 4ஜி போன் அறிமுகம்.. எந்த மாடல்?
- News கிளாம்பாக்கத்தில் அலைமோதிய கூட்டம்.. நள்ளிரவில் திடீரென போராட்டத்தில் குதித்த பயணிகள்
- Sports என்னங்க சொல்றீங்க? சிஎஸ்கேக்கு வருகிறாரா ஆஸி. வேகம் ஹேசல்வுட்.. உண்மை என்ன?
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Movies Actress Sujitha: குக் வித் கோமாளி நிகழ்ச்சியில் பாண்டியன் ஸ்டோர்ஸ் நாயகி.. சூப்பர்ல!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஃபார்ச்சூனர் காரில் புதிய எபிக், எபிக் ப்ளாக் எடிசன்களை கொண்டுவந்தது டொயோட்டா..!
டொயொட்டா நிறுவனம் ஃபார்ச்சூனர் மாடலின் புதிய எபிக் மற்றும் எபிக் ப்ளாக் வெர்சன் கார்களை சர்வதேச சந்தையில் அறிமுகப்படுத்தியுள்ளது. இதன்படி ஃபார்ச்சூனரின் இந்த புதிய வேரியண்ட்கள் முதலில் தென்னாப்பிரிக்க சந்தையில் விற்பனை செய்யப்படவுள்ளன.
டொயோட்டா நிறுவனம் இந்த இரு புதிய ஃபார்ச்சூனர் கார்களின் 2.8 லிட்டர் டீசல் என்ஜினை தற்போதைய ஃபார்சூனர் மாடலில் இருந்து வித்தியாசப்படுவதற்காக சில கூடுதலான காஸ்மெட்டிக் அப்கிரேட்களுடன் வழங்கியுள்ளது. இந்த அப்கிரேட் டீசல் என்ஜின் ஃபார்ச்சூனரின் இந்த புதிய எபிக் வெர்சன்களில் மட்டும் தான் பொருத்தப்பட்டுள்ளது.
வெளிப்புறத்தில் இந்த புதிய எபிக் வேரியண்ட்கள் முன்புறத்தில் 'எபிக்' ப்ராண்டிங் உடன் வாடிக்கையாளரின் கவனத்தை பெற சற்று வெளியே தள்ளப்பட்ட பார்களையும், பின்புறத்தில் வாகனத்தை அவசர காலத்தில் கட்டி இழுப்பதற்கான பார்களையும் கொண்டுள்ளன.
உட்புற கேபின் அதிகளவிலான சிறிய மாற்றங்களுடன் காட்சியளிக்கிறது. இந்த வகையில் ஃபார்ச்சூனரின் இந்த எபிக் வெர்சன்கள் உட்புறத்தில் மெட்டாலிக் ஸ்கஃப் தட்டுகளையும், 'எபிக்' ப்ராண்ட் ஃப்ளோர் மேட்களையும் பெற்றுள்ளன. எபிக் ப்ளாக் வெர்சன் கார் கூடுதலாக ஸ்போர்ட்டியான டிசைனில் கருப்பு நிறத்தில் ரூஃப், விங் மிரர்கள் மற்றும் புதிய டிசைனில் அலாய் சக்கரங்கள் வழங்கப்பட்டுள்ளன.
மற்றப்படி இந்த எபிக் எடிசன்கள் தற்போதைய ஃபார்ச்சூனர் மாடலில் உள்ள எல்இடி ஹெட்லேம்ப்கள், ஆட்டோ க்ளைமேட் கண்ட்ரோல், பவர்டு ஓட்டுனர் இருக்கை, க்ரூஸ் கண்ட்ரோல், காரின் பின்பக்கத்தை பார்க்க கேமிரா மற்றும் தொடுத்திரை இன்போடெயின்மெண்ட் சிஸ்டம் உள்ளிட்டவற்றை அப்படியே பெற்றுள்ளது.
177 பிஎச்பி பவரை வெளிப்படுத்தக்கூடிய இந்த எடிசன்களின் 2.8 லிட்டர் டீசல் என்ஜின் ஆற்றலை காரின் முன்புற அல்லது பின்புற இரு சக்கரங்களுக்கோ அல்லது அனைத்து சக்கரங்களுக்கோ ஒரே நேரத்தில் வழங்கும் திறன் கொண்டது. இந்த என்ஜின் உடன் ட்ரான்ஸ்மிஷனிற்கு 6-ஸ்பீடு ஆட்டோமேட்டிக் கியர்பாக்ஸ் மட்டும் தான் வழங்கப்பட்டுள்ளது.
மேனுவல் ட்ரான்ஸ்மிஷன் தேர்வு கொடுக்கப்படவில்லை. இந்த இரு புதிய எடிசன்களை தவிர்த்து, இந்திய மாடலை போல் அல்லாமல் இரு டீசல் என்ஜின் தேர்வுகளில் டொயோட்டா ஃபார்ச்சூனர் தென்னாப்பிரிக்காவில் விற்பனை செய்யப்பட்டு வருகிறது. இதில் சிறிய 2.4 லிட்டர் என்ஜின் இந்தியாவில் விற்பனை செய்யப்படும் இன்னோவா கிரிஸ்டா மாடலிலும் பொருத்தப்பட்டு வருகிறது.
இந்த 2.4 லிட்டர் டீசல் என்ஜின் தேர்வு ஃபார்ச்சூனரின் தென்னாப்பிரிக்க மாடலின் விலை குறைவான வேரியண்ட்களில் மட்டும் தான் வழங்கப்படுகிறது. இந்த இரு டீசல் என்ஜின்கள் மட்டுமில்லாமல் பெட்ரோல் வேரியண்ட்டிலும் ஃபார்ச்சூனர் கார் தென்னாப்பிரிக்காவில் கிடைக்கிறது. இந்த பெட்ரோல் வேரியண்ட்டில் 2.7 லிட்டர் என்ஜின் பொருத்தப்படுகிறது.
ஃபார்ச்சூனர் காரின் பிஎஸ்6 மாடலை டொயோட்டா நிறுவனம் கடந்த பிப்ரவரி மாத துவங்கத்தில் இந்திய சந்தையில் அறிமுகப்படுத்தியிருந்தது. மேலும் ஃபார்ச்சூனர் மாடலில் மிட்-சைக்கிள் அப்டேட்டை கொண்டுவரும் பணியிலும் இந்நிறுவனம் ஈடுப்பட்டு வருகிறது.
புதிய பிஎஸ்6 கார்களின் அறிமுகங்களுக்கு இடையே புதிய மாசு உமிழ்வு விதிக்கு இணக்கமாக அப்டேட் செய்யப்படாத வாகனங்களின் விற்பனையையும் இந்நிறுவனம் நிறுத்தி வருகிறது. இந்த வகையில் சமீபத்தில் டொயோட்டா எட்டியோஸ் மற்றும் லிவா மாடல்கள் இந்தியாவில் இருந்து விடைபெற்று சென்றன. இதுகுறித்த தகவல்களை முழுமையாக கீழேயுள்ள லிங்கை பயன்படுத்தி காணவும்.