Just In
- 36 min ago பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- 1 hr ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 2 hrs ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 4 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
Don't Miss!
- News பெண் துணை தாசில்தார் அளித்த புகார்.. மத்திய இணையமைச்சர் எல் முருகன் மீது அதிரடி வழக்கு! புது சிக்கல்
- Finance தங்கம் விலை ஓரே நாளில் 1400 ரூபாய் உயர்வு.. முதல் முறையாக ரூ.51000 தொட என்ன காரணம்..?
- Lifestyle ஆப்பிள் சீடர் வினிகருடன் இந்த ஒரு பொருளை கலந்து குடிச்சா மாரடைப்பும் வராது.. இதய அடைப்பும் சரியாகும் தெரியுமா?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Movies சச்சின் டெண்டுல்கர் மகளுக்கே அல்லு அர்ஜுனை புடிச்சிருக்கே.. மெழுகு சிலை போட்டோவுடன் வெளியான போஸ்ட்!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
இந்த செக்மெண்ட்ல இப்போ டாடாதான் கிங்... 5 ஸ்டார் ரேட்டிங் வாங்கி இந்தியாவிற்கு பெருமை தேடி தந்த கார் முதலிடம்!
இந்தியாவில் கடந்த ஜூலை மாதம் அதிகமாக விற்பனை செய்யப்பட்ட எஸ்யூவி கார்களின் பட்டியலில் டாடா நெக்ஸான் முதலிடத்தை பிடித்துள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவில் நடப்பாண்டு ஜூலை மாதம் அதிகமாக விற்பனை செய்யப்பட்ட டாப்-5 எஸ்யூவி ரக கார்களின் பட்டியல் வெளியாகியுள்ளது. இந்த பட்டியலில் டாடா நெக்ஸான் கார் முதலிடத்தை பிடித்துள்ளது. டாடா மோட்டார்ஸ் நிறுவனம் இந்திய சந்தையில் கடந்த 2021ம் ஆண்டு ஜூலை மாதம் வெறும் 10,287 நெக்ஸான் கார்களை மட்டுமே விற்பனை செய்திருந்தது.
ஆனால் இந்த எண்ணிக்கை நடப்பாண்டு ஜூலை மாதம் 14,214 ஆக உயர்ந்துள்ளது. இது 38 சதவீத வளர்ச்சியாகும். இந்த சப்-4 மீட்டர் காம்பேக்ட் எஸ்யூவி கார், குளோபல் என்சிஏபி மோதல் சோதனைகளில் முழுமையாக 5 ஸ்டார் பாதுகாப்பு ரேட்டிங்கை பெற்றுள்ளது. இன்னும் சொல்லப்போனால் இந்த பெருமையை தன்வசப்படுத்திய முதல் 'மேட் இன் இந்தியா' கார் இதுதான்.
இதுவே இந்த காரின் வெற்றிக்கு மிக முக்கியமான காரணங்களில் ஒன்றாக பார்க்கப்படுகிறது. இதற்கிடையே இந்த பட்டியலில் ஹூண்டாய் க்ரெட்டா கார் இரண்டாவது இடத்தை பிடித்துள்ளது. கடந்த 2021ம் ஆண்டு ஜூலை மாதம் ஹூண்டாய் நிறுவனம் 13,000 க்ரெட்டா கார்களை விற்பனை செய்திருந்தது. இந்த எண்ணிக்கை நடப்பாண்டு ஜூலை மாதம் 12,625 ஆக சரிந்துள்ளது. இது 3 சதவீத வீழ்ச்சியாகும்.
ஹூண்டாய் நிறுவனம் தற்போது செமி கண்டக்டர் சிப் பற்றாக்குறை பிரச்னையை சந்தித்து வருகிறது. இதன் காரணமாக கார்கள் உற்பத்தியில் பெரும் சிக்கல் நிலவி வருகிறது. ஹூண்டாய் க்ரெட்டா காரின் வீழ்ச்சிக்கு இது ஒரு காரணமாக இருக்கலாம். ஹூண்டாய் நிறுவனம் வெகு விரைவில் க்ரெட்டா காரின் ஃபேஸ்லிஃப்ட் மாடலை இந்திய சந்தையில் களமிறக்கவுள்ளது.
அதன் பிறகு இந்த மிட்-சைஸ் எஸ்யூவி காரின் விற்பனை கிடுகிடுவென உயரலாம். இதற்கிடையே இந்த பட்டியலில், ஹூண்டாய் வெனியூ 3வது இடத்தை பிடித்துள்ளது. இதுவும், டாடா நெக்ஸான் காரை போல், சப்-4 மீட்டர் காம்பேக்ட் எஸ்யூவி கார்தான். ஹூண்டாய் நிறுவனம் கடந்த 2021ம் ஆண்டு ஜூலை மாதம் வெறும் 8,185 வெனியூ கார்களை மட்டுமே விற்பனை செய்திருந்தது.
ஆனால் இந்த எண்ணிக்கை நடப்பாண்டு ஜூலை மாதம் 12,000 ஆக உயர்ந்துள்ளது. இது 47 சதவீத வளர்ச்சியாகும். ஹூண்டாய் நிறுவனம் வெகு சமீபத்தில்தான் வெனியூ காரின் அப்டேட் செய்யப்பட்ட புதிய 2022 மாடலை விற்பனைக்கு கொண்டு வந்தது. இதுவே ஹூண்டாய் வெனியூ காரின் இந்த சிறப்பான விற்பனை வளர்ச்சிக்கு காரணமாக கருதப்படுகிறது.
இதற்கிடையே இந்த பட்டியலில் டாடா பன்ச் கார் 4வது இடத்தை பிடித்துள்ளது. டாடா மோட்டார்ஸ் நிறுவனம் நடப்பாண்டு ஜூலை மாதம் 11,007 பன்ச் கார்களை விற்பனை செய்துள்ளது. இந்த மைக்ரோ-எஸ்யூவி அல்லது சப்-காம்பேக்ட் எஸ்யூவி கார் கடந்த 2021ம் ஆண்டு 2021ம் ஆண்டு அக்டோபர் மாதம்தான் விற்பனைக்கு கொண்டு வரப்பட்டது.
எனவே இந்த காரின் விற்பனை எண்ணிக்கையை கடந்த 2021ம் ஆண்டு ஜூலை மாதத்துடன் ஒப்பிட இயலாது. இதற்கிடையே இந்த பட்டியலில் 5வது மற்றும் கடைசி இடத்தை மாருதி சுஸுகி பிரெஸ்ஸா பிடித்துள்ளது. மாருதி சுஸுகி நிறுவனம் கடந்த 2021ம் ஆண்டு ஜூலை மாதம் 12,676 பிரெஸ்ஸா கார்களை விற்பனை செய்திருந்தது.
இந்த எண்ணிக்கை நடப்பாண்டு ஜூலை மாதம் 9,709 ஆக குறைந்துள்ளது. இது 23 சதவீத வீழ்ச்சியாகும். மாருதி சுஸுகி நிறுவனம் வெகு சமீபத்தில் பிரெஸ்ஸா காரின் வெகுவாக அப்டேட் செய்யப்பட்ட புதிய 2022 மாடலை விற்பனைக்கு கொண்டு வந்தது. இருப்பினும் இந்த காரின் விற்பனை வீழ்ச்சியடைந்திருப்பதற்கு, செமி கண்டக்டர் சிப் பற்றாக்குறை பிரச்னை காரணமாக இருக்கலாம்.