Just In
- 4 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 4 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 5 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 5 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
பதிவெண்ணுக்காக ரூ.17 லட்சத்தை வாரி இறைத்த பிரபல நடிகர்... நம்பர வாங்கியதுக்கு ஒரு வரலாற்று காரணமே இருக்கு!
தென்னிந்திய திரையுலகைச் சேர்ந்த ஓர் பிரபல நடிகர் பேன்சி நம்பருக்காக ரூ. 17 லட்சத்தைச் செலவழித்திருப்பது ஒட்டுமொத்த இந்திய திரையுலகிற்குமே ஆச்சரியத்தை ஏற்படுத்தியிருக்கின்றது. இதுகுறித்த முக்கிய விபரத்தைக் கீழே காணலாம், வாங்க.
தெலுங்கு திரை உலகைச் சேர்ந்த பிரபல நடிகர் ஜூனியர் என்டிஆர், அண்மையில் லம்போர்கினி உருஸ் கிராஃபைட் கேப்ஸ்யூல் பதிப்பு (Lamborghini Urus Graphite Capsule Edition) சொகுசு காரை டெலிவரி பெற்றதாகத் தகவல்கள் வெளியாகியுள்ளன. இதனால், தெலுங்கு திரையுலகம் மட்டுமின்றி ஒட்டுமொத்த இந்திய திரையுலகின் பார்வையும் ஜூனியர் என்டிஆர் இன் பக்கம் திரும்பியது.
ஏனெனில் அந்த அவ்வளவு அதிக விலைக் கொண்ட மற்றும் சூப்பர் ஃபாஸ்ட் திறன் கொண்ட சொகுசு கார் இதுவாகும். இதன் விலையும் மிக மிக அதிகம் என்பது குறிப்பிடத்தக்கது. இத்தகைய ஓர் காரை வாங்கியதன் காரணத்தினால் இந்திய வாகன உலகின் தலையங்கத்திலும் அவர் இடம் பிடித்தார். இந்த நிலையில் மற்றுமொரு ஆச்சரியமளிக்கும் தகவல் ஜூனியர் என்டிஆர் குறித்து தற்போது வெளிவந்திருக்கின்றன.
நடிகர் ஜூனியர் என்டிஆர் தனது புதிய காருக்கான பதிவெண்ணிற்காக பல லட்சங்களை வாரி இறைத்திருப்பதாக புதிய தகவல்கள் தெரிவிக்கின்றன. அண்மையில் கைரதாபாத் ஆர்டிஓ அதிகாரிகள் டிஎஸ் 09 எஃப்எஸ் 9999 (TS 09 FS 9999) எனும் எண்ணை ஏளம் விட்டிருக்கின்றனர்.
கடந்த செவ்வாய்கிழமை நடைபெற்ற இந்த ஏலத்தில் பலர் பங்கு பெற்றிருக்கின்றனர். அதில் ஒருவராக ஜூனியர் என்டிஆரும் பங்கு பெற்றிருக்கின்றார். மிகவும் விறுவிறுப்பாக நடை பெற்ற ஏலத்தில் பலர் இந்த பேன்சி பதிவெண்ணை வாங்க லட்சக் கணக்கில் ஏலம் கேட்டனர்.
அனைவரையும் மிஞ்சும் வகையில் ஜூனியர் என்டிஆர் அப்பதிவெண்ணை ரூ. 17 லட்சத்திற்கு ஏலம் கேட்டிருக்கின்றார். இதைத் தொடர்ந்து ஆர்டிஓ அதிகாரிகள் ஜூனியர் என்டிஆருக்கே அப்பதிவெண்ணை வழங்குவதாக அறிவித்தனர். இந்த நிகழ்வு ஒட்டுமொத்த டோலிவுட் திரையுலகையுமே மிரள வைக்கும் வகையில் அமைந்துள்ளது.
ஜூனியர் என்டிஆர் இடத்தில் இருக்கும் பல்வேறு கார்கள் 9999 எனும் பதிவெண்ணைக் கொண்டதாகக் காட்சியளிக்கின்றன. இவரின் தாத்தா என்டிஆர் (நந்தமுரி தரகா ராம ராவ்), தாத்தாவின் அப்பா தொடங்கி பலர் 9999 என்ற பதிவெண் கொண்ட கார்களை பயன்படுத்தி இருக்கின்றார். ஆகையால், தனக்கும் இந்த பதிவெண் மிகவும் பிடித்த ஒன்றாக மாறிவிட்டதாக முன்னதாக நடைபெற்ற நேர்காணல் நிகழ்வு ஒன்றில் ஜூனியர் என்டிஆர் கூறிந்தார்.
