Just In
- 3 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 4 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 5 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 6 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
எரிபொருள் ரொம்ப கம்மியா இருக்கு... பக்கத்துல பெட்ரோல் பங்க் வேற இல்ல... அந்த நேரத்தில் என்ன செய்யணும் தெரியுமா
காரில் எரிபொருள் மிகவும் குறைவாக இருக்கும்போது, அருகில் பெட்ரோல் பங்க் இல்லாவிட்டால் என்ன செய்ய வேண்டும்? என்பதை இந்த செய்தியில் பார்க்கலாம்.
எரிபொருள் குறைவாக இருந்தால், அதுகுறித்த தகவலை கார் நமக்கு தெரிவிக்கும். காரின் டேஷ்போர்டில் இதனை நாம் தெரிந்து கொள்ளலாம். எரிபொருள் குறைவாக உள்ளது என்பதை தெரிவிப்பதற்காக கார் டேஷ்போர்டில் எச்சரிக்கை விளக்கு வழங்கப்பட்டிருக்கும். அது எரிகிறது என்றால், எரிபொருள் மிகவும் குறைவாக உள்ளது என அர்த்தம்.
எரிபொருள் குறைவாக இருப்பதை ஓட்டுனர்களுக்கு எச்சரிப்பது மட்டுமே இதன் பணி. இந்த எச்சரிக்கை விளக்கு எரிந்தால், காரில் இன்னமும் எரிபொருள் இருக்கிறது என்றுதான் அர்த்தம். ஆனால் அதிகமாக இல்லை. மிகவும் குறைவாக இருக்கிறது என அர்த்தம். இந்த விளக்கு எரிந்தால், உடனடியாக நீங்கள் பெட்ரோல் பங்க்கிற்கு செல்ல வேண்டும்.
இந்த விளக்கு எரிந்தால், அதன்பின் எவ்வளவு தூரம் பயணிக்க முடியும்? என்பது ஒவ்வொரு காரையும் பொறுத்து மாறுபடும். அத்துடன் சாலை கண்டிஷன் மற்றும் உங்களது டிரைவிங் ஸ்டைல் ஆகியவற்றையும் பொறுத்து இது மாறுபடலாம். எரிபொருள் குறைவாக உள்ளது என்பதை எச்சரிக்கு விளக்கு எரிந்தால், சிறிய கார்களில் 50-60 கிலோ மீட்டர்கள் பயணிக்க முடியும்.
அதே நேரத்தில் பெரிய எஸ்யூவி ரக கார்கள் என்றால், 30-50 கிலோ மீட்டர்கள் வரை பயணிக்க முடியும். அந்த அளவிற்கு மட்டுமே எரிபொருள் இருக்கும். ஆனால் இது துல்லியமான தகவல் கிடையாது. எனவே எச்சரிக்கையாக இருப்பது நல்லது. நீங்கள் உடனடியாக எரிபொருள் நிரப்பாவிட்டால், நடுவழியில் எங்கேயாவது தவிக்க நேரிடலாம்.
இது உங்களுக்கும், உங்களுடன் பயணம் செய்பவர்களுக்கும் மன உளைச்சலை ஏற்படுத்துவதுடன், தேவையில்லாமல் நேர விரயத்தையும் ஏற்படுத்தும். அத்துடன் குறைவான எரிபொருளுடன் காரை ஓட்டுவதும் பல்வேறு பிரச்னைகளை உருவாக்கும். காரின் பாகங்கள் பாதிக்கப்படுவதற்கான வாய்ப்புகள் உள்ளன என்பதை மனதில் கொள்ளுங்கள்.
இது உங்களுக்கு தேவையற்ற செலவுகளை ஏற்படுத்தலாம் என்பதால், எப்போதும் அதிக எரிபொருளை காரின் டேங்க்கில் வைத்திருப்பது நல்லது. கூடுமானவரை அனைத்து நேரங்களிலும் குறைந்தபட்சம் எரிபொருள் டேங்க்கின் மொத்த கொள்ளளவில் 25 சதவீதம் எரிபொருள் இருக்குமாறு பார்த்து கொள்வது நன்மை பயக்கும்.
