Just In
- 1 hr ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 7 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 7 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
- 10 hrs ago ஒரே ஆளா வந்து வாங்கிட்டு போயிட்டாங்க.. 2,000 டாடா எலெக்ட்ரிக் கார்களை வாங்கி ஒற்றை ஆளு!
Don't Miss!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
தீப்பிடிக்கும் அபாயம்... கோனா எலெக்ட்ரிக் கார்களில் பேட்டரியை மாற்றுவதற்கு ஹூண்டாய் முடிவு!
பேட்டரியில் தொழில்நுட்ப பிரச்னையால் தீப்பிடிக்கும் வாய்ப்பு இருப்பதையடுத்து, உலக அளவில் ஹூண்டாய் கோனா எலெக்ட்ரிக் கார்கள் திரும்ப அழைக்கப்பட உள்ளன.
ஹூண்டாய் கோனா எலெக்ட்ரிக் கார் இந்தியா உள்பட உலகின் பல்வேறு நாடுகளிலும் விற்பனை செய்யப்பட்டு வருகிறது. அதிக ரேஞ்ச், தொழில்நுட்ப வசதிகளுடன் வாடிக்கையாளர்களை கவர்ந்து வருகிறது.
இந்த நிலையில், ஹூண்டாய் கோனா கார்களில் உள்ள பேட்டரியால் தீப்பிடிக்கும் சம்பவங்கள் அரங்கேறத் துவங்கின. உலகின் பல்வேறு நாடுகளிலும் விற்பனை செய்யப்பட்ட 15 ஹூண்டாய் கோனா கார்கள் தீப்பிடித்து எரிந்தன.
ஹூண்டாய் நிறுவனத்தின் தாய் நாடான தென்கொரியாவில் 11 கோனா எலெக்ட்ரிக் கார்களும், கனடாவில் இரண்டு கார்களும், பின்லாந்து மற்றும் ஆஸ்திரியாவில் தலா ஒரு கோனா எலெக்ட்ரிக் காரும் தீப்பிடித்தன.
இது உலக அளவில் ஹூண்டாய் கோனா எலெக்ட்ரிக் கார் வைத்திருக்கும் வாடிக்கையாளர் மத்தியில் அதிர்ச்சியை ஏற்படுத்தியது. இதுகுறித்து தென்கொரியா போக்குவரத்துத் துறை விசாரணை நடத்தியது. இதில், ஹூண்டாய் கோனா எலெக்ட்ரிக் காரின் பேட்டரியில் உள்ள பிரச்னை காரணமாக தீப்பிடிக்கும் வாய்ப்பு இருப்பது கண்டறியப்பட்டது.
எனினும், பேட்டரி மேலாண்மைக்கான சாஃப்ட்வேரை ஹூண்டாய் மேம்படுத்தி கொடுத்தது. அதன்பிறகும், தீப்பிடிக்கும் பிரச்னை ஓய்ந்தபாடில்லை. இந்த விவகாரம் பூதாகரமாகி உள்ளதால், கோனா எலெக்ட்ரிக் கார்களை திரும்ப அழைக்க ஹூண்டாய் முடிவு செய்தது.
மேலும், கோனா கார்களுக்கு பேட்டரியை சப்ளை செய்த எல்ஜி கெம் நிறுவனத்துடனும் பேச்சு நடத்தியது. ஆனால், தாங்கள் தெரிவித்தபடி, சார்ஜ் ஏற்றும் தொழில்நுட்பத்தை ஹூண்டாய் பின்பற்றவில்லை என்று எல்ஜி புகார் தெரிவித்தது.
எனினும், வாடிக்கையாளர்கள் நலன் கருதி, இரண்டு நிறுவனங்களும் உலக அளவில் விற்பனை செய்யப்பட்ட கோனா எலெக்ட்ரிக் கார்களின் பேட்டரியை மாற்றித் தருவதற்கு முடிவு செய்துள்ளன. கடந்த 2018ம் ஆண்டு முதல் 2020ம் ஆண்டு வரை உற்பத்தி செய்யப்பட்ட 82,000 கோனா எலெக்ட்ரிக் கார்கள் திரும்ப அழைக்கப்பட உள்ளன.
மேலும், பேட்டரியை மாற்றித் தரும் வரை, கோனா எலெக்ட்ரிக் காரில் 90 சதவீதத்திற்கு மேல் சார்ஜ் ஏற்ற வேண்டாம் என்று வாடிக்கையாளர்களை ஹூண்டாய் நிறுவனம் அறிவுறுத்தி உள்ளது. கோனா எலெக்ட்ரிக் கார்களில் புதிய பேட்டரியை மாற்றித் தருவதற்கு 900 மில்லியன் டாலர் அளவுக்கு ஹூண்டாய் நிறுவனத்திற்கு செலவு ஏற்படும் என்று மதிப்பிடப்பட்டுள்ளது. இது மிகப்பெரிய ரீகால் அறிவிப்புகளில் ஒன்றாகவும் கருதப்படுகிறது.