Just In
- 2 hrs ago ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- 3 hrs ago ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- 5 hrs ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 10 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
Don't Miss!
- News மோடி, அமித் ஷா மேடை மேடையாக பேசியதை! ஒரே பேச்சில் புரட்டி போட்ட ப்ரியங்கா! காங்கிரஸின் மாஸ்டர்பிளான்
- Movies ஷங்கர் மகளின் ஹல்தி கொண்டாட்டம்.. மஞ்ச காட்டு மைனா போல் ஜொலித்த நடிகை அதிதி ஷங்கர்!
- Lifestyle இந்த 4 ராசிக்காரங்களோட முதல் எதிரியே அவங்க ஈகோதானாம்... ஈகோவாலேயே நிறைய விஷயங்களை இழந்துருவாங்களாம்!
- Sports பவுலர்களை குறி வைத்து அடித்தேன்.. பதிரானாவிடம் எச்சரிக்கையாக இருந்தோம்.. ஸ்டாய்னிஸ் ஓபன் டாக்!
- Finance மோனாலிசா ஓவியத்தை பாட வைத்த மைக்ரோசாப்ட் ஏஐ vasa -1.. அசரவைக்கும் வீடியோ..!
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
ரேட்லாம் ஒரு பிரச்னையே இல்லீங்க... டாடா சஃபாரிக்கு கஸ்டமர்களிடம் செம ரெஸ்பான்ஸ்... சேல்ஸ் தூள் கௌப்புது!
இந்தியாவில் டாடா சஃபாரி காரின் விற்பனை மிகவும் சிறப்பாக இருந்து வருகிறது. இதுகுறித்த தகவல்களை இந்த செய்தியில் பார்க்கலாம்.
இந்திய சந்தையில் டாடா மோட்டார்ஸ் நிறுவனம் பல்வேறு கார்களை விற்பனை செய்து வருகிறது. இதில், சஃபாரி மிகவும் முக்கியமானது. நேர்மையாக சொல்வதென்றால் டாடா சஃபாரி உண்மையிலேயே மிக சிறப்பான கார். கடந்த 2021ம் ஆண்டு டிசம்பர் மாதம் டாடா மோட்டார்ஸ் நிறுவனம் இந்திய சந்தையில் 1,481 சஃபாரி கார்களை விற்பனை செய்து அசத்தியுள்ளது.
சற்று அதிக விலை கொண்ட ஒரு கார் இவ்வளவு அதிக எண்ணிக்கையில் விற்பனையாவது உண்மையிலேயே மிகவும் சிறப்பான விஷயம். இந்த சிறப்பான விற்பனை எண்ணிக்கை மூலம் மாதாந்திர ரீதியில் டாடா சஃபாரி கார் வளர்ச்சியை பதிவு செய்துள்ளது. கடந்த 2021ம் ஆண்டு நவம்பர் மாதம் டாடா மோட்டார்ஸ் நிறுவனம் இந்தியாவில் 1,424 சஃபாரி கார்களை மட்டுமே விற்பனை செய்திருந்தது.
ஆனால் அதன்பின் வந்த டிசம்பர் மாதம் இந்த எண்ணிக்கை 1,481 ஆக உயர்ந்துள்ளது. இதன் மூலம் டாடா சஃபாரி கார் விற்பனையில் 4 சதவீத வளர்ச்சியை பதிவு செய்துள்ளது. தற்போதைய தலைமுறை டாடா சஃபாரி கார் இந்திய சந்தையில் கடந்த 2021ம் ஆண்டு பிப்ரவரி மாதம்தான் விற்பனைக்கு அறிமுகம் செய்யப்பட்டது.
எனவே கடந்த 2020ம் ஆண்டு டிசம்பர் மாதத்துடன் இதன் விற்பனை எண்ணிக்கையை ஒப்பிட முடியாது. தற்போதைய நிலையில் டாடா சஃபாரி காரில் ஒரே ஒரு இன்ஜின் தேர்வு மட்டுமே வழங்கப்படுகிறது. இது 2.0 லிட்டர், டர்போசார்ஜ்டு, இன்லைன்-4 டீசல் யூனிட் ஆகும். இந்த இன்ஜின் அதிகபட்சமாக 170 பிஎஸ் பவரையும், 350 என்எம் டார்க் திறனையும் உருவாக்க கூடியது.
இந்த இன்ஜினுடன் 6 ஸ்பீடு மேனுவல் மற்றும் 6 ஸ்பீடு ஆட்டோமேட்டிக் என 2 கியர் பாக்ஸ் தேர்வுகள் வழங்கப்படுகின்றன. தற்போதைய நிலையில் டாடா மோட்டார்ஸ் நிறுவனம் புதிய 1.5 லிட்டர், டர்போசார்ஜ்டு, இன்லைன்-4 பெட்ரோல் இன்ஜினை உருவாக்கும் பணிகளில் ஈடுபட்டு வருவதாக செய்திகள் வெளியாகி வருகின்றன.
