Just In
- 4 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 4 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 5 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 6 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
செம ஸ்பீடா எலெக்ட்ரிக் வாகனங்கள் சார்ஜ் ஆகும்... சென்னையில் சூப்பர் ஃபாஸ்ட் சார்ஜிங் ஸ்டேஷன் திறப்பு...
சென்னையில் சூப்பர் ஃபாஸ்ட் சார்ஜிங் ஸ்டேஷன் திறக்கப்பட்டுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவில் எலெக்ட்ரிக் வாகனங்களுக்கான சார்ஜிங் ஸ்டேஷன் கட்டமைப்புகளை மேம்படுத்துவதற்காக எம்ஜி மோட்டார் நிறுவனமும், டாடா பவர் நிறுவனமும் கூட்டணி அமைத்துள்ளன என்பது நமக்கு தெரிந்த ஒரு விஷயம்தான். இந்த 2 நிறுவனங்களின் கூட்டணியில் இந்தியா முழுவதும் முக்கியமான நகரங்களில் தற்போது சார்ஜிங் ஸ்டேஷன்கள் அமைக்கப்பட்டு வருகின்றன.
இந்த வரிசையில் எம்ஜி மோட்டார் மற்றும் டாடா பவர் ஆகிய இரண்டு நிறுவனங்களின் கூட்டணியில் தமிழக தலைநகர் சென்னையில் தற்போது எலெக்ட்ரிக் வாகனங்களுக்கான சார்ஜிங் ஸ்டேஷன் அமைக்கப்பட்டுள்ளது. எம்ஜி மோட்டார் நிறுவனம் வெளியிட்டுள்ள செய்தி குறிப்பில் இந்த தகவல் தெரிவிக்கப்பட்டுள்ளது.
சென்னையில் அமைக்கப்பட்டிருப்பது, 50 kW சூப்பர் ஃபாஸ்ட் பொது சார்ஜிங் ஸ்டேஷன் ஆகும். எம்ஜி மோட்டார் நிறுவனம் தற்போது இந்திய சந்தையில் இஸட்எஸ் எலெக்ட்ரிக் எஸ்யூவி காரை விற்பனை செய்து வருகிறது. இந்தியாவில் தற்போது அதிகம் விற்பனையாகி வரும் எலெக்ட்ரிக் கார்களில் இதுவும் ஒன்றாக உள்ளது.
இதுதவிர வரும் காலங்களில் இன்னும் பல்வேறு எலெக்ட்ரிக் கார்களை இந்தியாவில் விற்பனைக்கு அறிமுகம் செய்வதற்கான திட்டமும் எம்ஜி மோட்டார் நிறுவனத்திடம் உள்ளது. எனவே வாடிக்கையாளர்களின் வசதிக்காகவும், எலெக்ட்ரிக் கார்களின் விற்பனையை அதிகரிக்கும் விதமாகவும் நாடு முழுவதும் சார்ஜிங் ஸ்டேஷன் கட்டமைப்பு வசதிகளை மேம்படுத்தும் பணிகளில் எம்ஜி மோட்டார் ஈடுபட்டுள்ளது.
இந்தியா முழுவதும் 50 kW மற்றும் 60 kW டிசி சூப்பர் ஃபாஸ்ட் சார்ஜிங் ஸ்டேஷன்கள் மூலம் எலெக்ட்ரிக் வாகனங்களை சார்ஜ் செய்வதற்கான கட்டமைப்பு வசதிகளை மேம்படுத்துவது எம்ஜி மோட்டார் நிறுவனத்தின் நோக்கமாக உள்ளது. இதன் ஒரு பகுதியாக தற்போது சென்னையில் சார்ஜிங் ஸ்டேஷன் அமைக்கப்பட்டுள்ளது.
டெல்லி தேசிய தலைநகர் பிராந்தியம், பெங்களூர், அகமதாபாத், நாக்பூர், மங்களூர் மற்றும் கோவை உள்ளிட்ட பல்வேறு நகரங்களில் ஏற்கனவே சார்ஜிங் ஸ்டேஷன்கள் அமைக்கப்பட்டுள்ளன. எம்ஜி மோட்டார் மற்றும் டாடா பவர் போன்ற அதன் கூட்டணி நிறுவனங்கள் தற்போது வரை இந்தியாவின் 17 நகரங்களில் 22 சூப்பர் ஃபாஸ்ட் சார்ஜிங் ஸ்டேஷன்களை அமைத்துள்ளன.
சூப்பர் ஃபாஸ்ட் சார்ஜிங் ஸ்டேஷன்களில் எம்ஜி இஸட்எஸ் எலெக்ட்ரிக் எஸ்யூவி காரின் பேட்டரியை வெறும் 50 நிமிடங்களில், பூஜ்ஜியத்தில் இருந்து 80 சதவீதம் வரை சார்ஜ் செய்து விட முடியும். எம்ஜி இஸட்எஸ் எலெக்ட்ரிக் எஸ்யூவி காரின் 2021 மாடல் வெகு சமீபத்தில்தான் இந்திய சந்தையில் விற்பனைக்கு அறிமுகம் செய்யப்பட்டது என்பது குறிப்பிடத்தக்கது.
எம்ஜி இஸட்எஸ் எலெக்ட்ரிக் எஸ்யூவி கார் தற்போதைய நிலையில் ஹூண்டாய் கோனா எலெக்ட்ரிக் எஸ்யூவியுடன் போட்டியிட்டு வருகிறது. ஹூண்டாய் கோனாவை தவிர எம்ஜி இஸட்எஸ் எலெக்ட்ரிக் எஸ்யூவி காருக்கு இந்தியாவில் நேரடி போட்டி என எந்த மாடலும் தற்போதைக்கு இல்லை. எனினும் வரும் காலங்களில் இந்த செக்மெண்ட்டில் நிறைய எலெக்ட்ரிக் கார்களை நாம் எதிர்பார்க்கலாம்.