Just In
- 25 min ago இந்த காரை எத்தன பேரு தங்களுக்கு பிடிச்சவங்களுக்கு பரிசா கொடுக்க போறாங்களோ! அஸ்டன் மார்ட்டின் வேன்டேஜ் அறிமுகம்
- 1 hr ago வெள்ளை நிற ஹெட்லைட் போட்ட வண்டிகளுக்கு எல்லாம் அபராதம் போட போறாங்க! அரசு வெளியிட்ட அதிரடி உத்தரவு!
- 4 hrs ago ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- 5 hrs ago ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
Don't Miss!
- Finance மியூச்சுவல் ஃபண்ட்களில் முதலீடு செய்ய சரியான நேரம் எது? இதை நோட் பண்ணிக்கோங்க!
- Lifestyle 300 ஆண்டுகள் இந்தியாவை ஆண்ட முகலாயர்கள் அவங்க ஆட்சியில் இந்தியாவின் எந்தெந்த விஷயங்களை மாற்றினார்கள் தெரியுமா?
- News பாதி உங்களுக்கு..மீதி எங்களுக்கு? டபுள் சிக்ஸ் அடித்த பாஜக! சாப்பிட்ரோ விஷயத்தை கை கழுவிய காங்கிரஸ்
- Technology ரூ.56,999 க்கு அறிமுகமான OnePlus போனை ரூ.19,149 க்கு விற்கும் Amazon.. ஆல் ஏரியாவிலும் ஆர்டர் பறக்குது!
- Movies ரஜினிகாந்த்தின் கூலி.. லோகேஷ் கனகராஜுக்கு இவ்வளவு சம்பளமா?.. அய்யோ எங்கேயோ போய்ட்டாரே
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
புதிய ஸ்கோடா குஷாக் எஸ்யூவியின் எஞ்சின் மற்றும் வேரியண்ட் விபரம்
புதிய ஸ்கோடா குஷாக் எஸ்யூவி மிக விரைவில் விற்பனைக்கு வர இருக்கும் நிலையில், அதன் எஞ்சின் மற்றும் வேரியண்ட் விபரங்கள் கசிந்துள்ளன. அதன் விபரங்களை தொடர்ந்து பார்க்கலாம்.
வாடிக்கையாளர்கள் அதிகம் விரும்பும் காம்பேக்ட் எஸ்யூவி ரக கார் மார்க்கெட்டில் ஸ்கோடா நிறுவனம் குஷாக் என்ற புத்தம் புதிய எஸ்யூவியை வரும் 28ந் தேதி விற்பனைக்கு கொண்டு வர இருக்கிறது. டிசைன் உள்பட அனைத்து அம்சங்களிலும் வாடிக்கையாளர்களை வெகுவாக கவரும் வகையில் இந்த எஸ்யூவி வர இருக்கிறது.
இந்த நிலையில், இந்த எஸ்யூவியின் எஞ்சின், கியர்பாக்ஸ் தேர்வுகள் மற்றும் வேரியண்ட்டுகள் குறித்த விபரம் டீம் பிஎச்பி தளத்தின் வாசகர் குழு மூலமாக கசிந்துள்ளது.
புதிய ஸ்கோடா குஷாக் எஸ்யூவி இரண்டு பெட்ரோல் எஞ்சின்கள் மற்றும் மேனுவல், ஆட்டோமேட்டிக் கியர்பாக்ஸ் தேர்வுகளில் விற்பனைக்கு வருகிறது. தவிரவும், ஆக்டிவ், ஆம்பிஷன் மற்றும் ஸ்டைல் ஆகிய மூன்று வேரியண்ட்டுகளில் வர இருக்கிறது. இதில், எந்தெந்த வேரியண்ட்டில் எந்தெந்த எஞ்சின், கியர்பாக்ஸ் தேர்வுகள் கொடுக்கப்பட உள்ளது என்பது குறித்த தகவல்கள்தான் இப்போது வெளியாகி இருக்கிறது.
