Just In
- 1 hr ago கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- 1 hr ago எவ்வளவு பெரிய கிரிக்கெட்டர், குழந்தை போல் ராயல் என்ஃபீல்டு பைக்கில் ரைடு!! ஓட்டி பார்த்த பின் அவர் சொன்னது...
- 3 hrs ago உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
- 3 hrs ago தேர்தல் வர நேரத்துல பிரம்மாஸ்திரத்தை கையில எடுத்துட்டாங்க! சுங்கசாவடிகளை தூக்க முடிவு பண்ணிட்டாங்க!
Don't Miss!
- News திருச்சி நபர் உள்பட 3 பேர் பலி! சென்னையை அதிரவைத்த கேளிக்கை விடுதி விபத்து! நடந்தது என்ன? பரபர தகவல்
- Lifestyle உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- Movies Cooku with comali 5: புது கோமாளிகளுடன் களமிறங்கும் குக் வித் கோமாளி 5 -ஆங்கர் ரக்ஷன் சம்பளம் இவ்வளவா
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
1,000 ரூபாய்க்குள் கிடைக்கும் கார் ஆக்ஸஸெரிகள்... இதோட ஸ்பெஷாலிட்டி தெரிஞ்சா உடனே வாங்கீருவீங்க...
1,000 ரூபாய்க்குள் கிடைக்கும் அட்டகாசமான கார் ஆக்ஸஸெரிகள் குறித்த தகவல்களை இந்த செய்தியில் பார்க்கலாம்.
நல்ல கார் ஆக்ஸெஸரிகள் இருந்தால், உங்களுக்கு அது பயனுள்ளதாக இருக்கும். ஆனால் ஆக்ஸஸெரிகளுக்கு செலவழிப்பதற்காக நம்மில் பலரிடம் பணம் இருப்பதில்லை. அதற்காக நீங்கள் கவலைப்பட வேண்டியது கிடையாது. ஏனெனில் ஒரு சில சிறப்பான கார் ஆக்ஸஸெரிகள், மார்க்கெட்டில் மிகவும் குறைவான விலையில் கிடைக்கின்றன.
அப்படிப்பட்ட ஆக்ஸஸெரிகள் பற்றிய தகவல்களை இந்த செய்தியில் தொகுத்து வழங்கியுள்ளோம். இங்கே வழங்கப்பட்டுள்ள ஆக்ஸஸெரிகள் 1,000 ரூபாய்க்கும் குறைவான விலையில் கிடைக்கின்றன. எனவே இந்த செய்தி உங்களுக்கு நிச்சயம் பயன் உள்ளதாக இருக்கும் என நம்புகிறோம். வாருங்கள், இனி செய்திக்குள் செல்வோம்.
எலெக்ட்ரிக் காபி மக் (Electric Coffee Mug)
நீண்ட நேரம் பயணம் செய்வது நமக்கு களைப்பை ஏற்படுத்தி விடும். அப்படிப்பட்ட சமயங்களில் எல்லாம், கொஞ்சம் காபி இருந்தால் பரவாயில்லையே என்று எண்ண தோன்றும். நீங்கள் அப்படிப்பட்டவர் என்றால், உங்களுக்காக மார்க்கெட்டில் போர்ட்டபிள் காபி மக் கிடைக்கிறது. இது காபியை சூடாக வைத்திருக்கும். தேவைப்பட்டால் சூடு செய்து கொள்ளவும் முடியும்.
இதற்கு நீங்கள் செய்ய வேண்டியது ஒன்று ஒன்றுதான். 12V சாக்கெட்டில் ப்ளக் செய்து விட்டு ஒரு சில நிமிடம் காத்திருந்தால் போதும். அதன்பின் டிராபிக் சிக்னலில் நீங்கள் சூடான காபியை நீங்கள் என்ஜாய் செய்யலாம். காபி பிரியர்களுக்கு இது நிச்சயம் பயனுள்ள ஆக்ஸஸெரியாக இருக்கும். இதுகுறித்து கார்டாக் செய்தி வெளியிட்டுள்ளது.
எல்இடி ஆம்பியண்ட் லைட்ஸ் (LED Ambient Lights)
எல்இடி ஆம்பியண்ட் லைட்கள், தற்போது அனைத்து கார்களிலும் தவறாமல் இடம்பெறும் ஒரு வசதியாக உருவெடுத்து வருகிறது. எனினும் ஒரு காரின் டாப் வேரியண்ட்களில் மட்டுமே இந்த வசதி கிடைக்கிறது. ஆம்பியண்ட் லைட்கள், கார் கேபினுக்கு உள்ளே மனநிலையை ரம்மியமாக மாற்றுகின்றன. அத்துடன் பிரீமியம் உணர்வையும் கொடுக்கின்றன.
