Just In
- 27 min ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- 52 min ago தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- 4 hrs ago அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- 5 hrs ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
Don't Miss!
- News இளையராஜாவுக்கு சான்ஸ் கொடுத்த நாகூர் ஹனீபா.. எம்எல்ஏ ஹாஸ்டலில் "தென்றல் காற்றே" உருவான கதை!
- Technology கைக்கு 2 ஆர்டர்.. அவ்ளோ கம்மி.. AMOLED டிஸ்பிளே.. ப்ளூடூத் காலிங்.. ஹெல்த் டிராக்கர்கள்.. எந்த மாடல்?
- Sports இதுதான் ரியல் ட்விஸ்ட்.. ஓய்வுக்கு பின் சிஎஸ்கே அணியின் முக்கிய பதவிக்கு வரப்போகும் தல தோனி?
- Finance ஜப்பானுக்கு இந்தியா தான் உதயசூரியன்.. கலரே மாறுதே.. சீனாவுக்கு பெரும் இழப்பு..!!
- Movies விட்டா பத்திரிகையே வெச்சிடுவார்போல.. ரத்னம் படத்துக்காக ஹரி செஞ்சத பாருங்க.. அவருக்கா இந்த நிலைமை
- Lifestyle கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
பவர்ஃபுல் எஞ்சின், கனெக்டெட் கார் நுட்பம்... புதிய டாடா அல்ட்ராஸ் டர்போ மாடல் வெளியீடு!
பவர்ஃபுல் எஞ்சின் மற்றும் அதிக தொழில்நுட்ப வசதிகளுடன் டாடா அல்ட்ராஸ் காரின் டர்போ பெட்ரோல் மாடல் இன்று வெளியிடப்பட்டது. பெரும் ஆவலை ஏற்படுத்தி உள்ள இந்த காரின் முக்கிய அம்சங்கள், எஞ்சின் விபரம் மற்றும் விற்பனைக்கு கொண்டு வரப்படும் தேதி ஆகிய விபரங்களை இந்த செய்தியில் பார்க்கலாம்.
பிரிமீயம் ஹேட்ச்பேக் கார் மார்க்கெட்டில் முன்னெப்போதும் இல்லாத அளவுக்கு கடும் போட்டி ஏற்பட்டுள்ளது. இந்த சந்தையில் மாருதி பலேனோ, ஹூண்டாய் ஐ20, டாடா அல்ட்ராஸ், ஹோண்டா ஜாஸ், ஃபோக்ஸ்வேகன் போலோ போன்ற பல சிறந்த தேர்வுகள் உள்ளன. இருப்பினும், வாடிக்கையாளர்களின் எதிர்பார்ப்புகளை சரியான விலையில் பூர்த்தி செய்யும் பாதுகாப்பான பிரிமீயம் ஹேட்ச்பேக் கார் மாடலாக டாடா அல்ட்ராஸ் பெயர் பெற்றுவிட்டது.
டாடா அல்ட்ராஸ் காரில் சாதாரண வகை 1.2 லிட்டர் பெட்ரோல் எஞ்சின் மற்றும் 1.5 லிட்டர் டீசல் எஞ்சின் தேர்வுகள் வழங்கப்பட்டு வருகின்றன. இந்த நிலையில், வாடிக்கையாளர்களுக்கு கூடுதல் தேர்வை வழங்கும் விதத்தில், டாடா அல்ட்ராஸ் காரில் புதிய டர்போ பெட்ரோல் எஞ்சின் தேர்வு விரைவில் விற்பனைக்கு கொடுக்கப்பட உள்ளது. இந்த நிலையில், டாடா அல்ட்ராஸ் கார் அறிமுகம் செய்யப்பட்டு முதல் ஆண்டு நிறைவு பெறும் இந்த நாளில், அல்ட்ராஸ் காரின் டர்போ மாடல் இன்று பொது பார்வைக்கு கொண்டு வரப்பட்டுள்ளது.
புதிய டாடா அல்ட்ராஸ் டர்போ பெட்ரோல் மாடலானது i-Turbo என்ற பிராண்டில் வெளியிடப்பட்டு இருக்கிறது. இந்த கார் எக்ஸ்டி, எக்ஸ்இசட் மற்றும் எக்ஸ்இசட் ப்ளஸ் என மூன்று வேரியண்ட் தேர்வுகளில் விற்பனைக்கு வர இருக்கிறது. புதிய டாடா அல்ட்ராஸ் கார் ஹை ஸ்ட்ரீட் கோல்டு, மிட்டவுன் க்ரே, டவுன்டவுன் ரெட், அவெனியூ ஒயிட் ஆகிய வண்ணத் தேர்வுகள் மட்டுமின்றி புதிய ஹார்பர் புளூ என்ற வண்ணத் தேர்விலும் வர இருக்கிறது.
புதிய டாடா அல்ட்ராஸ் ஐ-டர்போ மாடலில் 3 சிலிண்டர்கள் கொண்ட 1.2 லிட்டர் டர்போசார்ஜ்டு பெட்ரோல் எஞ்சின் பொருத்தப்பட்டு இருக்கிறது. டாடா நெக்ஸான் எஸ்யூவியில் பயன்படுத்தப்படும் இந்த எஞ்சின் இனி அல்ட்ராஸ் காரிலும் வழங்கப்பட உள்ளது. அதேநேரத்தில், இந்த எஞ்சின் நெக்ஸான் எஸ்யூவியில் 118 பிஎச்பி பவரையும், 170 என்எம் டார்க் திறனையும் வழங்கும் நிலையில், அல்ட்ராஸ் காரில் 108 பிஎச்பி பவரையும், 140 நியூட்டன் மீட்டர் டார்க் திறனை வழங்கும் வகையில் குறைத்து ட்யூனிங் செய்யப்பட்டு இருக்கிறது. சாதாரண பெட்ரோல் மாடலைவிட 24 பிஎச்பி பவரையும், 27 என்எம் டார்க் திறனையும் கூடுதலாக வழங்க வல்லது.
