Just In
- 26 min ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- 44 min ago விமானம் தரையிறங்கும் முன் எரிபொருளை விமானிகள் வேண்டுமென்றே திறந்துவிடுவார்கள்.. நாடுவானில் ஏன் இத செய்யுறாங்க?
- 1 hr ago லியோ படத்தில் விஜய்யுடன் நடிச்சாரு, இப்போது விலையுயர்ந்த டொயோட்டா காரில்!! கேரள நடிகையின் புது கார்!
- 3 hrs ago போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
Don't Miss!
- News பாஜக - விசிகவினர் இடையே அடிதடி.. 2 நிர்வாகிகளின் மண்டை உடைப்பு.. அரியலூரில் பதற்றம் - போலீஸ் குவிப்பு
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Technology ஏப்.22-24.. அடுத்த வாரம் அமோக வாரம்.. விற்பனைக்கு வரும் 3 புது 5G போன்கள்.. எல்லாமே ரூ.15,000.. எதை வாங்கலாம்?
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Movies மீண்டும் தள்ளிப்போன அரண்மனை 4.. விஷாலின் அந்த குற்றச்சாட்டு தான் காரணமா?.. இப்படி ஆகிடுச்சே!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ரொம்ப ஈஸி... ஹெட்லைட்டின் ஆயுட்காலத்தை பல மடங்கு அதிகரிக்கலாம்... இந்த ட்ரிக்ஸ் முன்னாடியே தெரியாம போச்சே!
உங்கள் ஹெட்லைட்டின் ஆயுட்காலத்தை உயர்த்துவதற்கான எளிமையான வழிகளை இந்த செய்தியில் பார்க்கலாம்.
உங்கள் கார் அல்லது பைக் போன்ற வாகனங்களுக்கு அடிக்கடி ஹெட்லைட்களை மாற்றி கொண்டு இருக்கிறீர்களா? அப்படியானால் உங்களுக்குதான் இந்த செய்தி. ஹெட்லைட்கள் நாளடைவில் மங்கலாகி விடும் தன்மை கொண்டவை. ஹெட்லைட்களின் வெளிச்சம் குறைவதற்கு பல்வேறு காரணங்கள் இருக்கின்றன.
உதாரணத்திற்கு ஹெட்லைட்களை நீங்கள் எவ்வளவு நேரம் பயன்படுத்துகிறீர்களோ, அதை பொறுத்துதான் பல்புகளின் ஆயுட்காலம் தீர்மானிக்கப்படும். ஹெட்லைட்களின் ஆயுட்காலத்தை தீர்மானிப்பதில், பல்புகளின் வகை மற்றும் தரம் போன்றவையும் முக்கிய பங்காற்றுகின்றன. நீங்கள் வசிக்கும் நகரத்தின் 'க்ளைமேட்' கூட இந்த விஷயத்தில் தாக்கத்தை ஏற்படுத்துகிறது.
ஆனால் ஹெட்லைட்களின் ஆயுட்காலத்தை உயர்த்துவதற்காக, வெப்ப நிலை போன்ற விஷயங்களை நம்மால் மாற்ற முடியாது. இருப்பினும் ஹெட்லைட்களின் ஆயுட்காலத்தை உயர்த்துவதற்கு வேறு சில எளிமையான வழிகள் இருக்கின்றன. அவை என்னென்ன? என்பதை இந்த செய்தியில் தொகுத்து வழங்கியுள்ளோம். இந்த தகவல்கள் உங்களுக்கு நிச்சயம் நன்மை அளிக்க கூடியதாக இருக்கும்.
பல்புகளின் வகை!
நாங்கள் ஏற்கனவே கூறியபடி, உங்கள் ஹெட்லைட்கள் எவ்வளவு காலத்திற்கு நீடித்து உழைக்கும் என்பதை தீர்மானிப்பதில், பல்புகளின் வகைக்கு மிக முக்கியமான இடம் உண்டு. ஒரு சில வகை பல்புகளின் ஆயுட்காலம் குறைவாக இருக்கும். அதே நேரத்தில் வேறு சில வகை பல்புகளின் ஆயுட்காலம் மிகவும் அதிகமாக இருக்கும்.
எனவே அதிக ஆயுட்காலம் கொண்ட பல்புகளைதான் நீங்கள் தேர்வு செய்ய வேண்டும். ஹெட்லைட் பல்புகளை பொறுத்தவரையில், ஹாலோஜன் (Halogen), ஷெனான் (Xenon) மற்றும் எல்இடி (LED) போன்ற வகைகள் இருக்கின்றன. இவைதான் பெரும்பாலும் வாகனங்களின் ஹெட்லைட்களில் பயன்படுத்தப்படும் பல்பு வகைகளாக உள்ளன.
இதில் ஹாலோஜன் வகை பல்புகள் சுமார் 1,000 மணி நேரங்களுக்கு மட்டுமே ஒளிரும் தன்மை கொண்டவையாக உள்ளன. 1,000 மணி நேர பயன்பாட்டிற்கு பிறகு, அவற்றை மீண்டும் பயன்படுத்துவது கடினம். மறுபக்கம் ஷெனான் வகையை சேர்ந்த பல்புகள், ஹாலோஜன் பல்புகளை காட்டிலும் இரண்டு மடங்கு அதிக ஆயுட்காலம் கொண்டவை.
அதாவது சுமார் 2,000 மணி நேரங்களுக்கு ஷெனான் பல்புகள் ஒளிரும் தன்மையை பெற்றுள்ளன. சரி, இதெல்லாம் போதாது என நீங்கள் கருதினால், எல்இடி பல்புகளை பரிசீலனை செய்யும். அதிக காலம் உழைக்க வேண்டும் பல்புகள் வேண்டும் என்பவர்களுக்கு, பெரும்பாலும் எல்இடி பல்புகள்தான் பரிந்துரை செய்யப்படுகின்றன.