சந்தையில் பல்வேறு வகையான எல்இடி ஆம்பியண்ட் லைட்கள் கிடைக்கின்றன. இவற்றின் விலை மிகவும் குறைவுதான். அதேசமயம் விலை உயர்ந்த எல்இடி ஆம்பியண்ட் லைட்கள் ரிமோட் கண்ட்ரோல் வசதியுடன் வருகின்றன. இதன் மூலம் கலர் மற்றும் பிரகாசத்தை மாற்ற முடியும். உங்கள் காருக்கு இது சிறப்பான ஆக்ஸஸெரியாக இருக்கும்.
பூட் ஆர்கனைசர் (Boot organiser)
அலுவலகம் செல்வதாக இருந்தாலும் அல்லது வெளியூர்களுக்கு செல்வதாக இருந்தாலும், காருக்கு உள்ளே நீண்ட நேரத்தை செலவழிக்க வேண்டியுள்ளது. அப்போது காருக்குள் சில பொருட்களை அங்கொன்றும் இங்கொன்றுமாக போட்டு விடுகிறோம். உங்களுடன் வருபவர்களுக்கு பின் இருக்கை காலியாக இருக்க வேண்டுமென்றால், நீங்கள் பூட் ஆர்கனைசரை வாங்குவது சிறந்தது.
உங்கள் காரின் பூட் பகுதியில், நொறுக்கு தீனிகள், அத்தியாவசிய பொருட்கள் மற்றும் இதர முக்கியமான பொருட்களை நேர்த்தியாக வைத்து கொள்ள உதவும் வகையில், தனித்தனியாக பிரிக்கப்பட்ட பெரிய கம்பார்ட்மெண்ட்களை இந்த பூட் ஆர்கனைசர்கள் கொண்டிருக்கும். இந்த பூட் ஆர்கனைசர்களும் மார்க்கெட்டில் குறைவான விலையில் கிடைக்கிறது.
கார் சீட் ஆர்கனைசர் (Car Seat Organiser)
காரில் நாம் பல பொருட்களை எடுத்து செல்வோம். சில சமயங்களில் செல்போன் போன்ற விலை உயர்ந்த பொருட்களை இருக்கையின் மேலே வைத்து விடுவோம். அப்போது செல்போன் கீழே விழுந்து சேதம் அடைவதற்கான வாய்ப்புகள் உள்ளன. இந்த பிரச்னைகள் அனைத்திற்கும் கார் சீட் ஆர்கனைசர் அருமையான தீர்வாக இருக்கும்.
காரின் முன் இருக்கையின் பின் பகுதியில், இந்த சீட் ஆர்கனைசரை பொருத்தி கொள்ள முடியும். இதில் உள்ள பாக்கெட்கள், உங்கள் செல்போன், டேப்லெட், தண்ணீர் பாட்டில்கள், ஆவணங்கள் மற்றும் இதர முக்கியமான பொருட்களை பாதுகாப்பாக வைத்து கொள்வதற்கு உதவி செய்யும். கார் சீட் ஆர்கனைசரும் குறைவான விலையில் மார்க்கெட்டில் கிடைக்கிறது.
வாக்கம் க்ளீனர் (Vacuum Cleaner)
காரின் கேபின் எப்போதும் மிகவும் சுத்தமாக இருப்பதையே அனைவரும் விரும்புவோம். ஆனால் என்னதான் முயற்சி செய்தாலும், ஒரு சில இடங்களை உங்களால் சுத்தம் செய்ய முடியாது. இதுபோன்ற சூழ்நிலைகளில், போர்ட்டபிள் வாக்கம் க்ளீனர் உதவிகரமாக இருக்கும். சந்தையில் குறைவான விலையில் கிடைக்கும் எலெக்ட்ரிக் வாக்கம் க்ளீனர்கள், கேபினை சுத்தமாக வைத்திருப்பதில் முக்கிய பங்காற்றுகின்றன.
-
ரோபோ சங்கர் மகள் திருமணத்திற்கு சீதனமா இந்த காரை கொடுத்தாரா? இதோட விலை என்ன தெரியுமா?
-
சீன நிறுவனம் காரையே புளிப்பு மிட்டாய் கணக்கா உற்பத்தி பண்ணிட்டு இருக்கா.. நம்பவே முடியல 7 மில்லியனை தொட்ருச்சு
-
குடிநீரில் கழுவினால் அபராதம்! பெங்களூர் கார் ஓனர்கள் கையில் எடுத்த புதிய ட்ரிக்! இது நமக்கு தெரியாம போச்சே!