Just In
- 43 min ago பிரசார வேனை சொகுசு பங்களா போல செட்டப் செய்த கமலஹாசன்! இதை பார்க்கவே கூட்டம் குவியுமே!
- 2 hrs ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- 2 hrs ago எவ்வளவு பெரிய கிரிக்கெட்டர், குழந்தை போல் ராயல் என்ஃபீல்டு பைக்கில் ரைடு!! ஓட்டி பார்த்த பின் அவர் சொன்னது...
- 3 hrs ago உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
Don't Miss!
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- News திடீர் மாரடைப்பு.. பிரபல தாதா முக்தார் அன்சாரி உயிரிழப்பு.. பதற்றம் - 144 தடை உத்தரவு
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
ஆட்டோமேட்டிக் கார்களில் 'பேடில் ஷிஃப்ட்' இருக்கான்னு பார்த்து வாங்குங்க... எவ்வளவு நன்மைகள் தெரியுமா?
ஃபார்முலா-1 உள்ளிட்ட பந்தயங்களில் பயன்படுத்தப்படும் உயர் தொழில்நுட்ப வகை கார்களுக்காக உருவாக்கப்பட்டு பயன்பாட்டில் இருக்கும் பல தொழில்நுட்பங்கள் மெல்ல சாதாரண கார்களிலும் ஆக்கிரமித்து வருகின்றன. அந்த வகையில், அதிவேக கார்களை ஓட்டுபவர்களுக்கு சிறந்த வசதியையும், பாதுகாப்பையும் வழங்கும் ஒரு தொழில்நுட்பமாக உருவாக்கப்பட்ட பேடில் ஷிஃப்ட் வசதி மாறி இருக்கிறது.
பேடில் ஷிஃப்ட் வசதி இப்போது இந்தியாவில் விற்பனையாகும் சாதாரண வகை கார்களிலும் வழங்கப்படுகின்றன. இந்த பேடில் ஷிஃப்ட் வசதி செயல்படும் விதம் மற்றும் நன்மைகளை இந்த செய்தியில் பார்க்கலாம்.
அதிவேகமாக செல்லும் ரேஸ் கார்களில் கியர் மாற்றும்போது ஏற்படும் ஓட்டுனர்கள் ஸ்டீயரிங் வீலை விட்டு கையை எடுக்கும்போது கார் கட்டுப்பாட்டை இழக்கும் வாய்ப்பு இருந்தது. அதேபோன்று, ஓட்டுனரின் கவனக் குறைவு ஏற்படவும், கால விரயமும் ஏற்பட்டது. இதனை தவிர்க்கும் வகையில் ஸ்டீயரிங் வீலில் ஓட்டுனர் எளிதாக கியர் மாற்றும் வசதியை வழங்குவதற்காக பேடில் ஷிஃப்ட் வசதி உருவாக்கப்பட்டது.
க்ளட்ச் இல்லாமல் இயங்கும் ஏஎம்டி வகை மேனுவல் கியர்பாக்ஸ் கார்களிலும் இந்த பேடில் ஷிஃப்ட் வசதி வழங்கப்பட்டது. ஆனால், தற்போது ஆட்டோமேட்டிக் கியர்பாக்ஸ் கார்களில் அதிகமாக பயன்படுத்தப்படுகிறது. மேனுவல் கியர்பாக்ஸ் கொண்ட ரேஸ் கார்களில்
கூட பேடில் ஷிஃப்ட் வசதி கொடுக்கப்பட்டது. ஆனால், இந்த ரேஸ் கார்களில் விசேஷ க்ளட்ச் தொழில்நுட்பம் கொடுக்கப்பட்டது. கார்களை கிளம்பும்போது, நிறுத்தும்போதும் மட்டுமே க்ளட்ச் பிடிக்கும் வகையில் உருவாக்கப்பட்டதால், பேடில் ஷிஃப்ட் வசதி சாத்தியமானது.
பொதுவாக ஆட்டோமேட்டிக் கார்களை ஓட்டும்போது கார் ஓட்டுனர் எண்ண ஓட்டத்திற்கு தக்கவாறு பிக்கப் கிடைப்பதில் சிரமம் இருக்கிறது. இதனை தவிர்க்க, சரியான எஞ்சின் சுழல் வேகத்தில் பேடில் ஷிஃப்டர்களை பயன்படுத்தி கியர்களை கூட்டிக் குறைக்கும் வாய்ப்பை ஓட்டுனர் பெற முடியும்.
