Just In
- 44 min ago இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- 1 hr ago சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- 7 hrs ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 8 hrs ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
Don't Miss!
- Sports மினி சென்னையில் ஆடினோம்.. 2 நாளில் இதை விட அதிகமாக இருக்கும்.. மனம் திறந்து சொன்ன கே எல் ராகுல்
- News இதுதான் நம்ம தமிழ்நாடு.. மூக்கு மேல் விரல் வைத்த ஈரோடு.. புது டிரஸ்ஸில்.. யாரிந்த 3 பெண்கள்.. சபாஷ்
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
குட்டி குட்டி தெருவா இருந்தாலும் அசால்டா நுழைஞ்சிடும்.. புதிய மஹிந்திரா பொலிரோ சிட்டி பிக்-அப் ட்ரக் அறிமுகம்!
மஹிந்திரா (Mahindra) நிறுவனம் அதன் பொலிரோ பிக்-அப் Bolero Pik-Up) ட்ரக்கில் சிட்டி (City) எனும் புதிய தேர்வை விற்பனைக்கு அறிமுகம் செய்திருக்கின்றது. இதுகுறித்த கூடுதல் விபரங்களை இந்த பதிவில் பார்க்கலாம், வாங்க.
மஹிந்திரா நிறுவனம் இந்தியாவில் விற்பனைக்கு வழங்கி வரும் பிரபலமான கார் மாடல்களில் பொலிரோவும் ஒன்று. இந்த வாகனத்தை காராக மட்டுமின்றி பிக்-அப் ட்ரக் ரகத்திலும் மஹிந்திரா விற்பனைக்கு வழங்கிக் கொண்டிருக்கின்றது. பன்முக தேர்வுகளில் பொலிரோ பிக்-அப் ட்ரக் தற்போது விற்பனைக்குக் கிடைத்துக் கொண்டுள்ளது.
இந்த நிலையிலேயே, கூடுதலாக ஓர் தேர்வை, அதாவது, புதிய வேரியண்டை பொலிரோ பிக்-அப் ட்ரக்கில் மஹிந்திரா தற்போது இணைத்திருக்கின்றது. இந்த சிட்டி எனும் புதிய தேர்வையே அது இணைத்துள்ளது. இதற்கு அறிமுக விலையாக ரூ. 7.97 லட்சம் விலை நிர்ணயிக்கப்பட்டுள்ளது. புதிய சிட்டி வேரியண்டின் பேலோட் திறன் 1,500 கிலோவாகும்.
தற்போது விற்பனைக்குக் கிடைத்து வரும் பிற பிக்-அப் ட்ரக்குகளைக் காட்டிலும் மிக சிறப்பு வசதிகள் கொண்ட வேரியண்டாக இது உருவாக்கப்பட்டுள்ளது. இதுமட்டுமின்றி, இன்னும் பல மாற்றங்களையும் புதிய சிட்டி வேரியண்டில் மஹிந்திரா மேற்கொண்டிருக்கின்றது. அந்தவகையில், இதன் பான்னெட் ஷார்டானதாக காட்சியளிக்கின்றது.
நெரிசலான மற்றும் குறுகிய பாதைகள் மற்றும் தெருக்களில் எளிதில் நுழையும் விதமாக இந்த அமைப்புக் கொடுக்கப்பட்டுள்ளது. சிறிய மற்றும் நடுத்தர வணிகர்களைக் கருத்தில் கொண்டே இந்த வசதியுடன் பொலிரோ பிக்-அப் ட்ரக் சிட்டி உருவாக்கப்பட்டுள்ளது. டெலிவரி, சரக்குகளைக் கையாளுதல் என பன்முக வர்த்தக செயல்பாட்டிற்கு இந்த வாகனத்தை பயன்படுத்திக் கொள்ள முடியும்.
அதிக சரக்குகளைக் கையாளும் விதமாக மிக நீளமான பாடி பின் பக்கத்தில் வழங்கப்பட்டிருக்கின்றது. அதேநேரத்தில் முன் பக்கத்தில் இருவர் வரை அமர்ந்து பயணிக்க முடியும். இருக்கைகள் சற்று சொகுசான வசதிகளுடன் வழங்கப்பட்டுள்ளது. இதன் கோ டிரைவர் இருக்கை சற்று நீளமானதாக இருப்பதால் கூடுதலாக ஒருவரும் இதில் பயணிக்க முடியும்.
