Just In
- 13 min ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- 57 min ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 1 hr ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 4 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
Don't Miss!
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- News கரும்பு விவசாயி சின்னத்தால் எனக்கு அடி, உதை.. கதறிய கிருஷ்ணகிரி வேட்பாளர்- நாம் தமிழர் மீது புகார்!
- Movies சச்சின் டெண்டுல்கர் மகளுக்கே அல்லு அர்ஜுனை புடிச்சிருக்கே.. மெழுகு சிலை போட்டோவுடன் வெளியான போஸ்ட்!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Education தமிழக வேளாண் துறையில் காத்திருக்கும் வேலை...!
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
அனைவரும் எதிர்பார்த்து கொண்டிருக்கும் புதிய ஸ்கார்பியோ காரின் அறிமுகம் எப்போது? அதிகாரப்பூர்வ தேதி அறிவிப்பு!
புதிய மஹிந்திரா ஸ்கார்பியோ (Mahindra Scorpio) காரின் வருகை எப்போது என்கிற தகவல் அதிகாரப்பூர்வமாக வெளியிடப்பட்டுள்ளது. இதுகுறித்த கூடுதல் விபரங்களை இந்த பதிவில் பார்க்கலாம், வாங்க.
நாட்டு மக்கள் மத்தியில் பெரிதும் எதிர்பார்ப்பை ஏற்படுத்திக் கொண்டிருக்கும் காராக ஸ்கார்பியோ இருக்கின்றது. "இந்த காருதான் ஏற்கனவே சந்தையில் விற்பனையில் இருக்குதே, இதுக்காக ஏன் மக்கள் காத்துக் கொண்டிருக்கனும்?" என உங்களுக்கு கேட்க தோன்றலாம்.
மஹிந்திரா நிறுவனம் இக்காரை தற்போது வேற லெவலுக்கு அப்கிரேட் செய்திருக்கின்றது. அதிக இட வசதி, கட்டுமஸ்தான உடல் தோற்றம், நவீன தொழில்நுட்ப அம்சங்கள் என பல மடங்கு கவர்ச்சியான வாகனமாக அதனை உருவாக்கியிருக்கின்றது. இதனையே வெகு விரைவில் உலக சந்தையில் மஹிந்திரா விற்பனைக்குக் கொண்டு வர இருக்கின்றது. இதன் வருகைக்கே இந்தியர்கள் பலர் தற்போது காத்திருக்க தொடங்கியிருக்கின்றனர்.
நாளுக்கு நாள் இக்காருக்காக காத்திருப்போரின் பட்டியில் நீடித்துக் கொண்டே இருக்கின்றது. இந்த மாதிரியான சூழ்நிலையில் காத்திருப்போர்களுக்கு ட்ரீட் வழங்கும் வகையில் மஹிந்திரா நிறுவனம் புதிய ஸ்கார்பியோ காரின் அறிமுக தேதியை அதிகாரப்பூர்வமாக வெளியிட்டுள்ளது. வரும் ஜூன் 27ம் தேதி அன்று இக்காரை வெளியீடு செய்ய இருப்பதாக அறிவித்துள்ளது.
இதற்கான அழைப்பை ஊடக உலகிற்கு வழங்கும் பணியைகூட நிறுவனம் தொடங்கிவிட்டது. இந்த தகவல்கள் கூடுதல் மகிழ்ச்சியை ஸ்கார்பியோ கார் பிரியர்களுக்கு வழங்கும் வகையில் அமைந்திருக்கின்றது. ஸ்கார்பியோ என் என்கிற பெயரில் அது அறிமுகத்தைப் பெற இருக்கின்றது.
புதிய ஸ்கார்பியோ என் மாடலின் வருகை ஏற்கனவே விற்பனையில் இருக்கும் ஸ்கார்பியோவை எந்த வகையிலும் பாதிக்காது என்பது தெரிய வந்திருக்கின்றது. அதாவது, இரண்டு தசாப்தங்களாக விற்பனையில் இருக்கும் ஸ்கார்பியோவானது ஸ்கார்பியோ கிளாசிக் ஆக விற்பனையில் தொடரும் என்பது தெரிய வந்திருக்கின்றது.
புதிய ஸ்கார்பியோ என் மடாலின் ஹைலைட்டான அம்சங்கள்:
புதிய ஸ்கார்பியோ என் இளைஞர்களையும், அதிக தொழில்நுட்ப வசதிகளையும் விரும்புபவர்களைக் கவரும் வகையில் உருவாக்கப்பட்டுள்ளது. ஒற்றை பார்வையிலேயே அனைவரையும் கவரக் கூடிய வாகனமாக இது உருவாக்கப்பட்டுள்ளது. மிகவும் போல்டான டிசைன் மற்றும் அட்டகாசமான டிரைவிங் பொசிஷன்களை புதிய ஸ்கார்பியோ என் பெற்றிருக்கின்றது.
