Just In
- 2 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- 3 hrs ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 5 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 11 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
Don't Miss!
- Finance ஆதார் அட்டை தொலைஞ்சி போயிடுச்சா.. கவலை வேண்டாம், இதை மட்டும் பாலோ பண்ணுங்க..!
- News கட்சியையே உடைக்கும் அளவிற்கு கோபம்.. வேலையை தொடங்கிய முக்கிய புள்ளி.. ஆட்டம் காணும் "அந்த" கட்சி?
- Movies கீர்த்தி சுரேஷ் என்ன இப்படி மாறிட்டாரு.. பாலிவுட் நடிகரை கட்டிப் பிடித்து தீயாக பரவும் வீடியோ!
- Lifestyle இந்த 4 ராசி பெண்கள் காதலில் ரொம்ப அதிர்ஷ்டசாலிகளாம்... இவங்க காதல் வாழ்க்கை நினைச்சதை விட சூப்பரா இருக்குமாம்!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Sports தோனி கிடையாது! இந்த 28 வயது வீரர் தான் மிகவும் அபாயகரமான வீரர்.. மேத்தீவ் ஹைடன் கருத்து
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
வேற லெவல்... விற்பனைக்கு வந்ததில் இருந்து நிஸான் மேக்னைட் காருக்கு இவ்வளவு முன்பதிவுகளா? அடேங்கப்பா!
நிஸான் மேக்னைட் காருக்கு 40 ஆயிரத்திற்கும் மேற்பட்ட முன்பதிவுகள் குவிந்துள்ளன. இதுகுறித்த விரிவான தகவல்களை இந்த செய்தியில் பார்க்கலாம்.
இந்திய சந்தையில் நிஸான் மேக்னைட் காம்பேக்ட் எஸ்யூவி கார், கடந்த 2020ம் ஆண்டு டிசம்பர் மாதம் விற்பனைக்கு அறிமுகம் செய்யப்பட்டது. விற்பனைக்கு வந்த முதல் 5 நாட்களிலேயே 5 ஆயிரத்திற்கும் மேற்பட்ட முன்பதிவுகளை நிஸான் மேக்னைட் பெற்றது. கடைசியாக நமக்கு கிடைத்த தகவல்களின்படி, நிஸான் மேக்னைட் காருக்கு 32,800 முன்பதிவுகள் குவிந்திருந்தன.
இது நடப்பாண்டு ஜனவரியில் நிஸான் நிறுவனம் தெரிவித்த தகவல் ஆகும். தற்போது நிஸான் மேக்னைட் காம்பேக்ட் எஸ்யூவி விற்பனைக்கு வந்ததில் இருந்து, அதன் ஒட்டுமொத்த முன்பதிவு எண்ணிக்கை 40,000 என்ற எண்ணிக்கையை கடந்திருப்பதாக தகவல்கள் வெளியாகியுள்ளன. இதுகுறித்து கார்அண்ட்பைக் செய்தி வெளியிட்டுள்ளது.
நிஸான் மேக்னைட் காம்பேக்ட் எஸ்யூவி காருக்கு தற்போதைய நிலையில் நகரம் மற்றும் வேரியண்ட்களை பொறுத்து 4 முதல் 6 மாதங்கள் வரை காத்திருப்பு காலம் நிலவி வருகிறது. எனவே காத்திருப்பு காலத்தை குறைப்பதற்காக, தமிழகத்தின் ஒரகடம் பகுதியில் உள்ள ஆலையில் நிஸான் நிறுவனம் சமீபத்தில் மூன்றாவது ஷிஃப்ட்டை தொடங்கியுள்ளது.
இதன் மூலம் நிஸான் மேக்னைட் கார்களின் உற்பத்தி அதிகரிக்கப்பட்டு, காத்திருப்பு காலத்தை குறைப்பதற்கு திட்டமிடப்பட்டுள்ளது. நிஸான் மேக்னைட் காரின் காத்திருப்பு காலத்தை 2 முதல் 3 மாதங்களாக குறைப்பதற்காக மூன்றாவது ஷிஃப்ட் தொடங்கப்பட்டுள்ளது. காத்திருப்பு காலம் அதிகமாக இருந்தால், வாடிக்கையாளர்கள் வேறு தயாரிப்பிற்கு மாறுவதற்கான வாய்ப்புகள் உள்ளன.
ஆனால் அத்தகைய சூழல் ஏற்படுவதை தவிர்ப்பதற்கும், வாடிக்கையாளர்களுக்கு முடிந்த வரை விரைவாக கார்களை டெலிவரி செய்வதற்கும் தேவையான நடவடிக்கைகளை நிஸான் நிறுவனம் எடுத்து வருகிறது. நடப்பு பிப்ரவரி மாத தொடக்கத்திலேயே மூன்றாவது ஷிஃப்ட்டை நிஸான் நிறுவனம் தொடங்கி விட்டது குறிப்பிடத்தக்கது.
தற்போதைய நிலையில் 1.0 லிட்டர் நேச்சுரலி அஸ்பிரேட்டட் பெட்ரோல் மற்றும் 1.0 லிட்டர் டர்போ பெட்ரோல் என மொத்தம் 2 இன்ஜின் தேர்வுகளில் நிஸான் மேக்னைட் காம்பேக்ட் எஸ்யூவி விற்பனை செய்யப்பட்டு வருகிறது. சவாலான விலை நிர்ணயம் செய்யப்பட்டிருந்தாலும் மேக்னைட் காரில் பல்வேறு வசதிகளை நிஸான் நிறுவனம் வழங்கியுள்ளது.
சவாலான விலை நிர்ணயம், வாடிக்கையாளர்களின் எதிர்பார்ப்புகளை பூர்த்தி செய்யும் வசதிகள், கவர்ச்சிகரமான டிசைன் மற்றும் 2 பெட்ரோல் இன்ஜின் தேர்வுகள் ஆகிய காரணங்களால் நிஸான் மேக்னைட் இந்திய வாடிக்கையாளர்களை வெகுவாக கவர்ந்துள்ளது. அத்துடன் விற்பனையில் போட்டியாளர்களுக்கும் கடுமையான நெருக்கடியை வழங்க தொடங்கியுள்ளது.
இந்திய சந்தையில் சமீபத்தில் விற்பனைக்கு வந்த ரெனால்ட் கைகர், மாருதி சுஸுகி விட்டாரா பிரெஸ்ஸா, டொயோட்டா அர்பன் க்ரூஸர், மஹிந்திரா எக்ஸ்யூவி300, டாடா நெக்ஸான், கியா சொனெட், ஹூண்டாய் வெனியூ, ஃபோர்டு ஈக்கோஸ்போர்ட் உள்ளிட்ட கார்களுடன் நிஸான் மேக்னைட் காம்பேக்ட் எஸ்யூவி போட்டியிட்டு வருகிறது.