Just In
- 47 min ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- 1 hr ago சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- 1 hr ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 2 hrs ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
Don't Miss!
- News வாக்காளர் பட்டியலில் பெயரை நீக்கிவிட்டதாக போராடிய கோவை பாஜகவினர் கையில் ஓட்டு போட்ட மை!
- Movies Baakiyalakshmi serial: பழனிச்சாமி -பாக்கியா திருமணம்.. செல்வி சொன்ன விஷயம்.. உறைநத பழனிச்சாமி!
- Technology போச்சு! Paytm-ஐ தொடர்ந்து Kotak Mahindra-க்கு ஆப்பு வைத்த RBI.. இனி உங்க Account, Credit Card-லாம் என்ன ஆகும்?
- Lifestyle இந்த உணவுகளை கண்டிப்பாக பிரஷர் குக்கரில் சமைக்கக்கூடாது.. ஏன் தெரியுமா?
- Finance டீ கடையில் கூட இப்ப கிரெடிட் கார்டு பேமெண்ட் தான்.. ரூ.1 லட்சம் கோடியை தாண்டி புதிய சாதனை..!
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
இந்தியாவிலேயே விலை குறைவான எலெக்ட்ரிக் கார்! டாடாவின் புதிய தயாரிப்பில் இப்படிப்பட்ட வசதிகள் எல்லாம் இருக்கா!
மிகவும் விலை குறைவான டாடா டியாகோ எலெக்ட்ரிக் காரில் சூப்பரான வசதிகள் எல்லாம் வழங்கப்பட்டுள்ளன. இதுகுறித்த தகவல்களை இந்த செய்தியில் பார்க்கலாம்.
இந்தியாவின் எலெக்ட்ரிக் கார் சந்தையில் டாடா மோட்டார்ஸ் நிறுவனம்தான் தற்போது முழுமையாக ஆதிக்கம் செலுத்தி கொண்டுள்ளது. டிகோர் காரின் எலெக்ட்ரிக் வெர்ஷன் (Tata Tigor EV) மற்றும் நெக்ஸான் காரின் எலெக்ட்ரிக் வெர்ஷன் (Tata Nexon EV) ஆகிய 2 எலெக்ட்ரிக் கார்கள்தான் இதற்கு காரணம்.
தற்போதைய நிலையில் இந்த 2 எலெக்ட்ரிக் கார்களையும்தான் டாடா மோட்டார்ஸ் நிறுவனம் விற்பனை செய்து கொண்டுள்ளது. இதுதவிர நெக்ஸான் எலெக்ட்ரிக் காரின் மேம்படுத்தப்பட்ட வெர்ஷனை நெக்ஸான் இவி மேக்ஸ் (Tata Nexon EV Max) என்ற பெயரில் டாடா மோட்டார்ஸ் நிறுவனம் விற்பனை செய்து வருகிறது.
இந்த வரிசையில் மேலும் ஒரு எலெக்ட்ரிக் காரை டாடா மோட்டார்ஸ் நிறுவனம் வெகு விரைவில் விற்பனைக்கு கொண்டு வரவுள்ளது. அது இந்திய சந்தையில் ஏற்கனவே மிகவும் பிரபலமாக உள்ள டியாகோ காரின் எலெக்ட்ரிக் வெர்ஷன் ஆகும் (Tata Tiago EV). டாடா டியாகோ எலெக்ட்ரிக் கார் வரும் செப்டம்பர் 28ம் தேதி பொது பார்வைக்கு கொண்டு வரப்படவுள்ளது.
அதற்கு முன்னதாக டியாகோ எலெக்ட்ரிக் காரின் டீசர் புகைப்படத்தை டாடா மோட்டார்ஸ் நிறுவனம் தற்போது வெளியிட்டுள்ளது. டாடா மோட்டார்ஸ் நிறுவனத்தின் சமூக வலை தள பக்கங்களில் இந்த புகைப்படம் வெளியாகியுள்ளது. இந்த புகைப்படத்தின் மூலம் டாடா டியாகோ எலெக்ட்ரிக் காரில் வழங்கப்பட்டுள்ள ஒரு சில வசதிகள் குறித்த தகவல்கள் நமக்கு தெரியவந்துள்ளன.
இதன்படி டாடா டியாகோ எலெக்ட்ரிக் காரில் க்ரூஸ் கண்ட்ரோல் (Cruise Control) மற்றும் மல்டி-மோடு ரீஜென் ஃபங்ஷன் (Multi-mode Regen Function) ஆகிய வசதிகள் இடம்பெற்றிருப்பது உறுதி செய்யப்பட்டுள்ளது. டாடா டியாகோ எலெக்ட்ரிக் காருக்கும், டாடா டிகோர் எலெக்ட்ரிக் காருக்கும் இடையே நிறைய ஒற்றுமைகள் இருப்பதற்கான வாய்ப்புகள் உள்ளன.
