Just In
- 53 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 59 min ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 3 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- Technology iPhone-க்கு நெத்தி அடி.. வயர்லெஸ் MagCharge உடன் வந்த முதல் ஆண்ட்ராய்டு போன்.. Samsung இல்லை OnePlus இல்லை..
- News "டெல்லியில் ஜனாதிபதி ஆட்சி?" கவர்னர் சொன்ன அந்த ஒரு வார்த்தை! ஆம் ஆத்மி பதிலடி.. சட்டம் சொல்வது என்ன
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
மேக்னைட் காருக்கு உச்சகட்ட வரவேற்பு... காத்திருப்பு காலத்தை குறைப்பதற்காக நிஸான் அதிரடி நடவடிக்கை...
மேக்னைட் காம்பேக்ட் எஸ்யூவியின் காத்திருப்பு காலத்தை குறைப்பதற்காக நிஸான் நிறுவனம் புதிதாக பணியாளர்களை பணியமர்த்தி வருகிறது. இதுகுறித்த தகவல்களை இந்த செய்தியில் பார்க்கலாம்.
இந்திய சந்தையில் சப்-4 மீட்டர் காம்பேக்ட் எஸ்யூவி கார்களுக்கு நல்ல வரவேற்பு இருந்து வருகிறது. எனவே இந்த செக்மெண்ட்டில் அனைத்து நிறுவனங்களும் போட்டி போட்டு கொண்டு புதிய கார்களை அறிமுகம் செய்து வருகின்றன. ஏற்கனவே மாருதி சுஸுகி விட்டாரா பிரெஸ்ஸா, ஹூண்டாய் வெனியூ, டாடா நெக்ஸான், மஹிந்திரா எக்ஸ்யூவி300, ஃபோர்டு ஈக்கோஸ்போர்ட் ஆகிய கார்கள் இந்த செக்மெண்ட்டில் பிரபலமாக உள்ளன.
இந்த வரிசையில் கியா சொனெட் மற்றும் மாருதி சுஸுகி விட்டாரா பிரெஸ்ஸாவின் ரீ-பேட்ஜ் வெர்ஷனான டொயோட்டா அர்பன் க்ரூஸர் ஆகிய கார்கள் கடந்த 2020ம் ஆண்டு விற்பனைக்கு அறிமுகம் செய்யப்பட்டன. இதுதவிர நிஸான் மேக்னைட் காரும் கடந்த டிசம்பர் 2ம் தேதி இந்திய சந்தையில் விற்பனைக்கு அறிமுகம் செய்யப்பட்டது.
இந்திய வாடிக்கையாளர்கள் மத்தியில் நிஸான் மேக்னைட் காருக்கு தற்போது அமோக வரவேற்பு கிடைத்துள்ளது. வெறும் 4.99 லட்ச ரூபாய் என்ற அறிமுக சலுகை விலையில் (எக்ஸ் ஷோரூம்) விற்பனைக்கு கொண்டு வரப்பட்டதே இதற்கு முக்கியமான காரணமாக பார்க்கப்படுகிறது. விலையை குறைவாக நிர்ணயம் செய்ததற்காக நிஸான் நிறுவனம் வசதிகளில் குறை வைக்கவில்லை.
எனவே நிஸான் மேக்னைட் காம்பேக்ட் எஸ்யூவியை இந்திய வாடிக்கையாளர்கள் போட்டி போட்டு கொண்டு முன்பதிவு செய்து வருகின்றனர். நிஸான் நிறுவனம் எதிர்பார்த்ததை விட மேக்னைட் காருக்கு நல்ல வரவேற்பு கிடைத்துள்ளது. ஆனால் மறுபக்கம் இதன் விளைவாக நிஸான் மேக்னைட் காருக்கு காத்திருப்பு காலம் அதிகரித்து கொண்டே செல்கிறது.
காரை டெலிவரி பெறுவதற்கு நீண்ட காலம் காத்திருக்க வேண்டியிருந்தால், வாடிக்கையாளர்களின் ஆர்வம் குறைவதற்கான வாய்ப்புகள் உள்ளன. அத்துடன் அவர்கள் முன்பதிவை ரத்து செய்து விட்டு, வேறு கார்களுக்கும் மாறக்கூடும். ஆனால் அப்படி நடந்து விடக்கூடாது என்பதில் நிஸான் இந்தியா நிறுவனம் உறுதியாக உள்ளது.
மேக்னைட் காரின் காத்திருப்பு காலத்தை 2 முதல் 3 மாதங்களாக குறைப்பதற்காக, தனது தொழிற்சாலையில் ஆயிரத்திற்கும் மேற்பட்ட பணியாளர்களை புதிதாக பணியமர்த்தும் பணிகளில் நிஸான் இந்தியா நிறுவனம் தற்போது ஈடுபட்டு வருகிறது. அந்த நிறுவனம் தரப்பில் வெளியிடப்பட்டுள்ள பத்திரிக்கை குறிப்பில் இந்த தகவல் தெரிவிக்கப்பட்டுள்ளது.
கடந்த டிசம்பர் 2ம் தேதி விற்பனைக்கு அறிமுகம் செய்யப்பட்டதில் இருந்து, நிஸான் மேக்னைட் காருக்கு 32,800க்கும் மேற்பட்ட முன்பதிவுகள் குவிந்துள்ளதாகவும் அந்த பத்திரிக்கை குறிப்பில் தெரிவிக்கப்பட்டுள்ளது. அதே சமயம் 1.80 லட்சத்திற்கும் மேற்பட்டோர் காரை வாங்குவது குறித்து விசாரித்துள்ளனர்.
இதுகுறித்து நிஸான் மோட்டார் இந்தியா நிறுவனத்தின் தலைவர் சினன் ஓஸ்கோக் கூறுகையில், 2 முதல் 3 மாதங்கள் என்ற குறுகிய காத்திருப்பு காலம் மூலமாக எங்களது வாடிக்கையாளர்களின் திருப்தியை மேம்படுத்துவதுதான் எங்களது முயற்சி. உற்பத்தி மற்றும் டெலிவரி திறனை அதிகரிக்க வேண்டுமென்றால், கூடுதல் பணியாளர்கள் தேவை.
எனவே எங்களது தொழிற்சாலையில் ஆயிரத்திற்கும் மேற்பட்டவர்களை பணியமர்த்தும் பணிகளை மேற்கொண்டு வருகிறோம்'' என்றார். இதுதவிர டீலர்களின் எண்ணிக்கையை உயர்த்தும் முயற்சிகளையும் நிஸான் நிறுவனம் மேற்கொண்டு வருகிறது. இந்திய சந்தையில் நிஸான் நிறுவனத்திற்கு மேக்னைட் புதிய இன்னிங்ஸை தொடங்கி வைத்துள்ளது என்று சொல்வது மிகையாகாது.