Just In
- 37 min ago ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா?
- 59 min ago டாடாவுக்கு நெருக்கடி கொடுக்க அவசரம் காட்டும் வின்ஃபாஸ்ட்.. தூத்துக்குடில உற்பத்திக்கான பணிகள் தீவிரம்!
- 1 hr ago இந்த 3 கார்களை தான் மக்கள் மாத்தி, மாத்தி வாங்குறாங்க!! டாடா லிஸ்ட்டிலேயே இல்ல...
- 2 hrs ago ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி
Don't Miss!
- Finance மிரட்டும் குஜராத், அசராத வளர்ச்சியில் தமிழ்நாடு..!
- Lifestyle பளபளப்பான முகத்திற்கு தயிர்-எலுமிச்சை ஃபேஸ் பேக்கை ட்ரை பண்ணுங்க..!
- Technology சாதா ஹெல்மெட் தூக்கி போடுவாங்க.. வந்தாச்சு ஏசி ஹெல்மெட்.. சில்லுனு காத்து.. இனி வெயிலை சமாளிக்க முடியும்..
- News நாளை முதல் கட்ட லோக்சபா தேர்தல்:102 தொகுதிகளில் 2019-ல் எத்தனை சதவீதம் வாக்குகள் பதிவு? முழு விவரம்!
- Sports தோனியை சமாதானப்படுத்த முடியாது.. அந்த விஷயத்திற்கு ரிஷப் பண்ட் தான் சரி.. ரோகித் சர்மா கலகல!
- Movies சர்வதேச திரைப்பட விழாவில் வடக்கன்.. படக்குழுவினர் உச்சக்கட்ட மகிழ்ச்சி.. குவியும் பாராட்டு
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
தேர்தல் களத்தை சூடாக்கிய நடிகர் விஜயின் கருப்பு - சிவப்பு சைக்கிள்... விலை எவ்வளவு தெரியுமா?
சட்டசபை தேர்தலில் நடிகர் விஜய் சைக்கிளில் ஓட்டு போட வந்ததுதான் தமிழகத்தின் இன்றைய ஹாட் டாபிக்காக மாறி இருக்கிறது. கோடீஸ்வர கார்களை பலவற்றை வீட்டில் வைத்துக் கொண்டு திடீரென சைக்கிளில் புறப்பட்டு வந்தது எல்லோரையும் வியக்க வைத்தது.
சென்னை நீலாங்கரையில் உள்ள நடிகர் விஜயின் மாளிகை போன்ற வீட்டின் மிகப்பெரிய கேட்டை பணியாளர் முழு பலத்தையும் கொண்டு திறக்கிறார். அடுத்த வினாடி, கருப்பு - சிவப்பு சைக்கிளில் சீறிப் பாய்ந்து வீட்டிலிருந்து சைக்கிளை ஓட்டியபடி வெளியே வருகிறார் விஜய். இன்று காலையில் வெளியான இதுதொடர்பான வீடியோ சமூக வலைதளங்களையும், அரசியல் களத்தையும் சூடாக்கி உள்ளது.
அதுவும் சினிமாவில் பார்க்கும் அதே துறுதுறுப்புடன் அதிவேகத்தில் சைக்கிளில் வாக்குச் சாவடி நோக்கி பறக்கிறார். இந்த காட்சிகளை படம்பிடித்த சில ரசிகர்கள் இணையதளத்தில் பகிர்ந்து வைரலாக்கி உள்ளனர்.
இதனிடையே, ரோல்ஸ்ராய்ஸ் கோஸ்ட், பிஎம்டபிள்யூ எக்ஸ்5 என பல கோடீஸ்வர கார்களை வைத்திருக்கும் நடிகர் விஜய், சைக்கிளில் வந்தது பெரும் பரபரப்பை ஏற்படுத்தியது. அதுவும் அவர் ஓட்டி வந்த சைக்கிளின் வண்ணம் கருப்பு - சிவப்பு என்பதால், ஓட்டுபோடுவதற்கு குறிப்பிட்ட கட்சியை மறைமுகமாக அவர் கை காட்டியதாகவும், பெட்ரோல், டீசல் விலை உயர்வை கண்டிக்கும் வகையில் காரை தவிர்த்து சைக்கிளில் வந்ததாக சமூக வலைதளங்களில் கருத்துக்களை தெறிக்கவிட்டு வருகின்றனர்.