புதிய டாடா அல்ட்ராஸ் ஐ-டர்போ மாடலில் 5 ஸ்பீடு மேனுவல் கியர்பாக்ஸ் தேர்வுடன் விற்பனைக்கு வர இருக்கிறது. பின்னர், டிசிடி கியர்பாக்ஸ் தேர்விலும் அறிமுகம் செய்யப்படும் என்று எதிர்பார்க்கப்படுகிறது. இந்த கார் 0 - 100 கிமீ வேகத்தை 11.9 வினாடிகளில் எட்டும் திறன் வாய்ந்த ஹேட்ச்பேக் மாடலாக வருவது குறிப்பிடத்தக்கது. டாடா அல்ட்ராஸ் டர்போ மாடல் லிட்டருக்கு 18.13 கிமீ மைலேஜ் வழங்கும் என்று நிறுவனம் தரப்பில் தெரிவிக்கப்படுகிறது.
புதிய டாடா அல்ட்ராஸ் ஐ-டர்போ மாடலில் சிட்டி மற்றும் ஸ்போர்ட்ஸ் என இரண்டு டிரைவிங் மோடுகள் கொடுக்கப்படுகிறது. ஸ்போர்ட்ஸ் மோடில் வைத்து இயக்கும்போது அதிகபட்சமான செயல்திறனை வழங்கும். சஸ்பென்ஷன், பிரேக்குகளில் எந்த மாற்றங்களும் இல்லை என்று தெரிவிக்கப்பட்டுள்ளது.
புதிய டாடா அல்ட்ராஸ் ஐ-டர்போ மாடலின் டிசைனில் பெரிய மாற்றங்கள் இருக்காது. ஆனால், இது டர்போ மாடல் என்பதை காட்டுவதற்கான பிரத்யேக பேட்ஜ், கருப்பு வண்ண க்ரி்ல அமைப்பு ஆகியவை இடம்பெற்றிருக்கும். எல்இடி பகல்நேர விளக்குகளுடன் கூடிய புரொஜெக்டர் ஹெட்லைட்டுகள், கருப்பு வண்ண கூரை, புதிய கருப்பு - சாம்பல் வண்ண இன்டீரியர் தீம், செயற்கை லெதர் இருக்கைகள், கனெக்டெட் கார் தொழில்நுட்பம், வாய்ஸ் கமாண்ட் நுட்பம், புஷ் பட்டன் ஸ்டார்ட் வசதி, விரைவாக குளிர்ச்சியை வழங்கும் எக்ஸ்பிரஸ் கூல் வசதி, ஹார்மன் சர்ரவுண்ட் சவுண்ட் சிஸ்டம், க்ரூஸ் கன்ட்ரோல் சிஸ்டம் ஆகியவை கொடுக்கப்படுகிறது.
இந்த காரில் வழங்கப்பட உள்ள ஐரா கனெக்டெட் கார் தொழில்நுட்பம் மூலமாக, கார் குறிப்பிட்ட எல்லைக்கு வெளியில் செல்லாதவாறு கட்டுப்படுத்தும் ஜியோ ஃபென்சிங், கார் திருடுபோனால் இருப்பிடத்தை கண்டறியும் வசதி, அருகிலுள்ள சர்வீஸ் மையம் குறித்த தகவலை தெரிந்து கொள்வதற்கான பல வசதிகளை பெற முடியும். அதேபோன்று, புதிய அல்ட்ராஸ் காரில் வாய்ஸ் கமாண்ட் வசதியும், காரில் ஏற்படும் பழுதுகள் குறித்த தகவல்களை பெறும் வசதிகளும் குறிப்பிடத்தக்கவையாக இருக்கும்.
வரும் 22ந் தேதி புதிய டாடா அல்ட்ராஸ் காரின் விலை விபரம் வெளியிடப்பட்டு, முறைப்படி விற்பனைக்கு கொண்டு வரப்பட உள்ளது. முன்பதிவு நாளை முதல் துவங்கப்படுகிறது. டீலர்களில் டெஸ்ட் டிரைவ் வாய்ப்பும் வழங்கப்பட உள்ளது. ரூ.11,000 செலுத்தி புதிய டாடா அல்ட்ராஸ் ஐ-டர்போ காரை முன்பதிவு செய்து கொள்ளலாம். ஹூண்டாய் ஐ20 டர்போ மற்றும் ஃபோக்ஸ்வேகன் போலோ ஜிடி டிஎஸ்ஐ ஆகிய கார் மாடல்களுக்கு இந்த புதிய அல்ட்ராஸ் ஐ-டர்போ மாடல் மிக சவாலாக அமையும் என்று எதிர்பார்க்கலாம்.
-
கியா களமிறக்கும் புது எலெக்ட்ரிக் காரின் விலை இவ்ளோதானா! பெட்டி கடைல கடலை மிட்டாய் விக்கற மாதிரி விக்க போகுது!
-
எத்தன பேரு வாங்கி குவிக்க போறாங்களோ! இன்னும் 7நாள்ல டெலிவரி தொடங்க போகுது! வேட்டியை வரிஞ்சுக்கட்டிய ஓலா!
-
இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!