Just In
- 3 hrs ago உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- 4 hrs ago மேட்-இன் தமிழ்நாடு... தரத்தில் எந்த குறையும் இருக்காது!! மொத்தமும் எலக்ட்ரிக் தான்!
- 4 hrs ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 6 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
கடினமான சூழலிலும், விற்பனையில் தூள் கிளப்பும் மஹிந்திரா எக்ஸ்யூவி700- ஒரே மாதத்தில் 4 ஆயிரம் யூனிட்கள் விற்பனை
கடந்த 2021 டிசம்பர் மாதத்தில் அதிகளவில் விற்பனை செய்யப்பட்ட மஹிந்திரா கார்கள் குறித்த விபரங்கள் கிடைத்துள்ளன. அவற்றை பற்றி முழுமையாக இனி இந்த செய்தியில் பார்ப்போம்.
உலகளாவிய குறைக்கடத்திகளுக்கான பற்றாக்குறை தற்போதும் பல ஆட்டோமொபைல் நிறுவனங்களுக்கு சவாலாக உள்ளது. இதனால் கடந்த சில மாதங்களாக பெரும்பாலான பிராண்ட்களின் விற்பனை குறைந்து வருவதை பார்த்து வருகிறோம்.
இந்த வகையில் முன்னணி கார் தயாரிப்பு நிறுவனமான மஹிந்திராவின் கார்கள் விற்பனையும் குறிப்பிடத்தக்க அளவில் சரிவை சந்தித்தது. அதுமட்டுமின்றி இதன் கார்களை முன்பதிவு செய்து வாடிக்கையாளர்கள் காத்திருக்க வேண்டிய கால அளவையும் அதிகரிக்க வேண்டிய சூழல் மஹிந்திராவுக்கு ஏற்பட்டது.
மாருதி சுஸுகி, டாடா, ஹூண்டாய் நிறுவனங்களுக்கு அடுத்து இந்திய சந்தையில் நான்காவது முன்னணி ஆட்டோமொபைல் நிறுவனமாக விளங்கும் மஹிந்திரா கடந்த 2021 டிசம்பரில் மொத்தம் 17,476 கார்களை விற்பனை செய்துள்ளது. அதுவே 2020 டிசம்பரில் 16,050 கார்களையே இந்த இந்திய கார் தயாரிப்பு நிறுவனம் விற்பனை செய்திருந்தது.
இந்த வகையில் பார்த்தோமேயானால், வருடம்-வருடம் ஒப்பிடுகையில் மஹிந்திரா கார்களின் விற்பனை 8.88% அதிகரித்துள்ளது. அதாவது, இந்த பிராண்டில் இருந்து 2020 டிசம்பரை காட்டிலும் கடந்த டிசம்பர் மாதத்தில் மொத்தம் 1,426 கார்கள் அதிகமாக விற்பனை செய்யப்பட்டுள்ளன. வழக்கம்போல் கடந்த மாதத்திலும் அதிகளவில் விற்பனை செய்யப்பட்ட மஹிந்திரா காராக பொலிரோ விளங்குகிறது. கடந்த மாதத்தில் மொத்தம் 5,314 பொலிரோ கார்கள் விற்பனை செய்யப்பட்டுள்ளன.
தொடர்ந்து முதலிடத்தை பிடித்திருந்தாலும் உண்மையில், பொலிரோ கார்களின் விற்பனை 113 யூனிட்கள், அதாவது 2.08% வருடம்-வருடம் ஒப்பிடுகையில் குறைந்துள்ளது. ஏனெனில் 2020 டிசம்பர் மாதத்தில் மொத்தம் 5,427 பொலிரோ கார்களை மஹிந்திரா நிறுவனம் விற்பனை செய்திருந்தது. இருப்பினும் மஹிந்திராவின் மொத்த பயணிகள் கார்கள் விற்பனையில் பொலிரோ மாடல் மட்டுமே கிட்டத்தட்ட 30.41 சதவீதத்தை ஆக்கிரமித்துள்ளது.
அதேபோல் இந்த வரிசையில் இரண்டாவது இடத்தையும் மஹிந்திராவின் காம்பெக்ட் எஸ்யூவி காரான எக்ஸ்யூவி300 4,260 யூனிட்கள் விற்பனை உடன் உள்ளது. 2020 டிசம்பரில் விற்பனை செய்யப்பட்ட கார்களின் எண்ணிக்கை உடன் ஒப்பிடுகையில், எக்ஸ்யூவி300 கார்களின் விற்பனை அதிகரித்துள்ளது என்றுதான் சொல்ல வேண்டும். ஏனெனில் இதற்கு முந்தைய ஆண்டு டிசம்பரில் 3,974 எக்ஸ்யூவி300 கார்களே விற்பனை செய்யப்பட்டு இருந்தன.
இந்த வகையில் இந்த மஹிந்திரா காம்பெக்ட் எஸ்யூவி கார்களின் விற்பனை கடந்த மாதத்தில் 7.20% அதிகரித்துள்ளது. இதற்கடுத்து மூன்றாவது இடத்தை மஹிந்திராவின் சமீபத்திய அறிமுகமான எக்ஸ்யூவி700 பிடித்துள்ளது. லேட்டஸ்ட் மாடர்ன் மஹிந்திரா கார் என அழைக்கப்படும் எக்ஸ்யூவி700 கடந்த மாதத்தில் மொத்தம் 3,980 யூனிட்கள் விற்பனை செய்யப்பட்டுள்ளது.
இந்த புதிய மஹிந்திரா எஸ்யூவி கார் கடந்த அக்டோபர் மாதத்தில்தான் அறிமுகப்படுத்தப்பட்டதால், 2020 டிசம்பர் மாத விற்பனை எண்ணிக்கை இல்லை. மஹிந்திராவின் மொத்த பயணிகள் கார்கள் விற்பனையில் எக்ஸ்யூவி700 22.77 சதவீதத்தை ஆக்கிரமித்துள்ளது. இதேபோன்று 2020ஆம் ஆண்டின் இறுதியில் சந்தையில் அறிமுகப்படுத்தப்பட்ட தார் ஆஃப்-ரோடு எஸ்யூவி வாகனம் இந்த லிஸ்ட்டில் நான்காம் இடத்திற்கு முன்னேறியுள்ளது.
ஸ்கார்பியோ கார்களின் விற்பனை கடந்த மாதத்தில் குறைந்ததால் தார் மாடல் லிஸ்ட்டில் முன்னேற்றத்தை கண்டுள்ளது. ஆனால் உண்மையில் 2020 டிசம்பர் மாதத்துடன் ஒப்பிடுகையில் கடந்த மாதத்தில் சற்று குறைவான தார் வாகனங்களே விற்பனை செய்யப்பட்டுள்ளன. கடந்த டிசம்பரில் 2,138 தார் வாகனங்கள் விற்பனை செய்யப்பட்டுள்ள நிலையில், 2020 டிசம்பர் மாதத்தில் இதனை காட்டிலும் 6.88% அதிகமாக 2,296 தார் வாகனங்கள் விற்பனை செய்யப்பட்டிருந்தன.
நீண்ட வருடங்களாக பெரியதாக எந்தவொரு அப்டேட்டும் இல்லாமல் விற்பனையில் இருப்பதால் ஸ்கார்பியோ கார்களின் விற்பனை கவனிக்கத்தக்க அளவில் கடந்த 2021 டிசம்பர் மாதத்தில் குறைந்துள்ளது என நினைக்கிறோம். கடந்த 3,417 ஸ்கார்பியோ கார்கள் விற்பனை செய்யப்பட்டிருந்த நிலையில், கடந்த மாதத்தில் இந்த எண்ணிக்கை வெறும் 1,757 யூனிட்களாக சுமார் 48.58% குறைந்துள்ளது.
இதனை கருத்தில் கொண்டுதான் குறிப்பிடத்தக்க அப்டேட்களுடன் புதிய ஸ்கார்பியோ காரை விற்பனைக்கு கொண்டுவர மஹிந்திரா தயாராகி வருகிறது. ஸ்கார்பியோவிற்கு கீழ் அல்டுராஸ் என்கிற மஹிந்திராவின் ஒரே ஒரு சொகுசு கார் 18 யூனிட்களின் விற்பனையுடனும், இ-வெரிடோ எலக்ட்ரிக் கார் 7 யூனிட்களின் விற்பனை உடனும் உள்ளன. மராஸ்ஸோ 2 யூனிட்கள் விற்கப்பட்டுள்ளது.
-
ரோபோ சங்கர் மகள் திருமணத்திற்கு சீதனமா இந்த காரை கொடுத்தாரா? இதோட விலை என்ன தெரியுமா?
-
சீன நிறுவனம் காரையே புளிப்பு மிட்டாய் கணக்கா உற்பத்தி பண்ணிட்டு இருக்கா.. நம்பவே முடியல 7 மில்லியனை தொட்ருச்சு
-
குடிநீரில் கழுவினால் அபராதம்! பெங்களூர் கார் ஓனர்கள் கையில் எடுத்த புதிய ட்ரிக்! இது நமக்கு தெரியாம போச்சே!