Just In
- 21 min ago அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- 27 min ago ஆணுக்கு இணையா பந்தயத்துக்கு வரிசைக்கட்டி நின்ற பெண் பைக் ரேஸர்கள்!! போட்டி தீயாய் இருந்துச்சு... முழு வீடியோ!
- 2 hrs ago மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- 3 hrs ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
Don't Miss!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Sports ரோகித்.. ரோகித் என கத்திய ரசிகர்கள்.. ஓங்கி ஒரு அடி விட்ட ஹர்திக் பாண்டியா - வீடியோ
- Movies என்னது தனுஷ் இயக்கத்தில் நடிக்கிறாரா ஜிவி பிரகாஷ்?.. அட இது செம விஷயமா இருக்கே
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
விற்பனைக்கு முன் சோதனை செய்யப்படும் பிஎஸ்6 ஸ்கோடா கோடியாக்!! இந்த நிறத்திலும் தயாராகிறதா?
பிஎஸ்6 ஸ்கோடா கோடியாக் ஃபேஸ்லிஃப்ட் கார் ஒன்று எந்தவொரு மறைப்பும் இல்லாமல் இந்திய சாலையில் காட்சி தந்துள்ளது. இது தொடர்பாக நமக்கு கிடைக்க பெற்றுள்ள ஸ்பை படங்களை பற்றி இந்த செய்தியில் பார்ப்போம்.
நடப்பு 2021ஆம் ஆண்டின் துவக்கத்தில் பிஎஸ்6 தரத்திற்கு இணக்கமான கோடியாக் பெட்ரோல் கார் இந்திய சந்தையில் 2021ஆம் ஆண்டின் மூன்றாம் கால்பகுதியில் அறிமுகப்படுத்தப்படலாம் என ஸ்கோடா இந்தியா நிறுவனத்தின் சிஇஓ ஸாக் ஹோலிஸ் தெரிவித்திருந்தார்.
இந்த நிலையில் தற்போது மோட்டார்பீம் செய்திதளம் மூலமாக பிஎஸ்6 ஸ்கோடா கோடியாக் ஃபேஸ்லிஃப்ட் காரின் சோதனை ஓட்ட ஸ்பை வீடியோ ஒன்று கிடைத்துள்ளது. இதில் கார் சிவப்பு நிற நம்பர் ப்ளேட் உடன் எந்தவொரு மறைப்பாலும் மறைக்கப்படாமல் உள்ளது.
இதையெல்லாம் வைத்து பார்க்கும்போது இந்த பிஎஸ்6 ஸ்கோடா காரின் இந்திய அறிமுகம் மிக விரைவில் இந்த வருடத்திற்குள்ளாக இருக்கலாம். இந்த ஸ்பை வீடியோவில் இரும்பு க்ரே நிறத்தில் புதிய ஸ்கோடா பெயிண்ட் செய்யப்பட்டுள்ளது.
இந்த நிறம் தற்சமயம் ஸ்கோடாவின் லைன்அப்பில் சூப்பர்ப் காரில் வழங்கப்படுகிறது. ஃபேஸ்லிஃப்ட் அப்கிரேடாக பிஎஸ்6 கோடியாக் மாடல் செங்குத்தான ஸ்லாட்களுடன் புதிய கருப்பு நிற பட்டாம்பூச்சி வடிவிலான க்ரில் மற்றும் திருத்தியமைக்கப்பட்ட ஹெட்லேம்ப்களை பெற்று வருகிறது.
மேலும் இந்த ஸ்பை படங்களில் கார் புதியதாக பல-ஸ்போக்குகளை கொண்ட அலாய் சக்கரங்கள் மற்றும் கருப்பு நிறத்தில் பின்பக்கத்தை காட்டும் வெளிப்புற கண்ணாடிகளையும் கொண்டுள்ளது. பின்பக்கத்தில் பிளவுப்பட்ட வடிவில் எல்இடி டெயில்லைட்களை எதிர்பார்க்கலாம்.
உட்புற கேபினை கிட்டத்தட்ட முந்தைய கோடியாக் காரை போலவே புதிய ஸ்கோடா கோடியாக் ஃபேஸ்லிஃப்ட் காரும் கொண்டிருக்கும். இதன் கேபினில் மைய கன்சோலில் செவ்வக வடிவில் ஏசி துளைகள் மற்றும் க்ரோம் உள்ளீடுகளுடன் 3-ஸ்போக் ஸ்டேரிங் சக்கரம் உள்ளிட்டவை வழங்கப்படவுள்ளன.
இவற்றுடன் 2021 ஸ்கோடா கோடியாக்கில் பிஎஸ்6-க்கு இணக்கமான 2.0 லிட்டர் டிஎஸ்ஐ பெட்ரோல் என்ஜின் வழங்கப்படும் என எதிர்பார்க்கப்படுகிறது. அதிகப்பட்சமாக 187 பிஎச்பி மற்றும் 320 என்எம் டார்க் திறனை வெளிப்படுத்தக்கூடிய இந்த என்ஜினுடன் டிரான்ஸ்மிஷனுக்கு 7-ஸ்பீடு டிஎஸ்ஜி கியர்பாக்ஸ் வழங்கப்படலாம்.
அதேபோல் 4X4 ட்ரைவ் அமைப்பும் புதிய கோடியாக்கில் ஸ்கோடா வழங்கலாம். இந்த வருட இறுதியில் ராபிட் செடானிற்கு மாற்றாக ஒரு நடுத்தர-அளவு கொண்ட செடான் காரை அறிமுகப்படுத்த ஸ்கோடா இந்தியா நிறுவனம் தயாராகி வருகிறது. இதனை தொடர்ந்து பிஎஸ்6 கோடியாக் கார் அறிமுகப்படுத்தப்படலாம்.