Just In
- 54 min ago ஓலா ஷோரூம் இல்லாத ஊரே இல்ல போல!! இன்னும் சில வருஷத்தில் தெருவுக்கு ஒண்ணும் வந்துவிடும்!
- 1 hr ago அவங்களுக்கு உண்மையாவே கல்யாணமா! பைக் ஓட்டீட்டு போன வீடியோ வைரல்! அதிர்ச்சியில் உறைந்த நெட்டிசன்கள்!
- 2 hrs ago ஓலா டவுசரை கழட்ட திட்டம் போடும் பஜாஜ்! இவ்வளவு கம்மி விலைக்கு சேத்தக் இவி வரப்போகுதா?
- 5 hrs ago 10-15நிமிஷத்துல சென்னையிலிருந்து பாண்டி போயிடலாம்.. இன்டிகோவின் தாய் நிறுவனம் கொண்டு வர இருக்கும் ஏர் டாக்சி!
Don't Miss!
- Finance பெங்களூரு தண்ணீர் பிரச்னையை தீர்க்க ஜல்மித்ரா திட்டம்..!
- Sports என்ன வீடியோ கேம் விளையாடுறாங்க.. 11 சிக்ஸ், 13 ஃபோர்ஸ்.. 5 ஓவர்களில் சதம்.. வரலாறு படைத்த ஐதராபாத்!
- Movies Thalaivar171: டைட்டில் ரிலீசுக்கு இன்னும் இரு தினம்.. மீண்டும் கடிகாரத்தை கையிலெடுத்த சன் பிக்சர்ஸ்!
- News 24 மணி நேரம் கழித்து.. வெளியான தமிழக வாக்குப்பதிவு சதவிகிதம்.. இந்தளவுக்கு தாமதம் ஆக என்ன காரணம்
- Lifestyle நீங்க போடுற டீ அமிர்தம் மாதிரி இருக்கணுமா? அப்ப டீ போடுறப்ப இந்த தவறுகளை தெரியாம கூட பண்ணிராதீங்க...!
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
ஓட்டி பாக்கணும்... ஸ்போர்ட்ஸ் பைக் ரைடரிடம் தகராறு செய்த இளைஞர்கள்... போலீஸை அழைத்ததும் நடந்த காமெடி
டெஸ்ட் ரைடு செய்வதற்கு பைக் வேண்டும் எனக்கேட்டு ஸ்போர்ட்ஸ் பைக் ரைடர் ஒருவரிடம், மூன்று இளைஞர்கள் தகராறு செய்துள்ளனர். இந்த சம்பவம் குறித்த தகவல்களை இந்த செய்தியில் பார்க்கலாம்.
இந்தியாவில் சூப்பர் பைக்குகளை வாங்குவது மட்டுமல்லாது, ஓட்டுவதும் கடினம்தான். இதற்கு இந்தியாவில் உள்ள மோசமான சாலைகள் ஒரு காரணம் என்றால், சூப்பர் பைக்குகளை அதிசயமாக பார்க்கும் மற்ற வாகன ஓட்டிகளும் ஒரு காரணம். பைக்கின் விலை இவ்வளவு ரூபாயா? என வாயை பிளக்கும் அதே நேரத்தில், இவ்வளவுதான் மைலேஜ் தருமா? என சிலர் கிண்டலும் செய்வார்கள்.
இவர்கள் ஒரு ரகம் என்றால், சூப்பர் பைக்குகளை மிகவும் நெருக்கமாக பார்ப்பதற்கு, மோட்டார்சைக்கிள் ஆர்வலர்கள் சிலர் விரும்புவார்கள். இந்த ரகத்தினர் கூட பிரச்னையில்லை. இவர்களை தவிர மற்றொரு ரகத்தினர் இருக்கின்றனர். 'அதீத ஆர்வம்' கொண்ட இவர்களால்தான், சூப்பர் பைக்குகளை ஓட்டுபவர்களுக்கு நிறைய பிரச்னைகள் ஏற்படுகின்றன.
ராயல் என்பீல்டு ஹிமாலயன் பிஎஸ்6 - இப்படி ஒரு ரிவியூ வீடியோ இதுக்கு முன்னாடி பாத்திருக்க மாட்டீங்க!!!
இந்த வகையில் சமீபத்தில் நடந்துள்ள ஒரு சம்பவம் சூப்பர் பைக் ஓட்டுபவர்கள் மத்தியில் அச்சத்தை ஏற்படுத்தியுள்ளது. இதுகுறித்த தகவல்களைதான் இந்த செய்தியில் பார்க்க போகிறோம். இந்த சம்பவம் தொடர்பான காணொளி, லைஃப் மோட்டோ வேர்ல்டு என்ற யூ-டியூப் சேனலில் சமீபத்தில் வெளியிடப்பட்டுள்ளது.
புத்தம் புதிய ராயல் என்பீல்டு மீட்டியோர் 350 ரிவியூ... ப்ளஸ் என்ன? மைனஸ் என்ன? விரிவாக அலசும் வீடியோ!
இந்த காணொளி மிகவும் நீளமாக உள்ளது. ஆனால் ஆரம்பத்தில், சுஸுகி ஜிஎஸ்எக்ஸ்-எஸ்1000 (Suzuki GSX-S1000) நேக்கட் பைக்கில் ரைடர் ஒருவர் கிளம்புகிறார். இந்த பைக் என்ன வழங்குகிறது? என்பதை காட்டும் காணொளியை எடுப்பதற்காக அவர் பைக்கை சாலைக்கு கொண்டு வருகிறார். இந்த பைக்கில், ஆஃப்டர் மார்க்கெட் எக்ஸாஸ்ட் பொருத்தப்பட்டிருந்தது.
