Just In
- 2 min ago கொஞ்ச நேரத்துல உயிர் போய்ட்டு வந்துச்சு!! தப்பிக்க, பைக்கில் இதையெல்லாம் டிரை செய்து பாருங்க!
- 1 hr ago பேடிஎம் ஃபாஸ்ட் டேக் கார்டுகளை இப்பவும் பயன்படுத்த முடியுமா? அதுல இருக்குற பணத்தை எடுப்பது எப்படி?
- 3 hrs ago எல்லாரும் ஃப்ளோரிடாவுக்கு கிளம்ப போறாங்க.. ரோல்ஸ் ராய்ஸ் காரை இலவசமா தர போறாங்களாம்!! ஒரே ஒரு நிபந்தனைதான்!
- 8 hrs ago ஜாக்பாட்... 4,000 எலெக்ட்ரிக் கார்களுக்கு ஆர்டர் கொடுத்த பிரபல நிறுவனம்... வரிசையா களத்துல எறக்க போறாங்க...
Don't Miss!
- Movies Vijay In Kerala - அய்யய்யோ இது என்ன விபரீதம்.. கேரளாவில் நொறுங்கிய விஜய்யின் கார்?.. ட்ரெண்டாகும் வீடியோ
- News தமிழ்நாட்டில் 1 முதல் 9ம் வகுப்பு இறுதித்தேர்வு எப்போது? பள்ளி கல்வித்துறை சூப்பர் முடிவு
- Finance ஸ்மார்ட் போன் வாங்கப் போறீங்களா? ரூ.60,000க்கு கீழ் கிடைக்கும் உயர்ரக பிராண்டட் போன்கள்..
- Lifestyle இட்லி, தோசைக்கு ஒருமுறை இப்படி தக்காளியை குருமாவை செஞ்சு பாருங்க.. அடிக்கடி செய்வீங்க..
- Technology அதிரி புதிரி ஆர்டர்.. 66W சார்ஜிங்.. 64MP கேமரா.. AMOLED டிஸ்பிளே.. ஆஃபரில் விவோ போன்.. எந்த மாடல்?
- Sports சிஎஸ்கே அணியின் படுமோசமான கேப்டன்கள் பட்டியல்.. தோனி கேப்டனா இருக்க காரணமே இதுதான்
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
- Education தரமான கல்வியைத் தர உறுதி பூண்டுள்ள பிஎம் ஸ்ரீ பள்ளி திட்டம்...!!
டாடா ஹாரியர் இடத்தை காலி செய்ய ஃபோர்டு திட்டம்?... புத்தம் புதிய எஸ்யூவி காரை களமிறக்க இருப்பதாக தகவல்!!
டாடா ஹாரியர் மற்றும் ஜீப் காம்பஸ் கார்களுக்கு போட்டியாக ஃபோர்டு நிறுவனம் புதிய எஸ்யூவி ரக காரை விற்பனைக்குக் களமிறக்க இருப்பதாக தகவல்கள் வெளியாகியுள்ளன. இதுகுறித்த கூடுதல் தகவலைத் தொடர்ந்து பார்க்கலாம்.
பிரபல கார் உற்பத்தி நிறுவனமான ஃபோர்டு புதிய எஸ்யூவி ரக கார் ஒன்றை இந்தியாவில் விற்பனைக்கு அறிமுகம் செய்ய இருப்பதாக தகவல்கள் வெளியாகியுள்ளன. டெர்ரிடோரி எனும் புதிய வாகனத்தையே நிறுவனம் விற்பனைக்குக் கொண்டு வர இருப்பதாக டீம் பிஎச்பி தளம் செய்தி வெளியிட்டுள்ளது.
ஏசியாவின் குறிப்பிட்ட நாடுகளில் மட்டுமே இந்த எஸ்யூவி ரக காரை ஃபோர்டு விற்பனைச் செய்து வருகின்றது. இந்த நிலையிலேயே இக்காரை இந்தியாவிலும் விற்பனைக்கு அறிமுகம் செய்ய திட்டமிருப்பதாக புதிய தகவல்கள் வெளியாகியுள்ளன.
