270 கிமீ வேகத்தில் பறந்த கார்: உயிரை கையில் பிடித்து பயணித்த ஃபேஸ்புக் நிறுவனர்!

காற்றை விட வேகமாய், சீறிப் பாய்ந்து வரும் கார்களை பந்தய மைதானத்தில் பார்க்கும் போது த்ரில்லிங்காகவும் உற்சாகமான அனுபவமாகவும் இருக்கும்.

இத்தகைய அனுபவம் தனக்கும் கிட்ட வேண்டும் என மோட்டார் பந்தயம் மீது அதீத மோகம் கொண்டுள்ள ஃபேஸ்புக் நிறுவனம் மார்க் ஸக்கர்பெர்க்கும் ஆசைப்பட்டுள்ளார்.

இதனை பூர்த்தி செய்ய அமெரிக்காவின் நார்த் கரோலினா மாகாணத்தில் உள்ள உலகப் புகழ்பெற்ற சார்லோட் மோட்டார் ஸ்பீடுவே பந்தய ட்ராக்குக்கு சென்றுள்ளார். அங்கு 'நாஸ்கார்' பந்தயத் தொடரின் வெற்றிகரமான டிரைவர்களில் ஒருவரான Dale Earnhardt Jr-உடன் ஒரு ரேஸ் காரில் மைதானத்தை ஒரு முறை வலம்வர தீர்மானித்தார்.

பந்தய வீரர் ஒருவரின் வேகத்தை அருகில் இருந்து அனுபவிப்பது என்பது பலரும் நினைத்துபார்க்காத ஒன்று. சாதாரணமாக கிளம்பிய அக்கார் பின்னர் பட்டையை கிளப்பும் பேகம் எடுத்தது. கிட்டத்தட்ட 270 கிமீ வேகத்தில் சென்று மார்கை அந்த டிரைவர் கலங்கடித்துள்ளார்.
இதனை தனது பேஸ்புக் பக்கத்தில் நேரலையும் செய்துள்ளார்.

இந்த சிறப்பான அனுவபவத்தை பெற்ற மார்க் பின்னர், அவராகவே காரை இயக்கி மைதானத்தை ஒரு முறை வலம் வந்தார். இந்த அனுபவம் குறித்து மார்க் ஸக்கர்பெர்க் கூறுகையில், "இப்படி ஒரு சிறப்பான அனுபவம், நினைத்து பார்க்க முடியாத ஒன்று" என கூறினார்.

பந்தய திடலில் மார்க் ஸக்கர்பெர்க் பெற்ற அனுபவத்தை நீங்களும் பாருங்களேன்:

• இந்திய இரயில்களில் ஆடம்பரமாக பயணிக்க தயாராகுங்கள்
• 2ஆம் உலகப் போரில் பயன்படுத்தப்பட்ட ஆஃப் ரோடிங் பைக் இதுதான்
• அடுத்த தலைமுறைக்கான ஹெலிகாப்டரை அறிமுகம் செய்தது பெல்
• ரூ.40 க்கு பதிலாக 4 லட்சத்தை ஸ்வைப் செய்த சுங்கச்சாவடி ஊழியர்!