Just In
- 20 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 26 min ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 2 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Sports ரோகித்.. ரோகித் என கத்திய ரசிகர்கள்.. ஓங்கி ஒரு அடி விட்ட ஹர்திக் பாண்டியா - வீடியோ
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
பிரம்மிப்பா இருக்கு... இந்த நிஸான் டீலர்ஷிப் ஒரே நாளில் இத்தனை மேக்னைட் கார்களை டெலிவரி செய்துள்ளதா?
பெங்களூரை சேர்ந்த ஒரு நிஸான் டீலர்ஷிப், ஒரே நாளில் 100 மேக்னைட் கார்களை வாடிக்கையாளர்களுக்கு டெலிவரி செய்து அசத்தியுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
ஆந்திர பிரதேச மாநிலத்தில் உள்ள கண்டிபுடி என்ற நிஸான் டீலர்ஷிப் ஒரே நாளில் 36 மேக்னைட் கார்களை வாடிக்கையாளர்களுக்கு டெலிவரி செய்த செய்தியை சமீபத்தில் உங்களுக்கு வழங்கியிருந்தோம். தற்போது அதே போன்றதொரு பிரம்மாண்டமான டெலிவரி நிகழ்வு பெங்களூரில் நடைபெற்றுள்ளது. ஆந்திராவில் நடைபெற்றதை காட்டிலும் இதனை பெரிய டெலிவரி நிகழ்வாக கூறலாம்.
ஆம், ஒரே நாளில் 100 மேக்னைட் கார்கள் வாடிக்கையாளர்களுக்கு டெலிவரி செய்யப்பட்டுள்ளன. பெங்களூர் நகரில் உள்ள சூர்யா நிஸான் என்ற டீலர்ஷிப்தான் இந்த பிரம்மாண்டமான டெலிவரி நிகழ்ச்சியை நடத்தியுள்ளது. டெலிவரி பெற வந்திருந்த அனைத்து உரிமையாளர்களும் குழுமியிருக்க, திருவிழாவை போல் இந்த நிகழ்ச்சி நடைபெற்றுள்ளது.
இந்த மெகா டெலிவரியை கொண்டாடும் விதமாக ரிப்பன்கள் மற்றும் பலூன்கள் மூலம் நிஸான் மேக்னைட் கார்கள் அலங்கரிக்கப்பட்டிருந்தன. இந்த பிரம்மாண்ட டெலிவரி குறித்த வீடியோவை ஆட்டோ டவுன் என்ற யூ-டியூப் சேனல் வெளியிட்டுள்ளது. நிஸான் மேக்னைட் காருக்கு இந்திய சந்தையில் தற்போது உச்சகட்ட வரவேற்பு கிடைத்துள்ளது.
நிஸான் மேக்னைட் காருக்கு தற்போது வரை 35 ஆயிரத்திற்கும் மேற்பட்ட முன்பதிவுகள் குவிந்துள்ளன. இதன் காரணமாக காத்திருப்பு காலம் 8 மாதங்கள் வரை நீண்டுள்ளதாக தகவல்கள் தெரிவிக்கின்றன. காத்திருப்பு காலம் மிகவும் அதிகமாக இருப்பதால், அதனை குறைக்கும் முயற்சிகளில் நிஸான் நிறுவனம் ஈடுபட்டுள்ளது. இதன் ஒரு பகுதியாக உற்பத்தியை அதிகரிப்பதற்கான நடவடிக்கைகள் மேற்கொள்ளப்பட்டுள்ளன.
காத்திருப்பு காலத்தை குறைப்பதற்காக நிஸான் நிறுவனம் தற்போது புதிதாக ஒரு ஷிப்ட்டை சேர்த்துள்ளது. ஒரு மாதத்திற்கு 3,500 கார்கள் என்ற நிலையில் இருந்து 4,500 கார்கள் என உற்பத்தி அதிகரிக்கப்பட்டுள்ளது. இதன் விளைவாக காத்திருப்பு காலம் 3-4 மாதங்களாக குறையும். தற்போது வாடிக்கையாளர்களை கவர்ந்து இழுத்து வரும் நிஸான் மேக்னைட் கார் கடந்த டிசம்பர் 2ம் தேதி விற்பனைக்கு அறிமுகம் செய்யப்பட்டது.
இது சப்-4 மீட்டர் காம்பேக்ட் எஸ்யூவி ரக கார் ஆகும். ஹூண்டாய் வெனியூ, மாருதி சுஸுகி விட்டாரா பிரெஸ்ஸா, கியா சொனெட், டாடா நெக்ஸான், மஹிந்திரா எக்ஸ்யூவி300, டொயோட்டா அர்பன் க்ரூஸர் மற்றும் ஃபோர்டு ஈக்கோஸ்போர்ட் உள்ளிட்ட கார்களுடன் நிஸான் மேக்னைட் போட்டியிட்டு வருகிறது. விரைவில் விற்பனைக்கு வரவுள்ள ரெனால்ட் கிகர் காருக்கும் இது விற்பனையில் சவால் அளிக்கும்.
நிஸான் மேக்னைட் சப்-4 மீட்டர் காம்பேக்ட் எஸ்யூவி கார், நேச்சுரலி அஸ்பிரேட்டட் மற்றும் டர்போ என இரண்டு பெட்ரோல் இன்ஜின் தேர்வுகளுடன் விற்பனைக்கு கிடைக்கிறது. இதில், 1.0 லிட்டர் நேச்சுரலி அஸ்பிரேட்டட் பெட்ரோல் இன்ஜின் அதிகபட்சமாக 71 ஹெச்பி பவரையும், 96 என்எம் டார்க் திறனையும் உருவாக்க கூடியது.
அதே சமயம் 1.0 லிட்டர் டர்போ பெட்ரோல் இன்ஜின் அதிகபட்சமாக 99 ஹெச்பி பவரையும், 160 என்எம் டார்க் திறனையும் வழங்க வல்லது. இந்த இரண்டு இன்ஜின்களுடனும் 5 ஸ்பீடு மேனுவல் டிரான்ஸ்மிஷன் தேர்வு ஸ்டாண்டர்டாக வழங்கப்படுகிறது. அதே சமயம் டர்போ பெட்ரோல் இன்ஜின் சிவிடி டிரான்ஸ்மிஷன் தேர்வையும் பெற்றுள்ளது.
-
பேடிஎம் ஆப் மூலம் இனி ஃபாஸ்ட் டேக் கார்டுகளை ரீசார்ஜ் செய்யலாம்! வந்துவிட்டது புதிய வழி
-
குடிநீரில் கழுவினால் அபராதம்! பெங்களூர் கார் ஓனர்கள் கையில் எடுத்த புதிய ட்ரிக்! இது நமக்கு தெரியாம போச்சே!
-
இந்தியாவை ஆட்சி செய்தது போதும்.. ஜப்பான் பக்கம் ஒதுங்குவோம்.. தமிழகத்துல இருந்து ஜப்பான் போகும் புல்லட் 350