Just In
- 21 min ago உடனே திருப்பி கொண்டு வாங்க! பிரபல நிறுவனம் திடீர் அறிவிப்பு! விலை கம்மினு வாங்கீட்டு புலம்பும் உரிமையாளர்கள்!
- 36 min ago 900 கி.மீ தூரத்தை வெறும் 3.5 மணி நேரத்தில் கடந்து செல்லலாம்! இந்தியாவின் வேகமான புல்லட் ரயில் இது தான்!
- 1 hr ago ஓலா, உபேர் கட்டணம் தரைமட்டத்துக்கு குறைய போகுது! டிரைவர்களுக்கு அடித்தது ஜாக்பாட்!
- 2 hrs ago மைலேஜில் டூவீலர்களே ஒரு அடி பின்னாலதான் நிக்கணும்! புது அவதாரம் எடுக்கிறது மாருதி ஸ்விஃப்ட்! புக்கிங் தொடக்கம்
Don't Miss!
- News சத்தீஸ்கரில் என்கவுண்டர்.. 18 பேர் சுட்டுக்கொலை.. தலைக்கு ரூ. 25 லட்சம் நிர்ணயிக்கப்பட்டவரும் பலி
- Lifestyle இந்த உணவுகளில் முட்டையை விட துத்தநாகமும் மற்ற ஊட்டச்சத்துக்களும் அதிகமாக உள்ளதாம்... தினமும் சாப்பிடுங்க...!
- Technology இனி டபுள் கேம் ஆட முடியாது! Online அம்சத்திற்கு வந்த திடீர் மாற்றம்.. WhatsApp-ல் புது வெடி.. ரெடி ஆகிக்கோங்க!
- Movies Raghava lawrence: அரசியலுக்கு வரணும்னு ஆசைப்பட்டேன்.. ஆனா.. ராகவா லாரன்ஸ் சொன்ன விஷயம்!
- Finance கோயம்புத்தூர்-ஐ கலக்க வரும் புதிய திட்டம்.. அதுவும் இந்த இடத்தில்.. வாவ்..!!
- Travel தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா?
- Sports ஐபிஎல் நல்லா இருக்கனும்னா, ஆர்சிபி அணியை விற்று விடுங்கள்.. டென்னிஸ் ஜாம்பவான் கொந்தளிப்பு
- Education யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
கோவாவின் இன்னொரு பக்கம்... அங்கு மறைந்திருக்கும் இந்த ஆபத்துக்களை உங்களிடம் யாரும் சொல்ல மாட்டாங்க
கோவாவில் மறைந்திருக்கும் ஆபத்துக்களை இந்த செய்தியில் பார்க்கலாம்.
உலகின் பல்வேறு நாடுகளில் இருந்தும் சுற்றுலா பயணிகள் மிகவும் அதிகமாக வந்து செல்லும் இடங்களில் ஒன்று கோவா. இந்தியாவை சேர்ந்த இளைஞர்கள் பலருக்கு, கோவா சுற்றுப்பயணம் என்பது லட்சியம் போன்றது. வாழ்க்கையில் ஒரு முறையாவது கோவாவிற்கு சென்று விட வேண்டும் என்ற கனவை கொண்டிருப்பவர்கள் இங்கு ஏராளம்.
இடையில் மிகவும் தீவிரமாக கடைபிடிக்கப்பட்ட ஊரடங்கு அவர்களின் கனவை சற்றே தள்ளி போட்டிருந்தது. ஆனால் ஊரடங்கில் முன்னெப்போதும் இல்லாத வகையில் தற்போது பல்வேறு தளர்வுகளை மத்திய, மாநில அரசுகள் வழங்கியுள்ளதால், மீண்டும் கோவா ஆசை துளிர் விட தொடங்கியுள்ளது. எனவே கோவா சுற்றுப்பயணம் தொடர்பான செய்திகளை பலர் தேடி தேடி படிக்க தொடங்கியுள்ளனர்.
