Just In
- 4 hrs ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 4 hrs ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 4 hrs ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- 9 hrs ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
Don't Miss!
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
அடுத்த டார்கெட் மாருதிதான்... ஹூண்டாயை கதற விடும் டாடா... இப்படி நடக்கும்னு யாரும் எதிர்பாத்திருக்க மாட்டாங்க!
ஹூண்டாய் நிறுவனத்தை டாடா மோட்டார்ஸ் நிறுவனம் கதற விட்டு வருவது குறித்த தகவல்களை இந்த செய்தியில் பார்க்கலாம்.
இந்தியாவில் ஒவ்வொரு மாதமும் அதிக கார்களை விற்பனை செய்யும் நிறுவனங்களின் பட்டியலில் மாருதி சுஸுகி தொடர்ந்து முதலிடத்தில் நீடித்து வருகிறது. ஆனால் 2வது இடத்திற்கு சமீப காலமாக கடுமையான போட்டி ஏற்பட்டுள்ளது. 2வது இடத்தை பிடிப்பதற்கு டாடா மோட்டார்ஸ் மற்றும் ஹூண்டாய் ஆகிய 2 நிறுவனங்களும் மல்லுக்கட்டி வருகின்றன.
சில சமயங்களில் டாடா மோட்டார்ஸ் 2வது இடத்தையும், சில சமயங்களில் ஹூண்டாய் 2வது இடத்தையும் பிடித்து வருகின்றன. கடந்த ஜூலை மாதம் ஹூண்டாய் நிறுவனம் 2வது இடத்தை பிடித்து விட்டது. டாடா மோட்டார்ஸ் மற்றும் ஹூண்டாய் ஆகிய 2 நிறுவனங்களுக்கு இடையேயான வித்தியாசம் வெறும் 2,994 கார்கள் மட்டுமே!
ஹூண்டாய் நிறுவனம் நடப்பாண்டு ஜூலை மாதம் இந்திய சந்தையில் 50,500 கார்களை விற்பனை செய்துள்ளது. மறுபக்கம் டாடா மோட்டார்ஸ் நிறுவனம் 47,506 கார்களை விற்பனை செய்துள்ளது. 2 நிறுவனங்களுக்கும் இடையேயான வித்தியாசம் வெறும் 2,994 கார்கள் மட்டுமே. நூலிழையில்தான் இரண்டாவது இடத்தை டாடா மோட்டார்ஸ் தவற விட்டுள்ளது.
ஹூண்டாய் நிறுவனத்திற்கு டாடா மோட்டார்ஸ் நிறுவனம் இந்த அளவிற்கு மிக கடுமையான போட்டியை வழங்கி வருவதற்கு 3 கார்கள்தான் மிகவும் முக்கியமான கார்களாக பார்க்கப்படுகிறது. அவை நெக்ஸான், பன்ச் மற்றும் அல்ட்ராஸ் ஆகியவை ஆகும். இந்த 3 கார்களின் விற்பனை எண்ணிக்கை தொடர்பான தகவல்களை இந்த செய்தியில் பார்க்கலாம்.
டாடா நெக்ஸான் (Tata Nexon)
இந்தியாவில் நடப்பாண்டு ஜூலை மாதம் மிகவும் அதிகமாக விற்பனை செய்யப்பட்ட டாடா கார் இதுதான். டாடா மோட்டார்ஸ் நிறுவனம் நடப்பாண்டு ஜூலை மாதம் ஒட்டுமொத்தமாக 14,214 நெக்ஸான் கார்களை விற்பனை செய்துள்ளது. ஆனால் கடந்த 2021ம் ஆண்டு ஜூலை மாதம் வெறும் 10,287 நெக்ஸான் கார்கள் மட்டும்தான் விற்பனை செய்யப்பட்டிருந்தன.
