Just In
- 3 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 3 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 4 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 5 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
டொயோட்டா அர்பன் க்ரூஸர் அறிமுகம் அதிகாரப்பூர்வமாக உறுதியானது
டொயோட்டா அர்பன் க்ரூஸர் எஸ்யூவி எப்போது அறிமுகம் செய்யப்பட உள்ளது என்பது குறித்த அதிகாரப்பூர்வ தகவல் வெளியாகி இருக்கிறது. அதன் விபரங்களை தொடர்ந்து காணலாம்.
மாருதி சுஸுகி கார்களை ரீபேட்ஜ் செய்து விற்பனை செய்யும் முயற்சியில் டொயோட்டா ஈடுபட்டுள்ளது. கடந்த ஆண்டு மாருதி பலேனோ கார் டொயோட்டா பிராண்டில் க்ளான்ஸா என்ற பெயரில் அறிமுகம் செய்யப்பட்டது. இதற்கு நல்ல வரவேற்பு கிடைத்தது. இதையடுத்து, இரண்டாவது மாடலாக மாருதி விட்டாரா பிரெஸ்ஸா எஸ்யூவி டொயோட்டா பிராண்டில் ரீபேட்ஜ் செய்யப்பட்டு இருக்கிறது.
டொயோட்டா பிராண்டில் அர்பன் க்ரூஸர் என்ற பெயரில் வர இருக்கும் இந்த புதிய காம்பேக்ட் எஸ்யூவியின் அறிமுகம் குறித்த எதிர்பார்ப்பு வாடிக்கையாளர் மத்தியில் இருந்து வருகிறது. இந்த நிலையில், வரும் பண்டிகை காலத்தில் அர்பன் க்ரூஸர் எஸ்யூவி விற்பனைக்கு கொண்டு வரப்படும் என்று டொயோட்டா தெரிவித்துள்ளது.
அதாவது, அடுத்த மாதம் இந்த புதிய மாடல் விற்பனைக்கு கொண்டு வரப்பட உள்ளதாக தகவல்கள் தெரிவிக்கின்றன. மேலும், இந்த மாத இறுதியில் முன்பதிவு துவங்கப்படுவதற்கான வாய்ப்புகளும் உள்ளன.
மாருதி விட்டாரா பிரெஸ்ஸா எஸ்யூவியிலிருந்து ஒரு சில மாற்றங்களுடன் டொயோட்டா அர்பன் க்ரூஸர் எஸ்யூவி வர இருக்கிறது. அதாவது, டொயோட்டா லோகோ சின்னம் பதிக்கப்பட்டு, சிறிய மாற்றங்கள் செய்யப்பட்டு இருக்கும். மற்றபடி, டிசைனில் பெரிய மாற்றங்கள் எதுவும் இருக்காது.
கடந்த மார்ச் மாதம் விற்பனைக்கு அறிமுகம் செய்யப்பட்ட மாருதி விட்டாரா பிரெஸ்ஸா ஃபேஸ்லிஃப்ட் மாடலின் அடிப்படையில்தான் இந்த புதிய மாடல் வர இருக்கிறது. எனவே, விட்டாரா பிரெஸ்ஸா ஃபேஸ்லிஃப்ட் மாடலில் இடம்பெற்றிருந்த அனைத்து சிறப்பம்சங்கள் அப்படியே இந்த மாடலிலும் எதிர்பார்க்கலாம்.
புரொஜெக்டர் ஹெட்லைட்டுகள், எல்இடி பகல்நேர விளக்குகள், 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், க்ளைமேட் கன்ட்ரோல் ஏசி சிஸ்டம், கீ லெஸ் என்ட்ரி, புஷ் பட்டன் ஸ்டார்ட் ஆகிய வசதிகள் இடம்பெற்றிருக்கும்.
புதிய டொயோட்டா அர்பன் க்ரூஸர் எஸ்யூவியில் டியூவல் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ரியர் பார்க்கிங் சென்சார்கள், ரியர் வியூ கேமரா உள்ளிட்ட பாதுகாப்பு வசதிகள் கொடுக்கப்பட்டு இருக்கும் என்று எதிர்பார்க்கப்படுகிறது.
மாருதி விட்டாரா பிரெஸ்ஸா ஃபேஸ்லிஃப்ட் மாடலில் கொடுக்கப்பட்ட அதே 1.5 லிட்டர் பெட்ரோல் எஞ்சின்தான் டொயோட்டா அர்பன் க்ரூஸர் எஸ்யூவியிலும் இடம்பெறுகிறது. இந்த எஞ்சின் அதிகபட்சமாக 104 பிஎச்பி பவரையும், 138 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகள் வழங்கப்படும். மைல்டு ஹைப்ரிட் சிஸ்டமும் வழங்கப்படும் வாய்ப்புள்ளது.
புதிய டொயோட்டா அர்பன் க்ரூஸர் எஸ்யூவி ரூ.8 லட்சம் ஆரம்ப விலையில் எதிர்பார்க்கப்படுகிறது. மாருதி விட்டாரா பிரெஸ்ஸா எஸ்யூவியில் வழங்கப்படும் விலை குறைவான வேரியண்ட் தேர்வுகள் டொயோட்டா அர்பன் க்ரூஸர் எஸ்யூவியிலும் இடம்பெறாது. எனவே, விட்டாரா பிரெஸ்ஸாவைவிட டொயோட்டா அர்பன் க்ரூஸர் எஸ்யூவியின் விலை சற்று கூடுதலாக இருக்கும் வாய்ப்புள்ளது.