Just In
- 13 min ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
- 1 hr ago டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- 4 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 5 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
Don't Miss!
- Lifestyle இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..!
- Sports ஐதராபாத் ரசிகர்களுக்கு அதிர்ச்சி.. ஹெட், அபிஷேக் சர்மா சோலி முடிஞ்ச்.. நம்ம ஆர்சிபி பவுலிங்கா இது!
- News மற்றொரு "வேங்கைவயல்" சம்பவம்? குடிநீர் தொட்டியில் மாட்டு சாணம்? கந்தவர்கோட்டை அருகே பகீர்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
ஏற்கனவே விற்பனை கொஞ்சம் சுமார் தான்!! சிட்ரோன் சி5 ஏர்க்ராஸின் விலைகள் ஏறக்குறைய ரூ.1 லட்சம் அதிகரிப்பு!
சிட்ரோன் சி5 ஏர்க்ராஸ் எஸ்யூவி காரின் விலைகள் இந்திய சந்தையில் கணிசமாக உயர்த்தப்பட்டுள்ளன. அவற்றை பற்றி முழுமையாக இனி இந்த செய்தியில் பார்ப்போம்.
பிரெஞ்சு கார் பிராண்டான சிட்ரோன் நீண்ட எதிர்பார்ப்புகளுக்கு பிறகு ஒருவழியாக இந்திய சந்தையில் கடந்த ஏப்ரல் மாதத்தில் களமிறங்கியது. இந்த பிராண்டில் இருந்து முதல் மாடலாக சி5 ஏர்க்ராஸ் அறிமுகப்படுத்தப்பட்டு, தற்போதைக்கு ஒரே ஒரு சிட்ரோன் மாடலாக விற்பனை செய்யப்பட்டு கொண்டிருக்கிறது.
ஃபீல் & ஷைன் என இந்தியாவில் மொத்தம் 2 விதமான ட்ரிம் நிலைகளில் சிட்ரோன் சி5 ஏர்க்ராஸ் விற்பனை செய்யப்பட்டு கொண்டிருக்கிறது. இவற்றின் ஆரம்ப எக்ஸ்-ஷோரூம் விலை அறிமுகம் செய்யப்பட்ட சமயத்தில் ரூ.31.3 லட்சங்களாக நிர்ணயிக்கப்பட்டது. ஆனால் தற்போது சி5 ஏர்க்ராஸின் ஆரம்ப விலையை ரூ.93.9 ஆயிரங்கள் வரையில் உயர்த்த சிட்ரோன் திட்டமிட்டு வருகிறது.
இதனால் இந்த பிரெஞ்சு எஸ்யூவி மாடலின் ஆரம்ப எக்ஸ்-ஷோரூம் விலை ரூ.32 லட்சத்தை கடந்து ரூ.32,23,900ஆக நிர்ணயிக்கப்பட உள்ளது. அதுவே, ஃபீல் ட்ரிம் நிலையின் ட்யுல்-டோன் பெயிண்ட் வேரியண்ட்டின் விலை ரூ.93.3 ஆயிரங்கள் அதிகரிக்கப்பட்டு, ரூ.32,73,900ஆக கொண்டுவரப்பட உள்ளது. இதுவும் எக்ஸ்-ஷோரூம் விலையே ஆகும். ஷைன் ட்ரிம் ஆனது சி5 ஏர்க்ராஸ் உயர் நிலை ட்ரிம்-ஆக சந்தைப்படுத்தப்பட்டு வருகிறது.
இதன் விலை ரூ.98.4 ஆயிரங்கள் உயர்த்தப்பட்டு, ரூ.33,78,400 நிர்ணயிக்கப்பட உள்ளது. சி5 ஏர்க்ராஸ் மாடலின் ஷைன் ட்ரிம் நிலைக்கான சிங்கிள்-டோன் & ட்யுல்-டோன் வேரியண்ட்களின் விலைகள் தற்போதைக்கு ஒரே அளவிலேயே உள்ளது. இந்த 2022ஆம் ஆண்டு முழுக்க இந்த வணிக யுக்தியை தான் சிட்ரோன் கையாளும் என எதிர்பார்க்கப்படுகிறது.