இதன் அடிப்படையிலேயே தற்போது ரூ. 17 லட்சம் செலவில் பேன்சி பதிவெண்ணை அவர் வாங்கியிருக்கின்றார். இந்த பதிவெண் அண்மையில் வாங்கப்பட்ட லம்போர்கினி உருஸ் கிராஃபைட் கேப்ஸ்யூல் பதிப்பு காருக்காக வாங்கப்பட்டிருப்பதாக தகவல்கள் தெரிவிக்கின்றன.
இந்தியாவிலேயே லம்போர்கினி உருஸ் கிராஃபைட் கேப்ஸ்யூல் பதிப்பு காரை வாங்கிய முதல் நபர் இவரே ஆவார். ஆகையால், இக்காருக்கு கூடுதல் சிறப்பு சேர்க்கும் விதமாக இப்பதிவெண் பயன்படுத்தப்பட இருக்கின்றது. இந்த கார் வழக்கமான உருஸ் எஸ்யூவியைக் காட்டிலும் 20 சதவீதம் அதிக விலையில் விற்பனைக்குக் கிடைக்கிறது.
வழக்கமான லம்போர்கினி உருஸ் எஸ்யூவி இந்தியாவில் ரூ. 3 கோடிக்கும் அதிகமான விலையில் விற்பனைக்குக் கிடைப்பது குறிப்பிடத்தகுந்தது. லம்போர்கினி உருஸ் எஸ்யூவி கிராஃபைட் கேப்ஸ்யூல் எடிசனில் மட்டுமின்றி பேர்ல் கேப்ஸ்யூல் எனும் தேர்விலும் விற்பனைக்குக் கிடைக்கின்றது.
இந்த எடிசனை அண்மையில் நடிகர் ரன்வீர் சிங் டெலிவரி எடுத்திருந்தார் என்பது குறிப்பிடத்தகுந்தது. இவை அனைத்தும் எஞ்ஜின் விஷயத்தில் ஒரே மாதிரியானதாக காட்சியளிக்கின்றன. ஆனால், அணிகலன், சிறப்பம்சங்கள் மற்றும் சொகுசு வசதிகள் ஆகியவற்றில் சற்று வித்தியாசமானதாக காட்சியளிக்கின்றன.
கம்பீரமான தோற்றம், கட்டிங்-எட்ஜ் டிசைன் ஆகியவற்றால் இந்த சொகுசு கார் தொழிலதிபர்கள் மற்றும் செல்வந்தர்களைக் கவர்ந்து வருகின்றது. இதுமட்டுமின்றி பல்வேறு கவர்ச்சிகரமான வசதிகளை இக்காருக்கு தயாரிப்பாளர் வழங்கி வருகின்றார். கூடுதல் சொகுசு வசதிகளையும், கூடுதல் அழகு சேர்ப்பையும் நிறுவனம் ஆப்ஷனலாக வழங்கி வருகின்றது.
உருஸ் எஸ்யூவி கார்களில் 4.0 லிட்டர் ட்வின் டர்போசார்ஜட் வி8 பெட்ரோல் பயன்படுத்தப்பட்ட இருக்கின்றது. இந்த எஞ்ஜின் அதிகபட்சமாக 641 பிஎச்பியையும், 850 என்எம் டார்க்கையும் வெளியேற்றும் திறன் கொண்டது. இந்த எஞ்ஜின் உச்சபட்சமாக மணிக்கு 305 கிமீ எனும் வேகத்தில் செல்லும் திறன் கொண்டது. மேலும், வெறும் 3.6 செகண்டுகளில் பூஜ்ஜியத்தில் இருந்து மணிக்கு 100 கிமீ எனும் வேகத்தை எட்டிவிடும் என்பது உருஸ் எஸ்யூவியின் கூடுதல் சிறப்பு. இதேபோல், 12.8 செகண்டுகளுக்கு உள்ளாக பூஜ்ஜியத்தில் இருந்து மணிக்கு 200கிமீ எனும் வேகத்தை எட்டிவிடும்.
-
வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?