இந்த நிலையில், பல கோடி மதிப்புடைய கார்களை வைத்திருக்கும் நடிகர் விஜய் ஓட்டி வந்தது மான்ட்ரா பிராண்டின் சைக்கிள்தான். 2019ம் ஆண்டு மான்ட்ரா நிறுவனம் வெளியிட்ட மெட்டல் என்ற மாடலையே நடிகர் விஜய் பயன்படுத்துகிறார்.
பெர்ஃபார்மென்ஸ் வகை சைக்கிள் மாடல்களை தயாரிக்கும் மான்ட்ரா நிறுவனத்தின் பிரபலமான தயாரிப்புகளில் இந்த மெட்டல் மாடலும் ஒன்று. இந்த சைக்கில் 16 கிலோ மட்டுமே எடை கொண்டது. எனவே, ஸ்லிம்மாக இருக்கும் விஜய்க்கு இந்த சைக்கிளின் எளிதான கையாளுமை மிகவும் பிடித்தமானதாக மாறி இருக்கிறது.
மேலும், அவரது சைக்கிள் கார்பன் பிளாக் மற்றும் நியான் ரெட் என இரட்டை வண்ணக் கலவை கொடுக்கப்பட்டுள்ளது. மேட் ஃபினிஷ் செய்யப்பட்ட இந்த வண்ணத் தேர்வு வாடிக்கையாளர்களை பார்த்தவுடனே காதல் கொள்ள செய்கிறது.
இந்த சைக்கிளை வேகமாக ஓட்டுவதற்கு இதன் கியர் அமைப்பும் காரணம். இந்த சைக்கிளில் 24 ஸ்பீடு கியர் அமைப்பு கொடுக்கப்பட்டு இருக்கிறது. மேலும், எளிதாக கியர் மாற்றும் வகையில் வடிவமைக்கப்பட்டுள்ளது.
லோகன் நிறுவனத்திடம் இருந்து சப்ளை பெறப்படும் மெக்கானிக்கல் டிஸ்க் பிரேக்குகள் கொடுக்கப்பட்டுள்ளன. சாதாரண சாலைகள் மட்டுமின்றி, மழை நேரத்திலும், தண்ணீர் படர்ந்த நிலப்பரப்பிலும் சிறப்பான நிறுத்துதல் திறனை இந்த பிரேக் சிஸ்டம் வழங்கும்.
இந்த பைக்கில் எக்ஸ்எம்ஆர் அலாய் ஹேண்டில்பார் சைக்கிளை ஓட்டுபவருக்கு சிறப்பான ஓட்டுதல் அனுபவத்தையும், கட்டுப்படுத்தும் திறனையும் வழங்குகிறது. இதன் கென்டா 29 * 2.1 அங்குல அளவுடைய எம்டிபி டயர்கள் கரடுமுரடான சாலைகளையும் எளிதாக எதிர்கொள்ள பயன்படுகிறது.
மவுன்டெயின் பைக் என்ற ரகத்தில் குறிப்பிடப்படும் இந்த மான்ட்ரா மெட்டல் 29 சைக்கிள் மாடலானது ரூ.22.500 விலையில் கிடைத்தது. பல கோடி மதிப்புடைய கார்களை வைத்திருக்கும் நடிகர் விஜய் சைக்கிளில் ஓட்டுப் போட வந்து குறித்து பல்வேறு கருத்துக்கள் சமூக வலைத்தளங்களில் வெளியானது.
இதையடுத்து, அவரது பிஆர்ஓ ரியாஸ் விளக்கம் கொடுத்துள்ளார். அதில், வீட்டின் மிக அருகிலேயே வாக்குச் சாவடி இருந்ததாலும், நெருக்கடியான சாலையில் இருந்ததால், அந்த இடத்தில் காரை கொண்டு செல்ல முடியாது என்ற காரணத்தால்தான் சைக்கிளில் நடிகர் விஜய் ஓட்டுப் போட வந்ததாக அவர் விளக்கம் அளித்துள்ளார்.
-
ஓலா, உபேர் கட்டணம் தரைமட்டத்துக்கு குறைய போகுது! டிரைவர்களுக்கு அடித்தது ஜாக்பாட்!
-
குடும்பத்தோட போக பஸ்ல டிக்கெட்டை தேடி அலைய வேண்டியதில்ல!.. 9பேர் போற மாதிரியான கார் விற்பனைக்கு அறிமுகம்!!
-
73 வயதில் நம்மால் எழுந்து நிற்க முடியுமானு கூட தெரியல!! இந்த பாட்டிக்கு வயசு வெறும் நம்பர் தான்!