Just In
- 55 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 1 hr ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 3 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- News தமிழ்நாட்டில் ஐஏஎஸ், ஐபிஎஸ் அதிகாரிகளுக்கு சம்பளம் எவ்வளவு.. இவ்வளவு சலுகைகளா? ஆச்சர்யமான தகவல்கள்
- Technology iPhone-க்கு நெத்தி அடி.. வயர்லெஸ் MagCharge உடன் வந்த முதல் ஆண்ட்ராய்டு போன்.. Samsung இல்லை OnePlus இல்லை..
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
ரூ. 40 லட்சத்துக்கு Audi A4 சொகுசு கார்... புதியதாக ப்ரீமியம் வேரியண்ட் விற்பனைக்கு அறிமுகம்!
சொகுசு உற்பத்தி நிறுவனம் ஆடி (Audi) அதன் ஏ4 ( A4) கார் மாடலில் குறைந்த விலை தேர்வு ஒன்றை விற்பனைக்கு அறிமுகப்படுத்தியுள்ளது. இந்த வேரியண்டின் விலை மற்றும் பிற முக்கிய விபரங்கள இந்த பதிவில் பார்க்கலாம், வாங்க.
பிரபல சொகுசு கார் உற்பத்தி நிறுவனமான ஆடி (Audi), அதன் ஏ4 (A4) எனும் பிரபல சொகுசு கார் மாடலில் புதியதாக ஓர் தேர்வை அறிமுகப்படுத்தியுள்ளது. ஏற்கனவே இரு வேரியண்டுகளில் இது விற்பனைக்குக் கிடைத்து வரும் நிலையில் மூன்றாவதாக ஓர் தேர்வை நிறுவனம் அறிமுகப்படுத்தியுள்ளது.
பிரீமியம் ( A4 premium) எனும் வேரியண்டையே நிறுவனம் இந்தியாவில் விற்பனைக்கு அறிமுகப்படுத்தியுள்ளது. ஏற்கனவே பிரீமியம் ப்ளஸ் (Premium Plus) மற்றும் டெக்னாலஜி (Technology) எனும் இரு வேரியண்டுகளில் ஆடி ஏ4 விற்பனைக்குக் கிடைத்து வந்தது குறிப்பிடத்தகுந்தது. இவற்றின் வரிசையிலேயே தற்போது புதிதாக ஏ4-இன் பிரீமியம் தேர்வு விற்பனைக்கு அறிமுகம் செய்யப்பட்டுள்ளது.
இந்த வேரியண்டிற்கு ரூ. 40 லட்சம் விலையை ஆடி நிர்ணயித்துள்ளது. இது எக்ஸ்-ஷோரூம் விலை மட்டுமே என்பது குறிப்பிடத்தகுந்தது. ஆடி நிறுவனம் ஏ4 சொகுசு கார் மாடலை நடப்பு 2021ம் ஆண்டின் தொடக்கத்திலேயே விற்பனைக்கு அறிமுகப்படுத்தியது.
ஜனவரி 5ம் தேதி அன்றே இந்த கார் பல்வேறு மேம்படுத்தப்பட்ட அம்சங்களுடன் விற்பனைக்கு வந்தது. இதனைத் தொடர்ந்து இன்னும் பல்வேறு மாடல்களை நிறுவனம் தொடர்ச்சியாக நாட்டில் விற்பனைக்கு அறிமுகப்படுத்தியது. அந்தவகையில், அண்மையில் மின்சார கார் மாடலான இ-ட்ரான் ஜிடி-யை இந்தியாவில் ஆடி அறிமுகம் செய்து வைத்தது.