மேனுவல் கியர் கார்களில் லிவரை ஒரு கியரிலிருந்து நியூட்ரலுக்கு கொண்டு வந்து எந்த கியருக்கு வேண்டுமானாலும் வாய்ப்பு கிடைக்கும். ஆனால், பேடில் ஷிஃப்ட் வசதி மூலமாக ஒரு கியரிலிருந்து மற்றொரு கியருக்கு கூட்டுவதற்கு அல்லது குறைப்பதற்கான வாய்ப்பு மட்டுமே கிடைக்கும்.
பேடில் ஷிஃப்ட் பயன்படுத்தும்போது ஓட்டுனர் தனது விருப்பம்போல் காரின் செயல்திறனை உடனடியாக வெளிக்கொண்டு வந்து உற்சாகமான ஓட்டுதல் அனுபவத்தை பெறும் வாய்ப்பை பெற முடியும்.
குறிப்பாக, ஏற்றமான மலைச்சாலைகள், வளைவுகளில் திரும்பும்போது காரின் வேகத்தை எளிதாக கட்டுப்படுத்துவதற்கான வாய்ப்பை இந்த பேடில் ஷிஃப்ட் மூலமாக பெற முடியும்.
அடுத்து, ஈரப்பதமான சாலைகள் உள்ளிட்ட இடங்களில் பேடில் ஷிஃப்ட் மூலமாக இயக்கும்போது கார் அதிக தரைப்பிடிப்புடன் இயக்குவதற்கான வாய்ப்பை ஓட்டுனர் பெற முடியும்.
மேலும், கார் வேகமாக செல்லும்போது விரைவாக கியரை குறைப்பதற்கான வாய்ப்பு கிடைப்பதால் எளிதாக கட்டுப்படுத்த முடியும். இதனால், கூடுதல் பாதுகாப்பு உறுதி செய்யும் வாய்ப்பு இருக்கிறது.
ஆட்டோமேட்டிக் கார்களில் பேடில் ஷிஃப்ட் பயன்படுத்தி மேனுவலாக கியர்களை மாற்றுவதால் மைலேஜ் கூடுதலாவதற்கான வாய்ப்புகள் குறைவாகவே தெரிவிக்கப்படுகிறது. அதாவது, ஆட்டோமேட்டிக் கார்களுக்கான தொழில்நுட்பத்தை இந்த பேடில் ஷிஃப்ட் கட்டுப்படுத்தி செயல்படுவதால், மைலேஜில் பெரிய வித்தியாசங்கள் இருக்காது.
ஹோண்டா சிட்டி சிவிடி, ஹோண்டா அமேஸ் சிவிடி, டொயோட்டா யாரிஸ் சிவிடி, ஹூண்டாய் க்ரெட்டா டிசிடி, ஃபோர்டு ஈக்கோஸ்போர்ட் உள்ளிட்ட கார்களின் ஆட்டோமேட்டிக் மாடல்களில் பேடில் ஷிஃப்ட் வசதி கொடுக்கப்படுகிறது. எனவே, ஆட்டோமேட்டிக் கியர்பாக்ஸ் கார் தேர்வு செய்யும்போது இந்த பேடில் ஷிஃப்ட் வசதி குறித்து ஒரு விசாரணை போட்டு தேர்வு செய்வது கூடுதல் மதிப்பையும், நன்மைகளையும் வழங்கும்.
-
சீன நிறுவனம் காரையே புளிப்பு மிட்டாய் கணக்கா உற்பத்தி பண்ணிட்டு இருக்கா.. நம்பவே முடியல 7 மில்லியனை தொட்ருச்சு
-
பைக்கின் விலை பல இலட்சம்... ஆனா ஒருத்தர் மட்டும்தான் போக முடியும்!! பிரபல பாடகர் ஆசையோடு வாங்கிய பைக்!
-
இந்தியாவை ஆட்சி செய்தது போதும்.. ஜப்பான் பக்கம் ஒதுங்குவோம்.. தமிழகத்துல இருந்து ஜப்பான் போகும் புல்லட் 350