25 சதவீதம் என்பது குறைந்தபட்ச அளவு. அதற்கு மேல் எவ்வளவு எரிபொருள் இருந்தாலும் நல்லதுதான். சரி, சந்தர்ப்ப சூழ்நிலைகளால் நீங்கள் எரிபொருள் நிரப்ப மறந்து விட்டீர்கள் என வைத்து கொள்வோம். அப்போது எரிபொருள் குறைவாக உள்ளது என்பதை எச்சரிக்கும் விளக்கு வேறு ஒளிர்கிறது. ஆனால் அருகில் பெட்ரோல் பங்க் எதுவும் இல்லை.
அப்போது என்ன செய்ய வேண்டும்? என்ற சந்தேகம் பலருக்கும் உள்ளது. இதற்கு ஒரு சில வழிமுறைகள் இருக்கின்றன. இதனை நீங்கள் சரியாக பின்பற்றினால், கூடுமானவரை பெட்ரோல் பங்க்கிற்கு சென்று விடுவதற்கான வாய்ப்புகள் உள்ளன. இதன் மூலம் நடுவழியில் எங்கேயாவது சிக்கி கொண்டு தவிப்பதை தவிர்க்கலாம்.
இதுபோன்ற சூழ்நிலை உங்களுக்கு ஏற்பட்டால், முடிந்த வரை மணிக்கு 65 கிலோ மீட்டர் வேகத்தில் பயணம் செய்ய முயற்சி செய்யுங்கள். இதைதான் எரிபொருள் சிக்கனத்திற்கான சிறந்த வேகமாக கூறுகிறார்கள். ஆனால் இந்த வேகமானது, நீங்கள் எங்கே கார் ஓட்டி கொண்டுள்ளீர்கள்? சாலையின் கண்டிஷன் ஆகிய காரணிகளை பொறுத்தது.
அதேபோல் ஜன்னல் கண்ணாடிகளை மேலே ஏற்றி விடுங்கள். ஜன்னல்கள் திறந்திருப்பது என்பது, கூடுதல் இழுவைக்கு காரணமாக அமையும். இதன் காரணமாக இன்ஜின் அதிக எரிபொருளை நுகரும். எனவே ஜன்னல் கண்ணாடிகளை மேலே ஏற்றி விட்டால் ஓரளவிற்கு எரிபொருளை சேமிக்கலாம். எரிபொருள் குறைவாக இருக்கும் நேரத்தில் ஒவ்வொரு துளியும் முக்கியம்.
அதேபோல் ஆக்ஸலரேட்டரிடம் கனிவாக நடந்து கொள்ளுங்கள். எரிபொருள் தீர்ந்து கார் நின்று விடுமோ? என்ற பதற்றத்தில், ஆக்ஸலரேட்டரை முரட்டுத்தனமாக மிதித்தால், அதிக எரிபொருள் செலவு ஆவதற்கான வாய்ப்புகள் உள்ளன. எனவே சீரான வேகத்தில் பயணம் செய்யுங்கள். நீங்கள் நெடுஞ்சாலையில் பயணம் செய்கிறீர்கள் என்றால், க்ரூஸ் கண்ட்ரோல் வசதியை பயன்படுத்தலாம்.
குறிப்பிட்ட வேகத்தை செட் செய்து விட்டால், உதாரணத்திற்கு 65 கிலோ மீட்டர்கள் என்ற வேகத்தை செட் செய்து விட்டால், கார் தொடர்ந்து அந்த வேகத்திலேயே பயணிக்கும். இதுதான் க்ரூஸ் கண்ட்ரோல். தற்போது இந்த வசதி பெரும்பாலான கார்களில் வழங்கப்படுகிறது. பழைய சாதாரண கார்களில் இந்த வசதி இருக்காது என்பதை நினைவில் கொள்ளுங்கள்.