Just In
- 2 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 2 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 3 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 5 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
2020ம் ஆண்டில் விற்பனையில் வீழ்ச்சியை சந்தித்த மஹிந்திரா நிறுவனத்தின் பாதுகாப்பான கார்... காரணம் தெரியுமா?
2020ம் ஆண்டில் மஹிந்திரா எக்ஸ்யூவி300 காரின் விற்பனை வீழ்ச்சியடைந்துள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
மஹிந்திரா எக்ஸ்யூவி300 கார் கடந்த 2019ம் ஆண்டு பிப்ரவரி மாத மத்தியில் இந்திய சந்தையில் விற்பனைக்கு அறிமுகம் செய்யப்பட்டது. பெரும் எதிர்பார்ப்புகளுக்கு மத்தியில் விற்பனைக்கு வந்த இந்த சப்-4 மீட்டர் காம்பேக்ட் எஸ்யூவி, தற்போது ஒவ்வொரு மாதமும் ஓரளவு சிறப்பான விற்பனை எண்ணிக்கையை பதிவு செய்து வருகிறது.
மஹிந்திரா நிறுவனம் கடந்த 2020ம் ஆண்டில் ஒட்டுமொத்தமாக 32,200 எக்ஸ்யூவி300 கார்களை விற்பனை செய்துள்ளது. இதன் மூலம் 2020ம் ஆண்டு இந்தியாவில் அதிகம் விற்பனை செய்யப்பட்ட எஸ்யூவி கார்களின் பட்டியலில், மஹிந்திரா எக்ஸ்யூவி300 எட்டாவது இடத்தை பிடித்துள்ளது. ஆனால் 2019ம் ஆண்டுடன் ஒப்பிடுகையில் (2019 பிப்ரவரி-டிசம்பர்), மஹிந்திரா எக்ஸ்யூவி300 காரின் விற்பனை சரிவடைந்துள்ளது.
2019ம் ஆண்டில் மஹிந்திரா நிறுவனம் 40,197 எக்ஸ்யூவி300 கார்களை விற்பனை செய்திருந்தது என்பது குறிப்பிடத்தக்கது. இதன் மூலம் விற்பனையில் 19.9 சதவீத வீழ்ச்சியை மஹிந்திரா எக்ஸ்யூவி300 பதிவு செய்துள்ளது. இந்த வீழ்ச்சிக்கு கொரோனா வைரஸ், ஊரடங்கு ஆகிய பிரச்னைகள் காரணமாக இருக்கலாம். எனினும் 2020ம் ஆண்டின் கடைசி மாதத்தை மஹிந்திரா எக்ஸ்யூவி300 வெற்றிகரமாக நிறைவு செய்துள்ளது.
2020ம் ஆண்டு டிசம்பர் மாதம் மஹிந்திரா நிறுவனம் 3,974 எக்ஸ்யூவி300 கார்களை விற்பனை செய்துள்ளது. ஆனால் 2019ம் ஆண்டு டிசம்பர் மாதம் இந்த எண்ணிக்கை வெறும் 2,132 ஆக மட்டுமே இருந்தது. இதன் மூலம் விற்பனையில் 86 சதவீத வளர்ச்சியை மஹிந்திரா எக்ஸ்யூவி300 காம்பேக்ட் எஸ்யூவி கார் பதிவு செய்து அசத்தியுள்ளது.
ஆனால் 2020ம் ஆண்டு நவம்பர் மாதத்துடன் ஒப்பிட்டால், 2020ம் ஆண்டு டிசம்பரில், மஹிந்திரா எக்ஸ்யூவி300 காரின் விற்பனை வீழ்ச்சியடைந்துள்ளது. ஏனெனில் 2020ம் ஆண்டு நவம்பர் மாதம் மஹிந்திரா நிறுவனம் 4,458 எக்ஸ்யூவி300 காம்பேக்ட் எஸ்யூவி கார்களை விற்பனை செய்திருந்தது. ஆனால் 2020ம் ஆண்டு டிசம்பர் மாதம் இந்த எண்ணிக்கை 3,974 ஆக குறைந்துள்ளது. இது 11 சதவீத வீழ்ச்சியாகும்.
மஹிந்திரா எக்ஸ்யூவி300 காம்பேக்ட் எஸ்யூவி கார் இந்திய சந்தையில், மாருதி சுஸுகி விட்டாரா பிரெஸ்ஸா, கியா சொனெட் மற்றும் ஹூண்டாய் வெனியூ ஆகிய கார்களுடன் போட்டியிட்டு வருகிறது. இதுதவிர டாடா நெக்ஸான், ஃபோர்டு ஈக்கோஸ்போர்ட், டொயோட்டா அர்பன் க்ரூஸர் மற்றும் சமீபத்தில் அறிமுகம் செய்யப்பட்ட நிஸான் மேக்னைட் ஆகிய கார்களுக்கும் விற்பனையில் சவால் அளித்து வருகிறது.
குளோபல் என்சிஏபி மோதல் சோதனைகளில் முழுமையாக 5 நட்சத்திர பாதுகாப்பு ரேட்டிங்கை பெற்றுள்ளள மேட் இன் இந்தியா கார்களில் ஒன்று என்ற பெருமை மஹிந்திரா எக்ஸ்யூவி300 காம்பேக்ட் எஸ்யூவி காருக்கு உள்ளது. மஹிந்திரா எக்ஸ்யூவி300 தவிர அதே காம்பேக்ட் எஸ்யூவி செக்மெண்ட்டை சேர்ந்த டாடா நெக்ஸான் காரும் குளோபல் என்சிஏபி மோதல் சோதனைகளில் 5 நட்சத்திர பாதுகாப்பு ரேட்டிங்கை பெற்றுள்ளது.
மேலும் பிரீமியம் ஹேட்ச்பேக் செக்மெண்ட்டை சேர்ந்த டாடா அல்ட்ராஸ் காரும் குளோபல் என்சிஏபி மோதல் சோதனைகளில் முழுமையாக 5 நட்சத்திர பாதுகாப்பு ரேட்டிங்கை தன்வசப்படுத்தியுள்ளது. தற்போது வரை இந்த 3 மேட் இன் இந்தியா கார்கள் மட்டுமே குளோபல் என்சிஏபி மோதல் சோதனைகளில் முழுமையாக 5 நட்சத்திர பாதுகாப்பு ரேட்டிங்கை பெற்றுள்ளன என்பது குறிப்பிடத்தக்கது.