அதாவது டாடா டிகோர் எலெக்ட்ரிக் காரில் உள்ள அதே பேட்டரி தொகுப்புதான் டாடா டியாகோ எலெக்ட்ரிக் காரிலும் வழங்கப்படும் என தகவல்கள் தெரிவிக்கின்றன. இது 26kWh பேட்டரி தொகுப்பு ஆகும். இந்த பேட்டரியை ஒரு முறை முழுமையாக நிரப்பினால் 306 கிலோ மீட்டர்கள் பயணிக்க முடியும் என தெரிவிக்கப்பட்டுள்ளது.
அதே நேரத்தில் டாடா டியாகோ எலெக்ட்ரிக் காரின் பவர் அவுட்புட் 74 பிஹெச்பி மற்றும் 170 என்எம் டார்க் ஆக இருக்கலாம். இங்கே குறிப்பிட வேண்டிய மற்றொரு விஷயம் உள்ளது. நாங்கள் மேலே குறிப்பிட்டுள்ள க்ரூஸ் கண்ட்ரோல் மற்றும் மல்டி-மோடு ரீஜென் ஃபங்ஷன் ஆகிய வசதிகள் டாடா டிகோர் எலெக்ட்ரிக் காரில் இல்லை.
தற்போதைய நிலையில் டாடா டிகோர் எலெக்ட்ரிக் கார்தான் இந்தியாவிலேயே மிகவும் விலை குறைவான எலெக்ட்ரிக் கார் (India's Most Affordable Electric Car) ஆகும். 12.49 லட்ச ரூபாய் முதல் 13.64 லட்ச ரூபாய் வரையிலான விலைகளில் டாடா டிகோர் எலெக்ட்ரிக் கார் விற்பனை செய்யப்பட்டு வருகிறது. இங்கே குறிப்பிடப்பட்டுள்ளவை எக்ஸ் ஷோரூம் விலையாகும்.
ஆனால் டாடா டியாகோ எலெக்ட்ரிக் காரின் விலை இதைக்காட்டிலும் மிகவும் குறைவாக இருக்கும் என எதிர்பார்க்கப்படுகிறது. இதன் மூலம் இந்தியாவிலேயே மிகவும் விலை குறைவான எலெக்ட்ரிக் கார் என்ற பெருமையை டிகோர் எலெக்ட்ரிக் கார் பெறவுள்ளது. டாடா டியாகோ எலெக்ட்ரிக் காரின் விலை 10 லட்ச ரூபாய்க்குள் இருப்பதற்கான வாய்ப்புகள் இருக்கின்றன.
எனவே இந்திய வாடிக்கையாளர்கள் மத்தியில் டாடா டியாகோ எலெக்ட்ரிக் கார் உச்சகட்ட எதிர்பார்ப்புகளை ஏற்படுத்தியுள்ளது. டியாகோ எலெக்ட்ரிக் காருக்கு அடுத்தபடியாக அல்ட்ராஸ் எலெக்ட்ரிக் காரை (Tata Altroz EV) டாடா மோட்டார்ஸ் நிறுவனம் விற்பனைக்கு அறிமுகம் செய்யும் என எதிர்பார்க்கப்படுகிறது. இது ஏற்கனவே விற்பனையில் உள்ள அல்ட்ராஸ் பிரீமியம் ஹேட்ச்பேக் காரின் எலெக்ட்ரிக் வெர்ஷன் ஆகும்.
இதுதவிர பன்ச் காரின் எலெக்ட்ரிக் வெர்ஷனை (Tata Punch EV) விற்பனைக்கு அறிமுகம் செய்வதற்கும் டாடா மோட்டார்ஸ் நிறுவனம் திட்டமிட்டுள்ளது. எனவே தற்போதைய நிலைமையை போலவே எதிர்காலத்திலும் இந்தியாவின் எலெக்ட்ரிக் கார் சந்தையில் டாடா மோட்டார்ஸ் நிறுவனத்தின் கையே ஓங்கியிருப்பதற்கான வாய்ப்புகள் அதிகம்.
-
ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
-
ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!
-
எத்தன பேரு வாங்கி குவிக்க போறாங்களோ! இன்னும் 7நாள்ல டெலிவரி தொடங்க போகுது! வேட்டியை வரிஞ்சுக்கட்டிய ஓலா!