Just In
- 3 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 3 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 4 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 6 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
5 ஸ்டார் ரேட்டிங் வாங்கிய பாதுகாப்பான கார்... இந்தியாவில் தூள் கிளப்பும் மஹிந்திரா எக்ஸ்யூவி300 சேல்ஸ்...
இந்தியாவில் மஹிந்திரா எக்ஸ்யூவி300 காம்பேக்ட் எஸ்யூவி காரின் விற்பனை உயர்ந்து வருகிறது. இதுகுறித்த விரிவான தகவல்களை இந்த செய்தியில் பார்க்கலாம்.
மஹிந்திரா நிறுவனம் கடந்த ஜனவரி மாதம் இந்திய சந்தையில் ஒட்டுமொத்தமாக 20,498 கார்களை விற்பனை செய்துள்ளது. ஆனால் கடந்த 2020ம் ஆண்டு ஜனவரி மாதம் இந்த எண்ணிக்கை 19,555 ஆக மட்டுமே இருந்தது. இதன் மூலம் மஹிந்திரா நிறுவனம் கார் விற்பனையில் 5 சதவீத வளர்ச்சியை பதிவு செய்து அசத்தியுள்ளது.
இந்திய சந்தையில் கடந்த ஜனவரி மாதம் அதிகம் விற்பனை செய்யப்பட்ட மஹிந்திரா கார்களின் பட்டியலில் பொலிரோ முதல் இடத்தை பிடித்துள்ளது. கடந்த 2020ம் ஆண்டு ஜனவரியில் 7,233 ஆக இருந்த பொலிரோ கார்களின் விற்பனை எண்ணிக்கை, 2021ம் ஆண்டு ஜனவரியில் 7,567 ஆக உயர்ந்துள்ளது. இது 5 சதவீத வளர்ச்சியாகும்.
இந்த பட்டியலில் இரண்டாவது இடத்தை எக்ஸ்யூவி300 பிடித்துள்ளது. கடந்த 2020ம் ஆண்டு ஜனவரி மாதம் 3,360 ஆக இருந்த எக்ஸ்யூவி300 சப்-4 மீட்டர் காம்பேக்ட் எஸ்யூவி காரின் விற்பனை எண்ணிக்கை, 2021ம் ஆண்டு ஜனவரியில் 4,612 ஆக உயர்ந்துள்ளது. இதன் மூலம் விற்பனையில் 37 சதவீத வளர்ச்சியை எக்ஸ்யூவி300 பதிவு செய்துள்ளது.
தற்போது வாடிக்கையாளர்கள் மத்தியில் பாதுகாப்பு குறித்த விழிப்புணர்வு அதிகரித்து வருவதே, எக்ஸ்யூவி300 காம்பேக்ட் எஸ்யூவியின் இந்த சிறப்பான விற்பனை வளர்ச்சிக்கு காரணமாக கூறப்படுகிறது. மஹிந்திரா எக்ஸ்யூவி300, குளோபல் என்சிஏபி மோதல் சோதனைகளில் முழுமையாக 5 நட்சத்திர பாதுகாப்பு ரேட்டிங்கை வசப்படுத்தியுள்ளது குறிப்பிடத்தக்கது.
இந்த பட்டியலில் மூன்றாவது இடத்தை ஸ்கார்பியோ பிடித்துள்ளது. கடந்த ஆண்டு ஜனவரியில் 5,316 ஆக இருந்த ஸ்கார்பியோ எஸ்யூவியின் விற்பனை எண்ணிக்கை, நடப்பாண்டு ஜனவரியில் 4,083 ஆக குறைந்துள்ளது. இது 23 சதவீத வீழ்ச்சியாகும். இந்த பட்டியலில் தார் எஸ்யூவி நான்காவது இடத்தை பிடித்துள்ளது.
நடப்பாண்டு ஜனவரியில் 3,152 தார் எஸ்யூவிகளை மஹிந்திரா நிறுவனம் விற்பனை செய்துள்ளது. கடந்த 2020ம் ஆண்டு அக்டோபர் மாதம் விற்பனைக்கு கொண்டு வரப்பட்ட புதிய தலைமுறை தார் எஸ்யூவிக்கு முன்பதிவுகள் குவிந்து வருகின்றன. ஆனால் செமிகண்டக்டர் சிப்களுக்கு ஏற்பட்டுள்ள பற்றாக்குறையால், உற்பத்தியில் தொய்வு ஏற்பட்டுள்ளது.
தார் எஸ்யூவிக்கு மிகவும் நீண்ட காத்திருப்பு காலம் நிலவுவதற்கு இது முக்கியமான காரணமாக பார்க்கப்படுகிறது. இதற்கிடையே இந்த பட்டியலில் 5வது இடத்தை எக்ஸ்யூவி500 எஸ்யூவி பிடித்துள்ளது. கடந்த 2020ம் ஆண்டு ஜனவரியில் 1,455 ஆக இருந்த எக்ஸ்யூவி500 எஸ்யூவியின் விற்பனை எண்ணிக்கை, நடப்பாண்டு ஜனவரியில் 888 ஆக குறைந்துள்ளது. இது 39 சதவீத வீழ்ச்சியாகும்.
மஹிந்திரா நிறுவனம் எக்ஸ்யூவி500 மற்றும் ஸ்கார்பியோ எஸ்யூவிகளின் புதிய தலைமுறை மாடல்களை அறிமுகம் செய்ய இருப்பது நமக்கு தெரிந்த ஒரு விஷயம்தான். ஆனால் செமிகண்டக்டர் சிப்களுக்கு நிலவும் உலகளாவிய பற்றாக்குறையால், இந்த 2 எஸ்யூவிகளின் அறிமுகமும் தள்ளி போவதற்கான வாய்ப்புகள் உள்ளதாக தற்போது தகவல்கள் வெளியாகியுள்ளன.
இதற்கிடையே இந்த பட்டியலில் 6வது இடத்தை மராஸ்ஸோ எம்பிவி பிடித்துள்ளது. கடந்த 2020ம் ஆண்டு ஜனவரியில் 1,267 ஆக மராஸ்ஸோ எம்பிவியின் விற்பனை எண்ணிக்கை, நடப்பாண்டு ஜனவரியில் 175 ஆக குறைந்துள்ளது. இது 86 சதவீத வீழ்ச்சியாகும். இந்த பட்டியலில் 7வது இடத்தை கேயூவி என்எக்ஸ்டி பிடித்துள்ளது.
கடந்த ஆண்டு ஜனவரியில் 59 ஆக இருந்த கேயூவி என்எக்ஸ்டி காரின் விற்பனை எண்ணிக்கை, நடப்பாண்டு ஜனவரியில் 11 ஆக குறைந்துள்ளது. இது 81 சதவீத வீழ்ச்சியாகும். இந்த பட்டியலில் 8வது மற்றும் கடைசி இடத்தை அல்டுராஸ் ஜி4 எஸ்யூவி பிடித்துள்ளது. கடந்தாண்டு ஜனவரியில் 68 ஆக இருந்த இந்த பிரீமியம் எஸ்யூவியின் விற்பனை எண்ணிக்கை, நடப்பாண்டு ஜனவரியில் 10 ஆக குறைந்துள்ளது. இது 85 சதவீத வீழ்ச்சியாகும்.