Just In
- 34 min ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 45 min ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 1 hr ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
- 3 hrs ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
Don't Miss!
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- News ஆந்திரா தேர்தல்: சிஎம் ஜெகன் அண்ணாவை அலறவிடும் இன்னொரு தங்கை! காங்கிரஸ் ஷர்மிளாவுடன் கை கோர்த்தார்!
- Movies ஹீரோ மாதிரி இருக்கும் அப்பாஸ் மகன்.. களத்தில் இறங்கிடுவாரோ.. ட்ரெண்டாகும் புகைப்படம்
- Lifestyle சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ஜாகுவார் ஐ-பேஸ் ப்ளாக் காருக்கான புக்கிங் துவக்கம்!! வெளிநாட்டில் விருதுகளை குவித்த எலக்ட்ரிக் கார்!
ஐ-பேஸ் ப்ளாக் என்ற தனது எலக்ட்ரிக் காருக்கான முன்பதிவுகளை இந்தியாவில் அதிகாரப்பூர்வமாக ஜாகுவார் நிறுவனம் துவங்கியுள்ளது. இந்த புதிய எலக்ட்ரிக் ஜாகுவார் காரை பற்றி கூடுதல் விபரங்களை இனி இந்த செய்தியில் பார்க்கலாம்.
ஜாகுவார் பிராண்டின் முதன்மையான மற்றும் சமீபத்திய அதிநவீன எலக்ட்ரிக் எஸ்யூவி காராக ஐ-பேஸ் விளங்கி வருகிறது. இந்தியாவிலும் விற்பனையில் இருக்கும் இந்த லக்சரி எலக்ட்ரிக் காரின் புதிய எடிசன் ஐ-பேஸ் ப்ளாக் என்கிற பெயரில் கொண்டுவரப்பட்டுள்ளது.
முழுவதுமாக கருப்பு நிறத்தில், பனோராமிக் சன்ரூஃப் உடன் வடிவமைக்கப்படுகின்ற ஐ-பேஸ் ப்ளாக் காருக்கான முன்பதிவுகள் தான் தற்போது துவங்கப்பட்டுள்ளன. தோற்றத்தில் செம்ம ஸ்டைலிஷானது இந்த எலக்ட்ரிக் எஸ்யூவி. இதற்காக பல வெளிநாட்டு சந்தைகளில் கார் ஆர்வலர்களிடம் இருந்து பாராட்டுகளையும், விருதுகளையும் பெற்றுள்ளது.
இதனை காட்டிலும் பலரை எளிதில் மயக்கிவிடும் தோற்றத்தில் இதன் ஸ்பெஷல் வெர்சனான ப்ளாக் எடிசன் உட்புறத்தையும் அதே கருப்பு நிறத்தில் கொண்டிருப்பதுதான் இதில் சிறப்பான விஷயமே. ஸ்டாண்டர்ட் ஐ-பேஸ் காரில் இருந்து இந்த ஸ்பெஷல் எடிசன் வித்தியாசப்படும் வகையில் வழங்கப்பட்டுள்ள மற்றொரு அம்சம் என்னவென்றால், ஐ-பேஸ் ப்ளாக்கின் பளபளப்பான க்ரே நிற 19-இன்ச் டைமண்ட்-கட் சக்கரங்கள் ஆகும்.
ஆனால் இயக்க ஆற்றலை வழங்கும் பவர்ட்ரெயினில் எந்த மாற்றமும் இல்லை. வழக்கமான 90kWh லித்தியம்-இரும்பு பேட்டரி தொகுப்பே ஐ-பேஸ் ப்ளாக் காரிலும் வழங்கப்பட்டுள்ளது. இதன் ஆற்றல்கள் காரின் முன்பக்க மற்றும் பின்பக்க முனைகளில் பொருத்தப்படுகின்ற இரு எலக்ட்ரிக் மோட்டார்களுக்கு அனுப்பப்படுகின்றன.
ஜாகுவார் ஐ-பேஸ் காரின் இரு எலக்ட்ரிக் மோட்டார்கள் இணைந்து அதிகப்பட்சமாக 395 பிஎஸ் மற்றும் 696 என்எம் டார்க் திறன் வரையில் வெளிப்படுத்தக்கூடியவை. பிரத்யேகமான பெயிண்ட் மற்றும் பனோராமிக் சன்ரூஃப் உடன் கூடுதல் தொழிற்நுட்ப வசதிகள் சிலவற்றையும் பெற்றுள்ள ஐ-பேஸ் ப்ளாக் கார் 0-வில் இருந்து 100kmph வேகத்தை வெறும் 4.8 வினாடிகளில் எட்டிவிடக்கூடியது.