தொடர்ந்து உயரும் உலோக பாகங்களின் விலைகளினால் அதிகரிக்கும் உற்பத்தி செலவை கருத்தில் கொண்டு சிட்ரோன் புதிய 2022ஆம் ஆண்டின் துவக்கத்தில் கொண்டுவந்துள்ள இந்த விலை உயர்வின்படி சி5 ஏர்க்ராஸின் விலைகள் சராசரியாக 3% அதிகரிக்கப்பட உள்ளன. சி5 ஏர்க்ராஸின் வேரியண்ட்கள் ஒவ்வொன்றிற்கும் தலா இரு நிறத்தேர்வுகள் வழங்கப்படுகின்றன.
ஹூண்டாய் டக்ஸன், ஜீப் காம்பஸ், ஃபோக்ஸ்வேகன் டிகுவான் மற்றும் ஸ்கோடா கோடியாக் உள்ளிட்டவற்றின் போட்டியினை இந்திய சந்தையில் எதிர்க்கொண்டுவரும் சிட்ரோன் சி5 மாடலுக்கு டொயோட்டா ஃபார்ச்சூனர், எம்ஜி க்ளோஸ்டர் மற்றும் மஹிந்திரா அல்டுராஸ் ஜி4 உள்ளிட்டவையும் மறைமுக போட்டி மாடல்களாக விளங்குகின்றன. இயக்க ஆற்றலை வழங்குவதற்கு சி5 ஏர்க்ராஸில் 2-லிட்டர் டர்போ டீசல் என்ஜின் தேர்வு வழங்கப்படுகிறது.
அதிகப்பட்சமாக 175 பிஎச்பி மற்றும் 400 என்எம் டார்க் திறனை வெளிப்படுத்தக்கூடிய இந்த என்ஜின் உடன் 8-ஸ்பீடு ஆட்டோமேட்டிக் டிரான்ஸ்மிஷன் தேர்வு கொடுக்கப்படுகிறது. என்ஜின் ஆற்றல்கள் காரின் முன் சக்கரங்களுக்கு வழங்கப்படுகின்றன. சி5 ஏர்க்ராஸ் எஸ்யூவி கார் கிட்டத்தட்ட 18.6 கிமீ மைலேஜ் வழங்கக்கூடியது என சிட்ரோன் தெரிவிக்கிறது.
ஏற்கனவே கூறியதுதான், இந்திய சந்தையில் சிட்ரோன் அதன் காலடி தடத்தை வலுவாக பதிக்கும் நோக்கத்தில் முதலாவதாக சி5 ஏர்க்ராஸை அறிமுகப்படுத்தியுள்ளது. இருப்பினும் அதிகப்படியான விலையினால் கடந்த ஆண்டில் சி5 ஏர்க்ராஸின் விற்பனை பெரிய அளவில் சொல்லிக்கொள்ளும் அளவிற்கு இல்லை. இதனால், நம் இந்திய சந்தைக்கு ஏற்ற சற்று விலை குறைவான சி3 காம்பெக்ட் எஸ்யூவியை களமிறக்க சிட்ரோன் தயாராகி வருகிறது.
சிட்ரோன் சி3 மாடலின் எக்ஸ்-ஷோரூம் விலையினை ரூ.5 லட்சங்களில் இருந்து ரூ.10 லட்சங்கள் வரையில் எதிர்பார்க்கிறோம். எஸ்யூவி போன்றதான தோற்றத்தை பெற்றுவரவுள்ளது என்றாலும், சி3 ஆனது ஹேட்ச்பேக் ரக கார் என்றே கூறப்படுகிறது. இதனால் இதற்கு பிரபலமான மாருதி சுஸுகி ஸ்விஃப்ட்டில் இருந்து சப்-4 மீட்டர் காம்பெக்ட் எஸ்யூவி கார்களான ரெனால்ட் கிகர் மற்றும் நிஸான் மேக்னைட் வரையில் விற்பனையில் போட்டியாக விளங்கலாம்.
சிட்ரோன் சி3 காரில் மிக முக்கிய அம்சமாக, நெகிழ்வு எரிபொருள் 1.2 லிட்டர் பெட்ரோல் என்ஜின் வழங்கப்பட உள்ளதாக தகவல்கள் கூறுகின்றன. இதன் மூலமாக இந்தியாவிலேயே நெகிழ்வு எரிபொருள் என்ஜினை பெற்றுவரும் முதல் மாடலாக சி3 விளங்கவுள்ளது. இதன் சோதனை ஓட்டங்கள் தற்சமயம் தீவிரமாக மேற்கொள்ளப்பட்டுவரும் நிலையில், இதன் அறிமுகத்தை இந்த 2022ஆம் ஆண்டின் மத்தியில் எதிர்பார்க்கிறோம்.