Just In
- 3 hrs ago டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- 4 hrs ago மாருதி, டாடா, ஹூண்டாய் நிறுவனங்களை ஒரு கை பார்க்க வரும் நிஸான் கார்... போட்டி அனல் பறக்க போகுது...
- 4 hrs ago இந்த காரை எல்லாம் நாம கண்ணால நேர்ல பார்த்தாலே அது நம்ம செஞ்ச புண்ணியம் தான்! காரோட ரேட் அப்படி!
- 5 hrs ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
புதிய ஃபோக்ஸ்வேகன் டிகுவான் ஃபேஸ்லிஃப்ட் கார் குறித்த 6 முக்கிய அம்சங்கள்!
இந்தியாவின் பிரிமீயம் மிட்சைஸ் எஸ்யூவி மார்க்கெட்டில் மிகச் சிறந்த தேர்வாக புதிய ஃபோக்ஸ்வேகன் டிகுவான் எஸ்யூவி வந்துள்ளது. கடந்த ஆண்டு விற்பனை நிறுத்தப்பட்ட நிலையில், பிஎஸ்-6 தர எஞ்சின் மட்டுமின்றி, ஏராளமான சிறப்பு அம்சங்களுடன் வாடிக்கையாளர்களுக்கு கூடுதல் மதிப்பை வழங்கும் வகையில் மேம்படுத்தப்பட்டு இருக்கிறது. இந்த புதிய மாடல் குறித்த 6 முக்கிய அம்சங்களை இந்த செய்தியில் பார்க்கலாம்.
ஒரே வேரியண்ட்
புதிய ஃபோக்ஸ்வேகன் டிகுவான் எஸ்யூவி அனைத்து வசதிகளும் கொண்ட ஒரே வேரியண்ட்டில் விற்பனைக்கு கிடைக்கும். ரூ.31.99 லட்சம் எக்ஸ்ஷோரூம் விலையில் அறிமுகம் செய்யப்பட்டு இருக்கிறது. வரும் ஜனவரி மாத மத்தியில் புக்கிங் செய்த வாடிக்கையாளர்களுக்கு டெலிவிரி கொடுக்கும் பணிகள் துவங்கும். இந்த கார் 5 சீட்டர் மாடலாக கிடைக்கிறது.
இந்தியாவில் அசெம்பிள்
முந்தைய மாடல் போன்றே இந்த புதிய டிகுவான் எஸ்யூவியின் ஃபேஸ்லிஃப்ட் மாடலும் முக்கிய பாகங்களாக இந்தியாவில் இறக்குமதி செய்யப்படுகிறது. மஹாராஷ்டிர மாநிலம் அவுரங்காபாத்தில் உள்ள ஃபோக்ஸ்வேகன் ஆலையில் அசெம்பிள் செய்து இந்தியாவில் விற்பனை செய்யப்பட உள்ளது. ஏற்கனவே, இந்த காரின் உற்பத்திப் பணிகள் துவங்கி நடந்து வருகிறது.
பிஎஸ்-6 எஞ்சின்
புதிய ஃபோக்ஸ்வேகன் டிகுவான் எஸ்யூவியில் மிக முக்கிய மாற்றமாக பிஎஸ்-6 மாசு உமிழ்வு தரத்திற்கு இணையான 2.0 லிட்டர் டர்போ பெட்ரோல் எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 187 பிஎச்பி பவரையும், 320 என்எம் டார்க் திறனையும் வழங்கும். 7 ஸ்பீடு டிஎஸ்ஜி ஆட்டோமேட்டிக் கியர்பாக்ஸ் இணைக்கப்பட்டு இருக்கிறது. 4 மோஷன் ஆல் வீல் டிரைவ் சிஸ்டமும் உள்ளது. இந்த கார் லிட்டருக்கு 12.65 கிமீ மைலேஜ் வழங்கும் என்று தெரிவிக்கப்படுகிறது.
வெளிப்புற அம்சங்கள்
புதிய ஃபோக்ஸ்வேகன் டிகுவான் எஸ்யூவியில் முகப்பில் சில டிசைன் மாற்றங்கள் செய்யப்பட்டுள்ளன. இந்த காரில் எல்இடி மேட்ரிக்ஸ் ஹெட்லைட்டுகள், இரண்டு L வடிவிலான எல்இடி பகல்நேர விளக்குகல், புதிய பனி விளக்குகள், 19 அங்குல அலாய் வீல்கள், மெல்லிய எல்இடி டெயில் லைட்டுகள் ஆகியவை புதிய அம்சங்கள் என்பதும் அதிக வசீகரத்தையும் வழங்குகின்றன.
உட்புற அம்சங்கள்
புதிய ஃபோக்ஸ்வேகன் டிகுவான் எஸ்யூவியில் விர்ச்சுவல் காக்பிட், 8 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், கை அசைவு மூலமாக கட்டுப்படுத்தும் வசதி, வியன்னா லெதர் இருக்கைகள், சாஃப்ட் டச் பிளாஸ்டிக் கொண்ட டேஷ்போர்டு, 3 ஸோன் க்ளைமேட் கன்ட்ரோல் சிஸ்டம், 30 விதமான வண்ணங்களில் ஒளிரும் ஆம்பியன்ட் லைட் சிஸ்டம், பனோரமிக் சன்ரூஃப் ஆகியவை இடம்பெற்றுள்ளன.
பாதுகாப்பு அம்சங்கள்
புதிய ஃபோக்ஸ்வேகன் டிகுவான் எஸ்யூவியில் 6 ஏர்பேக்குகள், அனைத்து சக்கரங்களிலும் டிஸ்க் பிரேக்குகள், ஏபிஎஸ் பிரேக்கிங் சிஸ்டம், ஹில் ஸ்டார்ட் அசிஸ்ட், ஹில் டிசென்ட் கன்ட்ரோல், ஆட்டோ ஹோல்டு, ஐசோஃபிக்ஸ் சைல்டு சீட் மவுண்ட் ஆகியவற்றுடன் ஏராளமான பாதுகாப்பு அம்சங்கள் கொண்ட மாடலாகவும் இருக்கிறது.
ஹூண்டாய் டூஸான், சிட்ரோன் சி5 ஏர்க்ராஸ் ஆகிய பிரிமீயம் வகை மிட்சைஸ் எஸ்யூவி மாடல்களுக்கு இது நேரடி போட்டியாக இருக்கும். இந்த ரகத்தில் மிகச் சிறந்த வசதிகளுடன் கிடைப்பதால் வாடிக்கையாளர்களுக்கு அதிக மதிப்பை வழங்கும் என்று கூறலாம்.
-
7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!