பொலிரோ சிட்டி பிக்-அப் ட்ரக்கில் 2.5 லிட்டர் எம்2டிஐ டீசல் எஞ்ஜின் பொருத்தப்பட்டுள்ளது. இந்த மோட்டார் அதிகபட்சமாக 65 பிஎச்பி மற்றும் 195 என்எம் டார்க்கை வெளியேற்றும். பிற வேரியண்டுகள் சற்று அதிக திறனை வெளியேற்றும் வகையில் ட்யூன்-அப் செய்யப்பட்டிருக்கின்றது. ஆகையால், அவை 75 பிஎச்பி பவரையும், 200 என்எம் டார்க்கையும் வெளியேற்றும்.
மஹிந்திராவின் இந்த தயாரிப்பு லிட்டருக்கு 17.2 கிமீ வரை மைலேஜ் தரும். பொலிரோ சிட்டி பிக் அப் ட்ரக்கின் பக்கம் ஈர்க்கும் விதமாக 3 வருடங்கள் மற்றும் 1 லட்சம் கிமீ வாரண்டியை வழங்க இருப்பதாக அறிவித்துள்ளது. இது சிறு-குறு வணிக வியாபாரிகளை நிச்சயம் கவரும் என எதிர்பார்க்கப்படுகின்றது.
புதிய சிட்டி பிக்-அப் டிரக்கின் அறிமுகம் குறித்து மஹிந்திரா ஆட்டோமோட்டிவ் நிறுவனத்தின் விபி-மார்க்கெட்டிங் ஹரிஷ் லால்சந்தனி கூறியதாவது, "சந்தையின் எதிர்கால தேவை மற்றும் வாடிக்கையாளர் மையத்தில் இருக்கும் அதிக ஈடுபாடு ஆகியவையே எங்களின் உத்வேகத்திற்கு காரணமாக இருக்கின்றது. இதுவே பல்துறையின் தேவைகளை பூர்த்தி செய்யும் வகையில் தயாரிப்புகளை உருவாக்க எங்களுக்கு உதவியாக இருக்கின்றது. எங்களின் மிகப்பெரும் வெற்றிகரமான பொலிரோ பிக்-அப் ட்ரக்கின் வரம்பில் கூடுதலாக புதிய தேர்வை வழங்குவதில் நாங்கள் மகிழ்ச்சியடைகிறோம்" என்றார்.
மஹிந்திரா நிறுவனம் வெகுவிரைவில் ஸ்கார்பியோ என் மாடலை இந்திய சந்தையில் விற்பனைக்கு அறிமுகம் செய்ய இருக்கின்றது. ஸ்கார்பியோவின் மேம்படுத்தப்பட்ட மாடலாக இது உருவாக்கப்பட்டுள்ளது. அதிக பாதுகாப்பு வசதிகள், மேம்படுத்தப்பட்ட தொழில்நுட்ப அம்சங்கள் மற்றும் பவர்ஃபுல் மோட்டார் ஆகியவற்றை தாங்கிய வாகனமாகவே இது விரைவில் அறிமுகத்தைப் பெற இருக்கின்றது.
இளம் தலைமுறையினரைக் கவரும் பொருட்டு இன்னும் பல சிறப்பு வசதிகளுடன் இக்காரை விற்பனைக்குக் கொண்டு வருகின்றது மஹிந்திரா நிறுவனம். மிக பெரிய தொடுதிரை இன்ஃபோடெயின்மெனட் சிஸ்டம், எலெக்ட்ரிக் சன் ரூஃப், ட்யூவல் ஜோன் க்ளைமேட் கன்ட்ரோல், பன்முக கன்ட்ரோல்கள் கொண்ட ஸ்டியரிங் வீல் போன்ற அம்சங்கள் புதிய ஸ்கார்பியோ என் மாடலில் எதிர்பார்க்கப்படுகின்றது. இத்தகைய அம்சங்களுடனேயே வரும் ஜூன் 27ம் தேதி அன்று மஹிந்திரா நிறுவனம் ஸ்கார்பியோ என்-ஐ வெளியீடு செய்ய இருக்கின்றது.
-
இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
-
ஒருத்தர், ரெண்டு பேர் இல்ல, ஒரு குடும்பத்தையே ஏற்றி செல்லலாம்!! ரூ.11.40 லட்சத்தில் கிடைக்கும் பொலேரோ கார்...
-
தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு