Just In
- 1 hr ago போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
- 2 hrs ago ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு!
- 2 hrs ago நடிகர் தனுஷ் ஓட்டு போட வந்த காரின் விலை என்ன தெரியுமா? இவ்வளவு காஸ்ட்லியான காரா இது?
- 4 hrs ago இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்!
Don't Miss!
- News கள்ளழகர் வைகை ஆற்றில் இறங்கும் நிகழ்வு.. வைகையில் இன்று முதல் தண்ணீர் திறப்பு
- Movies கார்த்திக்கை கொண்டாடும் தொழிலாளர்கள்.. மீண்டும் தோற்கும் ஆனந்த்.. கார்த்திகை தீபம் இன்றைய எபிசோட்!
- Finance தங்கம் விலை உயர்வை சமாளிக்க, நகை கடைகள் புதிய ஐடியா.. உஷாரா இருங்க மக்களே..!
- Sports "பிரேக் அப் பண்ணப் போறாங்க" அழகான பெண்ணை பார்த்து வாயை பிளந்த சுப்மன் கில்.. வெளியான வீடியோ
- Lifestyle கர்ப்ப காலத்தில் பதட்டப்படும் பெண்களுக்கான டிப்ஸ்..!
- Technology பொளந்து கட்டுது சேல்.. ரூ.20499 பட்ஜெட்ல 108MP கேமரா.. 3D டிஸ்பிளே.. 5800mAh பேட்டரி.. எந்த மாடல்?
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
முதல் சோனி எலக்ட்ரிக் காரின் சோதனை ஓட்டம் துவங்கியது!! அதிகப்பட்சமாக 240kmph வேகத்தில் செல்லக்கூடியதாம்..!
ஆட்டோமொபைல் துறையில் புதியதாக நுழைந்திருக்கும் சோனி அதன் விஷன்-எஸ் இவி-யின் சாலை சோதனை ஓட்டங்களை துவங்கியுள்ளது. இதுதொடர்பாக நமக்கு கிடைக்க பெற்றுள்ள படங்களை இனி இந்த செய்தியில் பார்ப்போம்.
2020ஆம் ஆண்டு மார்ச்சில் நடைபெற்ற சிஇஎஸ் (CES) எனப்படும் நுகர்வோர் எலக்ட்ரானிக்ஸ் கண்காட்சியில் விஷன்-எஸ் என்கிற கான்செப்ட் காரின் மூலமாக ஜப்பானை சேர்ந்த சோனி கார்ப்பிரேஷன் ஆட்டோமொபைல் துறையில் காலடி எடுத்து வைத்தது உங்களில் சிலருக்கு நினைவிருக்கலாம்.
முழு-எலக்ட்ரிக் செடான் காராக உருவாக்கப்பட உள்ள விஷன்-எஸ் மாடலில் கேமிரா சென்சார்கள், பொழுதுப்போக்கு அமைப்புகள் என சோனி நிறுவனத்தின் வித்தியாசமான தொழிற்நுட்பங்கள் பொருத்தப்பட்டுள்ளன. கண்காட்சியில் காட்சிப்படுத்தப்பட்டு கிட்டத்தட்ட 2 வருடங்கள் ஆன நிலையில் சோனியின் விஷன்-எஸ் கான்செப்ட் கார் பொது சாலையை வந்தடைந்துள்ளது.
அதாவது, தகுந்த அனுமதிகளுடன் பொது சாலையில் இந்த புதிய சோனி எலக்ட்ரிக் கார் சோதனை செய்யப்பட்டுள்ளது. இருப்பினும் இன்னமும் கான்செப்ட் வடிவமைப்பிலேயே விஷன்-எஸ் இருப்பதை சோனி நிறுவனத்தின் அதிகாரப்பூர்வ யுடியூப் பக்கத்தில் வெளியிடப்பட்டுள்ள கீழுள்ள வீடியோவில் காணலாம்.
இந்த சோதனை ஓட்டம் ஐரோப்பிய நாடான ஆஸ்திரியாவில் அங்குள்ள பொறியியலாளர்களால் மேற்கொள்ளப்பட்டுள்ளது. இதனால் தான் இந்த சோதனை மாதிரியில் ஆஸ்திரிய நாட்டின் நம்பர் ப்ளேட் பொருத்தப்பட்டுள்ளது. காரின் இயக்கம் எவ்வாறு இருக்கும் என்பதை வெளிக்காட்டும் விதமாக இந்த வீடியோ வெளியிடப்பட்டுள்ளது என்றாலும், காரின் டிசைன்களை முழுமையாக காண முடியாத வகையில் ஸ்டைலிஷான வ்ராப் மூடப்பட்டுள்ளது.
விஷன்-எஸ் எலக்ட்ரிக் காரை பற்றி கூற வேண்டுமென்றால், இதன் உட்புறத்திலும், வெளிப்புறத்திலும் என மொத்தம் 33 வெவ்வேறான சென்சார்கள் பொருத்தப்பட்டுள்ளன. இதில், சாலை, மற்ற வாகனங்கள் மற்றும் நிறத்தை அடையாளப்படுத்தி கொள்ளும் உயர்-தெளிவு கொண்ட HDR-இணக்கமான சிஎம்ஒஎஸ் (CMOS) இமேஜ் சென்சார்கள் மற்றும் இரவு நேர பார்வைக்கு திட நிலையிலான LiDAR உள்ளிட்டவை அடங்குகின்றன.
இவை மட்டுமின்றி தொலைவு உணர்தல் மற்றும் தொடர்புடைய வேகத்தை கண்டறிதல் உள்ளிட்டவற்றிற்கான ரேடார்களையும் தனது முதல் எலக்ட்ரிக் காரில் சோனி நிறுவனம் வழங்கியுள்ளது. முன்னதாக, இந்த எலக்ட்ரிக் செடான் காரை பற்றிய சில விபரங்களை சோனி வெளியிட்டு இருந்தது. அதாவது, இந்த இ-காரில் 200 கிலோவாட்ஸில் இரு எலக்ட்ரிக் மோட்டார்கள் பொருத்தப்பட உள்ளனவாம்.
இவை இரண்டின் மூலமாக அதிகப்பட்சமாக 268 பிஎச்பி வரையிலான ஆற்றலை பெற முடியும் என்கிறது சோனி. மேலும், இவற்றின் உதவியினால் சோனி விஷன்-எஸ் காரில் 0-வில் இருந்து 100kmph வேகத்தை வெறும் 4.8 வினாடிகளில் எட்டிவிடலாமாம். சோனி விஷன்-எஸ் எலக்ட்ரிக் செடான் காரின் அதிகப்பட்ச வேகம் மணிக்கு 240கிமீ என்ற அளவில் வழங்க திட்டமிடப்பட்டுள்ளது.
நுகர்வோர் எலக்ட்ரானிக்ஸ் கண்காட்சி ஆனது வருடந்தோறும் லாஸ் வேகாஸில் நடைபெற்றக்கூடிய நிகழ்ச்சியாகும். பொதுவாக இந்த கண்காட்சி புதிய வருடத்தின் முதல் மாதத்தில் நடத்தப்படுகிறது. இந்த வகையில் தற்போதும் (2022 ஜன.5- ஜன.8) இந்த கண்காட்சி நடைபெற்று வருகிறது. இதில் சோனி சார்பிலும் அதிகாரிகள் கலந்து கொண்டுள்ளனர்.
இதில் ஒருவராக கலந்துக்கொண்ட சோனி நிறுவனத்தின் சிஇஓ கெனிச்சிரோ யோஷிடா, "நாங்கள் சோனி இவி-யின் அறிமுகத்தை எதிர்நோக்குகிறோம். இயக்கத்தை மறுவரையறை செய்ய சோனி ஒரு ஆக்கப்பூர்வமான பொதுப்போக்கு நிறுவனமாக நன்கு நிலைநிறுத்தப்பட்டுள்ளது" என்றார். ஆனால் உண்மையில், 2020இல் விஷன்-எஸ் காட்சிப்படுத்தப்பட்ட போது பல்வேறு வதந்திகள் பரவ ஆரம்பித்தன.
அதாவது, விஷன்-எஸ் கான்செப்ட் காரை அதனுள் வழங்கப்பட்டிருக்கும் சென்சார்களுக்கும், தொழிற்நுட்பங்களுக்காகவே சோனி காட்சிப்படுத்தியதாகவும், மற்றப்படி ஆட்டோமொபைல் துறையில் களமிறங்கும் முடிவில் இந்த நிறுவனம் இல்லை எனவும் கூறப்பட்டது. ஆனால் தற்போது சோதனை ஓட்டத்தின் மூலமாக இந்த வதந்திகளுக்கு எல்லாம் சோனி ஓர் முடிவுக்கட்டியுள்ளது.
நடைபெற்றுவரும் 2022 நுகர்வோர் எலக்ட்ரானிக் கண்காட்சியில் சோனி நிறுவனம் சார்பில் புதியதாக எலக்ட்ரிக் எஸ்யூவி மாதிரி ஒன்று காட்சிப்படுத்தப்பட்டுள்ளது. மற்றப்படி இந்த எலக்ட்ரிக் வாகனம் குறித்த எந்தவொரு விபரமும் வெளியிடப்படவில்லை. இவ்வாறு புதிய புதிய கான்செப்ட் மாடல்களை காட்சிப்படுத்தினாலும், இன்னமும் விஷன்-எஸ் எலக்ட்ரிக் செடானின் தயாரிப்பு பணிகள் எப்போது துவங்கும் என்பதையே சோனி அறிவிக்கவில்லை என்பது குறிப்பிடத்தக்கது.
-
தேர்தல் முடிந்ததும் முதல் வேலையா டோல்கேட்ல இருந்து இதை தூக்கி வீசுங்க!அடுத்த அதிரடிக்கு தயாரான அரசு
-
கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்?
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!