டாடா மோட்டார்ஸ் நிறுவனம் சஃபாரி காரில் இந்த இன்ஜின் தேர்வை வழங்கும் என எதிர்பார்க்கப்படுகிறது. அத்துடன் ஹாரியர் காரிலும் இந்த இன்ஜின் எதிர்பார்க்கப்படுகிறது. இதுதவிர ஹூண்டாய் கிரெட்டா காருக்கு போட்டியாக டாடா மோட்டார்ஸ் நிறுவனம் விற்பனைக்கு கொண்டு வரவுள்ளதாக கூறப்படும் புதிய எஸ்யூவி காரிலும் இந்த இன்ஜின் பொருத்தப்படும் என தகவல்கள் தெரிவிக்கின்றன.
இதற்கிடையே டாடா சஃபாரி கார் 6 சீட்டர் மற்றும் 7 சீட்டர் மாடல்களில் கிடைக்கிறது. தற்போதைய நிலையில் டாடா சஃபாரி காரின் ஆரம்ப விலை 14.99 லட்ச ரூபாயாக உள்ளது. அதே நேரத்தில் இதன் டாப் மாடலின் விலை 23.29 லட்ச ரூபாயாக இருக்கிறது. இவை இரண்டுமே எக்ஸ் ஷோரூம் விலை என்பது குறிப்பிடத்தக்கது.
இந்திய சந்தையில் எம்ஜி ஹெக்டர் ப்ளஸ், மஹிந்திரா எக்ஸ்யூவி700 மற்றும் ஹூண்டாய் அல்கஸார் ஆகிய கார்களுடன் போட்டியிட்டு வருகிறது. சஃபாரி காரை போன்றே டாடா மோட்டார்ஸ் நிறுவனத்தின் மற்ற கார்களின் விற்பனை சமீப காலமாக மிகவும் சிறப்பாக இருந்து வருகிறது. குறிப்பாக நெக்ஸான் மற்றும் பன்ச் போன்ற கார்களின் விற்பனை தூள் கிளப்பி கொண்டுள்ளது.
இந்த சூழலில் டாடா மோட்டார்ஸ் நிறுவனம் தற்போது சிஎன்ஜி செக்மெண்ட்டிலும் அதிக கவனம் செலுத்த தொடங்கியுள்ளது. இந்த நிறுவனத்தின் டியாகோ சிஎன்ஜி மற்றும் டிகோர் சிஎன்ஜி கார்கள் சமீபத்தில்தான் இந்திய சந்தையில் விற்பனைக்கு கொண்டு வரப்பட்டன. இதில் டியாகோ சிஎன்ஜி காரை நாங்கள் டெஸ்ட் டிரைவ் செய்து விட்டோம்.
வரும் காலங்களில் டாடா மோட்டார்ஸ் நிறுவனம் இன்னும் நிறைய சிஎன்ஜி கார்களை விற்பனைக்கு அறிமுகம் செய்யும் என எதிர்பார்க்கப்படுகிறது. சிஎன்ஜி-க்கு முன்பாகவே எலெக்ட்ரிக் வாகனங்களில் டாடா மோட்டார்ஸ் நிறுவனம் ஏற்கனவே தீவிரமாக கவனம் செலுத்த தொடங்கி விட்டது. டாடா நெக்ஸான் மற்றும் டிகோர் கார்களின் எலெக்ட்ரிக் வெர்ஷன்கள் தற்போது விற்பனைக்கு கிடைக்கின்றன.
வரும் காலங்களில் எலெக்ட்ரிக் மற்றும் சிஎன்ஜி போன்ற மாற்று எரிபொருட்களின் மூலம் இயங்கும் வாகனங்கள்தான் ஆதிக்கம் செலுத்த போகின்றன என்பது உறுதியாகி விட்டது. அதற்கு டாடா மோட்டார்ஸ் நிறுவனம் தற்போதே தயாராகி விட்டது. எனவே வரும் காலங்களிலும் டாடா மோட்டார்ஸ் நிறுவன கார்களின் விற்பனை மிகவும் சிறப்பாக இருப்பதற்கான வாய்ப்புகள் அதிகம்.
-
இந்த விலைக்கு இப்படி ஒரு ஹூண்டாய் காரா! எவ்ளோனு தெரிஞ்சா இப்பவே ஷோரூமுக்கு வண்டிய எடுத்துருவீங்க!
-
பணங்காரங்க கண்ணு முழுக்க இந்த கார் மேல தான்! பிஒய்டி சீல் கார் எப்படி இருக்குது?
-
நானோ காரை நமக்கு தெரியும்! ஆனா இது அது கிடையாது... டாடா உருவாக்கிய இந்த கார் கடைசி வர வெளியே வராமல் போய்டுச்சே