Just In
- 20 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 26 min ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 2 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Sports ரோகித்.. ரோகித் என கத்திய ரசிகர்கள்.. ஓங்கி ஒரு அடி விட்ட ஹர்திக் பாண்டியா - வீடியோ
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
நேர்த்தியான முன்பக்கத்துடன் 2022 ஹூண்டாய் க்ரெட்டா ஃபேஸ்லிஃப்ட்!! அறிமுகம் விரைவில்!
ஹூண்டாய் க்ரெட்டா ஃபேஸ்லிஃப்ட் காரின் புதிய டீசர் படங்கள் இணையத்தில் வெளியிடப்பட்டுள்ளன. இதன் மூலம் தயாரிப்பு நிறுவனம் கூறவந்துள்ள தகவல்களை பற்றி இனி இந்த செய்தியில் பார்ப்போம்.
ஹூண்டாய் நிறுவனம் மிகவும் எதிர்பார்ப்பிற்கு மத்தியில் உள்ள க்ரெட்டா ஃபேஸ்லிஃப்ட் காரின் படங்களையும், விபரங்களையும் இன்னும் சில மாதங்களில் வெளியிடவுள்ளது. இந்த அப்டேட் செய்யப்பட்ட க்ரெட்டா எஸ்யூவி மாடல் முதலாவதாக இந்தோனிஷியாவில் விற்பனைக்கு வரும் என தகவல்கள் கூறுகின்றன.
மேலும் புதிய க்ரெட்டா ஃபேஸ்லிஃப்ட் காரில் இருந்துதான் இந்தோனிஷியாவில் எஸ்யூவி கார்களை தயாரிக்க ஹூண்டாய் துவங்கவுள்ளது. இந்த நிலையில் தற்போது வெளியிடப்பட்டுள்ள இந்த டீசர் படங்கள் புத்துணர்ச்சியான தோற்றத்தில் கொண்டுவரப்படும் க்ரெட்டா காரின் வெளிப்புறம் மற்றும் உட்புறத்தை ஓரளவிற்கு வெளிக்காட்டக்கூடியவைகளாக உள்ளன.
புதிய க்ரெட்டா பல முறை இந்தோனிஷியாவிலும், தென்கொரியாவிலும் சோதனை ஓட்டத்தின் போது அடையாளம் காணப்பட்டுள்ளது. புதிய தலைமுறை ஹூண்டாய் டக்ஸன் மற்றும் சமீபத்தில் வெளியிடப்பட்ட சாண்டா க்ரூஸ் பிக்அப் ட்ரக்கில் வழங்கப்பட்டிருப்பது போன்றதான முற்றிலும் புதிய முன்பக்கத்துடன் க்ரெட்டா ஃபேஸ்லிஃப்ட் கார் கொண்டுவரப்பட உள்ளதை புதிய டீசர் படங்கள் உறுதிப்படுத்தியுள்ளன.
ஃபேஸ்லிஃப்ட் அப்கிரேட் என்பதால் முக்கியமான மாற்றங்கள் அனைத்தும் காரின் முன்பக்கத்தில் தான் வழங்கப்பட்டுள்ளன. க்ரெட்டாவின் ஆயுட்காலத்தை அதிகரிக்கும் வகையில் கொண்டுவரப்படும் இந்த அப்டேட்டின்படி கூடுதல் செவ்வகமான ஹெட்லேம்ப்கள் முந்தைய தலைமுறையை காட்டிலும் சற்று கீழிறக்கப்பட்டுள்ளது.
'பாராமேட்ரிக் க்ரில்' என்ற புதிய டிசைனிலான க்ரில் அமைப்பு காரின் முன்பக்கத்தில் மிகவும் நேர்த்தியாக வடிவமைக்கப்பட்டுள்ளது. மற்றப்படி டக்ஸனில் வழங்கப்பட்டிருக்கும் பாதி-கண்ணாடி வகையிலான எல்இடி டிஆர்எல்கள் புதிய க்ரெட்டாவில் வழங்கப்படுமா என்பதை இந்த டீசர் படங்களின் மூலம் அறிய முடியவில்லை.
ஏனெனில் புதிய ஸ்கெட்ச் டீசர் படங்களில் காரின் ஹெட்லைட்கள் ஒளிரவில்லை. இத்தகைய எல்இடி டிஆர்எல்-களை ஒளிரும்போதுதான் அடையாளம் காண முடியும். இந்த ஹெட்லேம்ப் அமைப்பில் க்ரில்லும் அடங்குவது குறிப்பிடத்தக்கது. அதாவது க்ரில் பகுதியிலும் விளக்குகள் எரியும். பின்பக்கம் கிட்டத்தட்ட ரஷ்யாவில் அறிமுகப்படுத்தப்பட்ட க்ரெட்டாவின் அப்டேட் வெர்சனுக்கு இணையாக இருக்கும்.
