Just In
- 11 min ago இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!
- 37 min ago எத்தன பேரு வாங்கி குவிக்க போறாங்களோ! இன்னும் 7நாள்ல டெலிவரி தொடங்க போகுது! வேட்டியை வரிஞ்சுக்கட்டிய ஓலா!
- 59 min ago ரூ6.13 லட்சம் விலை, 19 கி.மீ மைலேஜ் தரும் இந்த காரை வாங்க லைன் நின்னாலும் உடனே கிடைக்காது! ஏன் தெரியுமா?
- 2 hrs ago தலைக்கு மேல ஊட்டியையே தூக்கி வச்ச மாதிரி இருக்கும்! டிராஃபிக் போலீசாருக்கு ஏசி ஹெல்மெட் வந்தாச்சு!
Don't Miss!
- News விஜயகாந்த்தை "வட்டமிட்ட" பாஜக.. அவசர அவசரமா மோடி அப்படி சொன்னாரே, இப்ப என்னாச்சு? குழம்பும் தேமுதிக
- Movies பழனிக்கே பஞ்சாமிர்தமா?.. கூலி படத்தோட கதையில பல வருஷத்துக்கு முன்னாடியே ரஜினி நடிச்சிட்டாரே பாஸ்!
- Technology பிளிப்கார்ட் பிச்சிக்குது.. வெறும் ரூ.13,999 போதும்.. OIS கேமரா.. 6000mAh பேட்டரி.. 1TB மெமரி.. எந்த மாடல்?
- Finance 15-15-15 ரூல் பயன்படுத்தி ரூ. 1 கோடி பெறுவது எப்படி? இதை நோட் பண்ணுங்க!
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Lifestyle நீங்க ஏ.சி. போட போறீங்களா? இந்த 3 விஷயங்களை செய்ய மறந்துடாதீங்க...!
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
அப்பப்பா... கப்பல்ல போற மாதிரி சொகுசாக இருக்கு... புதிய மெர்சிடிஸ் பென்ஸ் எஸ்-க்ளாஸ் விற்பனைக்கு அறிமுகம்...
புதிய மெர்சிடிஸ் பென்ஸ் எஸ்-க்ளாஸ் கார் இந்தியாவில் விற்பனைக்கு அறிமுகம் செய்யப்பட்டுள்ளது. இதுகுறித்த தகவல்களை இந்த செய்தியில் பார்க்கலாம்.
சொகுசு செடான் பிரியர்கள் மத்தியில் பெரும் எதிர்பார்ப்பை ஏற்படுத்தியிருந்த 2021 எஸ்-க்ளாஸ் காரை மெர்சிடிஸ் பென்ஸ் நிறுவனம் இந்தியாவில் இன்று (ஜூன் 17) விற்பனைக்கு அறிமுகம் செய்தது. சிபியூ வழியில் மெர்சிடிஸ் பென்ஸ் நிறுவனம் புதிய எஸ்-க்ளாஸ் செடான் காரை இந்தியாவிற்கு கொண்டு வருகிறது.
அதாவது முழுவதும் கட்டமைக்கப்பட்ட நிலையில், இந்திய சந்தைக்கு இறக்குமதி செய்யப்பட்டு புதிய எஸ்-க்ளாஸ் கார் விற்பனை செய்யப்படும். இந்திய சந்தையில் எஸ் 400டி மற்றும் எஸ் 450 என இரண்டு வேரியண்ட்களில், புதிய எஸ்-க்ளாஸ் கிடைக்கும். வெள்ளை, கருப்பு, நீலம், சிகப்பு மற்றும் பச்சை என மொத்தம் 5 வண்ண தேர்வுகள் இந்த காரில் வழங்கப்படுகின்றன.
அதே நேரத்தில் முந்தைய மாடலுடன் ஒப்பிடுகையில், புதிய எஸ்-க்ளாஸ் 34 மிமீ நீளமானது. மேலும் புதிய மாடலின் அகலம் 22 மில்லி மீட்டரும், உயரம் 12 மில்லி மீட்டரும் அதிகரிக்கப்பட்டுள்ளது. இந்த வரிசையில் வீல்பேஸ் நீளமும் 51 மில்லி மீட்டர் அதிகரிக்கப்பட்டுள்ளது. முந்தைய மாடலுடன் பெரியது என்பதால், கேபினில் நல்ல இடவசதி கிடைக்கும்.
