Just In
- 13 min ago சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- 35 min ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 1 hr ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- 1 hr ago தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
Don't Miss!
- Movies விஜய் கையில் இவ்வளவு பெரிய காயமா?.. வெளியான புகைப்படம்.. ரசிகர்கள் சோகம்
- News பிரதமர் மோடி பேச்சால்.. பாஜகவுக்கு நோட்டீஸ் அனுப்பிய தேர்தல் ஆணையம்.. ராகுல் காந்திக்கும் சிக்கல்!
- Finance வீடு கட்டணுமா..அரசின் இந்த திட்டம் இருக்கே..நீங்களும் லிஸ்ட்ல இருக்கீங்களானு பாருங்க!
- Technology இதுதான் புதிய Infinix போன்.. 108MP கேமரா.. JBL சவுண்ட்.. 45W சார்ஜிங்.. எந்த மாடல்? எப்போது அறிமுகம்?
- Lifestyle போலந்து மக்களால் கடவுளாக கொண்டாடப்படும் இந்திய அரசர்... அப்படி அந்த மக்களுக்கு அவர் என்ன செய்தார் தெரியுமா?
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
உண்மையாவே இது மாருதி கார்தானா? பிரம்மிப்பை ஏற்படுத்தும் புதிய பிரெஸ்ஸா... டாடாவிற்கு செக் வெச்சுட்டாங்க!
2022 மாருதி சுஸுகி பிரெஸ்ஸா காருக்கு முன்பதிவுகளை ஏற்கும் பணி அதிகாரப்பூர்வமாக தொடங்கப்பட்டுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்திய சந்தையில் மிகவும் பிரபலமாக இருந்து வரும் சப்-4 மீட்டர் காம்பேக்ட் எஸ்யூவி ரகத்தை சேர்ந்த கார்களில் ஒன்று மாருதி சுஸுகி பிரெஸ்ஸா (Maruti Suzuki Brezza). இதன் புதிய தலைமுறை மாடலை மாருதி சுஸுகி நிறுவனம் வரும் ஜூன் 30ம் தேதி (June 30) இந்தியாவில் விற்பனைக்கு அறிமுகம் செய்யவுள்ளது.
மாருதி சுஸுகி பிரெஸ்ஸா காரின் புதிய தலைமுறை மாடல் வாடிக்கையாளர்கள் மத்தியில் ஆவலை ஏற்படுத்தியுள்ளது. மாருதி சுஸுகி நிறுவனத்தின் அரேனா டீலர்ஷிப்கள் (Arena dealerships) வாயிலாக பிரெஸ்ஸா கார் விற்பனை செய்யப்பட்டு வருகிறது. எனவே புதிய தலைமுறை பிரெஸ்ஸா காருக்கு அரேனா டீலர்ஷிப்களில் முன்பதிவுகள் ஏற்கப்பட்டு வருவதாக கடந்த ஒரு சில நாட்களாக தகவல்கள் வெளியாகி வந்தன.
இது அதிகாரப்பூர்வமற்ற முன்பதிவுகள் ஆகும். இந்த சூழலில், புதிய தலைமுறை பிரெஸ்ஸா காருக்கு அதிகாரப்பூர்வமாக முன்பதிவுகளை ஏற்கும் பணிகளை மாருதி சுஸுகி நிறுவனம் தற்போது தொடங்கியுள்ளது. விருப்பம் உள்ள வாடிக்கையாளர்கள் 11 ஆயிரம் ரூபாயை முன்பணமாக செலுத்தி, புதிய மாருதி சுஸுகி பிரெஸ்ஸா காரை முன்பதிவு செய்து கொள்ள முடியும்.
அங்கீகாரம் பெற்ற அரேனா டீலர்ஷிப்கள் மூலமாகவோ அல்லது ஆன்லைன் மூலமாகவோ, புதிய மாருதி சுஸுகி பிரெஸ்ஸா காரை வாடிக்கையாளர்கள் முன்பதிவு செய்யலாம். இதற்கிடையே புதிய பிரெஸ்ஸா காரின் டீசரையும் மாருதி சுஸுகி நிறுவனம் தற்போது வெளியிட்டுள்ளது. இதில், மாற்றியமைக்கப்பட்ட பானெட்டை நம்மால் காண முடிகிறது.
