Just In
- 13 min ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 1 hr ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- 1 hr ago தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- 5 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
Don't Miss!
- News தலைகீழாக திரும்புதே.. விவசாயிகளுக்கு குஷி.. இனி "ஸ்பாட் ஆக்ஷன்".. தமிழக அரசின் புது அதிரடி வருகிறது
- Lifestyle Mango Benefits: ஆண்கள் தினமும் ஒரு மாம்பழம் சாப்பிடுவதால் என்னென்ன நன்மைகள் கிடைக்கும்-ன்னு தெரியுமா?
- Movies மாட்டிக்கினாரு ஒருத்தரு.. சமந்தாவின் மாஜி கணவர் அந்த நடிகையுடன் டேட்டிங்கா?.. தீயாய் பரவும் பிக்ஸ்!
- Finance வீட்டுக் கடன்: EMI செலுத்தாட்டி, வீடு ஏலம் விடப்படுமா? RBI சொல்வது என்ன? வங்கிகளின் அதிகாரம் என்ன?
- Technology கைக்கு 2 ஆர்டர்.. அவ்ளோ கம்மி.. AMOLED டிஸ்பிளே.. ப்ளூடூத் காலிங்.. ஹெல்த் டிராக்கர்கள்.. எந்த மாடல்?
- Sports இதுதான் ரியல் ட்விஸ்ட்.. ஓய்வுக்கு பின் சிஎஸ்கே அணியின் முக்கிய பதவிக்கு வரப்போகும் தல தோனி?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
கவர்ச்சிகரமான சூப்பர் கார்... லம்போர்கினி ஹூராகேன் எவோ ஆர்டபிள்யூடி ஸ்பைடர் ஃபர்ஸ்ட் லுக் ரிவியூ...
ஹூராகேன் எவோ ஆர்டபிள்யூடி (RWD-ரியர் வீல் டிரைவ்) ஸ்பைடர் சூப்பர் காரை லம்போர்கினி நிறுவனம் சர்வதேச சந்தைகளில் கடந்த 2020ம் ஆண்டு வெளியிட்டது. ஆனால் இந்திய சந்தைக்கு இந்த சூப்பர் கார் தற்போதுதான் விற்பனைக்கு கொண்டு வரப்பட்டுள்ளது. இந்த சூப்பர் காரை பார்வையிடுவதற்காக, மும்பையில் உள்ள லம்போர்கினி டீலர்ஷிப்பிற்கு நாங்கள் அழைக்கப்பட்டோம்.
3.54 கோடி ரூபாய் என்ற எக்ஸ் ஷோரூம் விலையில், ஹூராகேன் எவோ ஆர்டபிள்யூடி (RWD-ரியர் வீல் டிரைவ்) ஸ்பைடர் சூப்பர் காரை லம்போர்கினி நிறுவனம் விற்பனைக்கு அறிமுகம் செய்துள்ளது. இந்திய சந்தையில் தற்போது கிடைக்கும் மிகவும் கவர்ச்சிகரமான கன்வெர்டபிள் ரக கார்களில் ஒன்றாக இது தற்போது திகழ்கிறது.
டிசைன் & ஸ்டைல்
லம்போர்கினி ஹூராகேன் எவோ ரியர் வீல் டிரைவ் ஸ்பைடர் சூப்பர் கார் லைஃப் ஸ்டைல் ரகத்தில் டிசைன் செய்யப்பட்டுள்ளது. முன் பகுதியை பொறுத்தவரை, ரியர் வீல் டிரைவ் கூபே மாடலை போன்று இந்த கார் காட்சியளிக்கிறது. பகல் நேர விளக்குகள் உடன் லேசர் எல்இடி ஹெட்லைட்களை இந்த கார் பெற்றுள்ளது. மேலும் இந்த காரின் முன் பகுதியில் புதிய ஸ்பிளிட்டரும் வழங்கப்பட்டுள்ளது.
அத்துடன் முன் பக்க ஏர் டேமுக்கு உள்ளாக செங்குத்து துடுப்புகளும் இடம்பெற்றுள்ளன. இதன் மூலமாக காற்றோட்டமும், ஏரோடைனமிக்சும் சிறப்பாக இருக்கும். டீலர்ஷிப்பில் காட்சிப்படுத்தப்பட்டிருந்த கார் வாடிக்கையாளர் ஒருவருக்கு சொந்தமானது. அவர் பிரத்யேகமான நீல நிற வண்ணத்தில் காரை தேர்வு செய்துள்ளார்.
இந்த காரில், 5-ஸ்போக், 19 இன்ச் அலாய் வீல்கள் பொருத்தப்பட்டுள்ளன. இந்த காரின் பிரேக் காலிபர்கள் சிகப்பு நிறத்தில் உள்ளன. இதனுடன் பெரிய பெட்டல் டிஸ்க்கும் கவனம் ஈர்க்கிறது. மேலும் இரு பக்கமும், டோர்களுக்கு பின்னால் பெரிய காற்று குழாய்கள் வழங்கப்பட்டுள்ளன. பெரிய வி10 இன்ஜினை குளிர்ச்சியாக்கும் ரேடியேட்டர்களுக்கு இது காற்றை கடத்துகிறது.