எனவே அதிக சத்தம் வந்த காரணத்தால், சாலையில் பலரின் கவனத்தை ஈர்த்தது. ஒரு கட்டத்தில், ஸ்கூட்டரில் வந்த மூன்று பேர், சுஸுகி ஜிஎஸ்எக்ஸ்-எஸ்1000 பைக்கில் வந்த நபரை நிறுத்துமாறு கைகளை அசைத்துள்ளனர். அந்த மூன்று பேரும் என்ன சொல்ல வருகிறார்கள்? என்பதை கேட்பதற்காக அவர் பைக்கை நிறுத்தியுள்ளார்.
அப்போது ஸ்கூட்டரில் இருந்து ஒருவர் இறங்கி வந்து, டெஸ்ட் ரைடு செய்ய பைக் வேண்டும் என கேட்டுள்ளார். ஆனால் அவர்களின் கோரிக்கைக்கு ஒப்புக்கொள்ளாமல் பைக் ரைடர் அங்கிருந்து கிளம்பி விட்டார். ஒரு சில கிலோ மீட்டர்கள் சென்ற பிறகு அந்த பைக் ரைடர் சாலையோரமாக பைக்கை நிறுத்தியுள்ளார். பைக்கில் என்னென்ன மாடிஃபிகேஷன்கள் செய்யப்பட்டுள்ளன? என்னென்ன வசதிகள் உள்ளது? என்பதை காணொளியில் காட்டுவதற்காக அவர் பைக்கை நிறுத்தினார்.
அப்போது வேறு சில இளைஞர்கள் அந்த பைக்கை புகைப்படம் எடுக்கவும், செல்ஃபி எடுத்து கொள்ளவும் நின்றனர். அவர்கள் புகைப்படங்களை எடுக்க அந்த பைக் ரைடர் உதவியும் செய்தார். அந்த சமயத்தில், டெஸ்ட் ரைடு செய்ய வேண்டும் எனக்கேட்டு அந்த பைக் ரைடரை நிறுத்த முயன்ற மூன்று பேரும் அங்கு திடீரென வந்தனர். வந்ததும் அவர்கள் சண்டையிட தொடங்கினர்.
அத்துடன் டெஸ்ட் ரைடு செய்ய வேண்டும் என்ற கோரிக்கையையும் அவர்கள் கைவிடவில்லை. மேலும் அவர்கள் பைக்கை மறித்து கொண்டனர். அந்த ரைடரை அங்கிருந்து செல்ல அவர்கள் விடவில்லை. இதற்கிடையே அந்த மூன்று பேரில் ஒருவர் இந்த சம்பவங்கள் காணொளியில் பதிவாகி கொண்டிருப்பதை தடுக்க முயன்றார். அத்துடன் கேமராவையும் பறிக்க முயற்சி செய்தார்.
ஆனால் தன்னிடம் இருந்து பைக்கையோ அல்லது சாவியையோ எடுக்க அந்த பைக் ரைடர் அனுமதிக்கவில்லை. இதன்பின் அந்த பைக் ரைடரும், மூன்று பேர் குழுவும் செல்போன் மூலம் தங்கள் நண்பர்களை அழைக்க தொடங்கினர். இதன்பேரில் பைக் ரைடரின் நண்பர்கள் இரண்டு பேர் சம்பவ இடத்திற்கு வந்தனர்.
இதன்பின் இரு தரப்பிற்கும் இடையே வாக்குவாதம் நடந்த நிலையில், பைக் ரைடரும், அவரது நண்பர்களும் காவல் துறையின் உதவியை நாடுவது என முடிவு செய்தனர். அவர்கள் காவல் துறையினரிடம் செல்ல போகிறார்கள் என்பதை அறிந்ததும், பிரச்னை செய்த மூன்று பேரும் உடனடியாக அங்கிருந்து ஸ்கூட்டரில் தப்பி சென்றனர்.
அவர்களை தடுத்து நிறுத்துவதற்கு, அந்த பைக் ரைடர் முயற்சி செய்தார். ஆனால் அவர்கள் ஸ்கூட்டரில் வந்திருந்ததால், அங்கிருந்து தப்பித்து விட்டனர். இந்த சம்பவம் கடும் அதிர்ச்சியை ஏற்படுத்தியுள்ளது. நம்மில் யாருக்கு வேண்டுமானாலும் சாலையில் இதுபோன்ற சம்பவங்கள் நிகழலாம். அப்படி நிகழும் பட்சத்தில் இந்த பைக் ரைடரை போல், நாமும் பொறுமையுடனும், கவனமாகவும் அந்த பிரச்னையை எதிர்கொள்ள வேண்டும்.
-
இந்த காரோட உடல் ரொம்ப நீளமா இருக்கும்! டெரிடரி பேருக்கு பதிவு செய்த ஃபோர்டு.. பெரிய சம்பவம் நடக்கபோகுது!
-
காரை விட அவங்கதான் அழகா இருக்காங்க! விலை உயர்ந்த எலெக்ட்ரிக் வண்டியை வாங்கனது அவங்களா! சொக்கி போன ரசிகர்கள்!
-
ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா?