Just In
- 26 min ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
- 2 hrs ago அந்த தப்பை மட்டும் பண்ணிடாதீங்க.. ஆடி, பென்ஸ், போர்ஷேனு எல்லா காரையும் வாரி சுருட்டி போட்டு போயிட்டாங்க போலீஸ்
- 7 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 7 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
Don't Miss!
- Lifestyle இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- News உலகத்திலேயே நடக்காதது.. மன்னிக்க முடியாதது- மதிமுக கணேசமூர்த்தி மரணம் படுகொலையே..தமிழிசை படு ஆவேசம்!
- Sports ராஜஸ்தானும் 2 போட்டியில் வெற்றி.. சிஎஸ்கேவின் முதல் இடம் என்ன ஆச்சு.. ஐபிஎல் புள்ளி பட்டியல் இதோ
- Technology அடிச்சான் பாரு காப்பி.. அச்சு அசலா Samsung போனை வெளியிட்ட சீன கம்பெனி.. என்ன மாடல்? எப்போது அறிமுகம்?
- Finance ஐஐஎம் பெங்களூரு: 516 பேருக்கு வேலை, சாராசரி சம்பளமே ரூ.32.5 லட்சமாம்..!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
விற்பனைக்கு வந்தது புதிய இசுஸு வி க்ராஸ் ஆஃப்ரோடு மாடல்கள்... தோற்றத்தில் மட்டுமல்ல, விலையிலும் மிரட்டுகிறது
கூடுதல் சிறப்பம்சங்கள் மற்றும் பிஎஸ்-6 எஞ்சின் தேர்வில் இசுஸு டி மேக்ஸ் வி க்ராஸ் பிக்கப் டிரக் மாடல்கள் இந்தியாவில் விற்பனைக்கு கொண்டு வரப்பட்டுள்ளன. அதன் விபரங்களை இந்த செய்தியில் விரிவாகப் பார்க்கலாம்.
மேம்படுத்தப்பட்ட அம்சங்கள்
புதிய இசுஸு வி க்ராஸ் பிக்கப் டிரக் இந்தியாவின் ஆஃப்ரோடு வாகன சந்தையில் மிக முக்கிய மாடலாகவும், தனித்துவமான தேர்வாகவும் இருந்து வருகிறது. இந்த நிலையில், பிஎஸ்-6 விதிகளுக்கு ஏற்ப புதிய எஞ்சின் மற்றும் கூடுதல் சிறப்பம்சங்களுடன் மேம்படுத்தப்பட்டுள்ளது.
இரண்டு மாடல்கள்
புதிய இசுஸு டி மேக்ஸ் பிக்கப் டிரக் வாகனமானது டி மேக்ஸ் ஹைலேண்டர் என்ற விலை குறைவான மாடலிலும், அதிக பிரிமீயம் அம்சங்கள் கொண்ட டி மேக்ஸ் வி க்ராஸ் என இரண்டு மாடல்களில் கிடைக்கும். இதில், ஹைலேண்டர் மாடலை தனிநபர் பயன்பாட்டு வாகனமாகவும், வியாபார விஷயங்களுக்காகவும் பயன்படுத்தும் அம்சங்கள் கொண்டது.
பிரிமீயம் மாடல்
டி மேக்ஸ் வி க்ராஸ் மாடலானது தனிநபர் பயன்பாட்டு அம்சங்களை நிரம்ப பெற்றுள்ளது. இந்த மாடலானது இசட் மற்றும் இசட் பிரஸ்டீஜ் என இரண்டு வேரியண்ட்டுகளில் விற்பனைக்கு கிடைக்கும். இதில், இசட் வேரியண்ட் 2 வீல் டிரைவ் சிஸ்டத்திலும், இசட் பிரஸ்டீஜ் வேரியண்ட்டில் 4 வீல் டிரைவ் சிஸ்டம் கொண்டதாகவும் இருக்கும்.
முக்கிய அம்சங்கள்
புதிய இசுஸு வி க்ராஸ் பிக்கப் டிரக்கில் எல்இடி புரொஜெக்டர் ஹெட்லைட்டுகள், எல்இடி பகல்நேர விளக்குகள், எல்இடி டெயில் லைட்டுகள், 18 அங்குல அலாய் வீல்கள், கீ லெஸ் என்ட்ரி, ஆட்டோமேட்டிக் க்ளைமேட் கன்ட்ரோல் ஏசி சிஸ்டம், 7 அங்குல தொடுதிரையுடன் இன்ஃபோடெயின்மென்ட் சாதனம் ஆகியவை கொடுக்கப்பட்டுள்ளன.
பாதுகாப்பு அம்சங்கள்
இந்த ஆஃப்ரோடு பயன்பாட்டு ரக வாகனத்தில் 4 ஏர்பேக்குகள், எலெக்ட்ரானிக் ஸ்டெபிளிட்டி கன்ட்ரோல், ஷிஃப்ட் ஆன் ஃப்ளை 4 வீல் டிரைவ் சிஸ்டம், க்ரூஸ் கன்ட்ரோல் சிஸ்டம், எலெக்ட்ரிக் அட்ஜெஸ்ட் வசதியுடன் ஓட்டுனர் இருக்கை ஆகியவை இடம்பெற்றுள்ளன.
புதிய டீசல் எஞ்சின்
புதிய இசுஸு வி க்ராஸ் பிக்கப் டிரக்கில் பிஎஸ்-6 மாசு உமிழ்வு தரத்திற்கு இணையான புதிய 1.9 லிட்டர் டீசல் எஞ்சின் பயன்படுத்தப்பட்டு இருக்கிறது. இந்த எஞ்சின் அதிகபட்சமாக 161 பிஎச்பி பவரையும், 360 என்எம் டார்க் திறனையும் வழங்கும். 6 ஸ்பீடு மேனுவல் கியர்பாக்ஸ் தேர்வுடன் கிடைக்கிறது. வி க்ராஸ் மாடலில் 6 ஸ்பீடு ஆட்டோமேட்டிக் கியர்பாக்ஸ் தேர்விலும் வழங்கப்படுகிறது.
விலை விபரம்
புதிய இசுஸு டி மேக்ஸ் ஹை லேண்டர் வாகனத்திற்கு ரூ.16.98 லட்சம் தமிழ்நாடு எக்ஸ்ஷோரூம் விலை நிர்ணயிக்கப்பட்டுள்ளது. டி மேக்ஸ் வி க்ராஸ் இசட் 2 வீல் டிரைவ் ஆட்டோமேட்டிக் கியர்பாக்ஸ் வேரியண்ட்டிற்கு ரூ.19.98 லட்சம் விலை நிர்ணயிக்கப்பட்டுள்ளது.
டி மேக்ஸ் வி க்ராஸ் இசட் 4 வீல் டிரைவ் மேனுவல் வேரியண்ட்டிற்கு ரூ.20.98 லட்சமும், 4 வீல் டிரைவ் ஆட்டோமேட்டிக் வேரியண்ட்டிற்கு ரூ.24.49 லட்சமும் எக்ஸ்ஷோரூம் விலை நிர்ணயிக்கப்பட்டுள்ளது.