மேட்ரிக்ஸ் எல்இடி ஹெட்லைட்கள், எல்இடி டெயில்லைட்கள், தகவமைத்து கொள்ளக்கூடிய க்ரூஸ் கண்ட்ரோல், சைகை மூலம் திறந்து மூடும் பின்பக்க கதவு, மெரிடியன் ஆடியோ சிஸ்டம், 3டி கேமிரா, லெதர் ஸ்போர்ட்ஸ் இருக்கைகள் மற்றும் ஏசி கண்ட்ரோலிற்கும் தொடு-இடைமுகம் உள்ளிட்டவை ஜாகுவார் நிறுவனம் ஐ-பேஸ் எலக்ட்ரிக் எஸ்யூவி காரில் வழங்கும் முக்கியமான தொழிற்நுட்ப அம்சங்களாகும்.
ஜாகுவார் ஐ-பேஸின் பேட்டரியை 100 கிலோவாட்ஸ் விரைவு சார்ஜரின் மூலம் 80 சதவீதத்தை 40 நிமிடங்களில் நிரப்பிவிடலாம். அதுவே வீட்டில் பயன்படுத்தக்கூடிய 7.4 கிலோவாட்ஸ் மாறுதிசை மின்னோட்ட சுவர் சார்ஜர் மூலமாக 80 சதவீதத்தை எட்ட கிட்டத்தட்ட 10 மணிநேரங்கள் தேவைப்படுமாம்.
ஐ-பேஸ் எலக்ட்ரிக் காரின் பேட்டரியை முழுவதுமாக சார்ஜ் நிரப்பிக்கொண்டு அதிகப்பட்சமாக 470கிமீ தொலைவிற்கு பயணிக்கலாம் என்கிறது ஜாகுவார் நிறுவனம். ஐ-பேஸ் ப்ளாக் எடிசன் காருக்கான முன்பதிவுகள் துவங்கப்பட்டிருப்பது குறித்து ஜாகுவார் லேண்ட் ரோவர் இந்தியா நிறுவனத்தின் நிர்வாக இயக்குனர் ரோகித் சுரி பேசுகையில், ஏகப்பட்ட விருதுகளை குவித்த பேட்டரி எலக்ட்ரிக் காரின் (ஐ-பேஸ்) தோற்றத்தை ஐ-பேஸ் ப்ளாக் மெருக்கேற்றுகிறது.
அதுமட்டுமில்லாமல் ஜாகுவார் ஐ-பேஸ் மாடலை இன்னும் தனித்துவமானதாகவும், விரும்பத்தக்கதாகவும் ஆக்குகிறது என்றார். ஐ-பேஸ் காருக்கு அருபா மற்றும் ஃபாரல்லன் பேர்ல் கருப்பு என்கிற பிரீமியம் தரத்திலான மெட்டாலிக் பெயிண்ட் தேர்வுகளை ஜாகுவார் வழங்குகிறது. இந்தியாவில் ஜாகுவார் ஐ-பேஸ் எலக்ட்ரிக் காரின் ஆரம்ப எக்ஸ்-ஷோரூம் விலை ரூ.1.05 கோடியாக தற்சமயம் உள்ளது.
ஏற்கனவே கூறியதுதான், ஜாகுவாரின் இந்த எலக்ட்ரிக் எஸ்யூவி கார் ஏகப்பட்ட சாதனைகளை படைத்துள்ளது. இந்த வகையில் சமீபத்தில் கடந்த ஜூன் மாத துவக்கத்தில் இங்கிலாந்தில் சிங்கிள்-சார்ஜில் 8,848மீ உயரத்திற்கு ஐ-பேஸ் எலக்ட்ரிக் கார் இயக்கப்பட்டு சாதனை புரியப்பட்டுள்ளது. நேபாளத்தில் உள்ள இமயமலையின் உயரமும் கிட்டத்தட்ட இதே தான்.
2019ஆம் ஆண்டிற்கான உலகின் சிறந்த கார் என்கிற விருதை பெற்ற ஜாகுவார் ஐ-பேஸ், அதே ஆண்டில் சிறந்த ஐரோப்பிய கார் விருதையும் தட்டி சென்றது. இதுவே இந்த ஜாகுவார் எலக்ட்ரிக் காருக்கு உலகளவில் கிடைக்கும் வரவேற்பிற்கு முக்கிய காரணமாகும். இந்தியாவிலும் இந்த ஜாகுவார் மாடலுக்கு எதிர்பார்த்த அளவு கவனம் கிடைப்பதினாலேயே தைரியமாக இதன் ப்ளாக் எடிசனிற்கான முன்பதிவுகளையும் தற்போது நம் நாட்டில் ஜாகுவார் துவங்கியுள்ளது.