புதிய க்ரெட்டா ஃபேஸ்லிஃப்ட்டின் உட்புறத்திலும் அப்கிரேட்களை எதிர்பார்கிறோம். இந்த வகையில் அதிநவீன ஓட்டுனர் உதவி அமைப்பை க்ரெட்டாவின் புதிய ஃபேஸ்லிஃப்ட் வெர்சன் குறைந்தது டாப் வேரியண்ட்களிலாவது பெற்றுவரலாம் என தகவல்கள் கூறுகின்றன.
அதேநேரம் இந்தோனிஷிய சந்தையில் அறிமுகப்படுத்தப்படும் புதியதாக அப்டேட் செய்யப்பட்ட க்ரெட்டாவில் டீசல் என்ஜின் தேர்வு நீக்கப்படலாம் என எதிர்பார்க்கப்படுகிறது. இதனால் ஒரே ஒரு 1.5 லிட்டர் பெட்ரோல் என்ஜின் தேர்வில் மட்டுமே புதிய க்ரெட்டா விற்பனை செய்யப்படும் என தெரிகிறது.
மேலும், 5-இருக்கை மற்றும் 7-இருக்கை தேர்வுகளிலும் க்ரெட்டா இந்தோனிஷியாவில் அறிமுகப்படுத்தப்பட உள்ளதாக அங்கிருந்துவரும் தகவல்கள் தெரிவிக்கின்றன. ஆனால் இதனை தற்போதுவரையில் ஹூண்டாய் நிறுவனம் உறுதிப்படுத்தவில்லை. 5 இருக்கைகளுடன் தான் க்ரெட்டா உலகளவில் விற்பனை செய்யப்படுகிறது. இதனால் இது நமக்கு பழக்கப்பட்டது தான்.
7-இருக்கை க்ரெட்டாவே இந்தோனிஷிய வாடிக்கையாளர்கள் பலரை கவரும் என கூறப்படுகிறது. ஏனெனில் 7-இருக்கை கியா சொனெட்டை போன்று 7-இருக்கை க்ரெட்டாவின் பரிமாண அளவுகளிலும் எந்த மாற்றமும் இல்லை. இருப்பினும் உட்புறத்தில் 7 இருக்கை வசதியினை ஹூண்டாய் நிறுவனம் கொடுக்கவுள்ளதாம்.
எவ்வாறு என்றால், மூன்றாவது இருக்கை வரிசையில் சிறிய பெஞ்ச் இருக்கைகளை வழங்கவுள்ளதாம். இந்தியாவில் தற்சமயம் விற்பனையில் இருக்கும் க்ரெட்டா மாடல் கடந்த 2020ஆம் ஆண்டின் மார்ச் மாதத்தில் அறிமுகப்படுத்தப்பட்டது. அறிமுகமாகி 1.5 வருடங்கள் கடந்துவிட்டாலும், இப்போதும் அதிகளவில் விற்பனையாகும் நடுத்தர-அளவு எஸ்யூவி காராக ஹூண்டாய் க்ரெட்டா விளங்குகிறது.
இதனால் அடுத்த 2022ஆம் ஆண்டு பாதி முடியும் வரையில் க்ரெட்டா ஃபேஸ்லிஃப்ட் காரின் அறிமுகத்தை இந்திய சந்தையில் எதிர்பார்க்க முடியாது. அதுமட்டுமில்லாமல் இந்தோனிஷியாவில் அறிமுகப்படுத்தப்பட்டதற்கு பிறகே இந்திய சந்தைக்கு அப்டேட் செய்யப்பட்ட க்ரெட்டாவை கொண்டுவர ஹூண்டாய் யோசிக்கும். இதற்குள் 2022ஆம் ஆண்டு முடியும் தருவாயில் வந்துவிடும்.
எப்போது அறிமுகமானாலும், இந்தோனிஷியாவில் அறிமுகப்படுத்தப்படும் க்ரெட்டா ஃபேஸ்லிஃப்ட்டிற்கு இணையான தோற்றத்தில் தான் புதிய க்ரெட்டா மாடல் இந்தியாவிலும் அறிமுகப்படுத்தப்படும் என எதிர்பார்க்கப்படுகிறது. அதிநவீன ஓட்டுனர் உதவி அமைப்பு (ADAS) போன்ற வசதிகளை க்ரெட்டா ஃபேஸ்லிஃப்ட்டின் இந்திய வெர்சனிலும் எதிர்பார்க்கிறோம்.