Just In
- 35 min ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 1 hr ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 1 hr ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 2 hrs ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
Don't Miss!
- News ஒரே காரில் 4 ஆண்களுடன் இளம்பெண் பயணம்.. குமரி போலீஸ் கேட்ட கேள்வி.. கேரள இளைஞர்கள் கடும் வாக்குவாதம்
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Finance உங்ககிட்ட கிழிஞ்ச ரூபாய் நோட்டு இருக்கா.. அப்போ கண்டிப்பா இந்த பதிவு உங்களுக்குத்தான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
உங்களது சர்வதேச ஓட்டுனர் உரிமம் காலாவதியாகிவிட்டதா? வெளிநாட்ல இருந்தே புதுப்பிக்க வாய்ப்பு
காலாவதியான சர்வதேச ஓட்டுனர் உரிமத்தை வெளிநாட்டில் இருந்தபடியே இந்திய குடிமக்கள் புதுப்பிக்க மத்திய அரசு அனுமதி வழங்கி உள்ளது. இதுகுறித்த கூடுதல் விபரங்களை இந்த செய்தியில் பார்க்கலாம்.
கொரோனா பிரச்னையால் சர்வதேச அளவில் விமானப் போக்குவரத்து உள்ளிட்டவற்றில் பெரும் பாதிப்பு இருந்து வருகிறது. மேலும், வெளிநாடுகளில் வாழும் இந்தியர்கள் தாய்நாடு திரும்புவதில் பல பிரச்னைகள் உள்ளன. இதனை கருத்தில்கொண்டு, வெளிநாடுகளில் வாழும் இந்தியர்களுக்கு புதிய சலுகை ஒன்றை மத்திய சாலை போக்குவரத்து மற்றும் நெடுஞ்சாலைத் துறை அமைச்சகம் வெளியிட்டுள்ளது.
அதில், வெளிநாடுகளில் வாழும் இந்தியர்கள் பயன்படுத்தும் சர்வதேச ஓட்டுனர் உரிம அனுமதி சீட்டு காலாவதியானால், அங்கிருந்தபடியே புதுப்பிக்கும் வசதியை வழங்குவதாக அறிவித்துள்ளது.
சம்பந்தப்பட்ட நாட்டில் செயல்படும் இந்திய தூதரகம் மூலமாக தங்களது சர்வதேச ஓட்டுனர் உரிம அனுமதி சீட்டை புதுப்பிப்பதற்கு வசதி செய்யப்பட்டு இருக்கிறது. இதன்படி, தூதரகம் வழியாக வாகன் இணையதளம் மூலமாக, சம்பந்தப்பட்ட வட்டாரப் போக்குவரத்து அலுவலகத்திற்கு தகவல் அனுப்பி வைக்கப்படும்.
அங்கு சர்வதேச ஓட்டுனர் உரிமத்தை புதுப்பிப்பதற்கான நடைமுறைகள் சரிபார்க்கப்பட்டு பின்னர் அனுமதி நீட்டித்து தரப்படும். மேலும், புதிய சர்வதேச ஓட்டுனர் உரிம அனுமதி சீட்டு, சம்பந்தப்பட்டவருக்கு தபால் மூலமாக வெளிநாட்டில் உள்ள முகவரிக்கு அனுப்பி வைக்கப்படும்.
இந்த நடைமுறையில் இரண்டு கூடுதல் சலுகைகளும் வழங்கப்பட்டுள்ளன. அதன்படி, சர்வதேச ஓட்டுனர் உரிமத்தை புதுப்பிக்க விண்ணப்பிப்பவருக்கு விசா மற்றும் மருத்துவச் சான்று ஆகிய இரண்டும் சமர்ப்பிக்க வேண்டிய தேவையில்லை என்று தெரிவிக்கப்பட்டுள்ளது.
இதனால், வெளிநாட்டில் வாழும் இந்தியர்கள் எளிதாக தங்களது காலாவதியான அல்லது காலாவதியாகும் காலத்தில் உள்ள சர்வதேச ஓட்டுனர் உரிம அனுமதி சீட்டை புதுப்பிக்க வாய்ப்பு ஏற்பட்டுள்ளது.
ஓட்டுனர் உரிமத்திற்கு ஒரு மருத்துவச் சான்று இருக்கும்போது, சர்வதேச ஓட்டுனர் உரிமத்திற்கு தனியாக ஒரு மருத்துவ சான்று தேவையில்லை என்று மத்திய சாலை போக்குவரத்து அமைச்சகம் முடிவு செய்துள்ளது. அதேபோன்று, சில நாடுகள் இந்தியர்களுக்கு உடனடியாக விசா வழங்கும் நடைமுறையை பின்பற்றுவதால், இதில் உள்ள சிக்கல்களை மனதில் வைத்து இந்த முடிவை எடுத்துள்ளது.
இந்த முடிவு நிச்சயமாக வெளிநாட்டு வாழ் இந்தியர்களுக்கு வரப்பிரசாதமாக அமையும். ஏற்கனவே, காலாவதியான சர்வதேச ஓட்டுனர் உரிம அனுமதி சீட்டை வெளிநாட்டில் இருந்தபடியே பெற முடியாத நிலை இருந்தது குறிப்பிடத்தக்கது.