அதே சமயம் புதிய மெர்சிடிஸ் பென்ஸ் எஸ்-க்ளாஸ் செடானில், பர்ம்ஸ்டர் 4டி சர்ரவுண்ட் சவுண்ட் சிஸ்டம், ஆம்பியண்ட் லைட்டிங், முன் மற்றும் பின் பகுதி இருக்கைகளில் மசாஜ் வசதி, பின் பக்க பயணிகளுக்கு லெக்-ரெஸ்ட் என பல்வேறு வசதிகள் வழங்கப்பட்டுள்ளன. இதுதவிர 12.8 இன்ச் இன்போடெயின்மெண்ட் யூனிட், 12.3 இன்ச் டிரைவர் டிஸ்ப்ளே ஆகிய வசதிகளும் கவனம் ஈர்க்கின்றன.
நாங்கள் ஏற்கனவே கூறியபடி எஸ் 400டி மற்றும் எஸ் 450 என இரண்டு வேரியண்ட்களில், புதிய எஸ்-க்ளாஸ் செடான் கிடைக்கும். இதில், எஸ் 450 வேரியண்ட்டில் பெட்ரோல் இன்ஜினும், எஸ் 400டி வேரியண்ட்டில் டீசல் இன்ஜினும் வழங்கப்பட்டுள்ளன. இந்த காரின் பெட்ரோல் இன்ஜின் அதிகபட்சமாக 362 ஹெச்பி பவரையும், 500 என்எம் டார்க் திறனையும் உருவாக்கும்.
அதே நேரத்தில் டீசல் இன்ஜின் அதிகபட்சமாக 326 ஹெச்பி பவரையும், 720 என்எம் டார்க் திறனையும் வழங்க கூடியது. இந்த இரண்டு இன்ஜின்களுமே 3 லிட்டர் யூனிட்கள்தான். இந்த இரண்டு இன்ஜின்களுடனும் 9 ஸ்பீடு ஆட்டோமேட்டிக் டிரான்ஸ்மிஷன் தேர்வு வழங்கப்படுகிறது. இந்திய சந்தையில் ஆடி ஏ8 மற்றும் பிஎம்டபிள்யூ 7 சீரிஸ் உள்ளிட்ட கார்களுடன், புதிய மெர்சிடிஸ் பென்ஸ் எஸ்-க்ளாஸ் போட்டியிடும்.
புதிய மெர்சிஸ் பென்ஸ் எஸ்-க்ளாஸ் சர்வதேச அளவில் கடந்த 2020ம் ஆண்டு செப்டம்பர் மாதம் விற்பனைக்கு அறிமுகம் செய்யப்பட்டது. அதை தொடர்ந்து தற்போது இந்திய சந்தையிலும் இந்த புதிய எஸ்-க்ளாஸ் கார் விற்பனைக்கு அறிமுகமாகியுள்ளது. மெர்சிடிஸ் பென்ஸ் உருவாக்கியதிலேயே மிகவும் சொகுசான எஸ்-க்ளாஸ் கார் இதுதான் என இந்த புதிய மாடல் சந்தைப்படுத்தப்பட்டுள்ளது.
பாதுகாப்பை பொறுத்தவரை ஏராளமான ஏர்பேக்குகள், இபிடி உடன் ஏபிஎஸ், முன் மற்றும் பின் பகுதியில் பார்க்கிங் சென்சார்கள், 360 டிகிரி கேமரா உள்பட ஏராளமான வசதிகளை புதிய மெர்சிடிஸ் பென்ஸ் எஸ்-க்ளாஸ் பெற்றுள்ளது. புதிய மெர்சிடிஸ் பென்ஸ் எஸ்-க்ளாஸ் செடானின் விலை விபரத்தை கீழே காணலாம்.
எஸ் 400டி 4மேட்டிக் - 2.17 கோடி ரூபாய்
எஸ் 450 4மேட்டிக் - 2.19 கோடி ரூபாய்
இவை எக்ஸ் ஷோரூம் விலையாகும்.
-
ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
-
10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
-
வெறும் 136 பேர் தான் இந்த காரை வாங்கியிருக்காங்க! நல்ல காரா இருந்தாலும் மக்கள் வெறுக்க காரணம் இது தான்!