பொதுவாக கோவாவில் பார்க்க வேண்டிய இடங்கள், கடற்கரைகள், பார்ட்டி போன்ற விஷயங்களை தெரிந்து கொள்வதில்தான் பலரும் ஆர்வம் செலுத்துகின்றனர். ஆனால் கோவாவிற்கு என ஒரு மோசமான பக்கம் இருக்கிறது. கோவா சுற்றுப்பயணத்தில் நீங்கள் விபத்தில் சிக்கி கொள்வதற்கான வாய்ப்புகள் மிகவும் அதிகம்.
ஆம், கோவா சாலைகளில் ஏராளமான ஆபத்துக்கள் மறைந்துள்ளன. கோவாவில் உள்ள ஒவ்வொரு 1 லட்சம் மக்களுக்கும், 217.7 விபத்துக்கள் நடக்கின்றன. இது மத்திய சாலை போக்குவரத்து மற்றும் நெடுஞ்சாலைகள் துறை அமைச்சகத்தின் அதிகாரப்பூர்வ தரவு ஆகும். கோவாவில் இப்படி அதிக அளவிலான சாலை விபத்துக்கள் நடைபெறுவதற்கு பல்வேறு காரணங்கள் உள்ளன.
அந்த காரணங்களைதான் இந்த செய்தியில் தொகுத்து வழங்கியுள்ளோம். நீங்கள் கோவா சுற்றுப்பயணம் செல்லும் போது, சாலை விபத்துக்களில் சிக்கி கொள்ளாமல், பாதுகாப்பாக இருப்பதற்கு இந்த தகவல்கள் உங்களுக்கு உதவி செய்யும் என நம்புகிறோம். வாருங்கள், இனி செய்திக்குள் செல்லலாம்.
சுற்றுலா பயணிகளின் மனநிலை:
கோவா சென்று இறங்கிய உடனே ஒருவரின் மனநிலை ரிலாக்ஸ் ஆகி விடுகிறது. அளவு கடந்த மகிழ்ச்சியான மன நிலைக்கு பலர் சென்று விடுகின்றனர். போக்குவரத்து நெரிசல் மிகுந்த நகர சாலைகளில் இருந்து விலகி, கோவாவின் குறுகலான சாலைகளில் பயணிப்பது உங்களுக்கு உற்சாகமான ஓட்டுதல் அனுபவத்தை வழங்கும். ஆம், கோவாவின் பெரும்பாலான சாலைகள் குறுகலாக இருக்கும்.
அத்துடன் மலை தொடர்களிலும் நீங்கள் பயணிக்க வேண்டியதிருக்கும். அங்கு வளைவுகள் அதிகம் இருக்கும். அப்படிப்பட்ட சாலைகளில், கரைபுரண்டோடும் உற்சாகத்துடன் வாகனங்களை ஓட்டும்போது அதிக கவனம் அவசியம். இல்லாவிட்டால் நீங்கள் சாலை விபத்துக்களில் சிக்கி கொள்வதற்கான வாய்ப்புகள் மிகவும் அதிகம்.
வாடகை வாகனங்கள்:
கோவாவில் கார் மற்றும் டூவீலர் உள்ளிட்ட வாகனங்கள் மிக எளிதாக வாடகைக்கு கிடைக்கும். ஆனால் அந்த வாகனங்களில் பெரும்பாலானவை முறையாக பராமரிக்கப்படுவதில்லை என்ற குற்றச்சாட்டுக்கள் உள்ளன. அப்படிப்பட்ட வாகனங்களை கவனமாக ஓட்ட வேண்டும். ஆனால் போதிய அனுபவமும், பயிற்சியும் இல்லாமல் ஒரு சிலர் கோவாவில் வாகனங்களை ஓட்டுகின்றனர்.
