Just In
- 1 hr ago அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- 6 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 6 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 7 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
Don't Miss!
- Finance திருமணமான இந்துக்கள் கூடுதலாக வரி சேமிப்பதற்கான வழிமுறைகள் – ஜெரோதா CEO சொன்ன ஐடியா..!
- Lifestyle Today Rasi Palan 29 March 2024: இன்று இந்த ராசிக்காரர்களின் நிதி நிலை வழக்கத்தை விட சிறப்பாக இருக்கும்...
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
தற்போதைய மிட்-சைஸ் எஸ்யூவி கார்களில் குறைந்த விலையில் எதை வாங்கலாம்? எக்ஸ்யூவி700 முதல் எஸ்-கிராஸ் வரையில்
இந்தியாவில் நடுத்தர-அளவு எஸ்யூவி கார்களுக்கான சந்தை சமீப ஆண்டுகளில் பெரிய அளவில் பிரபலமடைந்துள்ளது. இவற்றை காட்டிலும் அளவில் சிறிய காம்பெக்ட் எஸ்யூவி கார்களும் ஒவ்வொரு மாதத்திலும் அதிகளவில் வாடிக்கையாளர்களை பெற்று வருகின்றன.
அளவில் சிறியதாக இருப்பதால் காம்பெக்ட் எஸ்யூவி கார்களின் விலைகளும் நடுத்தர-அளவு எஸ்யூவி காருடன் ஒப்பிடுகையில் சற்று குறைவு தான். இருப்பினும் காம்பெக்ட் எஸ்யூவி காரின் டாப் வேரியண்ட்டை வாங்குவதை காட்டிலும் நடுத்தர-அளவு எஸ்யூவி காரின் ஆரம்ப நிலை வேரியண்ட்டை வாங்கலாம் என்கிற எண்ணம் உங்களில் பலருக்கு இருக்கலாம்.
அத்தகையவர்களில் ஒருவரா நீங்கள்?. மலிவான வேரியண்ட்டிலாவது நடுத்தர-அளவு எஸ்யூவி காரை வாங்க விரும்புபவர்களுக்காக, சில பிரபலமான நடுத்தர-அளவு எஸ்யூவி கார்களின் விலை குறைவான வேரியண்ட்களை பற்றி இனி இந்த செய்தியில் பார்ப்போம்.
மஹிந்திரா எக்ஸ்யூவி700 - ரூ.12.49 லட்சம் & ரூ,12.99 லட்சம்
மஹிந்திரா எக்ஸ்யூவி700 கார் சமீபத்தில் தான் இந்திய சந்தையில் அறிமுகப்படுத்தப்பட்டது. இந்த புத்தம் புதிய மஹிந்திரா எஸ்யூவி காருக்கு இதுவரையில் மட்டுமே 50,000 முன்பதிவுகளை கடந்து சென்று கொண்டிருப்பதாக தயாரிப்பு நிறுவனம் தெரிவிக்கிறது.
ரூ.12.49 லட்சம் என்பது பெட்ரோல் என்ஜின் உடன் எக்ஸ்யூவி700 மாடலின் ஆரம்ப விலையாகும். ரூ.12.99 லட்சம் என்பது டீசல் என்ஜின் உடன். ஆனால் 6-ஸ்பீடு என்ற ஒற்றை டிரான்ஸ்மிஷன் உடன் மட்டுமே கிடைக்கும் எக்ஸ்யூவி700 காரை ஐந்து இருக்கை தேர்வில் மட்டுமே வாங்க முடியும். 7-இருக்கை தேர்வில் தற்போது வழங்கப்படுவதில்லை.
எம்ஜி அஸ்டர் - ரூ.9.78 லட்சம்
மஹிந்திரா எக்ஸ்யூவி700-ஐ தொடர்ந்து இந்திய சந்தையில் மிக சமீபத்தில் களமிறக்கப்பட்ட மாடல் தான் எம்ஜி அஸ்டர் ஆகும். போட்டி மாடல்களுக்கு மிகவும் சவாலான விலையில் அறிமுகப்படுத்தப்பட்டுள்ள இது ஏற்கனவே விற்பனையில் இருக்கும் இசட்.எஸ் எலக்ட்ரிக் காரின் பெட்ரோல் வெர்சன் என்பது குறிப்பிடத்தக்கது.