அத்துடன் புதிய 'L' வடிவ எல்இடி பகல் நேர விளக்குகள் மற்றும் வெளிப்புற ரியர் வியூ மிரர்களும் வழங்கப்பட்டுள்ளன. மேலும் புதிய ரூஃப் ரெயில்களையும் நம்மால் கவனிக்க முடிகிறது. இங்கே கண்டிப்பாக குறிப்பிட வேண்டிய ஹைலைட் என்னவென்றால், எலெக்ட்ரிக் சன்ரூஃப்தான் (Electric Sunroof). நீங்கள் ஆச்சரியப்படுவது தெரிகிறது. ஆனால் இந்த விஷயம் உண்மைதான்.
பொதுவாக மாருதி சுஸுகி நிறுவனத்தின் கார்களில் சன்ரூஃப் வழங்கப்படாது. ஆனால் புதிய தலைமுறை பிரெஸ்ஸா காரில் மாருதி சுஸுகி நிறுவனம் எலெக்ட்ரிக் சன்ரூஃப் வசதியை வழங்கியுள்ளது. இந்தியாவில் தற்போது சன்ரூஃப் வசதி வேகமாக பிரபலமடைந்து வரும் நிலையில், இது வாடிக்கையாளர்களை கவரக்கூடிய விஷயமாக இருக்கும் என்பதில் சந்தேகமில்லை.
அதே நேரத்தில் புதிய தலைமுறை மாருதி சுஸுகி பிரெஸ்ஸா காரில், புதிய 1.5 லிட்டர், K15C, நான்கு-சிலிண்டர், ஸ்மார்ட் ஹைப்ரிட் பெட்ரோல் இன்ஜின் வழங்கப்பட்டுள்ளது. இந்த இன்ஜினுடன், 5 ஸ்பீடு மேனுவல் கியர் பாக்ஸ் ஸ்டாண்டர்டாக வழங்கப்படவுள்ளது. அதே நேரத்தில் நீண்ட நாட்களாக சேவையாற்றிய 4 ஸ்பீடு ஆட்டோமேட்டிக் கியர் பாக்ஸ் மாற்றப்பட்டுள்ளது.
இதற்கு பதிலாக 6 ஸ்பீடு டார்க் கன்வெர்டர் ஆட்டோமேட்டிக் கியர் பாக்ஸ் தேர்வு வழங்கப்பட்டுள்ளது. மேலும் பேடில் ஷிஃப்டர்கள் வசதியும் கொடுக்கப்பட்டுள்ளது. அதேபோல் புதிய தலைமுறை பிரெஸ்ஸா காரில் பாதுகாப்பிற்காக மாருதி சுஸுகி நிறுவனம் 6 ஏர்பேக்குகளையும், இஎஸ்பி எனப்படும் (ESP - Electronic Stability Program) போன்ற வசதிகளை வழங்கியிருப்பதும் உறுதி செய்யப்பட்டுள்ளது.
எனவே புதிய தலைமுறை மாருதி சுஸுகி பிரெஸ்ஸா, வாடிக்கையாளர்களுக்கு மிகச்சிறந்த தேர்வாக இருக்கலாம். மாருதி சுஸுகி நிறுவனம் பல்வேறு புதிய அப்டேட்களை செய்துள்ளதால், புதிய தலைமுறை பிரெஸ்ஸா காரின் விலை, தற்போது இருப்பதை காட்டிலும், அதிகமாக நிர்ணயம் செய்யப்படலாம் என எதிர்பார்க்கப்படுகிறது.
இந்தியாவின் சப்-4 மீட்டர் காம்பேக்ட் எஸ்யூவி செக்மெண்ட்டில் நாளுக்கு நாள் போட்டி அதிகரித்து கொண்டே செல்கிறது. ஏற்கனவே இந்த செக்மெண்ட்டில் டாடா நெக்ஸான் (Tata Nexon) காரின் கை ஓங்கி வரும் நிலையில், கடந்த ஒரு சில நாட்களுக்கு முன்பு ஹூண்டாய் வெனியூ காரின் ஃபேஸ்லிஃப்ட் (Hyundai Venue Facelift) மாடலும் விற்பனைக்கு கொண்டு வரப்பட்டது.
இப்படி அதிகரித்து கொண்டே வரும் போட்டியை, புதிய தலைமுறை பிரெஸ்ஸா காரின் மூலம் சமாளிப்பதற்கு மாருதி சுஸுகி நிறுவனம் திட்டமிட்டுள்ளது. பிரெஸ்ஸா காரின் புதிய தலைமுறை மாடல் விற்பனைக்கு அறிமுகம் செய்யப்பட்ட பிறகு, டாடா நெக்ஸான் காரின் ஆதிக்கம் குறையுமா? என்ற எதிர்பார்ப்பு பலர் மத்தியிலும் உருவாகியுள்ளது. இதனை நாம் பொறுத்திருந்துதான் பார்க்க வேண்டும்.