ஏனெனில் அவை 20,000 மணி நேரங்களுக்கு ஒளிரும் வல்லமை வாய்ந்தவை. எனவே ஹாலோஜன் மற்றும் ஷெனான் வகை பல்புகளை காட்டிலும், எல்இடி பல்புகள் அதிக காலம் நீடித்து உழைக்கும். எல்இடி பல்புகளுக்கு நீங்கள் மாறினால், உங்கள் ஹெட்லைட்களின் ஆயுட்காலத்தை எளிமையாக உயர்த்த முடியும். அத்துடன் எல்இடி பல்புகள் மிகவும் பிரகாசமாக ஒளிரும் தன்மையையும் கொண்டுள்ளன.
குறைந்த காலம் மட்டுமே உழைக்க கூடிய பல்புகளை வாங்கினால், அவற்றை அடிக்க மாற்ற வேண்டியிருக்கும். இதற்கு பணம் மட்டுமல்லாது, பொன்னான நேரத்தையும் செலவிட வேண்டியிருக்கும். இதையெல்லாம் வைத்து பார்க்கும்போது, எல்இடி பல்புகள் உங்கள் வாகனத்திற்கு மிகச்சிறந்த தேர்வாக இருக்கும்.
நம்பிக்கையான உற்பத்தியாளரிடம் வாங்குங்கள்!
மிகவும் குறைவான விலையில் கிடைக்கிறது என்பதற்காக, தரமற்ற ஹெட்லைட் பல்புகளை வாங்கினால் அவை நீடித்து உழைக்காது. அந்த பல்புகள் இரண்டு வாரங்களில் செயல்படாமல் போய் விட்டாலும் ஆச்சரியப்படுவதற்கில்லை. எனவே ஹெட்லைட் அதிக காலம் நீடித்து உழைக்க வேண்டுமென்றால், நல்ல தரமான பல்புகளை வாங்குங்கள்.
மிகச்சிறந்த நிறுவனங்களிடம் இருந்து வாங்கப்படும் பல்புகள் தரமாக இருக்கும். தரமான பல்புகளின் விலை சற்று அதிகமாக இருந்தாலும் பிரச்னையில்லை. குறைவான விலையில் அடிக்கடி வாங்குவதை காட்டிலும், சற்று அதிக விலையில் ஒரு முறை வாங்குவதே சிறந்தது. இந்த கணக்கீடுகளை நீங்கள் பொறுமையாக மேற்கொண்டு பார்த்தால், உங்களுக்கு உண்மை விளங்கும்.
தற்போது ஆன்லைன் ஷாப்பிங் தளங்கள் அதிகரித்து விட்டன. அவற்றில் பார்த்த உடனே வாங்க தோன்றும் வகையில், மிகவும் குறைவான விலையில், ஹெட்லைட்களுக்கான பல்புகள் விற்பனை செய்யப்படுகின்றன. அத்தகைய பல்புகளிடம் இருந்து எப்போதும் விலகியே இருங்கள். ஆன்லைனில் வாங்குவதாக இருந்தால், எது சிறந்தது? என்பதை, பலரின் ரிவியூக்கள் மூலம் கண்டறியலாம்.
ஹெட்லைட்களை முறையாக பொருத்துங்கள்!
இன்ஸ்டாலேஷன் (Installation) சரியாக இல்லாவிட்டால், ஹெட்லைட்களில் பல்வேறு பிரச்னைகள் ஏற்படலாம். ஹெட்லைட்களை சரியாக பொருத்துவது என்பது, விண்வெளிக்கு ராக்கெட் அனுப்பும் அளவிற்கு கடினமான வேலை கிடையாது. எளிமையானதுதான். இருப்பினும் எளிமையான பணி என்பதற்காக, அலட்சியமாக செய்ய கூடாது.
வழிகாட்டுதல்களை கவனமாக பின்பற்ற வேண்டும். பல்புகளை பொருத்தும்போது, ஹெட்லைட்டிற்கு பின்னால் உள்ள ஒயர்களில் எந்தவிதமான சேதாரத்தையும் ஏற்படுத்தி விடக்கூடாது. அதேபோல் வாகனம் ஓட்டும்போது பல்புகள் ஆடக்கூடாது. உங்களுக்கு சரியாக பொருத்த தெரியாவிட்டால், நிபுணத்துவம் பெற்ற மெக்கானிக்குகளை அணுகலாம்.
அவர்கள் வேலையை கச்சிதமாக செய்து முடித்து விடுவார்கள். ஹெட்லைட் பல்புகளை மாற்றுவதற்கு அதிகமாக செலவும் ஆகாது. நாங்கள் மேலே குறிப்பிட்டுள்ள இந்த விஷயங்களை எல்லாம் மனதில் வைத்து கொண்டு செயல்பட்டால், உங்கள் ஹெட்லைட் நீண்ட நாட்கள் நீடித்து உழைக்கும். உங்கள் பணம் சேமிக்கப்படும் என்பதுடன், நேரமும் மிச்சமாகும்.
-
என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
-
கோவையில் இருந்து கேரளாவுக்கு இந்த ரயில்ல போங்க.. எக்ஸ்பீரியன்ஸ் இன்னும் செம்மையா இருக்கும்! அப்படி என்ன ரயில்?
-
சினிமா ஹீரோயின் மாதிரி இருக்காங்க... புதுசா வாங்கன கார்ல வந்து இறங்கனது அவங்களா... மனசை பறிகொடுத்த இளசுகள்!