இதன் மூலமாக டாடா நெக்ஸான் கார் விற்பனையில் 38 சதவீத வளர்ச்சியை பதிவு செய்துள்ளது. நெக்ஸான் காரின் ஐசி இன்ஜின் மாடலுக்கு மட்டுமல்லாது, எலெக்ட்ரிக் வெர்ஷனுக்கு இந்திய சந்தையில் அமோகமான வரவேற்பு உள்ளது. டாடா நெக்ஸான் ஐசி இன்ஜின் கார், சப்-4 மீட்டர் காம்பேக்ட் எஸ்யூவி செக்மெண்ட்டில், ஹூண்டாய் நிறுவனத்தின் வெனியூ காருடன் நேருக்கு நேராக மோதி வருகிறது.
டாடா பன்ச் (Tata Punch)
இந்திய சந்தையில் நடப்பாண்டு ஜூலை மாதம் அதிகம் விற்பனை செய்யப்பட்ட டாடா கார்களின் பட்டியலில் பன்ச் 2வது இடத்தை பிடித்துள்ளது. நடப்பாண்டு ஜூலை மாதம் டாடா மோட்டார்ஸ் நிறுவனம் 11,007 பன்ச் கார்களை விற்பனை செய்துள்ளது. இந்த கார் கடந்த 2021ம் ஆண்டு அக்டோபர் மாதம்தான் விற்பனைக்கு அறிமுகம் செய்யப்பட்டது.
எனவே இதன் விற்பனை எண்ணிக்கையை கடந்த ஆண்டு ஜூலை மாதத்துடன் ஒப்பிட முடியாது. டாடா மோட்டார்ஸ் நிறுவனத்தின் சமீபத்திய சிறப்பான விற்பனை வளர்ச்சிக்கு, பன்ச் கார் மிக முக்கியமான காரணமாக திகழ்கிறது. விற்பனைக்கு அறிமுகம் செய்யப்பட்டதில் இருந்தே வாடிக்கையாளர்கள் இந்த காருக்கு பிரம்மாண்டமான வரவேற்பை வழங்கி வருகின்றனர்.
டாடா அல்ட்ராஸ் (Tata Altroz)
இந்திய சந்தையில் நடப்பாண்டு ஜூலை மாதம் அதிகம் விற்பனை செய்யப்பட்ட டாடா கார்களின் பட்டியலில் அல்ட்ராஸ் 3வது இடத்தில் உள்ளது. இது பிரீமியம் ஹேட்ச்பேக் கார் ஆகும். டாடா மோட்டார்ஸ் நிறுவனம் கடந்த 2021ம் ஆண்டு ஜூலை மாதம் 6,980 அல்ட்ராஸ் கார்களை விற்பனை செய்திருந்தது. இந்த எண்ணிக்கையானது, நடப்பாண்டு ஜூலையில் 6,159 ஆக சரிந்துள்ளது.
இது 12 சதவீத வீழ்ச்சியாகும். டாடா அல்ட்ராஸ் கார் விற்பனையில் சிறிய அளவில் வீழ்ச்சியை பதிவு செய்திருந்தாலும் கூட, இது சிறப்பான விற்பனை எண்ணிக்கையாகவே பார்க்கப்படுகிறது. இங்கே குறிப்பிடத்தக்க விஷயம் என்னவென்றால், இந்த மூன்று கார்களுமே குளோபல் என்சிஏபி மோதல் சோதனைகளில், முழுமையாக 5 ஸ்டார் பாதுகாப்பு ரேட்டிங்கை வாங்கியவை.
இந்த 3 கார்களின் விற்பனையும் மிகவும் சிறப்பாக இருந்து வருவதற்கு இது மிக முக்கியமான காரணங்களில் ஒன்றாக கருதப்படுகிறது. இந்திய சந்தையில் ஹூண்டாய் நிறுவனத்திற்கு, டாடா மோட்டார்ஸ் மிகவும் கடுமையான போட்டியை வழங்கி வருவதற்கு இந்த பாதுகாப்பு ரேட்டிங்குகள் முக்கியமான காரணம் என்றாலும், அது மிகையல்ல.
-
ஸ்விஃப்ட் காரை வாங்க ஆள் இல்லனு நெனைக்கறவங்க வேடிக்கைய மட்டும் பாருங்க... சபதம் எடுத்த மாருதி சுஸுகி...
-
கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்?
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!