புதிய ஸ்கோடா குஷாக் எஸ்யூவி 1.0 லிட்டர் டர்போ பெட்ரோல் எஞ்சின் மற்றும் 1.5 லிட்டர் பெட்ரோல் எஞ்சின் தேர்வுகள் மேனுவல் மற்றும் ஆட்டோமேட்டிக் கியர்பாக்ஸ் தேர்வுகளில் வழங்கப்பட உள்ளன.
இதில், 1.0 லிட்டர் டர்போ மேனுவல் கியர்பாக்ஸ் தேர்வானது ஆக்டிவ், ஆம்பிஷன் மற்றும் ஸ்டைல் ஆகிய மூன்று வேரியண்ட்டுகளிலும் கிடைக்கும். அதேநேரத்தில், இதன் 1.0 லிட்டர் டர்போ ஆட்டோமேட்டிக் மாடல் ஆம்பிஷன் மற்றும் ஸ்டைல் வேரியண்ட்டுகளில் மட்டுமே கிடைக்கும். ஆட்டோமேட்டிக் மாடல் பேஸ் வேரியண்ட்டில் கிடைக்காது என்பது தெரிய வந்துள்ளது.
மறுபுறத்தில் 1.5 லிட்டர் பெட்ரோல் எஞ்சினின் மேனுவல் மற்றும் ஆட்டோமேட்டிக் மாடல்கள் ஸ்டைல் என்ற டாப் வேரியண்ட்டில் மட்டுமே கிடைக்கும். இதில், பேஸ் வேரியண்ட் மற்றும் நடுத்தர வேரியண்ட் தேர்வு இல்லை என்பது குறிப்பிடத்தக்கது.
இதன் 1.0 லிட்டர் டர்போ பெட்ரோல் எஞ்சின் 108 பிஎச்பி பவரையும், 175 என்எம் டார்க் திறனையும் வெளிப்படுத்தும். 6 ஸ்பீடு மேனுவல் மற்றும் ஆட்டோமேட்டிக் கியர்பாக்ஸ் தேர்வுகளில் கிடைக்கும். அடுத்து, 1.5 லிட்டர் பெட்ரோல் எஞ்சின் அதிகபட்சமாக 148 பிஎச்பி பவரையும், 250 என்எம் டார்க் திறனையும் வழங்கும். இந்த எஞ்சினுடன் 6 ஸ்பீடு மேனுவல் அல்லது 7 ஸ்பீடு டிஎஸ்ஜி கியர்பாக்ஸ் தேர்வுகள் வழங்கப்படும்.
புதிய ஸ்கோடா குஷாக் எஸ்யூவியில் தனித்துவமான க்ரில் அமைப்பு, எல்இடி ஹெட்லைட்டுகள், எல்இடி பகல்நேர விளக்குகள், எல்இடி டெயில் லைட்டுகள், ஃபாக்ஸ் ஸ்கிட் பிளேட்டுகள், அலாய் வீல்கள் கவனத்தை பெறுகின்றன. இந்த எஸ்யூவியில் 10 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், ஆப்பிள் கார் ப்ளே மற்றும் ஆன்ட்ராய்டு ஆட்டோ செயலிகளை சப்போர்ட் செய்யும் வசதிகள் கொடுக்கப்படுகின்றன.
இந்த காரில் வயர்லெஸ் சார்ஜர், கனெக்டெட் கார் தொழில்நுட்பம், டிஎஃப்டி திரையுடன் இன்ஸ்ட்ரூமென்ட் க்ளஸ்ட்டர் இடம்பெற்றிருக்கும். எலெக்ட்ரிக் சன்ரூஃப், ரியர் ஏசி வென்ட்டுகளும் உண்டு.
புதிய ஸ்கோடா குஷாக் எஸ்யூவி ரூ.10 லட்சம் முதல் ரூ.17 லட்சம் எக்ஸ்ஷோரூம் விலையில் விற்பனைக்கு எதிர்பார்க்கப்படுகிறது. கியா செல்டோஸ், ஹூண்டாய் க்ரெட்டா, எம்ஜி ஹெக்டர், டாடா ஹாரியர் எஸ்யூவி மாடல்களுக்கு போட்டியாக இருக்கும்.