அதாவது 1.5 லிட்டர் பெட்ரோல் என்ஜின் மட்டும் தான் 5-ஸ்பீடு மேனுவல் டிரான்ஸ்மிஷன் உடன் வழங்கப்படுகிறது. இருப்பினும் இதன் ஆரம்ப நிலை ‘ஸ்டைல்' வேரியண்ட்டிலும் 10.1 இன்ச் தொடுத்திரை இன்ஃபோடெயின்மெண்ட் சிஸ்டம், 3.5 இன்ச் வண்ணத்திரை உடன் இன்ஸ்ட்ரூமெண்ட் க்ளஸ்ட்டர் போன்றவை வழங்கப்படுகின்றன.
கியா செல்டோஸ் - எச்டிஇ பெட்ரோல் -ரூ.9.95 லட்சம் & டீசல் -ரூ.10.65 லட்சம்
ஹூண்டாய் க்ரெட்டாவை போன்று தற்போதைக்கு நம் இந்திய சந்தையில் அதிகளவில் விற்பனையாகும் நடுத்தர-அளவு எஸ்யூவி காராக கியா செல்டோஸ் விளங்குகிறது. பல மாதங்களுக்கு பிறகு கடந்த செப்டம்பரில் விற்பனையில் க்ரெட்டாவை செல்டோஸ் முந்தியுள்ளதை நமது செய்தித்தளத்தில் கூட பார்த்திருந்தோம்.
க்ரெட்டாவை காட்டிலும் செல்டோஸ் குறைவான ஆரம்ப விலையினை கொண்டுள்ளது. கியா செல்டோஸின் ஆரம்ப நிலை வேரியண்ட்டில் 1.5 லிட்டர் பெட்ரோல் (115 பிஎஸ்/ 144 என்எம்) மற்றும் 1.5 லிட்டர் டீசல் (115 பிஎஸ்/ 250 என்எம்) என்ற இரு விதமான என்ஜின் தேர்வுகள் வழங்கப்படுகின்றன. இவற்றுடன் 6-ஸ்பீடு மேனுவல் கியர்பாக்ஸ் இணைக்கப்படுகிறது.
ஃபோக்ஸ்வேகன் டைகுன் - ரூ.10.49 லட்சம்
ஃபோக்ஸ்வேகன் நிறுவனம் கடந்த செப்டம்பரில் இந்திய சந்தையில் டைகுன் மாடலை அறிமுகப்படுத்தியது. கடந்த மாத விற்பனையில் அதிகம் விற்பனையான ஃபோக்ஸ்வேகன் மாடலாக டைகுன் விளங்குகிறது. அதிகப்பட்சமாக 115 பிஎஸ் மற்றும் 178 என்எம் டார்க் திறனை வெளிப்படுத்தக்கூடிய இந்த என்ஜின் உடன் 6-ஸ்பீடு மேனுவல் டிரான்ஸ்மிஷன் இணைக்கப்படுகிறது.
மாருதி எஸ்-கிராஸ் - ரூ.8.59 லட்சம்
வாடிக்கையாளர்களின் வரவேற்பை பெறாமல் போன மிகவும் சில மாருதி கார்களில் எஸ்-கிராஸும் ஒன்று. அளவில் பெரியதாக உள்ளது, பார்ப்பதற்கு மிகவும் ஸ்டைலிஷாக உள்ளது, எல்லாம் சரிதான், ஆனால் தொழிற்நுட்ப அம்சங்கள், இதில் தான் எஸ்-கிராஸ் பெரியதாக கோட்டைவிடுகிறது.
டாப் வேரியண்ட்களிலேயே இந்த பிரச்சனை என்றால், ஆரம்ப-நிலை வேரியண்ட்டை பற்றி சொல்லவா வேண்டும். இதனால் தான் இந்த அளவில் பெரிய மாருதி எஸ்யூவி காரின் விலை மற்றவைகளை காட்டிலும் குறைவான லட்சங்களில் இருந்து ஆரம்பிக்கிறது.