இந்த காற்று குழாய்களில், ஹூராகேன் எவோ ரியர் வீல் டிரைவ் லோகோ இடம்பெற்றுள்ளது. அதே நேரத்தில் இந்த காரின் சூப்பர்ஸ்போர்ட் எக்ஸாஸ்ட், கவர்ச்சியாக காட்சியளிக்கிறது. இதன் சப்தமும் மிக அருமையாக உள்ளது. எக்ஸாஸ்ட் சிஸ்டம் அக்ராபோவிக் நிறுவனத்தால் உருவாக்கப்பட்டிருக்கலாம். இது மிகவும் பிரபலமான எக்ஸாஸ்ட் சிஸ்டம் உற்பத்தியாளராகும்.
இதன் எக்ஸாஸ்ட் சிஸ்டம், இலகுவாகவும், அதிக சப்தமாகவும் இருக்கும். அத்துடன் பவரையும் அதிகரிக்கும். இந்த காரின் சாஃப்ட் டாப் மேற்கூரையை 17 வினாடிகளுக்கு உள்ளாகவே திறந்து விட முடியும். அத்துடன் மணிக்கு 50 கிலோ மீட்டர்கள் வரையிலான வேகத்தில் செல்லும்போது இயக்க முடியும் என்பதும் குறிப்பிடத்தக்கது.
காக்பிட் & இன்டீரியர்
லம்போர்கினி ஹூராகேன் எவோ ரியர் வீல் டிரைவ் ஸ்பைடர் சூப்பர் காரின் உட்புறத்தில், 8.4 இன்ச் எச்எம்ஐ டச்ஸ்க்ரீன் வழங்கப்பட்டுள்ளது. டெலிபோன் அழைப்புகள், இன்டர்நெட் மற்றும் ஆப்பிள் கார்பிளே ஆகிய வசதிகளை இது வழங்குகிறது. அதே சமயத்தில் இருக்கைகள் கருப்பு நிறத்தில் வடிவமைக்கப்பட்டுள்ளன. இதில், சிகப்பு நிற தையல் வேலைப்பாடுகளையும் காண முடிகிறது.
நீங்கள் எந்த நிறத்தில் விரும்பினாலும், அந்த நிற தையல் வேலைப்பாடுகள் வழங்கப்படும் என்பது இங்கே குறிப்பிடத்தக்கது. அதேபோல் வெளிப்புறத்திற்கு சுமார் 300 வண்ண தேர்வுகள் உள்ளன. இதில், ஒன்றை வாடிக்கையாளர்கள் தேர்வு செய்து கொள்ளலாம். கேபினின் மற்ற பாகங்களை போல், ஸ்டியரிங் வீலும் லெதர் மற்றும் அல்காண்ட்ராவால் சுற்றப்பட்டுள்ளது.
இன்ஜின் & டிரான்ஸ்மிஷன்
லம்போர்கினி ஹூராகேன் எவோ ரியர் வீல் டிரைவ் ஸ்பைடர் காரில், 5.2 லிட்டர் நேச்சுரலி அஸ்பிரேட்டட் வி10 இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 8,000 ஆர்பிஎம்மில் 602 பிஎச்பி பவரையும், 6,500 ஆர்பிஎம்மில் 560 என்எம் டார்க் திறனையும் உருவாக்க கூடியது. பூஜ்ஜியத்தில் இருந்து மணிக்கு 100 கிலோ மீட்டர் என்ற வேகத்தை வெறும் 3.5 வினாடிகளில் இந்த கார் எட்டி விடும்.
அதே நேரத்தில் மணிக்கு அதிகபட்சமாக 324 கிலோ மீட்டர் வேகத்தில் பறக்கும். அலுமினியம் மற்றும் கார்பன் ஃபைபர் மூலம் இந்த காரின் இலகுவான ஹைப்ரிட் சேஸிஸ் உருவாக்கப்பட்டுள்ளது. இதன் மீது அலுமினியம் மற்றும் தெர்மோபிளாஸ்டிக் பாடி கட்டமைக்கப்பட்டுள்ளது. இந்த காரின் எடை 1,509 கிலோ ஆகும் என்பது குறிப்பிடத்தக்கது.
லம்போர்கினி ஹூராகேன் எவோ ஆர்டபிள்யூடி ஸ்பைடர் சூப்பர் காரில், பைரெலி பி ஜீரோ டயர்கள் வழங்கப்பட்டிருக்கின்றன. 20 இன்ச் ரிம்கள் மற்றும் கார்பன்-செராமிக் பிரேக்குகள் ஆப்ஷனலாக வழங்கப்படுகின்றன. இந்த காரின் உரிமையாளர் மிகவும் சிறப்பான முறையில் கஸ்டமைஸ் செய்திருக்கிறார்.
ஆனால் உட்புறம் மற்றும் வெளிப்புறத்திற்கு நீங்கள் என்ன வண்ணம் தேர்வு செய்துள்ளீர்கள்? என்னென்ன வழிகளில் கஸ்டமைஸ் செய்துள்ளீர்கள்? என்பதெல்லாம் ஒரு விஷயமே கிடையாது. ஏனெனில் இது லம்போர்கினி. சாலையில் நிச்சயமாக அனைத்து தலைகளும் திரும்பி பார்க்கும்!
-
ரொம்ப பணம் எல்லாம் வேணாம், உங்க கையில் இருக்குற பணத்தை வச்சே இந்த காரை வாங்கலாம் போல!
-
கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
-
தலைக்கு மேல ஊட்டியையே தூக்கி வச்ச மாதிரி இருக்கும்! டிராஃபிக் போலீசாருக்கு ஏசி ஹெல்மெட் வந்தாச்சு!