புதிய ஃபோர்டு டெர்ரிடோரி எஸ்யூவி கார் ஏற்கனவே இந்தியாவில் விற்பனைக்குக் கிடைக்கும் டாடா ஹாரியர் மற்றும் ஜீப் காம்பஸ் உள்ளிட்ட புகழ்வாய்ந்த எஸ்யூவி கார்கள் சிலவற்றிற்கு போட்டியாக களமிறக்கப்பட இருக்கின்றது. இதனைக் கருத்தில் கொண்டு பல்வேறு முக்கிய அம்சங்களை டெர்ரிடோரி காரில் ஃபோர்டு அறிமுகம் செய்யலாம் என எதிர்பார்க்கப்படுகின்றது.
ஃபோர்டு நிறுவனம் டெர்ரிடோரி எஸ்யூவி காரை விற்பனைச் செய்து வரும் நாடுகளில் பிலிப்பைன்ஸ் நாடும் ஒன்று. இந்த நாட்டில் விற்பனைக்குக் கிடைக்கும் டெர்ரிடோரி கார் 1.5 லிட்டர் ஈகோ பூஸ்ட் எஞ்ஜினைக் கொண்டிருக்கின்றது. இதே எஞ்ஜின் கொண்ட டெர்ரிடோரி காரே இந்தியாவிலும் விற்பனைக்கு எதிர்பார்க்கப்படுகின்றது.
இந்த எஞ்ஜின் அதிகபட்சமாக 141 பிஎச்பியை 4500 ஆர்பிஎம்மிலும், 225 என்எம் டார்க்கை 4000 ஆர்பிஎம்மிலும் வெளியேற்றும். மேலும், இந்த எஞ்ஜின் சிவிடி கியர்பாக்ஸ் இயங்குவது குறிப்பிடத்தகுந்தது. எஸ்யூவி கார் பிரிவில் கடுமையான போட்டியை வழங்க வேண்டும் என்பதற்காகவே இத்தகைய சூப்பர் திறனில் ஃபோர்டு டெர்ரிடோரி காரை விற்பனைக்கு களமிறக்க தயாராகி வருகின்றது.
இதுதவிர, பனோரமிக் சன்ரூஃப், எல்இடி ஹெட்லைட், 10 அங்குலத்திலான தொடுதிரை ஹெட்யூனிட், ஒயர்லெஸ் சார்ஜர், 10 இன்சிலான டிஜிட்டல் இன்ஸ்ட்ரூமென்ட் க்ளஸ்டர், 6 ஏர்பேக்குகள், 360 டிகிரி கேமிரா, பார்க் அசிஸ்ட் மற்றும் தன்னாட்சி பிரேக்கிங் வசதி என எக்கசக்க சிறப்பு அம்சங்கள் இக்காரில் எதிர்பார்க்கப்படுகின்றன.
தற்போது வெளிநாடுகள் சிலவற்றில் விற்பனைக்குக் கிடைக்கும் ஃபோர்டு டெர்ரிடோரி கார்களில் மேற்கூறிய அம்சங்கள் மட்டுமின்றி இன்னும் பல அம்சங்கள் இடம் பெற்றிருப்பது குறிப்பிடத்தகுந்தது. எனவேதான், விரைவில் விற்பனைக்கு அறிமுகமாக இருப்பதாக கூறப்படும் டெர்ரிடோரி கார் எஸ்யூவி சந்தையில் ஓர் புரட்சியைச் செய்யலாம் என எதிர்பார்க்கப்படுகின்றது.
ஃபோர்டு டெர்ரிடோரி கார் அறிமுகம்குறித்த தகவல்கள் இணையத்தின் வாயிலாக மட்டுமே வெளியாகியுள்ளன. இதுகுறித்த அதிகாரப்பூர்வ தகவலை ஃபோர்டு இதுவரை வெளியிடவில்லை என்பது குறிப்பிடத்தகுந்தது. அதேசமயம், மிக விரைவில் இக்கார் குறித்த தகவலை நிறுவனம் வெளியிடலாம் என எதிர்பார்க்கப்படுகின்றது.