பிரீமியமான இன்டீரியர், சமீபத்திய தொழில்நுட்பம் மற்றும் பல மேம்பட்ட நவீன அம்சங்களையும் ஸ்கார்பியோ என் பெற்றுள்ளது. இதுமட்டுமின்றி, மேனுவல் மற்றும் தானியங்கி டிரான்ஸ்மிஷன், பெட்ரோல் மற்றும் டீசல் எஞ்ஜின் தேர்வு, இத்துடன் 4X4 தொழில்நுட்பம் விருப்ப தேர்வாக ஸ்கார்பியோ என் மாடலில் மஹிந்திரா நிறுவனம் வழங்க இருக்கின்றது.
இந்த தகவல்களுடன் சேர்த்து புதிய ஸ்கார்பியோ என் படங்களையும் மஹிந்திரா வெளியிட்டுள்ளது. ஆனால், காரின் விலை மற்றும் சிறப்பம்சங்கள் பற்றிய துள்ளியமான விபரங்களை நிறுவனம் வெளியிடவில்லை. இருப்பினும், சாலையில் பல பரீட்சைச் செய்யப்பட்டபோது எடுக்கப்பட்ட படங்களின் வாயிலாகவும், குறிப்பிட்ட தகவல்களின் வாயிலாகவும் இக்காரில் என்ன மாதிரியான அம்சங்கள் இடம் பெற இருப்பது தெரிய வந்திருக்கின்றது.
அந்தவகையில், புதிய ஸ்கார்பியோ என், நிறுவனத்தின் புதிய லோகோவுடன் கூடிய பெரிய க்ரில்லைப் பெற இருப்பது உறுதியாகியுள்ளது. இத்துடன், மறு வடிவமைப்பு செய்யப்பட்ட எல்இடி புரஜெக்டர் ரக ஹெட்லேம்ப், பனி மின் விளக்குடன் கூடிய பம்பர், சி வடிவ எல்இடி பகல்நேர மின் விளக்கு, அகலமான ஏர் இன்டேக்கர், ஹெக்ஸோகனல் லோவர் க்ரில் இன்செர்ட் மற்றும் இரு நிற வீல்கள் உள்ளிட்டவை புதிய ஸ்கார்பியோ என் இல் இடம் பெற இருப்பது தெரிய வந்திருக்கின்றது.
இதுமட்டுமின்றி, குரோம் பூச்சு கொண்ட கதவு கை பிடிகள், குரோம் விண்டோ லைன், தடிமனான ரூஃப் ரெயில்கள், ட்வீக் ரக பான்னெட், சைடு ஹிங்கட் டூர் கொண்ட பூட்லிட், அப்டேட் செய்யப்பட்ட பின் பக்க பம்பர் உள்ளிட்ட பல்வேறு அம்சங்களுடன் புதிய ஸ்கார்பியோ என் வர இருக்கின்றது. இதைவிட மிக முக்கியமான மாற்றமாக புதிய சிறப்பம்சங்கள் மற்றும் தொழில்நுட்ப கருவிகள் நிரப்பட்ட வாகனமாகவும் அது வர உள்ளது.
அந்தவகையில், புதிய டேஷ்போர்டு, சென்டர் கன்சோல், அப்டேட் செய்யப்பட்ட செமி-டிஜிட்டல் இன்ஸ்ட்ரூமென்ட் க்ளஸ்டர், ஃபிளாட்டான பாட்டம் கொண்ட ஸ்டியரிங் வீல், அதிக எண்ணிக்கையிலான ஸ்பீக்கர்கள், லெதர் இருக்கைகள், அட்ஜஸ்டபிள் ஹெட் ரெஸ்ட், ஒயர்லெஸ் சார்ஜிங், சென்ட்ரல்லி மவுண்டட் தொடுதிரை இன்ஃபோடெயின்மென்ட் சிஸ்டம், எஞ்ஜின் ஸ்டார்ட்/ஸ்டாப் பட்டன், க்ரூஸ் கன்ட்ரோல், சன்ரூஃப், ஆறு ஏர் பேக்குள் உள்ளிட்ட அம்சங்களும் எதிர்பார்க்கப்படுகின்றன.
-
மெழுகு சிலை மாதிரி இருக்காங்க... இவங்க அந்த படத்துல நடிச்சவங்களா... வீடியோவை கண் இமைக்காமல் பார்க்கும் இளசுகள்
-
இந்தியாவுக்கு எதாவது பாதிப்பா? ஒரு சின்ன மிஸ்டேக் எங்க கொண்டுவந்து நிறுத்தி இருக்கு!!
-
காருக்குள் பறக்கும் வாகனம்.. சாலையில் ஓட்டிக்கலாம்.. தேவைப்பட்டால் வானிலும் பறந்துக்கலாம்!