அதாவது போக்குவரத்து நெரிசல் மிகுந்த நகர சாலைகளில் நீண்ட வருடமாக தொடர்ந்து கார்களை ஓட்டி விட்டு, கோவாவிற்கு வந்தவுடன் திடீரென இரு சக்கர வாகனங்களை ஓட்டுகின்றனர். போதாக்குறைக்கு வாகனங்களும் முறையான பராமரிப்பு இல்லாமல் இருப்பதால், அதுவும் விபத்திற்கு ஒரு காரணமாகி விடுகிறது. எனவே கவனமாக இருங்கள்.
உள்ளூர் மக்களுடன் போட்டி போடாதீர்கள்:
கோவாவை சேர்ந்த ஒருவர், உங்கள் வாகனத்தை ஓவர்டேக் செய்து சென்றால், உடனே அவரை முந்தி செல்ல வேண்டும் என்ற பந்தய மன நிலைக்கு செல்லாதீர்கள். அவர்கள் அங்கேயே வசிப்பவர்கள். அவர்களுக்கு உங்களை விட சாலைகளை பற்றி நன்றாக தெரியும். எனவேதான் அவர்களால் வேகமாக வாகனம் ஓட்ட முடிகிறது.
ஆனால் இதை உணராமல் உள்ளூர் மக்களுடன் ஒரு சில சுற்றுலா பயணிகள் பந்தயத்தில் ஈடுபடுகின்றனர். இது தவறானது. எப்போதும் மிதமான வேகத்தில் பயணம் செய்யுங்கள். அத்துடன் உங்களை விட வேகமாக செல்ல விரும்பும் வாகனங்களுக்கு ஒதுங்கி வழி விட்டு விடுங்கள். இதில் உள்ள ஆபத்துக்களை உணராவிட்டால், நீங்கள் விபத்துக்களில் சிக்குவதற்கான வாய்ப்புகள் மிகவும் அதிகம்.
மோசமான சாலைகளை பற்றி தெரிந்து கொள்ளாதது:
பொதுவாக கோவாவில் சாலைகள் நன்றாக பராமரிக்கப்படுகின்றன. ஆனால் நாட்டின் மற்ற பகுதிகளை போல், கோவாவின் ஒரு சில இடங்களிலும் மோசமான சாலைகள் இருக்கவே செய்கின்றன. சுற்றுலா பயணிகள் அப்படிப்பட்ட சாலைகளை அறிந்து கொள்ளாமல், குடிபோதையிலும், அதிவேகத்திலும் வாகனங்களை இயக்குகின்றனர்.
கோவாவில் ஒரு சில இடங்களில் மரக்கிளைகள் சாலையில் முறிந்து விழுந்து கிடப்பதற்கான வாய்ப்புகள் மிக அதிகம். ஆனால் குண்டும், குழிகளையும், விழுந்து கிடக்கும் மரக்கிளைகளின் மீதும் கவனம் செலுத்தாமல், குடிபோதையில், அதிவேகமாக பயணிப்பது ஆபத்தானது. இதை எல்லாம் மனதில் வைத்து கொண்டால், நீங்கள் விபத்தில் சிக்காமல் ஊர் திரும்பலாம். இதுகுறித்து கார்டாக் செய்தி வெளியிட்டுள்ளது.
-
ஓலா எலக்ட்ரிக் ஸ்கூட்டரை அப்படி யாருதாங்க வாங்குவது? சேல்ஸ் கூரையை பிச்சிக்கிட்டு கொட்டுது!!
-
31 கிமீ மைலேஜை வாரி வழங்கும் டொயோட்டா காரின் விலை இவ்ளோதானா! மாருதி கூட சேந்து பெரிய சம்பவத்த பண்ணீட்டாங்க!
-
ஷோரூம்களுக்கு வர தொடங்கிய கருப்பு அரக்கன்... கொம்பன் எறங்கீட்டான்னு கதறும் போட்டி நிறுவனங்கள்...