Just In
- 30 min ago பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்
- 1 hr ago 140 பேர் தான் இந்த ஸ்கூட்டரை வாங்க முடியும்! அதுக்கு மேல எவ்வளவு கோடி குடுத்தாலும் கிடைக்காது!
- 2 hrs ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 3 hrs ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
Don't Miss!
- News தஞ்சை பெரிய கோயில் தேரோட்டம்.. தஞ்சாவூர் மாவட்டம் முழுக்க இன்று பள்ளி, கல்லூரிகளுக்கு இன்று விடுமுறை
- Sports மொத்த பேட்டிங் ஆர்டரும் மாறிப்போச்சு.. ருதுராஜ் செய்த சொதப்பல்.. சிஎஸ்கே தோல்விக்கு காரணம் என்ன?
- Lifestyle ஆண்களே! அனைத்து பெண்களுக்கும் உங்கள பிடிக்கணுமா? அப்ப சாணக்கியர் சொல்லும் இந்த 6 குணங்களை வளர்த்துக்கோங்க!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
பிஎம்டபிள்யூ எம்4 காம்பெடிஷன் கூபே 50 ஜாஹ்ரே எம் எடிசன் இந்தியாவில் அறிமுகம்!! விலை ரூ.1.53 கோடி
பிஎம்டபிள்யூ நிறுவனம் இந்தியாவில் அதன் எம்4 காம்பெடிஷன் கூபே காரில் புதியதாக 50 ஜாஹ்ரே எம் எடிசனை அறிமுகப்படுத்தி உள்ளது. இந்த புதிய பிஎம்டபிள்யூ காரை பற்றிய கூடுதல் விபரங்களை தொடர்ந்து இனி பார்ப்போம்.
பிஎம்டபிள்யூவின் எம் பிரிவு கார்கள் செயல்திறன்மிக்கவைகளாக விளங்குகின்றன. ஆரம்பத்தில் ஸ்டாண்டர்ட் கார்களையே பிஎம்டபிள்யூ நிறுவனம் தயாரித்துவந்தது. அதன்பின்பே என்ஜின், சஸ்பென்ஷன், பிரேக் உள்ளிட்டவற்றில் செயல்படுதிறன்மிக்க எம் பிரிவு கார்கள் தயாரிக்கப்பட ஆரம்பித்தன.
பொதுவாக எம் பிரிவு கார்கள் தங்களது பெயரில் ‘எம்' எழுத்தை கொண்டவைகளாக உள்ளன. இத்தகைய எம் பிரிவு துவங்கப்பட்டு 50 வருடங்கள் நிறைவடைந்ததை கொண்டாடும் விதமாக பிஎம்டபிள்யூ நிறுவனம் 50 ஜாஹ்ரே எம் எடிசன் கார்களை அறிமுகப்படுத்தி வருகிறது. இதன்படி கடந்த மாதங்களில் பிஎம்டபிள்யூ எம்340ஐ எக்ஸ்ட்ரைவ், 6 சீரிஸ் ஜிடி மற்றும் 5 சீரிஸ் கார்களில் 50 ஜாஹ்ரே எம் எடிசன்கள் அறிமுகப்படுத்தப்பட்டன.
அவற்றை தொடர்ந்து தற்போது எம்4 காம்பெடிஷன் கூபே காரில் 50 ஜாஹ்ரே எம் எடிசன் அறிமுகப்படுத்தப்பட்டுள்ளது. ரூ.1,52,90,000 என்கிற எக்ஸ்-ஷோரூம் விலையில் அறிமுகம் செய்யப்பட்டுள்ள இந்த புதிய எம்4 காம்பெடிஷன் கூபே கார் உலகளவிலேயே மிகவும் குறிப்பிட்ட எண்ணிக்கையில் மட்டுமே தயாரிக்கப்பட்டு விற்பனை செய்யப்பட உள்ளது.
பிஎம்டபிள்யூவின் புதிய 50 ஜாஹ்ரே எம் எடிசன் கார்கள் அவற்றின் ஸ்டாண்டர்ட் மாடல்களை காட்டிலும் பிரத்யேகமான பெயிண்ட் உடன் ஸ்டைலிஷான தோற்றத்தை பெற்றுள்ளன. இந்த பாணி ஆனது எம்4 காம்பெடிஷன் கூபே 50 ஜாஹ்ரே எம் எடிசனிலும் தொடரப்பட்டுள்ளது. முன்பக்கத்தில் பிஎம்டபிள்யூ பிராண்டிற்கு உண்டான ‘கிட்னி' வடிவ க்ரில்லில் ‘எம்' லோகோ பொருத்தப்பட்டுள்ளது.
இவற்றிற்கு மேல், பிஎம்டபிள்யூ பிராண்டின் லோகோ சற்று வித்தியாசமாக வழங்கப்பட்டுள்ளது. ‘எம்' லோகோக்களை காரின் பின்பக்கம் மற்றும் சக்கரங்களின் மையத்திலும் காண முடிகிறது. சக்கர வளைவு கவர்ந்திழுக்கக்கூடியதாக நன்கு மேடாக வடிவமைக்கப்பட்டுள்ளது. தகவமைத்து கொள்ளக்கூடிய முன்பக்க எல்இடி ஹெட்லைட்கள் பிஎம்டபிள்யூவின் லேசர் விளக்குடன் வழங்கப்பட்டுள்ளன.
காரின் உடலமைப்பிற்கு ஏற்ப சிறப்பாக வடிவமைக்கப்பட்டுள்ள பின்பக்கத்தை காட்டும் வெளிப்புற கண்ணாடிகள் அதி பளபளப்பான கருப்பு நிறத்தில் பெயிண்ட் செய்யப்பட்டுள்ளன. இந்த கண்ணாடிகள் மட்டுமின்றி, மேற்கூரையில் ஃபின்கள், பின்பக்கத்தில் ஸ்பாய்லர் மற்றும் எக்ஸாஸ்ட் குழாய்களும் காரின் காற்றியக்கவியல் பண்பிற்கு இணக்கமானவைகளாக வடிவமைக்கப்பட்டு பொருத்தப்பட்டுள்ளன.
உட்புற கேபினில் டேஸ்போர்டு எந்தவொரு குறையும் கூற முடியாத அளவிற்கு மிகவும் சிறப்பானதாக வடிவமைக்கப்பட்டுள்ளதாக தெரிவிக்கப்பட்டுள்ளது. இதனால் ஓட்டுனரின் கவனம் எந்த இடத்திலும் சிதறாது என்பது உறுதி. ‘50 ஜாஹ்ரே எம் எடிசன்' லோகோவை காரின் உட்புற கதவு பேனல்கள், மைய கன்சோல் மற்றும் இருக்கைகளின் தலையணைகளில் காண முடிகிறது.
இவற்றுடன் எம்4 காம்பெடிஷன் கூபே காரில் வழங்கப்படும் பிரத்யேகமான எம் பிராண்ட் வசதிகள் அனைத்தும் இந்த ஸ்பெஷல் எடிசனிலும் கொடுக்கப்பட்டுள்ளது. உட்புற மேற்கூரை ஆனது உயர் தரத்திலான வலுவூட்டப்பட்ட கார்பன் ஃபைபர் பாலிமரால் தயாரிக்கப்பட்டுள்ளது. இதனால் காரின் மைய ஈர்ப்பு விசை குறைந்துள்ளதால், எடை குறைந்துள்ளது மட்டுமின்றி, செயல்படுதிறன் மேம்பட்டுள்ளது.
இயக்க ஆற்றலை வழங்க 3.0 லிட்டர் நேரடி 6-சிலிண்டர் எம் GmbH என்ஜின் இந்த காரில் வழங்கப்பட்டுள்ளது. எம் இரட்டைபவர் டர்போ தொழிற்நுட்பத்தின் லேட்டஸ்ட் வெர்சன் உடன் வழங்கப்பட்டுள்ள இந்த பெட்ரோல் என்ஜின் அதிகப்பட்சமாக 510 எச்பி மற்றும் 2,750- 5,500 ஆர்பிஎம்-இல் 650 என்எம் டார்க் திறனை வெளிப்படுத்தக்கூடியது. இந்த என்ஜின் உடன் 8-ஸ்பீடு ஸ்டெப்ட்ரானிக் கியர்பாக்ஸ் இணைக்கப்பட்டுள்ளது.
இது ஒவ்வொரு கியர் மாற்றத்தையும் மென்மையாக மற்றும் விரைவாக மேற்கொள்ளக்கூடியது. இவற்றின் உதவியுடன் இந்த ஸ்பெஷல் எடிசன் எம்4 காம்பெடிஷன் கூபே காரில் 0-வில் இருந்து 100kmph வேகத்தை வெறும் 3.5 வினாடிகளில் எட்டிவிடலாம். என்ஜினின் பண்பை மாற்ற எஃபிசியண்ட், ஸ்போர்ட் & ஸ்போர்ட் ப்ளஸ் என்ற மோட்களும், சேசிஸின் பண்பை மாற்ற கம்ஃபர்ட், ஸ்போர்ட் & ஸ்போர்ட் ப்ளஸ் மோட்களும் வழங்கப்பட்டுள்ளன.