இதனைத் தொடர்ந்து, கூடுதல் தேர்வை வழங்கும் வகையில் ஏ4-இல் ப்ரீமியம் வேரியண்ட் விற்பனைக்குக் கொண்டு வரப்பட்டுள்ளது. தற்போது விற்பனையில் இருக்கும் மற்ற இரு வேரியண்டுகளைக் காட்டிலும் சற்றே குறைந்த விலை தேர்வாக இந்த பிரீமியம் வேரியண்ட் இருக்கின்றது. நடப்பு 2021ம் ஆண்டின் இறுதியைக் கொண்டாடும் விதமாக ஆடி நிறுவனம் இத்தேர்வை விற்பனைக்குக் கொண்டு வந்திருப்பதாக கூறப்பட்டுள்ளது.
ஆடி ஏ4 பிரீமியம் வேரியண்ட் ஆரம்ப நிலை வேரியண்டாக விற்பனைக்கு வந்தாலும், அதில் சொகுசு மற்றும் பிரீமியம் அம்சங்களுக்கு எந்தவித குறைச்சலுமின்றி காட்சியளிக்கின்றது. டிஆர்எல்களுடன் கூடிய எல்இடி ஹெட்லைட், எல்இடி வால் பகுதி மின் விளக்கு, சன் ரூஃப், ஆடி சவுண்ட் சிஸ்டம்,ஆடி ஸ்மார்ட்போன் இணப்பு வசதி, ஒயர்லெஸ் சார்ஜர் வசதி உடன் ஆடி ஃபோன் பாக்ஸ் ஆகிய வசதிகள் வழங்கப்பட்டுள்ளன.
இத்துடன், பார்க்கிங் எய்ட் ப்ளஸ், ரியர் வியூ கேமிரா, ஆடி டிரைவ் செலக்ட், ஆம்பிசியன்ட் மின் விளக்கு, ஆறு ஏர் பேக்குகள், 4-வே லூம்பார் சப்போர்க் முன்பக்க இருக்கைகள், 10 இன்சிலான இன்ஃபோடெயின்மென்ட் திரை உள்ளிட்ட அம்சங்களும் ஆடி ஏ4 பிரீமியம் வேரியண்டில் வழங்கப்பட்டுள்ளன.
எஞ்ஜினைப் பொருத்தவரை 2.0 லிட்டர் பெட்ரோல் எஞ்ஜினே இக்காரில் பயன்படுத்தப்பட்டுள்ளது. இந்த எஞ்ஜின் அதிகபட்சமாக 190 எச்பி மற்றும் 320 என்எம் டார்க்கை வெளியேற்றும் திறன் கொண்டது. இந்த எஞ்ஜின் மிக சிறந்த இயக்க அனுபவத்தை வழங்கும் என ஆடி நிறுவனம் வாக்குறுதி அளிக்கின்றது.
குறிப்பாக காரிம் இடம் பெற்றிருக்கும் சொகுசான இருக்கை அமைப்பு மற்றும் தொழில்நுட்ப வசதிகள் ரைடுகளை பல மடங்கு சுவாரஷ்யமானதாக மாற்றும் வகையில் கொடுக்கப்பட்டிருப்பதாக தெரிவித்துள்ளது. ஆடி ஏ4-இன் பிற தேர்வுகளான பிரிமீயம் ப்ளஸ் வேரியண்ட்டிற்கு 42 லட்சத்து 34 ஆயிரம் ரூபாயும், டெக்னாலஜி வேரியண்ட்டிற்கு 46 லட்சத்து 67 ஆயிரம் ரூபாயும் விலை நிர்ணயிக்கப்பட்டுள்ளது.
இவை இரண்டும் எக்ஸ்ஷோரூம் விலைகள் ஆகும். மெர்சிடிஸ் பென்ஸ் சி க்ளாஸ், பிஎம்டபிள்யூ 3 சீரிஸ் ஆகிய கார்களுக்கு இந்த சொகுசு செடான் ஏ4 நேரடி போட்டியாக இந்தியாவில் விற்பனைக்கு வந்திருக்கின்றது. புதிய ஆடி ஏ4 சொகுசு கார் நீலம், வெள்ளை, கருப்பு, சில்வர் மற்றும் சாம்பல் ஆகிய 5 வண்ணங்களில் இந்தியாவில் விற்பனைக்கு கிடைக்கும்.